martes, 21 de diciembre de 2010

La Bolera (Anayo - Piloña)


Tres d'un di de relax per Torazu col consiguienti vermu, decidimosnos a prebar un bar de tola vida de la zona que nun conociemos. Asina que dende Torazu punximos el Tom-Tom a furrular y tiremos a esti pueblin de Piloña.
La verda que nun ta mal situau, ente la frontera de Villaviciosa y Piloña, pela caleya de Sietes, xustu nel altu ta Anayo y a la vera la carretera teneis La Bolera. Esto tan cenciello hai que lo esplicar al cacharru esi del GPS, que debia saber que soi un caleyeru empederniu y metiome per toles pistes forestales qu'alcontro (tamien venia de Torazu y non de La Villa, pero en fin). Al casu, que menos mal que taba'l dia perguapu y nun llovia porque sinon nun llegamos. El viaxe merecio la pena, dende'l altu podeis esfrutar d'unes vistes impresionantes de los Picos (semeya un) y si mirais pal otru llau veries la Mar. Lo dicho, impresionantes vistes.

El chigrin ye perpequeñu (semeya dos), eso si, tien aparcamientu pa Andres y otros tres, nun se yo si querran ampliar pa fecer un de bodes y banquetes!.
Fuimos ensin acutar y con un comedir d'un masimu de 14 persones (tirando polo alto) tuvimos d'esperar un cuartin d'hora. Pa facer mas entretenia la espera tomemos el vermutin na terraza al solin y mirando pa los Picos (otra vegada la semeya dos).


Llegamos a lo que nos interesa, la parte de bar nun ye mui grande, pero la de comedor ye minima. Puesto abondo cuquin, bien llimpiu y con ventanes a la vista montañil. Carta cantada ensin complicaciones a base de guisos y arroz con coses, el que quiera pexes meyor marcha pa La Villa. Serviciu atentu y amable entren bones sensaciones dende que te sientes. Dos platos tradicionales cabritu guisadin (semeya tres) y pitu caleya (semeya cuatru).
Dos platos contundentes en racion, perbien cocinaos, con un guisu d'arbeyos y pimientinos. Tastos impresionantes, tienros, seles y cola compaña d'unes pataquines de verda frites. Yo diria, nun apostarie la manu n'ello, pero diria que'l pitu paso un plizcu pela sarten primero y dempues a guisar. Los dos platos pa amantes de los tastos de siempre o refalfiaos de la comida moderna. Perbonos, de lo meyor que xinte ultimamente.
La carta de vinos tamien ye "a capella" y nun espereis equi la guia Repsol de vinos. Nel nuesu casu, un mas que dignu Ramon Bilbao crianza 2007. Si quereis sidre el palu ye de Coro, anque supongo que nel comedor darante'l pitorru verde esi pa chala.
Un par de cafetinos con xelu, el vinu y'l vermu d'enantes d'entrar y un chupitin d'oruxo con miel por 19,90€/persona. Gran RCP y mas si pensais que les raciones valieron 12€ ca una. ¿Quien alcuentra un pitu prietu de verda y bien cocinau n'una racion asina de contundente por menos de 17-19€? pues creo que ya en pocos sitios. Volveremos, ensin dulda, anque nun ye sitiu pa nenos mui piquiñinos (nun tienen onde esparder)

jueves, 16 de diciembre de 2010

Casa Rosina (Santana d'Abuli - Uvieu)


* Imaxe sacada de www.casarosina.es

Casa Rosina ye un chigrin prestosu de tola vida n'Uvieu. Diendo pal De Labra siguis la caleya un pucuñin mas y pegau a la pista elli lu alcontrais. Esti chigre o casa de comides tien dos comedores un pegau a la barra'l bar y l'otru, que ye como una ampliacion del chigre de tola vida, un pucuñin mas alla.
Esta vegada nun tome semeyes porque yera una comida de trabayu y nun yeren formes, h.e h.e. Al casu, la carta ye cantada asina que de memoria ye percomplicao dicivos que tenien. Gran varieda de comida dende pexes a carnes.

D'entamu toos nos decidimos peles alcachofes naturales salteaes con xamon. Nun ye facil alcontrales eso, naturales, asina que paecio que toos nos punxeremos d'alcuerdu.
Platu pa cuatru persones que dio pa repetir toos otra vegada. Alcachofines estupendes con un poco d'aceitin d'oliva virxen y trocinos de xamon del bono. Perbones.

De segundu paecio que nos punximos d'alcuerdu de dos en dos. Dos de fritos de pixin con perbona pinta que nun prebe pero que contaron cola aprebacion de los xintadores.
Pela mio parte calamarinos frescos encebollaos con pataquinos. Nun penseis en un platu color prieto, encebollaos si, pero na so tinta non. platu cenciellu pero mui conseguidu con unes pataquines de verda, unes cebollines pasaes lo xusto y casi de xuru que caseres y unos calamares perbonos en plan guisu con un tastu redondu y una testura sele y tienra. A mi prestaronme munchu.

