El Abrelatas - L'Abrelates (La Pola - Siero)

Enantes de partir a la vuelta a les Galies (meyor dicho, la vuelta al Pais del Loira y sur de la Bretaña Francesa) dionos tiempu a prebar un chigre al que-y teniemos munches ganes, primero porque tou'l mundiu dicia que se xintaba perbien y segundu porque llevenlu unos collacios nuestros de Sariegu.

Pues bien, si lu comento ye porque nos presto asgaya. El chigre ye piquiñucu por lo que a nun ser qu'acutes nun vas alcontrar mesa, polo menos los fines de selmana.
Piquiñucu, pero bien puestu, con una cartina de vinos curtia pero con entraes prestoses, una gran calida/preciu y...almiten tickets lo que pa mi ye un presti estra :-). Per otru llau, ye dalgo que La Pola necesitaba, un chigre que nun fuera una sidreria, con una bona calida y mas baratu que'l Loriga.

Llamonos l'atencion el menu de fin de selmana por 15€/cabeza, y fuimos a el, ye mas, coincidimos nos dos platos, cosa raro.

De primeru una tostina de xamon con fua y güevu fritu perriba con tomate cherry. Oye, prestosu y amas, una presentacion guapa. Tenia dellos toques dulces pa contrastar col xamon de bona calida y resulto un primeru afayaizu.



De segundu fuimos al pitu caleya con patatinos. Una racion abundante de pitu de verda, guisadin con un plizcu de tomate, cebollina y pimientu. Puntu estupendu y bona materia prima. Llamonos l'atencion que'l menu costare lo mesmo enteru que munches raciones de pitu que pides perhi.



Como pagaben los tiques y nun yo, cambiemos el vinin por un esperimentu que salio perbonu, un Musai de Roa de 2006 que pegaba perfeutamente con tola xinta. Un collecheru caru,avieyau en carbayu, que taba abondo meyor que munchos criances de la mesma Ribera.

Al final 30€ persona (la culpa foi del alcohol!!!!). Volveremos, a prebar la carta de nomes suxerentes que paecen amestar la cocina tradicional con toques modernos. Eso si, viendo el par de gochinos a la "segoviana" colos que se farto'l grupu de tras nuestru, casi que paso de too y los encargo...que pinta!

La Calleja Real - La Caleya Real (Aviles)

Hasta Aviles llevonos el ver y sofitar al Niemeyer n'un domingu perguapu de Seronda. Pena qu'al nuevu conseyeru de Cultura y-guste mas velu quemau "como'l Liceo y mirai lo guapu que ta agora". Toi seguru de que nun y-gusto la pelicula de Woddy porque foi confundiu a vela creyendo que yera la de Toy Story 3, ye mas, nun y-gusto Ricardo III (nun y-paecio cultura) porque Kevin Spacey falaba raro, pero esto ye d'otru blogue.

Volviendo a lo que nos ocupa, que ye'l xintar, y teniendo'n cuenta la epoca de contencion de gastos actual y preocupandome por que los mercaos nun me punxieran la prima de riesgu de la hipoteca peles ñubes, fuimos a la Caleya Real onde nos llevaron los tiquets restaurant y una paxina güeb con bona pinta.

Alcontremonos con un chigre bien cuidau, con musiquina sele de fondu, con perbona pinta. Una entrada con un toque mas de "chigre" pero, na que ver, y un comedor puestu con gustu y con munchu espaciu ente les meses. Espaciu que s'agradeceria si hubiera dalguien pa xintar al meudia d'un domingu...naide...solos. La Primera entruga que se te vien a la tiesta ye esa de, ¿onde nos metimos, ne?. La segunda esa, ¿sedra la crisis o la comida? y lo mas optimista lo de "debe ser que los d'Aviles nun tienen costume de salir los domingos a xintar". Teniemos que ver los platos y la cuenta pa tener mas claru'l tema.




De primeru pa compartir un abundante platu de cecina de Llion con quesu de cabra. Aceitin d'oliva virxen y base de tomatin frescu. Esti platu nun lleva una llabor de cocina de la llechi precisamente, pero hai qu'escoyer bien los materiales. N'esti casu, cecina rico, tomatin bien, quesu ricu y aceite del bonu con un bon resultau final pa entamar.



Pa mi pedi un sollombu de xata con pataquines que cumplio perfeutmaente les espectatives. Carne bono, bien preparao (pa mi un plizcu mas fecha de la cuenta, pero ye qu'a mi ponennme la xata pastiando'n platu y comola). Prestome, nun buscaba nada con munchu llabor y cumplio.



La mio muyer tirose pel pixin amariscau. Mui ricu. Una salsina sele, un bon corte de pixin con unes amasules fresquines, unes gambines (que nun prebe) y unes pataquines panadera cocies (a mi gustenme mas fritines). Tou perconxuntau y de bon tastu. A esti puntu yo sentia'l ruiu d'unes cuyares movese a lo lloñe y pense que polo menos tenien otra mesa.

De compaña tomemos un Gran Bazan Ambar 2009, agua y unos cafetinos con xelu pa finar. Como nun miremos el preciu de dengun platu (¡¡benditos tiquets!!) taba yo esperando, nun se, un hostion. Nun foi baratu, 41€/cabeza. La mesma calida pues alcontrala n'otru sitiu por menos perres, pero claro, 6 persones contaes trabayando, una atencion perbona, un sitiu afayaizu y cuidau tamien se paguen. Por ciertu quela otra mesa al salir yeren ellos comiendo por turnos. Esta crisis va matanos.

Eutimio (Llastres - Colunga)

Pa nun perder la costume de dir a chigres con bon productu dempues de pasar pel Horru pues habia que siguir por otru miticu-clasicu de la escena asturiana, Eutimio.
Nun voi ser yo el que descubra esti sitiu al que ye una pena que y-falten unes meyores vistes a la mar.

