sábado, 24 de mayo de 2008

La Tabla (Fano-Xixon)




Lo que antaño yera un chigrin onde daben comides y onde podia xintase una bona comida casera ye anguañu un restaurante perguapu onde tamien se pue xintar perbien, pero, digamos, otru tipu de comida, mas moderna, pero que cuida munchu'l productu. Ta claro que los fios ficieron un bon trabayu camudando'l sitiu del chigre al bon comer (hai sitios nos que nun fueron capaces de facelo anque lo intentaron). Puestu con munchu gustu, meses grandes y amplies y nun tas pegau al vecin. El sitiu decorau en maera y piedra ye realmente afayaizu y la zona de non fumadores ta mui prestosa porque si la de fumadores que ta perbien, ocupa el centru del restaurante, la de nun fumadores que foi onde xintamos nos, ta nel corredor y ye tovia como mas afayiza. Enantes de ponenos cola comida, teo de dicir que la profesionalida del personal ye perbona, la mesa nunca ta desatendia, pero nun te agobien pa na. A la hora de comer, xenial, de notable peraltu cuasi sobresaliente. Too detalles, tienen panin de tou tipo clases, la verda ye que'l de quesu prestonos munchu, yendo a la xinta, d'entamu la casa punxieronos un gazpachu de sandia y xamon, nel que los tastios taben perfectamente amestaos, perrico. Nos decidimosnos pola ensalada templada de llangostinos con mollejes de coriu. Como en toos los bonos sitios, lo de compartir venia emplatao pa ca un. Ye la primer de les semeyes, mui rica. Tenia un amestu de tomatinos y pimientinos, amas de lo que comentamos tamien llevaba xamon de coriu. Fresca y abondo contundente, taba aliñada con una salsina que llevaba un plizcu de mostaza que-y daba un toque bonisimu. Nos segundo yo tireme pola carne, sigo diciendo que n'esti tipu de sitios preparen meyor la carne que'l pescao y asina foi, anque dicir que'l pexe (botona) taba perbien cocinau y que tenia una salsa de compaña que taba pa llamber el platu, el problema güei foi qu'esti pexe nun ye de los que mas nos preste de tastiu (eso va'n gustos), pa mi onde te una furagaña... La carne, poco fecho como me presta a mi con fua, un par de boletus y pataquines a la panadera, taba que se salia, tanto'n preparacion como'n calida, con dicivos que foi capaz de partila col cuchiellu al reves endin esfuerzu. De los vinos, que dicir, tien una bodega que debe ser referencia nel Estau Español, tienen tantes entraes que como te pongas a lleer entovia tas elli pa la cena ensin escoyer. Nosotros tiramos de un blancu avieyau'n pipa de Rueda, Naides 2006, perfeutu blancu con bon equilibriu ente la maera y la uva, un pelin acidu d'entra, pero a mi eso me presta, dempues va quitandose-y. Ah!! les llambiotaes, com nunca llego nun me dio por pedir que preparasen el postre de chocolate, asina que tiramos por una especie de canelon de quesu la Peral con chocolante blanco gratinao, que taba perfectu pa nos. Nun val pa los llambiones porque casi nun ye dulce. Tien un amestu entre salau y dulce diferente, pero rico. La compaña foi con Oporto. Por ciertu, que pal cafe vuelven a date otru detallin de la casa, colo qu'entre que les raciones nun son pequeñes y esto, sales con una bona farturina, nesti casu foi un vasin con quesu frescu con confitura de naranxa por riba y como galleta en "povisa" por baxo. Preciu, d'ocasiones especiales, alreor de 56 € persona, pero bien pagaos. Bones nuechis collacios!! ya teneis otru sitiu pa quedar bien.

miércoles, 21 de mayo de 2008

El Fartuquin (Uvieu)