Tres postre na mesa (dos tartes de quesu y una crema de requexon con figos). Nun prebe dengunu pero tenien bona pinta. Cafes, pan, una botellina de Fuensanta y otra de Muga crianza 2006 (abondo llograu esti vinin) por 36€/cabeza. Un preciu axustau pa Uvieu, n'un sitiu recomendable.

jueves, 9 de diciembre de 2010

Au Cheval Gourmand (Limburgo-Valonia-Belxica)



Si, si, palos que sepais que dibemos a pasar el puente nel estranxeru, si, salimos dos hores enantes del plante de controladores y lleguemos un dia enantes del follon aereo del centru d'Europa :-). Asina que puedo postiar esti sitiu tan prestosu.
La razon de quedar nel Ducau de Limburgo foi la estupenda situacion na que ta pa visitar cola peque diversos mercaos de Navida de la zona, sobre too el d'Aquisgran a unos 25 km d'equi.
Limburgo ye un pueblin piquiñin y perguapu con un cascu historicu protexiu na Valonia y que merez una visita ensin dulda. Lo nuestro yera facil, la casa de turismu rural na que nos quedemos taba nel mesmu centru, enfrente d'un de los dos castiellos y delantre de la Ilesia (semeya un). Una esperiencia pa esfrutar d'un ratiquin d'una Navida diferente colos mas peques.
Belxica recibionos con ñeve abondo y despidionos de la mesma manera. El dia que lleguemos ya taben trancaes les tiendes, asina que fuimos cenar fuera. Nel centru historicu dos chigres y escoyimos la suxerencia del dueñu la casa.



Au Cheval Gourmand ye una Boulangerie (pasteleria)-restaurante con platos tipicos de la zona y tranquila. Puesta en maera, colos adornos de Navida y'l calorin de dientro ya nos prestaba tar elli enantes de xintar (semeya dos). Al llegar habia namas qu'otra pareya con dos nenos, pero nel ratu que pidimos ya quedemos solos. Normal si se tien en cuenta la ñeve y que a les 20:15 la nuechi nestos pueblos ya ceno tou'l mundiu (a les 21:00 trancaben).



Pela parte de la mio muyer, una de les suxerencies de la casa, ensalada de pechuga de pitu (semeya tres). Una racion mas que considerable con una ensaldina prestosa n'una salsa agridulce y pechuga reboza con pan, perrexil y mas especies estupendamente preparao. Esi rebozu yera la gracia'l platu. Perbonu.



Pela mio parte callo otra suxerencia. Una quiche con xamon, cebollina,verdures y por supuestu quesu y una base estupenda como solo puen facer n'una bona pasteleria (semeya cuatru). De compaña llevaba la mesma ensaladina que la del pitu, pero'n tamañu reduciu. Un bona sintonia de platu como ya indicaba la nota que me debuxaron con vinagre caramelizao.



A la peque (que'l peque ye mui piquiñin pa enterase d'esti viaxe y nun vino) antoxosei chocolate. Pues na, gofre con chocolate pal llombu porque la verda que llevaba xintao durante'l viaxe de too y estrañonos hasta que tuviera fame (semeya cincu). Na que ver esto colos gofres de les feries españoles, con chocolate fundio pa char enriba y un chocolatin templadin de compaña. Punxose les botes.



De compaña media botella de vinu blancu de la casa (rico, pero nun sabemos que yera. La carta de vinos yera asina como "1 botella, 1/2 botella, 1/4 de botella o un vasu" de vinu blancu, tintu o rosau) y'l mio Carlos V enantes de llegar a Tazones y volvese I, en vasu de Kwak (semeya seis). Un gustu esti pais pa los amantes de la cerveza, a eso si que me punxe ciegu. A destacar tamien el pan, fechu nel propiu restaurante y que taba pa rellambese.

