martes, 23 de septiembre de 2014

Ad Astra - Café Inglés (Silves - Algarve - Portugal)




 Ad Astra / Café Inglés, dos nomes pal mesmu llocal, o casi. Ad Astra ye la pizzería del Café Inglés y sitúase perriba del mesmu, n'una terracina que domina Silves cola Sé (Catedral) a un lláu y'l castiellu detrás. En resumen, les vistes y la pizza son el so atractivu, la pena ye que nun pues pidir otra cosa, si quies comer aquí, el menú ye pizza. El Café inglés, pola so parte abre una terraza nel descansillu de unes escaleres, unos metros per baxu de la terraza alta del Ad Astra y tien la ventaxa de que pues comer de too y la pizza tamién ye la mesma que la del Ad Astra.

Los fines de selmana tienen música'n vivu y cualisquier del sitiu qu'escoyáis ye prestosu, a nosotros prestamos despedinos del Algarve con bona temperatura y al aire llibre esfrutando colos peques de una cena "de mayores" ensin prieses. Aviso, lo que tien (foi la pimer vegada que me dí cuenta) apaecer en "Le Routard" (como odio les guíes de viaxe qu'etiqueten los sitios con cartelos) ye que los precios nun son mui portuguesos, ye lo qu'hai, tamién pagues el sitiu.

Falando de comida, lo que merez la pena ye la pizza, mases fines, fornu de piedra, puntu xugosín, vamos, que tan bones, nel casu de los peques (d'esta cenaron poco) una de xamón y quesu pa compartir (na semeya ta una metá, más o menos d'una de gambes del añu pasáu :-) ).



La comida de los mayores, pues bono, pasable, ensin muncha imaxinación al componer los platos (los dos teníen lo mesmo), cocina normal. Un llombu d'atún normalucu pa mí y unes gambes al curry que nun taben mal pero a les que yos-sobraba curry per tolos llaos.



En resumen, pagues más el sitiu que la comida, pero como relax y fin de fiesta presta, la prósima a pizzes y santes pascues. La nuesa recomendación, pizzes na terraza del Café Inglés :-).

Vinu blanco algarveñu de la casa, 1 de agua grande y un café con xelu por 68€, lo que sal (ente 3) a 22,7 € / persona que ye, con diferencia, un de los sitios de peor RCP de Portugal a nivel de comida, que si posteo, ye por otres razones, magar que la pizza tea bona.













2 comentarios:

Toni dijo...

En Portugal encuéntranse bonos sitios a veces pero reconozcamos que lo normal ye encontrar garitos de medio pelu.

Fartones dijo...

Chigrucos onde tomar dalgo, con guah.es mentantu la comida te bona y ellos puedan comer y esparder nun voi a la gueta de grandes sitios, pero polo menos que se xinte bien algo. Equi pizza, ye lo qu'hai :-) como restaurante palo demás como que non y eso que tienen la meyor atención de la zona, falla la cocina, nin, y tien otros puntos a favor. La mayor parte les vegaes cenamos en "casa" , pero creo que como'n tolos llaos, hai de too, malo, regular y bono :-)