Teppanyaki De Labra (Santana d'Abuli - Uvieu)

Cuando sonse 9 y hai dalgo que celebrar suelen ocurrise idees pa tolos gustos. Nesti casu les femines de la empresa llevaronnos en volandes al De Labra, pero non a xintar nel restaurante, sinon a facelo na unica mesa de Tepayyanki que tienen, que resulto ser la cuenta pal numberu de persones. A mi estes esperiencies prestenme abondo y teo de dicir que nunca tuviere n'un Tepyyanki de calida (El Fujiyama y toos estos son mas de batallon), asina qu'a mi personalmente nun yos-foi percomplicao convenceme (mas difil lo punxo'l xefe).

Llegaos en plenu martes a De Labra solo habia dos meses pa xintar (de les normales) y nosotros nel Tepayyanki. Lo primero, la presentacion de la cocinera (Bea) qu'aguanto con perbon humor les babayaes que se soltaron n'aquella mesa (¡ye que nun se mos puede sacar de casa!). Yo, pa por si acasu, coloqueme al llau contrariu de los cuchiello, nun fuera ser, y cerquina del sitiu onde taba tola comida que dibemos xintar entovia ensin pasar pela plancha.



Llegaos a esti puntu, los palillos al poder cola pertinente esplicacion y los consiguientes comentarios tipu como: "en L.luarca siempre usemos tenedor y cuchiellu, cogon ros". Resulto que'l usu de palillos nun foi pa tanto, solo al xefe tuvieron-y que dar unos palillos ataos con una gomina. La mio teunica nun ta mui depurada, pero ye "funcional".



Entamamos el menu cola "tempura de llangostinos con guacamole de wasabi"





Tres llangostos ricos muy poco pasaos, cola tempura mui finina y bien llograda y una especie de salsa embaxu que tenia ciertu tastu a mostaza sele y casi na picante. Lo que consiguen con esti guacamole de wasabi ya sacar el tastu y dexar el picanta alla nel fondu, lloñe, mui lloñe. Rica combinacion y mui prestosa pa entamar.

Agora pasemos al teppanyaki propiamente dichu. El primer platu de plancha foi la "ensalada de calamar, salmon y monstaza xaponesa" que tres d'un breve pasu pela plancha (tan breve que dos o tres quixeron que pasare un poco mas- miediques-)



llegonos esti platin bien prestosu.



Lo dicho, ensin munchos misterios, trozos mui cortaos de salmaon y calamar, mui frescos, poco pasaos, llechuga y una salsina de mostaza xaponesa que ye como una salsa de mayonesa con tastu a mostaza persele. Otru platu interesante.

Pasemos al siguiente, "pexe del dia (pixin nel nuesu casu) con pastel de mariscu y salsa Nanban".



Como siempre, un llombin de pexe frescu, bien poco pasau pela plancha. La salsa nanban esa yera una salsa fecha con soya que venia aparte y que resulto abondo rica aunque de dificil descripcion el tastu que dexaba. Perriba del pexe venien unos trozos perfinos, asina como escames, que yeren d'atun afumau mui ricos. Los dos cachinos de pastel de mariscu, si me dicen que son de verdures, de güe o de cualisquier otra cosa, creomelo porque nun me tastiaben a na. Otra caxigalina prestosa.

De los mas rico que paso pela mesa foi el siguiente platu, "rollos de llombu de venau con salsa yakiniku". Prestosu ver como se facien los llombos cola verdura na plancha y a Bea manexar el cuhiellu con una mano y cortalos ensin apoyu (coño como corten esos cuchiellos deben ser de los de la teletienda que corten canalones). Carne nel so puntin y platu prestosu. La salsa Yaki-Nuka esa non m'alcuerdo que yera. Si m'alcuerdo d'unes especies picadines que nos traxeron pa cha-y perriba a los dos platos siguientes por si queriemos que picasen. Eso prestome.