Un bon sitiu en xeneral, tanto'l pueblu pa visitar la zona (tamien ta percerca de los cantones del Este pa dir al parque natural de los Hautes-Fagnes), como'l sitiu pa facer una paradina y too por 19€ por adultu (38€ de cuenta) :-)

domingo, 14 de noviembre de 2010

HR Amada Carlota (La Cotariella - Cabranes)


Ya somos unos asiduos a les xornaes de la güerta y la viesca de Cabranes dende que les nauguremos alla pol 2007. La verda que da gustu la oferta hotelera y de restaurcion d'esti conceyu vecin y piquiñin que dame muncha envidia si miro pal mio Sariegu.
Ya conocemos la mayor parte de los chigres de Cabranes, pero viendo los participantes llamome munchu l'atencion esti hotel rural que, igual toi equivocau, pero paezme que ye la primera vegada que s'apunta al tema. Mirando la paxina güeb llamonos munchu les vistes del sitiu, asina que decidimos prebar la cocina.
Comedor piquiñin (3 meses) con unes vistes impresionantes al valle, aunque'n dos de les tres meses hai un sitiu nel que pues quedar d'espalda. Ensin dulda la meyor mesa ye la de la semeya un onde naide queda ensin esfrutar del mesmu. Tamien ayudo'l dia de seronda que pola mañana tuvo ensin llover y con solin. Tratu esquisitu por parte'l dueñu y musiquina persele qu'ayudaba a relaxase.
De detallin traxeronnos un par de crocretes de morciella que daben a entender que dibemos xintar acorde'l sitiu.
Ya de primeru una sopina de castañes al Pedro Ximenez que taba perbona y na que lo unico que s'echaba de menos yera'l que'l tiempu nun tuviera peor pa esfrutar mas del calorin de la sopa. Tastu xustu a castañes, sele, ensin empalagar pero mostrando la contundencia delles nel platu. Gustome munchu (semeya de baxu).

De segundu tomate confitau de la güerta con cruxente de cecina (el papelin ponia virutes, pero non, yera un cruxente). Segundu estupendu, un tomatin con tastu de los de verda, llixeramente confitau, con un cachu de cecina en cruxente (perfeutamente llograu de testura) too ello con aceitin de perrexil que sirvio pa facer "barcos" col panin (por ciertu que foi lo unico que nun taba a la altura, el pan). Bien conseguidu'l tema del camudar el calor del primeru pol friu del segundu. Prestosu y ricu.

Pasemos entos al caberu platu del dia, sollombu de gochu en salsa de mazana, con cebolla acaramelizao y muselina de mangu. Munchu nome, a l'altura del platu. Un sollombu tienru, bien cocinau, poco fechu como me presta a mi, sobre una salsina de mazana un plizcu dulce que-y ponia esi contrate a la carnona. perbonu, gustome munchu. L'unicu que llego xustu de temperatura a la mesa y col pasu de los minutos termino un plizcu mas friu de la cuenta. Pero vamos, esto ye por poneme pih.u col tema porque taba coyonudu. La cebollina de compaña tamien taba perbona, mentantu que la muselina de mango yera l'adornu que s'esperaba n'una esquinina del platu.

Ya cola fartura completa llego'l postre, frixuelu rellenu de mermelada de frambueses. Ricu, ya sabeis qu'esto nun ye lo mio. Gustome munchu un cachu de dalgo que llevaba figos que vese a la manzorga de la semeya de color prietu.

Pa beber habia tres opciones, tintu Jumilla Juan Gil Monastrell 2008, Care Rosao de Cariñena o Sidre de mesa Villacubera (de Cortina n'Amandi). Escoyimos el tintu. Vinin curiosu d'alta graduacion alcoholica (15º) pero sele'n boca y afrutau. A mi gustome. Dos cafes con xelu y dos chupitinos de mazana verde de Los Serranos (pa mi los dos), tou ello por 29€ persona, que yera mas o menos como taben tolos menus na zona (variaben dende los 26€ hasta los 32,4€). Ensin dulda un sitiu especial pa repetir tirando de carta a ver que tal.

miércoles, 10 de noviembre de 2010

El Sena (Torazu - Cabranes)





Tres del desgraciau incidente gabachu, un nun podia quitase de la tiesta el restu de Paris y bono taba Torazu ehi a la vera. Torazu tien munches similitues con Paris, los dos tienen helipuertu, los dos tienen hoteles con SPA, viesques frondoses y los dos tienen un Sena. Hai munches diferencies, la mas importante ye que'n Paris yo nun alcontre un sitiu onde te dieran tortos con picadiellu y güevinos de casa lo que, per otru llau, y-resta munchos puntos.

Mira que paso munchu per Cabranes en xeneral, pero nunca entrara nel Sena (casualida) asina que decidime l'otru dia. El Sena ye un chigre de los de tola vida con mantelos de papel y sidre pa beber (nun mire si tenie carta de vinos, la verda) y una parrilla detras de la barra que domina la entra pel bar. Nun hai carta, polo menos en domingu, sinon dos paisanes cantandote les coses que tienen que n'un 90% de la parrilla que manexa l'amu.

Esti dia yera facil, daque verde, daque carne, un con fame y otra que non, asina que pa compartir una ensaladina de llechuga, tomate y cebolla bien rica (semeya un). Dempues la parienta decidiose por media de costielles de gochu, pasadines lo xustu, riques y xugosines. El chimichurri que tienen ta bono y nun pica munchu (semeya dos).