Llevabemos unos cuantos años ensin dir, por eso de que nos gusta descubrir chigres entre otres coses y, aprovechando unos niñeros qu'apaecieron por casa pa "chanos" lliteralmente d'elli a cenar, sobre la marcha acerquemonos equi.

A priori, bon sitiu pa allegase cola parexa y esfrutar d'un pescadin del Cantabricu maravillosamente preparau. Atencion perbona y, anque nun teniemos muncha fame, si que apetecia un bon pexe.

Entamemos con unos muergos un tanto decepcionantes, piquiñucos y ruinosos taben estupendamente bien preparaos (sal, aceite y'l puntu xustu de plancha), tenien bon tastu y taben bien llimpios de sable. Un platu normal y un tantu decepcionante pa un chigre como esti.



Col segundu camudo la cosa, un rubiel fresquisimu y estupendamente preparau. Un plizcu d'aceite, otru d'ayu y sal. Too perfeutu pa esfrutar tranquilamente ya qu'hasta'l puntu de cocina yera perfetu. Menos mal, porque'l primeru dexome totalmente indiferente. Rubiel pa dos, emplatau y desespinau na propia mesa pola camarera con un preciu discretu (19€la racion) que'n comparanza colos 10€ de los muergos, yera hasta baratu.



Reguemoslo too con un Belondrde y Lurton 2009 que foi'l que fizo xubir la cuenta (Carpe Diem!!) hasta los 41€ por cabeza colos 2 cafetinos con xelu finales.

El Horreo - L'Horru (Antromero - Gozon)

Si hai un chigre n'Asturies onde'l productu seya la estrella, pa mi esi sigue siendo L'Horru d'Antromero. La calida de los sos pexes y mariscos ye seguro; teniendo,amas, dellos barcos pescando pa ellos. Tamien ta clara una cosa, baratu nun ye, por eso hai que dir siempre acompañau d'un bon enchufe (un veceru de tola vida) colos precios bien negocias y ataos enantes de sentate a la mesa. Esi dia cumplieronse toles condiciones (incluso la de tener a los neños cubiertos) pa poder esfrutar d'una cena impresionante, dempues d'años ensin poder pisar el chigre.

Aprovechando una celebracion y cola compaña de los canticos rexonales (y nun tan rexonales) del numberosu grupu qu'ocupaba l'ala drecha de la casa blanca, punximonos con toles ganes a esfutar d'un maravillosu alcuentru cola mar. Entamemos con dos entrantes d'esguiles (semeya un) y otros dos de percebes (semeya dos).

Nun hai munchu que dicir de la preparacion, pero vamos, espectacular productu, sobre too les percebes, pena de nun alcordame de poner una moneda a la vera d'un d'ellos pa sacar la semeya. Too persabrosu y prestosu.

Siguimos con otres dos raciones de chipirones de potera afogaos. Otru espectaculu pal tastu y eso que vinieron con una disculpa por ser mas grandes de lo normal (lo qu'afecta a la testura del bichu, pero non al tastu). Unes pataquines frites y la salsina con tinta un plizcu cebolla y a esfrutar.



Llegaos a esti puntu, ya sabiemos que'l platu estrella del chigre nun taba disponible (la furagaña al llombu) a pesar de los intentos d'ultima hora de mandar al barcu piquiñin a pescar de nuechi a ver si entraben delles. Al casu, a falta de furagaña, llegaron virreis pa siete. Escandalosamente frescos y con una salsa que, particularmente a mi gustame munchu,con un puntin acidu que-y dal llimon. Preapracion cenciella, sin ayos, nin cebolles, nin hestories. El bichu, les pataquines, la salsina y al fornu. Impresionante.



Pa ser sinceru, nun puedo contar el numberu de botelles d'albariño (nun apuesto pero creo que Terras Gaudas) que circularon pola mesa, amas de la botella de Ron "dos maderas" que tamien anduvo per elli hasta que desparecio entera.

Ensin dulda un sitiu pa esfrutar, del que nun m'atrevo a poner precios porque la referencia pue salir rana, que nun ye pa tolos dies, pero que bien sienta. Un abrazu especial a los otros dos "fartones" que apaecieron perlli de sorpresa y que tuvieron qu'aguantar la marcha que llevabemos na mesa de siete :-)

El Tonel ( La Villa - Villaviciosa )

Enantes de marchar a folgar perhi n'agostu, dimos una vueltina n'un caldiu dia d'esi mesmu mes (si, esi dia que tasi pensano, porque foi l'unicu bono d'agostu) y decidimonos parar nel Tonel, porque teniemos bones alcordances dende que fai unos añino tuvimos cenando con unos familiares de la muyer ehi y salimos encantaos, porque nos gusta camudar de chigre, porque taba bono y apetecianos terracina y porque si, y ya ta.

Pa compartir, y como los antoxos de la señora son inescrutables, tomemos unes alcachofes de bote con xamon. Ensin ser les meyores alcachofes de bote que tomare na vida, el resultau foi l'esperau, abondo bonu. Visto les ensalaes que circulaben yo camudaria esta eleicion pa la prosima. Pasadines un plizcu pela sarten con aceite d'oliva y xamonin, daben el pegu y xintaronse bien.

La costera ya taba ehi, asina que los dos segundos nun podien se d'otra cosa que bonitin de dos cachos diferentes del bichu, pa prebalo too. Per un llau unos llombos de bonitin a la plancha (semeya un) con un plizcu de tomate natural, unes fueyuques de verde de compaña y unes setes plancha perriba. De la que lu pedimos el camareru foi abondo insitente n'esplicanos que'l puntu d'esti platu yera tirando a poco fechu pa que quedare xugosu y que habia xente que lu queria pasain del too.Ya y-comentemos que queriemos el puntu que los cocineros y-diesen, que pa turrialu habia tiempu.
Resultau, nun taba tan poco fechu como mos asutaba y'l puntu resulto l'ideal pa dexalu xugosin. Platu bien llograu.