Mas platinos, "arroz con pitu marinao, verdures y soya".



L'otru platu estrella del dia, dempues del venau. Un arroz nel so puntu previamente precocianau pa pasar lo cabero pela planchina, con pitu marinau pasadin un plizcu, pimientinos y cebolla. De nuevu les especies picantes perhi por si queries chales. Bien amestau de tastos facien un conxuntu intersante de xintar.

Lo ultimo y escaecible del too foi la "sopa miso" qu'en vez de ser un bon final foi un desastre. Un sopa insulsa, con nun se que d'atun qu'habi que revolver y unes setes que nun tastiaben a na. Ensin quitar el mal detalle de danosla n'un cuencu de plasticu. Digo yo que pa una mesa de 9-10 perones bien podien allegase al Ikea por unos cuencos normales polo menos. Mal final para una bona xinta.



De compaña de bebides hubo vino de Castiella y Lleon blanco pero con nome y xapones y d'enologa del mesmu pais, parez ser (Oroya). Vinu fresquin, normal. Yo ya lu conocia y nun lu tome, preferi tomar un par de cerveces Asahi. Cerveza sele del tipu lager rubia qu'entraba perbien.

Hubo dellos postres pola mesa que yo sustitui por un Moscatel avieyau, varios chupitos y cafes. De los postres especial atencion a les llarimes de te verde o dalgo asina, nun lu prebe pero tenia una pinta de ser pa llambiones tremenda.

En resumen, home, palo que xintemos paezme un poco caro ya que salio por 40 € /persona mas bebides, asina que calculai cerca de los 50€. De toes formes equi valen toles marques de tickets restaurante qu'hai y qu'hai que los gastar d'añu'n añu, asina que si teneis d'ellos aprovechai pa venir en pandilla que pases un ratu mui entreteniu.

Puerta del Carmen (Granada - Andalucia)

Salir per Granada ye como facelo per Lleon o per Xixon. Vamos, que tomes tres cañes y tas fartu pinchos. Dau l'estau "cañeru" dempues de pasar pela plaza de Santu Domingu y otros llugares de Granada en plan cerveceru solitariu, al final de la tarde solo me quedaben fuercies pa dir picar dalgo. Un gran sitiu pa facer esto, o xintar mas en seriu, ye'l Puerta del Carmen, en plenu centru de la ciuda. Esti sitiu, que ya tenia controlau de visites anteriores gracies a los anfitriones, llamome de pasu al hotel con unes mesines fuera y una temperatura estupenda pa tar en meta de marzu.

Per dientru, una barra grande y un decorau mas asemeyau a una cervercia del sieglu XIX pero coles cañes de Cruzcampu a la temperatura perfeuta de serviciu. Paradina obligada, ensin dulda pa finar la tarde-nueche tranquilu. Xinte fuera, onde tienen unes meses cuidaes de maera y unes sombrilles qu'a les 22:00 ya nun facien falta. Serviciu impecable y profesional qu'entruga primeru si quies cenar o solo "cañear". sin contestes "la uno" (como nos tests) van traete unos entamos d'aceitunes y pataquines de bolsa con una varieda de panes que diba dende'l pan normal a los picos con tastos diversos y la obligada caña (pa nun camudar el palu, nun fuera que nun garrase el avion del dia siguiente).

Media cañuca dempues de pedir llega'l primeru. Media racion de mojama d'atun (por eso del sur) que vien acompañau d'unes almendrines y moyau n'un plizcu d'aceite d'oliva virxen (semeya un). Estupenda "media racion" de tamañu con una mojama abondo rico de tastu y lo xusto de salada (hai vegaes que paez que tomes sal con atun). Prestome, asina que a la otra cañina y a pol segundu.

Calor y sur, toca ensalada d'atun colorao (semeya dos). Bona racion con abundantes cachos d'atun semi-crudu que deben tener en dalgun tipu de conserva, pero que taba realmente bono. Llechuga y demas verdes salteaos con piñones y grandina (nun podia ser menos, digo yo) y un aliñu perbono que tiraba a dulce (nun se que yera).