Pela mio parte llego un de les estrelles del chigre, el sollombu de gochu (semeya 3) a la parrilla. El gochu debia ser la "gran" estrella del cubil polo menos pol tamañu del sollombu, si bien taba como abiertu a la meta de xuru que pa poder dexalu xugosin na parrilla. Impresionante, pa que contar, tienru, xugosu, con esi llixeru afumau que dexa'l cocinar con maera, ensin dulda de lo meyor. De compaña venia con unes pataquines frites caseres y un poco de verde.

Taba abondo fartucu y nun soi llambion, pero claro, nun voi dexar la oportunida de pedir l'arroz con llechi de Cabranes, asina que pedilu....pa llevar a la mio güela esi mesmu dia. La so opinion en dulces ye valoratible na mio casa, nun porque los cocine, sinon porque nun conozco paisana mas llambiona, ye capaz de xintar una bandexa de pasteles ensin respirar. Puntuolu realmente altu, pal mio gustu (pude meter una cuyar al cuencu n'un despiste) taba un plizcu mas dulce de la cuenta pero claro, la mio opinion n'estos temes ye intrascendente, la verda que taba perbono.

Dos botelles de sidre del palu de Coro, cafes y pan por 16€/persona. Aprovechai a xintar el sollombu que dixome un paxarin con familia elli que'l paisanu xubilase o a finales d'esti añu o pa primeros del que vien. El negociu va tenr continuida, pero lo que importa ye'l parrilleru.

miércoles, 3 de noviembre de 2010

Le Laurent (Paris - Francia)





Primera visita pola mio parte a Paris, la ciuda del "Amour" o "el pueblu de Juanjo" que yera como la conocia hasta agora. Pena de visita rapida porque llegue'l mesmu dia de la cena y'n cuatro hores, cual turista nipon, diome tiempu a patear dende'l Arcu del triunfu hasta'l Louvre pasando pel Obeliscu y la Torre Eiffel, eso si, paeciome una ciudad impresionante y quede con ganes de volver con mas tiempu.

Dempues d'esti paseu, el madrugon aeroportuariu y la xinta del aeropuertu ya taba yo naguando por una bona cena en Paris. L'escoyiu polos mio anfitriones foi Le Laurent, xustu enfrente del Palaciu del Eliseu colo que nun perdi la esperanza de ver a Carla Bruni perlli (a mi Sarkozy ye que nun me pon na) durante la mesma. La verda que'l sitiu prometia, una institucion na ciudad, un cheff, Alain Pegouret, dau a la cocina d'autor y xuntar Francia y cocina, la cosa nun pintaba mal.

Tres de la recepcion, que pase tomando champan del ricu y falando ingles ente gabachos, entremos a cenar n'un salon d'esos piquiñinos (yeremos unes 60 persones) y afayaizos pero qu'en pocu tiempu paso a ser piquiñin ensin mas, con esa mania que tienen equi de ponete los cubiertos casi enriba del platu del vecin. Nun se si habra que yos-explicar a los franceses eso del "espaciu propiu", menos mal qu'un nun ye Tachenko y entra en casi cualisquier sitiu.

Entamo la cosa con un indescriptible primer platu consistente en salmon marinau debaxo d'una capa de color verde que llevaba de too, dende tastos a naranxes y llimones a pepinillo con una testura ente xelatina y emulsion y que nun me fixo la menor gracia. Polo menos el salmon de baxu taba medianamente ricu. Debe tar de moda en Francia (polo menos en Paris) esto de poner la comida embaxu un conxuntu d'otres coses porque vilo na comida del dia siguiente nel centru de conceyos en varios platinos.

Ta claro que la cosa nun entamaba bien. El segundu (semeya dos) ameyoro les sensaciones ensin llegar a nada destacable dientro del mio sentiu del tastu que igual nun ye del tou finu. Entrecot de xata (la pieza central ensin nervios y con un corazonin de grasa) con tastu bono pero ensin gracia (la pieza nun tenia'l tastu que se y-presuponia). Fechina per fuera y sangrante per dientru, fallo mas la pieza y la falta de gracia del conxuntu (4 pataquines sueltes y un cogollu d'ivernaderu del Ejido) que la cocina en si.

Venga, ya taba yo quemau colos francese y la so nouvelle coucine cuando llego'l postre y...dexome com taba. Bon chocolate pero sobre una base "galletil" que nun-y aportaba na de na (semeya dos).