Pela mio parte pedi una ventrisquina plancha con unes pataquines a la panadera que taba pa rellambese con tomatin natural perriba. Na, bon productu bein preparau, col puntu llograu pa nun pasar la ventrisca. Tamien acertemos.

Pa beber tuvimos con un vinin Verdejo que nun se si sedra hibridu/ecoloxicu pero que cumplio bien col bonitin. Yera un Prius de Moraña (nun de Toyota) 2009. Dos cafetinos con xelu y 26€ por cabeza. Ente que xintemos bien, que tabemos agustu y que nos metieren un clavel na Poda'n Verde el dia antes que entovia me temblaba la cartera,la visita prestonos un monton. Volveremos a ver como preparen el restu los pexes.

Tamien me presto que ser, sedra un chigre, pero los mantelos yeren de verda y la presentacion de los platos taba tamien bien llograda, que tou'l mundiu sabe que pelos güeyos tamien se come (y munches vegaes mas que pel butiellu)

La Posada del Mar ( O Grove - Galicia )

Estes vacaciones tamien nos dio por pasar per Galicia, en concretu peles Ries Baxes. A pesar de que folgando con nenos lo de dir de chigres ye un poco complicao, la "inseperada" visita d'unos güelos que nun pudieron resistir la tentacion de ver a los nietinos dempues de mas d'un mes, permitionos un acercamientu a "La Posada del Mar".

El güelu, o mayestru Zehn d'enseñances xintadores (comu lu llamaria un bon amigu mio), bon conocedor de Galicia pa esto del xintar, queria llevanos a un d'O Grove que nun termino d'alcontrar (el melicu aleman esi, yo creo), asina que finemos toos en La Posada de puñetera casualidad, porque tenia bona pinta y tamien y-lu recomendaren anque nunca tuvo elli.

El casu ye qu'alcontramos un restaurante con bon productu que traten de forma cenciella y con resultados realmente bonos.

Entamemos con unos muxones d'O Grove al vapor (pa mi la meyor forma de xintalos) que nun solo yeren grandes, sinon que tenien un tastu impresionante. Ya podien ponenos muxones d'esti calibre en munchos sitios d'Asturies, nun creo que seya tan dificiles de conseguir.

Ca un sigui con el platin que mas y-entrugo pedir. La peque unes crocretes de mariscu (una bona racion d'elles) de les que dio cuenta tranquilamente. El otro guah.e dio-y por durmir (asina nun hai manera de xustificar que nun hai Dios quien salga a xintar con el, si cada vegada que vas con dalguien va y se sopa!!, ye como llevar al taller al coche porque nun arranca y llegar alli, que-y den vuelta a la llave y hala!!, furrulando. Que se y-va facer).

Pela parte de la mio muyer callo una furagaña al llombu. Fresquina, solo con un plizcu d'aceite y otro pucuñin d'ayu. Pa rellambese, lo dicho, bon productu y bien tratau de forma cenciella tien que dar un bon resultau por ñarices.



Mio ma tirose pol rodabllau a la plancha. Otra bona racion con un par de llombos de rodaballu (que debia ser como un tigre de grande) tratau de forma cenciella con un poco de verde de compaña y pa dientro. Bono



Pela mio parte y la del güelon, decidimosnos por unes cocoches; les mies con amasueles y les d'el, ensin elles. Cocochines prestoses, fresques con unes amasueles grandes y con una salsina mariñana. Perprestoses.



Unos cafetinos, 2 botellines d'albariñu y sitiu prestosu nel qu'amas nun pague :-). Si un dia tamos solos pela zona ya vos dire lo que "canta" :-)

O CortiÇo ( Viseu - Beira Alta - Portugal)

Esti añu malu, malu, malu hasta fai bien poco que paez que se va arreglando, bien merecies taben unes vacaciones anque fueren pillades a ultima hora. Bono, y eso que tolos pas sabemos que les vacaciones de verda entemen cuando los neños vuelven al cole :-). Bromes aparte acabemos en Viseu de casualida porque nos gusta Portugal y porque en las Pousadas tenien una estupenda oferta de "vacaciones con nenos" que axustabasenos perfeutamente.

N'esti pais tan afayaizu tuvimos un dia un guia d'escepcion per Viseu (un amigu del mio pa) que mos permitio dar una vuelta pela ciuda mirandola con otros güeyos y xintar nel meyor chigre tradicional de la ciuda (eso y que Davicin pegose una sobada mentantu xintabemos porque sinon, na de na).

O CortiÇo ta situau na parte vieya de Viseu (la ciuda de Viriato) n'una cai perestrecha pela que pasen los coches. Muy curioso que tengan un comedor y la cocina a un llau de la cai y al otru otru cachu de comedor abiertu. Los camereros crucien d'un llau a otru pa llevate la xinta a la mesa ensin problemes. Paredes de piedra y llugar afayaizu, como digo, de xinta tradicional.

Estos portuguesos son de mal xintar (notese la ironia) y de raciones piquiñuques (otra vegada mas ironia al poder), asina que'l nuesu guia pidio lo "normal" pa tres y dos mini neños. En fin, la fartura duronos hasta'l meudia siguiente, ya colos entamos portuguesos xintabemos. Los entamos consisten en cazueles o sartenes o lo que toque dependiendo de lo que pidas. Nuestru casu, Freixoas (una cazuela de un pote paeciu a les fabes con unos frexoles de tamañu xigante con chorizu) perbones. Una sarten con chorizu de la zona, morciella (paecia a la matachana).

Pa los nenos recomendonos pidir "arroz con coriu". Madre mio!, aparte de tar bono, nun lu asaltaben dos adultos, como pa asaltalu dos neños!. Arroz blanco con naranxa y trozos de coriu guisau. Prebelu y mui ricu. Eso si, la meta o mas quedo elli, una pena.