Un pica-pica tirando a cena que salio por 38€ y que merecio la pena. Un bon sitiu en meta de Granada pa facer una paradina.

Hotel Altamira ( Santiyana del Mar - Cantabria)

A vueltes col repasu del viaxe pela Meredia Santiyanera teo de volver a deteneme n'otru sitiu abondo interesante. Como ya vos comente, nun ye que Santiyana tea nel top 10 de la gastronomia española, pero pue xintase bien en dellos sitios. N'esti casu falamos del Hotel Altamira que debe ser un clasicu del pueblin. Ye clasicu tamien polos platos qu'ofrez y la manera de preparalos, eso si, xintemos estupendamente.

De primeru pa compartir alcontreme cola alcordanza de la xuventu (eh, eh, que nun soi tan mayor!!) unos cascoxinos que taben pa llamber el platu. Alcuerdome de nenu cuando diba con una vecina del pueblu a por cascoxos a los praos dempues de que lloviere y volviemos a la so casa con unes cacaes d'esos cascoxinos tan tipicos de rayes marrones escures, metelos en serrin y entrugar varies vegaes que cuando podiemos xintalos, "en unos dies" yera la respuesta de siempre. Pues eso, alcontreme sinon cola mesma receta, una per paecia, mesmos cascoxos (y nun paecien de caseria porque la vegada que los prebe tenien un tastu munchu mas sele qu'estos) y un tastu estupendu. Salsina con cebollina, tomate y pimientos, guisadinos y uhmmm, esi tastu fuerte entrando pela boca. Una bona racion que prestome munchu (semeya un) y reconozco que casi los xinte toos yo :-)

De segundu siguimos con dos platinos clasicos pela mio parte un gochin abondo bien preaprau con unes pataquines a la panadera fritines. El gochin tostadin per fuera, sele de tastu y tienru, mui castellanu, por definilu d'alguna manera. Solo sal y agua, nun tenia mas na preparacion y bon productu. Otra racion considerable y bien prestosa (semeya 2).

Pela otra parte de la mesa l'escoyiu foi un xargu, recomendau pela camarera fuera de carta como un "h.argo" recien pescadin (pa que dempues digan de la llingua). Mediu xargu preparau al llombu con aceite y un plizcu d'ayu (ensin pasase) con un par d'amasueles y gambes pa presentar. Ricu y frequin, de nuevo bon prodcutu y prestosu. Una racion mas piquiñina que les anteriores, pero mas que suficiente (semeya 3).

La compaña fiximosla con un Sierra Cantabria cr 2006 (nun vos espereis una carta de vinos amplia y innovadora) que ye un vinin que me presta munchu y amas, anque nun seya la "tierruca" eso de "Cantabria" paez que s'imponia :-)

Un par de cafes con xelu y 37€ per cabeza que mas nos presto pagar colos tickets restaurant (si, si sorpresa, almitenlos).

Bon sitiu pa cenar si tais hospedaos en Santiyana.

Parador Gil Blas (Santiyana del Mar - Cantabria)

N'esi fin de selmana d'esfrute gastronomicu n'esta zona tan, podiemos llamala con tou'l cariñu del mundiu Astur-Cantabra, y enantes de finar nel Annua, recibionos colos brazos abiertos la so capital, Santiyana del Mar. Escontra del "saber" popular nun ye la de les tres mentires. Solo una, que nun tien mar, porque Santa tien - Iyana- que dexa la otra mentira pa prau, ya que "Llana" ye'l tipicu estrozu toponimicu al que los asturianos tamos tan avezaos (y ya valio d'entamu cutural).

Magnifica Villa na que presta pasear en epoques como febreru, ensin turistes y qu'anque nun destaque nel top 10 culinariu español, si que tien dos sitios de los que merez la pena falar, polo menos pa mi, el Parador y'l Hotel Altamira (pa otru post).