A tou esto, los vinos de la cena (de los que dexo la semeya tres a los entendios) fueron lo unico prestoso de la mesma, ensin ser denguna maravilla. Gustome mas el tintu que'l blancu. Esti caberu influiu por el "bon" facer d'un "profesional" que s'empeño en creer que'l blancu yera un "blanc de blancs" echandome la ultima copa de vinin na del agua. Y direis que que pih.u que soi, que que mas me daba una copa que otra y tendrieis razon porque les copes d'agua y vinin yeren iguales, si nun fuera pol pequeñu detalle de que la d'agua tenia dientro eso, agua y de la de gas, d'ehi lo de pasame del blancu al "blanc de blancs" llixeramente espumosu.



En resumen, nun se lo que pagaron por persona, pero si tenemos en cuenta que'l chigre nun ye baratu y qu'un menu curtiu cuesta sobre los 150€ sin bebides, fixome pensar eso de "¡ay! si vendieremos meyor l'Asturies-España gastronomica". En fin, que si vais a gastar perres a Paris n'um bon chigre, nun vayais a esti por muncha Carla Bruni qu'espereis alcontrar.

viernes, 22 de octubre de 2010

Balneariu de Salinas (Salinas - Castrillon) por Pululante

Se trata de uno de los restaurantes más afamados de Asturias, no en vano cuenta desde hace tiempo con una estrella Michelín. Está regentado por los DeLoya que posteriormente abrieron un templo gastronómico en un hotel de Oviedo y que también llevan la cocina del hotel NH de Gijón. Estos avales hacían presagiar una buena comida.

El enclave del restaurante es absolutamente espectacular. El edificio está situado en la misma playa de Salinas y llaman la atención nada más entrar los amplísimos ventanales desde los que se puede ver toda la playa. Prácticamente la ubicación por sí misma justifica el alto precio de este sitio. En cuanto a la decoración es clásica pero sin caer en antigua, mesas y manteles sobrios combinados con unos cuadros coloridos que le dan una nota alegre.

Dentro de la carta elegimos unos montaditos de setas, foie y yema para empezar. Mientras esperábamos nos trajeron un pequeño aperitivo consistente en una mini-tosta con foie y un trocito de atún con salsa de tomate, ambos fueron un pequeño (muy pequeño) deleite de sabor para anticipar lo que vendría después.



El montadito era una ración individual así que tuvimos que pedir uno para cada uno, y eso a 15€ cada plato duele. La verdad es que estaba delicioso, el foie y las setas hacían un excelente conjunto. El huevo acompañaba bien aunque quizá su sabor más suave robase un poco de protagonismo a lo exquisito del resto.



De segundo cayeron el tataki de atún rojo con salsa de soja y el rape a la armoricana con bogavante.
Ambos platos muy ricos. El rape estaba bastante bien hecho, quizás un pelín duro. Digo un pelín por ponerme al nivel de exigencia propio del lugar, en cualquier otro estaría perfectamente. De bogavante venían un par de trozos pequeños ya pelados. Este sí que estaba muy suave al paladar, totalmente delicioso. Lo que más me gustó fue la salsa, no pude averiguar qué contenía pero sí que me sorprendí remojando generosamente los trozos de pixín y bugre, cosa poco habitual en mí.



El atún rojo venía cortado en cubos de tamaño medio un poco pasados por la plancha para darles algo de color y consistencia por el exterior. El borde de cada pieza resultaba un poco menos sabroso al estar cocinado, en cambio el interior practicamente crudo estaba tremendamente bueno dejando entrever la excelente calidad de la materia prima. Riquísima también la combinación con una salsa de soja rebajada que tenía un sabor muy ligero (la soja normalmente tiende a matar cualquier otro sabor, pero en este caso estaba bien equilibrada) .



Para acompañar estos platos elegimos un vino Riestling alemán de la extensa carta que nos ofrecieron. No es habitual encontrarse con este tipo de vinos y si bien su precio es quizá demasiado alto, había que aprovechar la ocasión de probar uno de ellos. El que cayó en nuestras copas fue un Müller de 2008, ligeramente afrutado, que nos gustó bastante aunque yo sigo prefiriendo el albariño (no soy muy amigo de blancos).

Señal de que los platos no fueron muy abundantes todavía nos quedaba sitio para el postre. Por mi parte pedí un souffle de chocolate. El bizcocho que contenía el chocolate caliente estaba hecho en vertical, muy alto y al irlo comiendo el chocolate fundido iba cayendo hacia fuera como si fuera una fuente de chocolate. Un auténtico placer para cualquier amante de este manjar. Acompañando venía un helado de mango, con un toque un poco amargo que no me gustó demasiado.
Por la otra parte de la mesa pidieron tocinillo de cielo, que tenía buena pinta y me comentaron que estaba delicioso.



Al final la broma salió por más de 150€. El rape eran 39€ y el vino unos 45€. Desde luego no fue un sitio nada barato aunque ya lo esperábamos.