Pa nos, pidio un "bacalhao a broa" porque yera dalgo especial de la zona, espliconoslo un poco, pero hasta que nun llego...¡toma ya!, resulto ser una boroña de bacallau con aceitunes onde la migaya taba toa mezclada col bacallau. Nun yera una empanada, nin siquiera un bocata. Sencillamente diferente y perbono. Prestome munchu la receta, pero vamos, pa reximen.




Nun contentu con tenenos que ya nun cabiemos en nos, resulta que tamien nos pidio cabritu con pataquines. Tremendo, ensin pallabres, lo que mas me presto. Taba guisadin y pasao pela sarten (uno enantes qu'otro digo yo) y con un regustu a naranxa al fondo. Xugosin, pa repetir si hubiere otra visita a Viseu, ensin dulda.



Para beber, vino de Dao tintu en zapica. Viseu ye la capital d'esta D.O y dende llueu nun se que vinu bebimos, pero taba perbono.

Tampoco se lo que valio porque convidonos Ernesto (munches gracies), pero los precios pa xintar en Portugal y polo que vi na carta, nun yeren pa asutase.

En resumen, si vais per Viseu, nun dexeis de parar nel O CortiÇo

Los Robles - Los Carbayos (Llugarin - Siero)

Ta visto qu'ensin acutar nun se pue dir a dengun llau a La Pola en fin de selmana y menos al que-y tenemos ganes dende hai tiempu (L'Abrellates), que ye del fiu d'un amigu nuestru y dicen que se xinta perbien, porque ye un chigre con cuatro meses, lo que fai imposible un "sobre la marcha". N'estos casos y visto'l llenu xeneral recurre un a la memoria, comentarios de los paisanos y demas recursos que tan ehi, na tiesta, pero que nun sabes que los tienes :-). El casu ye, que como tabemos pa la mano de chigre ocurriosenos que nel Llugarin habia una parrillina que como hai que dir en coche de xuru que pa cenar nun tendria problemes y pa lla que fuimos.

Alcontremonos con una parrillina con culumpios nel esterior, mantelinos de verda y bona cocina. Yo que soi como soi y apeteciame chigre pero nun parrila esi dia tiremos de cocina y salionos perbien la xugada, pedimos dos platinos (ye un dicir lo de platinos) y los dos pa compartir.

Entamemos con una pedazo de racion de secretu ibericu perbono (semeya un). Cocinau nel puntu xustu pa dexalo xugosin y una salsina pebona nel que les setes de compaña, el pimientin y'l xamon fritu daben-y un toque perprestosu. Perrico, pero si lo llegamos saber nun pedimos el segundu porque con esto xintabemos bien.

Pero, ¡ay amigu! llego la sorpresa la nuechi; les molleh.ines guisaes (semeya dos). Un cachu racion imiportante, con unes molleh.es espectaculares guisaes con cebollina, tomate (debia ser caseru porque dexaba un tastu perbonu) y pimientinos. En gustos van los colores, pero yo diria que taben a mediu grau del nivel de les mitiques del Pumarin. El casu ye que mira que ya tabemos fartucos y venga da-y col pan a la salsa dempues de finar coles molle.hes. Un desastre, dempues nun habia quien axustar el cintu de los pantalones nel mesmu furacu y'l Dukan esi frotaxandose les manes cola venta un llibru mas (coses de los chigres asturianos que deben tar compinchaos con el).

Dos cafetinos con xelu y dos botelles de Foncueva pal llombu por 16€/cabeza, fain del chigre un llugar a tener en cuneta pa prosimes visites.

Sidreria Camás (Camás - Cabranes)

Un paisanu ye un paisanu anque y-pegue la muyer (¡teo suerte de que la mia nun me de!), asina que dempues de restaurantes finos tocaba chigre. Camás (nun suelo poner acentos por mania informatica, pero ye importante equi diferenciar el nome) ye un pueblin de Cabranes mas cercanu a Nava, en tiempu de viaxe, qu'a la capital del suyu. Si vais dende Nava, al final del pueblu alcontrareis una sidreria con perbona fama alrodiu a la que nunca fueremos y mira, solinos como tabemos (como chemos de menos a los neños en xunetu, menos mal que ya tamos con ellos, buff) tiremos pa elli, que ta abondo cerquina de casa tamien.

Tres meses pa cenar cola nuesa (na d'estrañar teniendo'n cuenta onde ta) n'un chigre llimpin y con un comedor abondo afayaizu.

Entamemos con una ensaladina mista pa abrir boca, porque equi tratabase de llegar bien la caza. ¡Toma ensalada!, nun se, pa 25, nun pa dos piquiñinos que yeremos. En fin, ye un chigrucu de pueblu, pero atiendente perbien y ponente un bon aceitin y una vinagrina decente pa aliñar.



Lo tipico, aceitunes, anchoes, güevos cocios, bonitin, esparragos, llechuga, cebolla y, sobre too, el tomate, que tenia tastu, igual yera dalgun paisanu de la zona. Enorme ensalada, ensin mas pa abrir la boca pal siguiente platu. El gochu xabaz guisao. Otra racion "piquiñina".



¿Que dicir?, bon xabali, perbien preparau (nel so puntu de tienru), con unos arbeyinos, unos pimientinos y unes pataquines de compaña y ¿la salsina? pues pa moyar el pan, con esi tastu que dexa'l xugu del guisu, uhmmm. Rico. La cabrona de la vida a veces ponte pequeños placeres delantre de la cara pa facete escaecer del mundiu.

Nun sabia si vinin o sidre, pero como nel comedor nun podiemos escanciar, dimos-y al vinu. La carta (ya que tienen) la esperable, pero oye un Coto cr 2007 col gochin xabaz yera de lo mas afayaizo.

Un par de cafetinos con xelu y nun m'alcuerdo de que llegara a los 18€ por cabeza. ¡Chigre's Power!

Ca Sabi (Noreña)

- Hala, vamos pa La Pola a tomar un culin y a ver onde xintamos güei que tamos solinos.