Voi diciendo de manu que nel Parador nun puedo falar de precios, ta claro que nun foi la fama de bloguer, pero convidaronnos a la cena, asina que nun pueo falar de RCPs nin na que se paezca, solo de la xinta y eso ye lo meyor.

Dempues de pedir, sorprendennos nel Parador con un entamu de la casa (pa ca un!) que pudiere ser un primeru tranquilamente, dempues d'esto ya nos sobraba la ensalada (semaya un). Esta costume de los paradores gustame, dempues de la cigala de Monforte de Lemos llega esti platu con un caldin de cocidu, un par de llangostinos rebozaos mui ricos, quesu de la zona, un par de pimientos con brick (o como s'escriba) d'eso y un plizcu de verde. Todo rico, na espectacular, pero un bon comienzu.

Pasemos dempues al platu de compartir, ensalada de bonitu (semaya dos). Una ensaladina na que destacaben les conserves, tanto la ventrisca de bonitu como les anchoes de Santoña que y-daben un gran toque al restu, que yera lo esperable, una bona "Florette" con aceitunes verdes y prietes. Fresco pa entamar y camudar el tastu del entamu y una bona racion. Prestosa.

De segundos vinieron les difierencies de peticion, la muyer dio-y al Rodaballu por conseyu del Direutor y yo di-y al "Jarrete" de xatu. El rodaballu taba perbonu (semeya tres) preparadin a la espalda solo con un plizcu d'aceite y un poco de cebollino y perrexil. Estupenda racion bien prestosa y bien preparao.

La preparacion del "jarrete" yera guisao (semeya 4). Perbonu, unes pataquines cocies, unos pimientinos de Padron y una carne estupendo bien guisao. Buf, pa fartase. Perdonai el mio desconocimientu tanto del castellan como del asturianu porque tuve qu'entrugar que parte del bichu yera'l jarrete (la parte alta de la pata) y creo que lo mas aprosimao ye llamalo corveyon, pero nun exacto, que'l corveyon ye'l xuegu de la pata y esto ye de la pata pa riba.

De compaña un Matarromera 2007 Cr. La carta de vinos resultome clasica (normal pa un Parador) pero nun tenie munches entrades. Quedemos con esti vinin que perdio abondo dende que lu conoci, pero qu'entovia da munchu xuegu en nueches como esta. Un par de cafes con xelu y pala camina.

Si pasais per Santiyana ye una bona opcion parar equi, eso si, mirai el preciu, nun vaya ser.

La Lonja de Pozuelo (Pozuelu d'Alarcon - Madrid)

Les caleyes del trabayu son inescucatible y mira per onde llevaronem a Pozuelo d'Alarcon. Tendre que venir mas vegaes asina que ya tais tardando en dame referencies.

Lo dicho, una vegada'n Pozuelo (un, por nun dicir el mas, pih.u de tola Comunidad madrilana) llevaronme hasta esti asador/parrilla con la fama de ser el meyor del pueblu. Dientro, estilu clasicu castellan, sobriu, llampares grandes, meses y silles cuadraes de maera con una parrilla dominandolo too dende'l centru del llocal (curioso la colocacion de la parrilla que tenia meses casi pelos cuatro costaos). Na mesa unos ombrinos enteros en vinagre y unes aceitunes pa picar. Sitiu nel que yo nun coincidi con dengunu, pero que paez enllenase de peloteros millonarios de la zona (los del futbol y los de los pelotazos mercantiles).

Disponiame col señoriu propiu del chigre a facer una comanda digna de Carlos V (pol acido uricu y la gota, vamos) a base de carnona cuando'l partener comento eso de: "equi pexe". "Coño, que raro", pense, ya se qu'en Madrid el pexe ye bono, pero n'esti sitiu. En fin, si el d'equi diz que pexe, pexe, nun vamos discutir.