Y dado que en estos sitios lo pagas, a modo de crítica comentar que hubo varios aspectos negativos a señalar. Por ejemplo, al principio de la comida la atención fue con demasiadas prisas, hasta el punto que nos sirvieron el segundo plato cuando yo aún no había terminado el primero. Además en alguna ocasión nuestra copa de vino estuvo vacía durante un tiempo sin que nadie la rellenase. Ya digo que es por sacar punta a todos los detalles, porque cuando hablamos de locales de esta categoría considero que no debería descuidarse ni el más mínimo detalle. Por el lado positivo también mencionar que cuando llegamos a los postres se nos había acabado el vino y nos rellenaron una copa más por gentileza de la casa.

En resumen magnífica comida y magníficas vistas pero evidentemente bien pagadas, para ocasiones muy especiales.

viernes, 15 de octubre de 2010

Casa Zulima (Caliao- Casu)




A esti pasu podia llamar al blogue "un chigre na mochila" o "Camin de Fartures", pero nun-yos llego a la suela los zapatos nin al gran Labordeta, nin a Ambas, asina que seguira siendo "Fartucones" y ya ta.

Dempues de dar un pasein pela ruta'l Alba con unos collacios (digo pasein porque con tantu nenu mas alla del paseu, como que non) garramos el coche y fuimos pa Caliao. Enantes de llegar a Caliao pasase pela Encruceyada onde la presencia masiva de cazadores nel bar fixo que la dulda abordara la mio tiesta, ¿igual Zulima nun ye lo que yera?. En llegando a destin, tire la dulda pela borda, Casa Zulima tamien taba enlleno d'escopetes.

La mesa que nos prepararon taba xustu a la entrada del comedor y sola, lo que nos dio munchu marxen de xuegu colos nenos porque'n finando la xinta pudimos controlalos ensin mayores problemes.

Tolo que pidimos foi pa compartir y punxeronlo nel centru la mesa en fuentes, asina que les semeyes nun son fiables respectu a les raciones, porque les serviemos nosotros. Palos nenos pidieronse pataquines, güevos y picadiellu (semeya un) que ya los adultos terminemos de rebañar. Impresionantes, güevos y pataquienes de casa fritos nel so puntu ensin aceiton y un picadiellu perricu, ideal palos neños porque nun taba na picante (la mayoria punxeronse les botes).

Dempues d'esto llegaron les raciones de los paisanos (y paisanes), cabritu guisao y gochu xabaz con setes (semeya dos). Bua!! que bono. Yo nun prebe'l cabritu pero dixeronme que taba perbonu. Eso sidel gochu xabaz doi bona fede de que taba pa rellamber el platu con esa salsina con setes compactina y de gran tastu (ta entrandome una fame que...). Les dos coses venien con otra racion de pataquines caseres frites que taben pa morrer de gustu. Ah! Escaeciaseme contar qu'un de nos pidio fabes (nun-y entrugue que tal pero visto que'l so guah.e casi y-les fina, males nun debien tar).

Na mesa nun falto'l verde ya que pidimos un par d'ensalaes mistes, unes raciones contundentes d'ensalada colos compuestos normalinos (bonitu, cebolla, tomatin, aceitunes...) nel que'l bonitin nun taba nada mal.

Varios postres de tartes y eso que nun entrugue y'l mio pa compartir que foi quesu casin con dulce de mazana. Mui ricu'l quesu y perbonu'l dulce que pretome munchu y eso que nun soi nada llambion (semeya 3). Cafes, agua y dos botelles de Campillo Crianza 2006 (a 15€ ca una, que tamien ye bon preciu) y la cuenta nun llego a 39€ por pareya. Pa que vos faigais una idega xintemos 6 adultos y 5 nenos pequeños y quedemos bien fartucos.

Puxa Asturies!! qu'entovia queden chigres onde se xinta bien y a bon preciu y eso que tamos na entrada de la ruta de los Arrudos y turismo pela zona hai abondo.

viernes, 8 de octubre de 2010

Casa Narciandi (La Maera - Siero)





Ya se, ya se, ultimamente lo mio son les "cases" dalgo y les que me queden por prebar pa organizar una xintadina curioso de comida tradicional. Esta vegada apaecimos equi por antoxu tempraneru d'esos dificiles de facer sobre la marcha, pero si lo diz la xefa ya se sabe. ¡¡Hala!! a buscar un chigrucu sobre la marcha, ente Sariegu y Llanera y con pitu caleya ensin ser por encargu.