Y na Pola el culin si, pero lo de xintar sobre la marcha en plenes fiestes del Carmin, como que non, asina que pa Noreña que nun teo porque perder 6-0 al tute pa dir, que prestame lo mesmo.

Claro, en Noreña habia xente, pero pocoa que taben todos en La Pola.
- ¿Y agora onde vamos?
- Al Xastron, muyer, ya que tamos chigreando nun camudemos el palu; coño, trancao pa folgar.
- Pues a Ca Sabi que ye onde tomemos un vinu hai un par de meses y tenia bona pinta.
- Ya, pero nun ye un chigre, tas camudandome'l palu, güei que taba yo polos cancios. ¿Nun ves que ye'l Carmin?, toi metiu'n faena!.
- Por nun dar vueltes.
- Venga val, sidre dempues.

Hasta equi el porque tiremos hasta Ca Sabi, ensin denguna espectativa, lo que contribuyo a que la xinta prestare'l doble tamien.
Ca Sabi lleva unos meses abiertu y polo que dempues me dixeron trabaya de xefe de cocina'l nenu que taba'n los Pepites de La Carrera, otru negociu que temien tranco como'l Xastre, pero nun pa folgar desgraciadamente.

Solo conociemos el bar, que ta bien puestu, pero como munchos otros. Xubimos al comedor y alcontramos una decoracion modernina debaxo d'unos techos de maera que facien al llugar perafayaizu. Nesi momentu camude'l chip y ta entamaba a pensar que aquello prometia.

La cocina pasaba los platos a los camareros a traves d'una ventana que daba'l comedor onde un cocineru daba-yos a los platos los caberos retoques sofitau por una llampara de infracoloraos d'esos pa aquellos platos que tenien que mantener la temperatura. A mi, personalmente, dame igual ver que nun ver la cocina, toco vela dende'l puntu nel que nos sentaron y voi dicir qu'esta vegada prestome ver como furrulaba mentantu xintaba. Too prefeutamente engranau, tu pa equi, tu pa elli, agora platu, agora camareru y pa la mesa. Les racioens que diben pasando tenien una pinta estupenda, asina que aquello seguia prometiendo.

Atencion rapida y eficiente a pesar de tar casi llenos, tres camareros pa tou un comedor (nun demasio grande) ye un luxu que nun se lo que van poder soportar, pero notase y agradezse el bon serviciu, que-y vamos facer.

Entamamos pa compartir con unes vieires con setes que taben pa rellambese. 4 Vieires llimpies y colocaes nel platin, con un gran tastu a mariscu, sobre una capa d'una salsina que acompañaba'l platu, pero que nun mataba'l tastu de los moluscos. Sobre elles unes setes que-yos daben un toque a les vieres y que tamien taben estupendes. En resumen, platu llograu y conxuntau, na d'eso de mariscu perqui, setes perlli, salsa per alla y ensin integrar, non. Una sorpresa.



Pela otra parte de la mesa tiraronse peles molleh.es guisaes con maiz y tomate.
Estupendu platu, de nuevu bien llograu con unes molleh.ines tienres, nel so puntu de guisu con una capina de salsa de tomate natural y maiz espolvoreao per riba (tipu quicu, pero ensin sal). Llogro de platu que gusto munchu a pesar de que la forma mas tradicional del Pumarin convence mas. Prestosu ensin dulda.



A mi apeteciame llechal, dempues de xintar un llechal-acorderau, ricu eso si, selmanes atras, tenia ganes de resarcime. El llechal llego esgüesau, al fornu con una capina de boletus perriba y embaxo una salsa de calabaza. Otru platu llograu nel so conxuntu, sobre too pel dulzor de los boletus sobre'l llechal, que, esta vegada si, nun patiare en dengun prau primeru. Prestome asgaya.



De compaña uun extremeñu, nun ye habitual alcontralos nes cartes d'Asturies y a mi son vinos que me presten munchu, terrosos y fuertes. Pena qu'a les grandes superficies lleguen les marques mas basique, porque de verda creo que son unos vinos desconocios y que merecen la pena. N'esti casu un Habla Nº2 2005 100% tempranillo que nun defraudo pa nada. Bon descubrimientu.

Un par de cafetinos con xelu y una cuenta de 37€ por cabeza que me paecio mas que xusta pala calida de lo xintao.

- Y agora que, ¿baxamos a La Pola a chigrear un ratin?
- Vida, va ser que non, agora siestina que ye lo que se tercia.

Blanco Saten - Blancu Saten (Uvieu)

¿Musica o cena?, ¿cena o musica?, ¿porque non les dos coses a la mesma vegada?. Eso debieron pensar los dueños d'esti chigre n'Uvieu que intenta amestar bones comides con bona musica los fines de selmana. Un apuesta que merez la pena que salga bien pa qu'haiga una opcion diferente na nuechi uvieina.

Ambiente pa pareyes o grupos de collacios diferente. Al entrar un tien la impresion de llegar al tipicu chigre de les pelis americanes de gansters con una zona d'escenariu piqueñian rodeau de les meses de los que vamos xintar. Too decorau colos colores y les formes de les tecles d'un piano en blancu y prietu. Lo dicho, mires a un llau y esperes alcontrate a Al Capone con smoking y sombreru con ales.

La musica entama alrodiu de les 12:00 polo que depende de cuando llegues a cenar taras ya colos postres, los cocteles, los chupitos o col primer platu, ya sabeis, ca un ye ca un y ca dos una piragua.

Impecable decoracion retro, detalles nes meses como los de les botellines d'aceite y vinagre o les velines (que como les traxeron prendies tarde un tiempu en dame cuenta que yeren lluces de Philips :-) con un curiosu sistema pa prendeles boca abaxo una vegada apagabesles, boca riba otra taben enceses) pa que la nuechi seya los mas prestosa posible.