Pa compartir llego'l pulpu a la parrilla (semeya un). Cuatro bonos cachos de tentaculos de pulpin frescu y nel so puntu de preparacion. Comentabenme que les cantidaes nun yeren mui alla nel sitiu, pero la de pulpu tiraba a grande. Rico, anque ya lo prebe igual o mas rico en parrilles normales equi n'Asturies.

De segundu, l'acompañante pidio merluza aparrillada, que nun prebe anque nun tenia mala pinta. Eso si, n'esi platu ya vi yo lo de les cantidades, escasu, pero bien escasu.

Yo tireme pol tataki de atun colorao en salsa de soya (ye que'l bon atun ye una debilida pa mi) que veis na semeya dos. El trozu d'atun yera contundente, frescu y bien preparau (mas fechu perriba y casi crudu lo de dientru) la verda qu'entraba solu. A mou de decoracion nel platu habia un pimientu asao colorao y una vinagreta de fabes fries (nun ye que-y pegase al platu, pero claro, vi que la ponien pa munchos platos, na merluza tamien taba). Tou diba bien los dos primeros bocaos, pero hai amigu, ¿quien foi'l gallu que se-y ocurrio que la soya tien que tar per tola base del platu?. La soya tien que ser poca porque esto, amas, nun yera "salsa de", yera'l bote de Kikoman enteru. Nun habia manera de desfacese d'ella nel platu y termino siendo cansinu (pena d'atun).

A la bebida un Fefiñanes 2009 D.O Albariño que me paecio adecuau y ensin maravillame, gustome. Un postre, dos cafes con xelu y menos mal que nun pague yo, sera que nun soi fubolista pero vi la cuenta de refilon y ponia 108 €...54 € cabeza paezme un preciu caru palo xintao, anque temos en Madrid. Bono, igual en Pozuelu ye lo que s'estila, esto de ser de provincies ye lo que tien qu'hai coses que nun me cuadren.

En resumen, lluces y solombres, pero si teo de pagalo yo, caro. Asina que ya me podeis dar mas referencies :-).

Annua (San Vicente de la Barquera - Cantabria)

Na antigua Merinda de Les Asturies de Santiyana ta esti pueblin perfeutamente conociu por toos, primeru porque ye perguapu y segundu polos magnificos atascos que nos ofrecia de camin a Santander cuando la Nacional yera la unica forma de llegar elli.

Agora mesmo ye una delicia desviase a San Vicente, dase una vuelta peles cais estreches, los famosos soportales, ver el castiellu, la ilesia...o aprovechar un bon dia pa sentase a tomar un vinin (o una sidre) mirando pa la ria (semeya de riba).

A partir de agora pa mi tamien hai un motivu mas de visita y ye dir al Annua ca vegada que camuden la carta. Facia munchu, pero munchu tiempu que nun esfrutaba asina d'un sitiu de cocina moderna (ya veis que nun faigo mas que dir a lo clasico) pa ser esactos, dende la cabera vegada que fui al Corral en Les Arriondes.



Pa entamar teo de falar del chigre. Situau na boca la ria a la altura del faru dominando San Vicente y cola playa Meron enfrente tenemos un sitiu espectacular, de los que ya solo por tar merez la pena pagar. Terracina esterior con sitiu "chill-out" encima de la mar nel que n'una nuechi fria d'iviernu (dempues d'un dia de sol perguapu) pues tar tomando un vinin sentau bien agusutu n'un sofa. Mentantu, pues esperar pa entrar cenar gracies a la tipica estufina de butanu (Podeis ver semeyes mas guapes na so paxina güeb y de dia).



Pasemos al comedor, piquiñin (unes 8-9 meses) y modernu, tamien con vistes a la mar, pa'l que tien suerte de ponese n'esi sentiu (como soi un cabelleru :-), punxeme mirando pa la puerta de la cocina) anque una vegada entamen a servite lo que quies ye mirar pa los platinos. Atencion profesional que nun t'agobia y que t'esplica cada platu (hai tres persones nel comedor, mas que suficiente y eso que'l chigre taba llenu).