Casa Narciandi lleva faciendo esto nel Altu la Maera dende que teo usu de razon y digo yo dende que la tien el mio pa, los mios güelos, etc...porque debe llevar ehi dende los tiempos de Carolo. El sitiu ye abondo afayaizu (anque xustu les meses de la zona mas guapa tan un plizcu apegaes ente si), puestu en piedrina a la entra y con maera d'esa de tables peles paredes na zona mas nueva onde les meses tienen mas distancia y tase comodu. Destaco que na decoracion tien delles acuareles de Juan Rionda y hasta un debuxu del maestru Ibañez con Mortadelo poniendose les botes.

Too paecia indicar una bona fartura, paisanos y paisanes del pueblu y cerca, Tou terrenos normales y de los de postin, casina de siempre, en fin, nun se, daba-y bona pinta.

Entamemos con una ensaladina mista cenciellina porque dempues d'una boda, como que necesitabemos dalgo fresco, la mar que notaba na tiesta nun yera d'eses tranquiles, mas bien d'eses qu'arrastren. Ensalada de lo mas normal presentada colos ingredientes xustos (troncu de bonitu de bona conserva, aceitunes, esparragos, llechuga, tomatin- perbonu, si, si con tastu-, cebollina y un par de lonches de bon xamon). Entro bien y taba bien aliña que yera lo que queriemos. Rica

De segundos, el pitu "antoxu" de caleya per un llau y, pela mio parte, media de callos. Si, esa racion (semeya 3) ye media, si llega ser entera igual arreviento. Los callos ponentelos de mano con unes guindilles cayena pa poder echa-yos al gustu. Eche munches porque anque los callos nun taben malos, tampoco taben bonos. Faltaben-yos fuercia, consistencia, amestu de tastos, nun se, floxucos, un plizcu decepcionantes.

El Pitu de caleya llego con perbona pinta. Bon bichu, bon productu, prietin y tienru, pero lo mesmo que los callos, faltaba-y dalgo, esi puntu de cocina que tienen en otros sitios (casa Adela por exemplu). Con esi productu puen facese platos impresionantes y esti nun pasaba de normalin. Un detalle qu'estropio la presentacion fueron los arbeyos. Nun se pue, digo yo, calcar 17€ por una bona racion de pitu y presentalu con unos arbeyos de bote ensin pasar pela sarten siquiera. El platu, floxucu. (Semeya 2).

De compaña tiremos del Campillo Crianza 2006, teo dicir que la carta de vinos ye clasica peron con bones entraes y que tan toos perbien de preciu, los 14€ en chigre del Campillu sorprendierionme, tamien ver un Abadia Retuerta a 15 na carta y asina con toos. Un puntu pal chigre.

Dos cafes con xelu y un moscatel de la Marina y 27€ por cabeza. En resumen, bon productu, pero falta-yos un puntu na cocina. Igual ye que taba la cocinera/u suplente, pero nun me convencio. Bon preciu, pero al nun xintar tan bien como esperaba, resultome normal.

Habra que siguir prebando "cases" pa esa farturina pendiente.

martes, 21 de septiembre de 2010

Casa Adela (Lada- Llangreu)



Hai que lo lleer too, dizlo mio pa y tien mas razon qu'un santu. Nun solo hai que lleer sinon que tamien hai qu'escuchar. Gracies a la llectura de los blogues d'otros collacio pues llegar a sitios como esti, y si llego a poneme a escuchar al mio pa igual llego enantes (mira que creer que nun lu conocia!!).

Los planes pal domingu pasau pasaben por otres idegues, pero mira tu que salio un dia soleyeru como quiriendo despedise del branu y camudaron les nueses intenciones pa dalgun sitiu que tuviera terracina pa tar xintando al aire llibre que n'Asturies nun tamos sobraos de dies prestosos. pela tiesta pasaron un par de sitios (casa Josefina, Les Viñes...) pero nun cuayaron hasta que prendiose la bombilluca y cayimos en Lada.
Dir a Lada a xintar fuera pue paecer raro, pero les semeyes del blogue de "Asturies de Mar, Monti y Fogones" terminaron de convencenos. Gran idea la de venir hasta equi.

Al fondu de Lada, la casa ta situa de forma estratexica (ensin querer, digo yo) pa que dende'l prau y la terraza nun veas la "parte guapa" de llangreu (termica, quimica and company).

El dia acompañaba, el sitiu tamien, los pitos taben a lo suyo y'l burru taba pastiando tranquilamente. L'otru burru (o sea yo) ya taba naguando por entamar la comida.

D'entamu pa compartir nos decidimos por una ensaladina templada de pulpu (semeya siguienti). Rica y fresca que yera pa lo que taba'l dia. El pulpu cola testura perfeuta, vinagretina perriba, unes fueyes de llechuga y unes pataquines cocies. Curioso los de les cebolletes en vinagre. Dieron-yos como un toque de sarten pa pochales y dexaronles un plizcu acaremilazaes y d'esi color marronin que se ve na semeya. Curiosu amestu el que dexo esi toque cola vinagre que traen. Curiosu y prestosu.