La nuechi entamaba bien y l'apuesta palos fines de selmana consiste n'una carta reducida de la escueyes un entamu, un segundu y un postre por perosona por 35€ + bebides aparte y, por supuestu, col espectaculu incluidu.

Xugueton y torpe como soi yo, por dalgo me llamais "manes erotiques", tuve a puntu de cargame les veles 90 veagaes(pa riba, pa baxu, pa riba, pa baxu...) llegaron los entamos de la casa que prestaronme, pero que como fui fai un mes y mediu, reconozco que nun m'alcuerdo de lo que yeren, taben bonos eso si :-)



Pasemos a los platos d'entamu, "angulau de calamar y gambes" y "caprichu de manes de gochu en salsa de setes y aceite del Piquillu".



Equi. lluces y solombres y como nos entrugaron al final de la comida tamien yos-diximos a ellos. L'angulau yera un platin con trozos perfinos de calamares, gambes y gules (coratos en tires) que, francamente resulto un platu prescindible del too, bono casi del too, una cosa taba bona y seria la constante de la cena, la salsa. Nun se si les salses les fai una persona'n concretu, pero toles salses de tolos platos taben pa facer barquinos. Eso si, nin la salsa llograba que'l platu fuera pa alcordase d'el.

Lo otru entamu ameyoro les sensaciones, curiosa forma de preparar unes manes de gochu tipu pastel con un rebozu perfinu per riba tipu crocreta, pero munchu mas finu y unes cebolles frites acarambelizaes de compaña. Esto taba bono, ensin ser la forma na que mas me presten les manes, orixinal. La salsina espectacular como ya dixe con un gran tastu a pimientos y un toque de tastu a setes. Esti platu xubia'l nivel (claro, que taba baxu col angulau)

Los segundos consistieron en "bacallau con boleteus, piñones y freh.oles" qu'encanto al otru llau de la mesa, sobre too, pola salsa (mira que toi pesadin con esti tema). Bacallau (desalau) nel so puntu de cocion y una racion de tamañu considerable. Ricu.



El mio segundu foi una paletilla de llechal al fornu con pataquines a la panadera y la compaña d'una salsina tirando a dulce pelos llaos del platu qu'amestaba estupendamente cola pieza.
Perfeutamente cocinada la carne taba sele y la pieza yera grande. La salsina completaba estupendamente'l platu ya que nun molestaba pa na nel tastu del llechal y si queries podies moyar un plizcu pa da-y esi toque diferente. L'unicu pero, si'n vez de llecha llamenlu "corderin piquiñin que ya pastio un plizcu" yo quedaba mas contentu, de llechal ya-y quedaba poco, lo que nun quita pa que tuviere coyonudo.



La compañia alcoholica foi variada a lo llargo la nuechi, pero la escoyia pala cena por nosotros foi un Mas Perinet 2005. Un Priorat que nun conocia que nos presto un monton. Finabemos con dos cafes con xelu cuando entamo la musica. Un triu que cantaba canciones de Sabina n'acusticu. Siguimos con un par de moscateles avieyaos (convidaronnos por nun tomar postre) mentantu esfrutabemos de la musica. El problema foi unes conocies de la muyer que taben de folixa detras mio a las que yos-dio por convidanos a una botella de Raventos i Blanc reserva que cayo entera, por supuestu, pero que dexo una clara resaca al dia siguiente.

Too ello polos 35 + bebides que se quedo en 51,5€ por cabeza. Una apuesta diferente na que cambiaria l'angulau. Espero que tengan suerte.

Puerto Norte - Puertu Norte (Santisteban - Muros)

Santisteban ye un pueblin munchu menos turisticu que'l so vecin L'Arena (o eso paezme a mi) que tien, ensin embargu, unos cuantos chigres de merecida visita. En plena "fola" de calor (vamos, un fin de selmana de xunu que fixo bono) tiremos un domingu hasta equi dempues de dar unos paseinos per Salinas. ¿Porque a Santisteban? porque Salinas taba enlleno xente y L'Arena dabame a mi que tamien. Tiremos pa alla y acertemos. A mi la verda que la parte del Puertu con eses grues del sieglu pasau (o del anterior) y eses vistes a la ria prestenme munchu.

Decidimosnos por el Puertu Norte porque tenia terracina con sombrilles y podiemos tar fuera y xintar. A pesar de que años atras fuera y nun me presto na, tantos que fai años que camudaron los dueños y yo nin fuera de nuevu, paeciome una bona idega poles critiques que fuera sintiendo. Efeutivamente, una gran idega.

Na terraza nun pues esfrutar de la carta completa (una pena dempues de lo prebao) pero ponenete dellos platos cenciellos pa esfrutar estupendamente.

Entamamos por una ensalada "Puertu Norte". Ensalada de gran tamañu, bona presentacion y sumamente prestosa; gulas, gambes, vinagre de modena, tomates, aceitunes, dalgo de bonitu y los toques fundamentales, quesu de cabra pero rallao perriba, tipu lo que fain cola mozarella pero col de cabra, y varieda de frutos secos cortaos en torzos minusculos y tostaos (almendres, ablanes..) mui, mui piquiñinos que diben dexando un tastu perbonu. La ensalada ye un platu cenciellu, pero dificil de llograr bien cuando y-metes mas coses y que siga tando frescu.



De segundu,tamien pa compartir, pulpu a la brasa del pedreru. Buaa!! que rico!. De nuevu otra racion de gran tamañu con dos bonos tentaculos de pulpu, testura perfeuta pa mi (nin blanda, nin dura), el pulpin...uhmm que tastu! y xustu de pimenton y aceite. Simplemente perbono. Quedemos coles ganes de venir a xintar un bon pexe, la cocina apunta mas que maneres.



Dos cerveces (Mahou), dos Ruedes y dos cafetinos con xelu y la siguente sorpresa...¿29,6 €? coño!! pongame pa llevar otru pulpu. Nun solo esto, atencion personal y profesional (perafayaices les moces que lo lleven). En fin, prestosu pa xintar y esfrutar.