Solo dos menus degustacion, el "Gastronomicu" y'l "Experience". Un d'una duracion d'hora y media y l'otru d'unes dos hores. Los dos colos mesmos vinos a escoyer, anque tienen mas opciones na carta y na bodega por si dengun te convez. Como la diferencia del primeru al segundu yeren el numberu de platos (el primeru tien mas cantida y'l segundu mas varieda) xintemos el segundu. Yo escoyeria'l cava, pero como la mio muyer nun-y presten munchu tiremos del blancu Verdejo de Oter de Cillas (bien, pa tola xinta), un Verdejo frescu y afayaizu'n boca.





Ya sabeis que yo nun soi de los que pon notes de tastu a los platos, soi un tipu cenciellu, asina qu'escontra los nomes llargos de les coses yo voi ser curtiu nes descripciones y usare de les mio pallabres pa esplicalos.

Los tres primeros "platos" (mas bien bocaos), lleguen del tiron enantes de decidite pol menu y a mou d'entamu. Pa ellos traenti una cervecina Estrella Damm Inedit servida en copes de vinin blancu. Una rubia del tipu de caña (Lager) rica, de burbuxa fina y prestosa'n boca, pero ye que yo soi de cerveces mas fuertes y preferiblemente de cebada 100%, claro que les mies nun maridarien colos platos que fueron(agora voi colos nomes curtios) "chupa-chups de frambuesa y fua-gras (2011)", "piedres de quesu pasiegu y polvu de setes (2011)" y "oreos de coliflor y trompetes de la muerte (2010)". Los chupa-chups perbonos, esi amestu ente un plizcu de dulzor de la frambues y un bon fua-gras qu'apetecia xintar mas. Otru tastu intensu y ricu el de les piedres de quesu pasiegu, cremosu per dientro y un plizcu duru perfuera, el polvu de setes dexaba un regustu na boca. Estes dos caxigalines realmente riques. Les oreos, reconociendo que debe ser fastidiao faceles (lo prieto yeren les setes y lo de la meta, la coliflor) fueron menos bones (que nun males). Tenien testura de galleta y tastu a setes, pero la coliflor nun la apreciemos. Prestoses pola noveda.



Digamos que namas entamar queries seguir, prestarente mas o menos los platos nun apaetecia mas que seguir esfrutando de les novedaes en boca, amas que'l 98% de los platos taben coyonudos. Seguimos con mas caxigalines y agora, ya si, cola compaña del vinin. "Espuma de pataca, trufa blanca y llangostinu (2008)". Buf, rico, prestosa espumina de pataca qu'endolcaba un llangostin frescu, amas de cruxentes de llangostin per riba. Prestome asgaya. Una vegada mas el nuestru tastu nun llego a la trufa mas alla de golifala y ciertu regustu (igual yera la idea).



Agora llegamos al platu "estrella"de la casa que, curiosamente, foi'l que menos nos gusto, la "Ostra Coco (2011)". Esti platu nun te lu espliquen de la que llega, sinon dempues de xintalu (y fain bien). Les ostres cultivenles en San Vicente y depurenles nel propiu restaurante. Ostra como la d'Arcachon (palos qu'entiendan). Al casu, cola esplicacion posterior, fusion de tres "paisos" en un, y claro ya se sabe lo que pue pasar. Nel nuestru casu que perdimos dos pel camin. Llegues, rasques la ostra, das-y a morrer y....Dios!!! Mexicu, ¡¡cagon nel mio mantu!!. Perdimos el tastu de la ostra cantabra y la espuma de coco "tailandesa". Solo nos quedo el tastu a mar, un plizcu cebolla y'l h.alapeñu de Dios. Nun ye que picara munchu (y'l picante gustame), pero perdi'l platu. Como abrieron esti mesmu fin de selmana y'l platu ye d'esti añu, da-yos tiempu a camudalu por un que te permita esfrutar de la ostra. El picante elimino les referencies.