Ye un chigre si, pero ta perbien. Abondo bien puestu con una zona de barra y un poco mas abaxo la de chigre. Situau nel cascu vieyu d'Uvieu, ye un d'esos chigres de los que queden pocos na capital, baratu del too ya nun ye, pero he de dicir que yo les vegaes que xinte nun lo fice na mal y que la calida de la comida yera perbona. Equi voi camentabos varies cosines pa xintar, carne a la piedra (bona calida de la carne), los cachopos (pal que-y presten) tan perbonos y particularmente (anque esto tamien va'n gustos) tienen un repollu rellenu que se sal (si ya se, esa cosa que güel tan mal cuando lo cocines en casa). La bodega llega a los Ramon Bilbao, asina que teniendo'n cuenta que nel comedor nun s'echa sidre, ye un detalle que'l vino te abondo bono. Lo dicho, nun vos engañeis, como tolos chigres sienteste cerquina de la mesa del vecin, pero ye lo qu'hai. De toes maneres, chigre camentable y afayizu nel que podeis finar con una bona fartura por mas o menos 25 € persona. Los fines de selmana teneis de acutar que ta enlleno xente.

El Montañes (Uvieu)

Creo que güei voi escribir un poco sobre dellos chigres interesantes que casi toos conocemos, pero, nun vaya ser. El primeru, porque lu visite fai poco, ye esti chigre de la zona'l Milan. Poco conociu por tar un poco fuera mano, pero que nun dexa de ser interesante. El chigre debe llevar el so timepu equi, yo conozcolo de hai unos añinos, ta abondo bien puestu y siguin teniendo una bona cocina, de les de chigrear, vamos, pero bona. Aconseyovos un platu que tienen de picadiellu con cabrales que pue resucitar a un muertu. Nun se si eso lo camudaron, pero'n temporada de caza suelen tener pates de la casa de gochu xabaz y estes coses que ta bien rico. La cabera visita, foi pa xintar rapido, unos chipirones bien ricos (eso si, hipertensos abstenese) y una ensaladina de gambes con anchoes, xamon y pimientos. Bono, lo de enslada ye lo del 90% nestos chigres, son coses nel platu amestaes, pero taba abondo bien. Sidre del Gobernador, bon palu. Dos botellines de sidre 12€ persona. Bon sitiu pa dir sobre too en San Mateo, nun ta lloñe del centru pero ta apartao, lo que sinifica que xintareis ensin munchu xareu alreor de vos ya que los chigres del centru tan como pa nun arimase a ellos.

domingo, 4 de mayo de 2008

La Corriquera (Posada de Llanera-Llanera)



Entamu mayu con un de los sitios mas prestosos d'esti conceyu prestosu de por si ;-) (nun se porque digo estes coses, jeje) y a lo meyor dedico'l mes esti a Llanera. Bono, al tema, la Corriquera ye un sitiu perguapu y perbien puestu, vamos, perencontradizu. Va pa unos cuantos años que lleva furrulando y de siguir asina tara otros cuantos. La cocina ye tradicional, ensim complicase la esistencia, pero dando-y un calter particular a dellos platos. L'entamu de la ca foi pastel de calabacinos (pal que-y gusten los calabacinos taba rico, a mi ye que nun me dan mas), nos entamamos con xamon, como siempre digo, esto nun lu fain ellos, pero hai que saber escoyelo y taba perbono. Al segundu yo di-y al corderu llechal, los cuartos d'alantre, y rico taba, pero la salsina, col toque xustu d'ayu, taba pa moyar el platu varies vegaes y nun lo duldeis, eso paso. Les manes de ministru, perdon, de gochu, prebeles y taben de muerte, el platu d'arroz con setes debia tar mui rico polo que quedo. En fin, que xintamos bien con un pero, los pescaos nun son el fuerte'l chigre y anque creo que la chopa taba rico, la merluza foi que nun munchu, ye lo qu'hai, equi teneis de dir a carne o sicasi al bacallau que tamien lu preparen perbono. Les llambiotaes, nun les prebe, pero dixeron que'l requexon y sobre too'l tocinillu de cielu que taben pa rellambese. La compaña de estupenda, tienen una bona bodega y nun ye dificil escoyer, nesti casu un Priorat, Les Terrases 2005, que rico. Como tuve convidau, nin idega, eso si, viendo los precios de la carta, nun ye caro. Pa entamar el mes ya m'endegueye munchu, asina que hasta otru dia con nueves entraes. Nes semeyes el corderin y les manes de gochu