Naguar (Uvieu)

Ganes y-tenia al nuevo chigre de Pedro Martino. Nun tan nuevu que ya paso tiempu dende que lu abrio, pero yo nun fuera capaz de dir hasta l'otru dia. Tampoco ye qu'una xinta de trabayu fuere la meyor manera de conocer el sitiu, pero mira, los veceros tamien y-tenien ganes asina qu'aprovechemos toos a dir.
Como digo, ganes tenia de dir a naguar al Naguar y esfrutar viendo pasando platos.

El chigre ta situau nel antigüu llocal del Don Helmut na Avenida Galicia. Centricu ta, anque quiciabes nun ye'l llocal mas afayaizu pa montar na ya que nun tien denguna ventana hacia fuera el comedor y pa mi, el fe-shui esi ye importante pa xintar, fen-shui que tampoco tuve na mesa que mos punxeron xustu nel centru del comedor rodeau del restu meses.

Too esto, como nun yera una xinta romantica, escaezse cola comida, que me presto munchu. Si llego tar cola muyer igual toi incomodu tol ratu y nun me prestarie tanto. Como habia cierta confianza colos veceros (dellos seguidores del blogue) dexaronme hasta facer semeyes.

Entamemos al mediu con unes gambes "gabardina" con ali-oli. Digo "gabardina" ente commilles pa que vos faigais una idega, porque'n verda tratabense d'unes gambes perfresques rebozaes, pero con un rebozu finu que paecia mas el d'unes crocretines bien feches que non el tipicu mazu que te ponen coles "gabardina" de tola vida.
Realmente intersante contrapuntu con una salsa ali-oli que dio pa que la xente fixera barquinos nel platu, vamos, pa moyar. 8 gambes perbones.



Siguimos con unes estupendes crocretes cremoses de picadiellu. Realmente bones, dempues de les de Casa Marcial y La Salgar les meyores crocretes que xinte. Orixinal interior cremosin y con un tastu imprsionante a picadiellu del bonu, porque nun se me repitio, que ye lo normal si tien mas grasa de la cuenta. Avisu a navegantes, si nun quereis que'l restu la xinta nun vos sepa a na, partii la crocreta y dexaila enfriar un plizcu...cagüen mio mantu!!! que peligru.



El caberu platu al mediu foi una paletilla de gochu ibericu (nun-y saque denguna semeya) perfina cortada y con un tastu mui ricu.

Pasemos a los segundos que fueron unos papos de xata, salmon afumau, el platu de cociu del menu del dia (cociu garbanzos) y'l mio del que falare dempues. Nun prebe dengunu pero tolos xintadores dieron los parabienes correspondientes a la comida. Tolos platos con una presentacion perguapa.







De lo que si puedo falar ye de los mio callos a lo Martino. Platu conociu y fuera de temporada, pero prestome la de Dios porque facia muncho tiempu que nun los tomaba y francamente estos taben pa rellambese. Picantinos, tirando a seles de tastu, perfeutos de puntu y cortaos en trocinos tirando a peuqeños. Un poco d'estra de guidillina de la qu'a mi me presta y unes pataquines qu'en vez de poneles n'un aparte ya venien enriba los callos. Rellambime y puntu.



De compaña tomemos un Dominio d'Atauta crianza 2006. Un Ribera de la mesma casa que los Rueda mas prestosos que se fain n'España (pal mio gustu) que son los de la familia "Naia" (K-Naia, Naia y Naides). Rico, magar que'l pa mio gustu un poco sele de tastu, igual por les guindilles, pero pa la varieda de platos qu'habia na mesa acompaño perefeutamente. Un descubrimientu pa mi, la verda.

Unos cafetinos y unos 37€/persona que me paecio correutu.

Un sitiu pa repetir solu o con xintaes de curro que vas quedar como un campeon, pa dir cola pareya ya nun lo teo tan claro, pol sitiu en si, pero si escueyes la mesa y te puen poner n'una esquina meyor.

Casa Aida (Rodiles - Villaviciosa)

Agora que paez que'l branu entama y, como siempre, nun vien cuando dicen los espertos, vien pa dempues de San Xuan, ye'l momentu de alcordanos de la playina, el sol y les meriendes domingueres ente los ocalitos de Rodiles y playes asemeyaes. Tamien ye'l momentu d'alcordase d'esos chigrucos que tan ehi cuando escaeciosete'l bocata de bonitu con mayonesa nel maleteru'l coche o, lo mas normal, cuando el mesmu bocata rueda pel sable la playa porque'l nenu lu tomo por un volquete de xuguete. Ehi, ehi al llau sueles tener un chigre salvador de los que nel 90% son de "ponme un bocata calamares y una cervecina, guah.e" o "traeme una de muxones escabechaos de la ria, pero fai'l favor d'abrir la llata onde nun te vea, ho!", un 9% pues sentate u esfrutar d'una xinta mas que decente y un 1%....nun se, igual los hai, podran llegar a sorprendete cola xinta. Casa Aida ye de los del 9%, anque de xuru que tien bocates de bonitu con mayonesa pa los señaldosos.

Situau na parte de tras de la playa Rodiles (tires, tires, tires en coche pases los ocalitos, das escontra la ria, la caleya sigue, pases el camping y ...ehi ta) tien una terracina con unes vistes perguapes a la Ria, L'Altu La Campa y demas cordiales montañosos de la Villa y alrodios (semeya).

Equi, con un par de pintes de Rueda y un par d'Alhambres pa mi, pudes alcontrate xintando unes gambines plancha xugosines y prestoses (a l'aire llibre presta too'l el doble) n'un dia medianamente soleyeru, una ensalada mediu caldia perbona de gambes, gules y cruxentes de xamon, too ello con un bon tamañu de racion y finar con un par de cafetinos con xelu como manda la tradicion por 16€/persona. La crisis ye la crisis, pero hai momentos nos que'l bocata de bonitu de mayonesa tien sable y meyor unes gambes.