Llega otru platu espectacular, el "salmon xabaz afumau in-situ y roques de cebolla y tinta (2011)". Ya nun solo la dificulta de les roques (que tastiaben a cebolla y tinta de calamar, que yo nun se como se fain pa que queden asina y esponxoses a la mesma vegada) el productu de primera categoria y, nun sal na semeya, traentelu metiu n'una mini-campana con fumu que te quiten al servir el platu. Esti fumu dexa un toque a herbes nel platu y golor a inciensu sele nel aire. Trocinos de quesu frescu per baxu. Gustonos muchu.



Mas sorpreses (esto yera un divertimentu acoyonante) "Desiertu de fua-gras con roques d'ablana y Armagnac (2008)". Otra vegada al mesma teunica pa les roques, pero feches con otru material y otra vegada un resultau interesante. Pero'l desiertu de fua-grass de color mariellu y esmigayau col toque del Armagnac taba impresionante. Entraba sele y dexaba toul tastu na boca, pa xintar col tenedor. Cantida xusta pa nun empalagate con tantu fua-gras. Pa ayudar a nun empalagate tamien te ponien unos trocinos de pan mariellu cortau perfinu pa camudar el tastu'n boca y que nun tirases del pan tuyu (por ciertu una seleicion de panes del quince, de zanahoria, de cereales, de puerros...nun se cuantos xintemos durante'l menu). Escaeciaseme comentalo, dende'l primer momentu ties na mesa un AOVE 100% Arbequina y sal de Hawaii pa facer barquinos ente platu y platu.





Ya coles cares eses de "joder, como me ta prestando la tonteria", llega otra mirada a Mexicu (esti neñu debio de pasar perlli delles temporades, digo yo) llega'l "Tacu de llangostin, con fabes prietes y Chipotle con Agave 100% reposau (2010)". Vamos, ver, mini fah.ita coles fabes mexicanes enriba, el llangostin nel so puntu (tirando a crudu pa dar el tastu a mar) y el chipotle esi per riba que-ya daba un toque picante. Agora si, solo un toque de picante que te permitia esfrutar de tolos tastos y la curiosa mezcla bien llograda. Lo del Agave, ya veis, mini chupito de tequila reposao pa rematar el platu y eliminar el picor. otru platu estupendu y sorprendente.



Menos sorprendente por mas vistu, pero igualmente increible de tastu llego la "Hamburguesina d'atun colorao, salsa d'ostres y burbuxes de xenxibre (2010)". Ta visto lo de facer esto col atun, pero non asina. La salsa d'otres perdiola el mio cielu la boca, pero el xenxibre y la calida y preparacion del atun ehi taben. Rico, rico.



Seeeguimos!!!!. "Bacallau confitao en caldu de cocidu Llebaniegu, migayes de borono y ciervu (2011)". Pues eso, bacallau desalao (adrede entiendo pa que faiga de compangu al cocidu) qu'habia que esmigayar pel caldu, que tenia un tastu a garbancinos impresionante, y amestar con tolos ingredientes. Perbones les migayines y sorprendentemente ricu el borono (una especie de embutidu fechu con boroña y sangre de gochu). Gustonos, anque un plizcu mas baxu de nivel que'l restu de platos, pero claro, el nivel ye peraltu.



Lo que mas presta d'estos sitios, particularmente a mi, ye tener la sensacion de qu'esto nun lu pues facer en casa y el descubrir tastos y amestos estraños, dificiles de describir y amas que ca un pue sacar les sos propies conclusiones y ser el memsu platu perdiferente pa un y otru.

Vamos con algo mas "clasicu" de remate "Bosque cantabru de corzu y setes de primavera (2010)". Un trozu de llombu de corzu con un toque dulce perriba (nun se, della mermelada, persele) rodeau, como Kevin Costner en Baillando con Llobos, d'unes setes fresques y la migaya de les "oreo" de trompeta de los muertos. Un conxuntu espectacular cola carne poco fecha (como a mi me presta) y tastos diversos ente dulce, salao y galleta. Tamien perbono.



Por fin lleguemos a los postres, primero un "Sweet d'espagueti carbonara(2011)" que palos llambiones tien que ser la bomba pero a mi que nun soi llambion nun me dio munchu mas, pero non porque tuviera malo, yo soi asina col dulce. Curioso lo de adulzar unos espaguetis. Pa que vos faigais una idea yera como xintar arroz con llechi pero'n vez d'arroz, espaguetis. Ya vos digo, de xuru de diez pa un bon llambion. Otra cosa fueron pa nosotros los "Ñeros d'ablana con güevos de chocolate y llechi merengao (2010)". Platu que nun yera tan llambion como podia suponese pel nome y que realmente foi una gran y agradable sorpresa. Deliciosos estos ñeros que se desfacien na boca dexandote una gran alcordanza del platu.




Pa finar, llegaron los cafes (con xelu los dos) y los dos bocaos que los acompañaben, "trufa de chocolate y tofee" que taba perbona anque seya poco orixinal y los mas orixinales y quiciabes por eso mas prestosos "Macarones de fresa y pasion" lo de la pasion debe ser polo apasionante del bocau de fresa. Ideal pal cafetin.



En resumen, gran sitiu, gran nuechi y un preciu que pa mi ta mas que bien de 78€/cabeza teniendo'n cuenta too (atencion, comida y sitiu). Ta claro que nun ye pa tolos dies nin por perres, nin por carta, que camuda ca temporada polo que dir pa repetir platos nun tien tantu interes. Pero un caprichu ye un caprichu y yo nun quiero ser el mas ricu del cementeriu...otros gasten mas perres tuneando coches. Merecio la pena. Por ciertu, agora que me doi cuenta nun me cobraron los dos vinos del Chill-Out :-)

Casa Pipa (La Villa - Villaviciosa)

Ganes y-tenia a esti sitiu del que sintiera siempre falar perbien y que ye un de los pocos en La Villa que s'escapa a la tradicional sidreria.
Casa Pipa ye un sitiu perafayaizu, pintau en tonos caldios, con munchos cuadros que debe pintar la dueña y con detalles de maera, ye'l tipicu chigre nel que tas a gustu dende'l primer momentu. La musica sele de fondu ayuda tamien a ameyorar esta sensacion.

Bona atencion, cercana pero profesional por parte de la dueña y bona cocina. Entamamos con una ensalada de pechuga de pitu caleya (por favor, eso si, que camuden la carta que pon "calella"). La ensalada, xenerosa en tamañu (semeya un), consiste en pechuga de pitu cortada fina, endivies y tomatinos cherry enteros y trituraos. Per riba una salsian de yoghur persele con un plizcu de pimienta que fai un platu estupendu y frescu pa entamar.

Com xintaremos munchu esi dia de segundu la mio muyer tirose por un carpaccio de güe. Trozos finos, bien aliñados, bona carne, cebollin perriba, perrexil y un poco de quesu y llechuga por baxu. De nuevo un tamañu de platu interesante y perbono (semeya dos).

Pela mio parte tireme per un gochu xabaz guisao (semeya tres) con un plizcu de cebolla y pataquines a la panadera. uhhmm que rico. Bien llegau a esi punti nel que la carne taba tienro y sele con un gran tastu. Prestome munchu.

De compaña tomemos un Elias Mora 2006 que tuvu perfeutu en tola xinta. Dos cafetinos con xelu ensin postre por 34€ persona. Un bon sitiu a repetir nel que me comenten que tamien preparen de cine los pexes.