Camin Real de Selores (Selores - Cantabria) por Pululanta

Chicos, si quereis triunfar con vuestras churris no os podeis perder este post :-).

Estábamos de celebración y decidimos pasar unos días por la vecina Cantabria. A escasos 30 km de San Vicente y Comillas y en pleno Valle de Cabuérniga encontramos el Hotel Camino Real De Selores. Ya sólo por el paisaje merece la pena pasar unos días por la zona, es un enclave privilegiado, un valle verde, soleado y lleno de casonas solariegas perfectamente conservadas y decoradas hasta el último detalle. En este paraíso se encuentra el hotel, se trata de un palacio solariego y un conjunto de casitas de alrededor todas perfectamente preparadas como alojamiento rural. Se puede elegir entre habitaciones “normales” dentro del palacio principal y “suites”, que son pequeñas casitas independientes con salón y baño abajo y la habitación en el piso de arriba. Son todas distintas y cada una de ellas esta decorada en un estilo diferente pero con mucho gusto, mezclando objetos antiguos con nuevos y creando un ambiente muy acogedor y romántico (sin ser para nada hortera), a capricho del dueño del lugar que es un afamado decorador.

El primer día decidimos quedarnos en el hotel y cenar en su Restaurante “Las Cuadras”. Por supuesto se trata de las caballerizas del palacio reconvertidas en comedor, decoradas con mil objetos antiguos de madera rescatados de la cuadra original mezclados con cortinajes, vidrieras de colores, obras de arte, lámparas de cristal y pintura de colores vivos. Todo ello respetando la estructura de vigas y portones de madera originales, con un resultado que sorprendente y con mucho encanto.

Pero vamos con la comida. Nos decidimos en primer lugar por las láminas de bacalao con gelatina de ali-oli, crujiente de cecina y muselina de olivas. Una perfecta mezcla de lascas de bacalao, en su punto de sal, con una salsa ali-oli de textura gelatinosa muy bien conseguida, todo ello sobre una capa de ensalada fresca. Muy buena combinación, sí señor.



En segundo lugar yo me decidí por las manitas de cerdo deshuesadas, crema de hongos y salsa de su guiso. Estaban perfectas, con el interior tierno y su exterior crujiente, jugosas, con su sabor a asado perfectamente conseguido: un plato redondo.



Por el otro lado pidieron un lomo de venado con crema de castañas y salsa de pasas. Yo lo he intentado varias veces con la caza, pero no es un sabor que consiga convencerme y aquí pasó lo mismo, tiene un regustín fuerte que me resulta desagradable. Pero enfrente dijeron que estaba perfecto, tierno por dentro y con el sabor intenso de la caza perfectamente conseguido. El puré de castañas acompañante estaba de miedo, eso sí. Esta vez no hubo hueco para los postres (tampoco es que seamos muy llambiones) así que habitualmente nos lo acabamos saltando.



Todo ello regado con un crianza de la Tierra de Castilla y León: Abadía Retuerta 2004, un excelente tinto que para mí no tiene nada que envidiar a un Ribera, pero de precio más asequible. En total la cena salió por 83 euros, cantidad bastante ajustada por la excelente calidad y preparación de los platos, que resultaron suficientemente abundantes por si en las fotos no da esa sensación.

En conclusión: la sorpresa resultó redonda. Solemos desconfiar de los restaurantes “de hotel”, sobre todo esos tan bien decorados, en general suelen descuidar un poco la parte

gastronómica, pero en esta caso salimos encantados de la mezcla de excelente atención por parte del personal , ambiente romántico y acogedor y deliciosos platos ¿se puede pedir más?.

El Titi de Nava ( Basoreu - Nava)

El Titi de Nava ye un hotel-restaurante situau mui cerquina de Peñamayor de cuyes vistes pues esfrutar xintando nel comedor grande del primer pisu. Comedor ampliu y de los que podiemos llamar poco afayizos precisamente pol tamañu, que sin embargu, si vas n'un dia nel que puedas xintar cerquina de les ventanes mirando pa Peñamayor escaeceste completamente del tamañu del llocal.
Comida cenciella, ensin complicaciones, caserina y con bon productu. Ya lu conociemos
pero esta ultima vegada fuimos siguiendó'l menu de la sidre de la zona de la Comarca.



Entamamos los dos con unes brochetes de pulpu y gambes con ensaladina. Un platu frescu con dos brochetes de pulpin a la brasa y gambes a la planchina. Mui riques. Una ensaladina fresca tipu Florette pa acompañar. Prestosu entamu.



De segundu yo tireme pola carne. Un de les coses que meyor preparen y que prestame abondo xintar equi ye'l cabritu guisadin con pataquines de verda. Como vos digo, nada de complicaciones, bonos trozos de bon cabritu cocinau con cariñu pa que quedare sele de testura. Un bon cabritin perprestosu.

Hasta equi nun habia mas sidre que la que tabemos tomando ente ambos. Curioso esto de llamar a algo menu de la sidre anque paez ser que les brochetes llevaben dalgo de xugu de sidre que yo nun m'alcuerdo de notar. En fin, da igual si ta bono. El segundu de la mio muyer si que ya llevaba. Merlucina a la sidre.



Merlucina fresca con una salsa prestosa de tomate y pimientos con un puntu acidu que-y daba la sidre. Perprestosa esa salsa, tenia un puntin mui bien llograu. Unes amasuelines pa acompañar el platu y un resultau ricu. Ye curioso esto de la merluza que yo recuerdo de piquiñucu como un pexe caru y qu'agora ta'n toles pescaderies mas qu'asequible de preciu. Escepto contaes ocasiones a mi nun ye un pexe que me de mas por el, pero ta perbien de preciu.

Pasemos de tomar los postres y tomemos un par de cafes con xelu, too ello por unos axustaos 25€/persona. Un sitiu a tener en cuenta si tas pela zona.