Pero, sin dulda, lo interesante del sitiu son los fogones de verda y, como'l pitu caleya ye por encargu y nun taba preparau pa da-yos caña a los que saltaben pel gallineru, pidimos una de rau de toru y una de cabritin con pataquinos. Buff,buff, que fartura y que placer de cocina. El mio cabritin taba pa rellambese, tienru, bien guisao, sele de tastu, con una salsina de pimientinos que facia saltar les llarimes al tou buen comensal que se precie. En resumen....que bono!!. Agora, si'l cabritu taba impresionante, el rau de toru foi un espectaculo pa los sentios. Acompañau de unos pataquinos, el tipicu guisu de paisana de tola vida con un plizcu cebolla y unos bonos trozos de rau (de toru, de güe, de vaca, de xatu o lo que fuere) yeren pa sacar al llombu a la cocinera pela puerta grande.


A tou esto pa pasar la comida tuvimos con un Aalto de 2006 que me resulto mas potente que'l del 2005 que prebara un par de mesinos pa tras. Quiciabes tien que ver que como sigan asina en España coles graduaciones de los vinos (14,5%) dientro de poco va dar lo mesmo xintar con vino que con una botellina de Macallan (ye un dicir) o eso o pidimos el vinu por chupitos. De toes formes, vinu potente n'un principiu que ameyoro col pasu del timepu al dir abriendo poco a poco. Llixera maera y ya nun se mas, el que quiera que merque "la guia Peñin" que yo solo se que taba bono y nos presto asgaya.

Tres cafetinos de pota con xelu (repeti, apeteciame), un chupitin d'oruxo con herbes y 37,5€/persona. Teniendo'n cuenta quel vinin yera casi la meta de la xinta "I'll be back" como diria Terminator porque paeciome una gran RCP. Sitiu realmente interesante que merez una visitina.

jueves, 5 de agosto de 2010

El Pumarin (La Pola - Siero)

El Pumarin ye un chigrin qu'hai al fondu, pero mui al fondu de la mitica plaza de Les Campes de La Pola. Pa mi ye un de los chigres que llamo "el descansu del guerreru". Vamos, que cuando un farta, ente comilles, de tastos mas novedosos y simplemente y-apetez dir a un chigre con bona comida casera, aparca equi y'n dellos contaos colos deos de la mano (hai mas, pero digo de lo que conozco).
Esti chigre nel que se golifa la sidra (Pachu pa mas señes), sientense, los cada vegada menos, cancios y si, porque nun dicilo, tamien el fumu de les meses y la cocina. Alcuentrense tamien una de les irreductibles manes de cocinera vieya y esperta que ñegase a perder una de les tradiciones cocineriles de La Pola, la casqueria.

Ye equi onde, preferiblemente fuera si ta bon tiempu, pongome comodu n'una mesina de maera, miro pa la plaza, pido sidre y entamo a entrugar eso de "que tenemos?", por que nun hai carta, esta siempre vien n'un bloc de notes piquiñin de la mano de la cocinera (o'n fines de selmana de la mano de los mesmos camareros que siempre ayuden nos dies de mas barullu). Ella ye la que canta lo que-y queda n'esi momentu. Siempre hai pa nos (y pa tolos parroquianos) un platu fixu nel menu, pero hai qu'escoyer otru. Como siempre, dempues de escuchar la llista piquiñina, sal un "un tenemoslu claru, del otru que me cuentes". L'otru dia, dixonoslo ensin duldas, parroches fresquines (semeya un)



Sabroses, con un poco xamon fritu y pa dientro con unos culines. Una racion curiosina.
Les parroches ye una de les coses que nun m'apetez facer en casa porque queda un olorin dempues que cuesta ventilar, asina que si fuera ye tan clara la recomendacion, nun tienen dulda.

Pero'l platu estrella ye otru, un que siempre tien y que nun ye tan facil d'alcontrar y menos tan rico, un nel que ensin el una visita a esti chigre nun taria completa, les Molleh.es (con mayusucules). Espectaculares, siempre prefeutes de testura (blandines) y tastu, con esa salsina con un plizcu de tomate, pimientu y un par de guindillines pa da-y un toque.

Por el secretu d'esti platu pagarien munchos cocineros, un platu dificil porque lleva muncha "pre-paracion", munchu llimpiar y tiempu de reposu enantes de preparales (agora ya va toa xunta la pallabra) con eses manes que nun dexen una dura y con esa salsina de moyar (semaya dos)



Esto, un par de botellines de Pachu, un par de cafes y una farturina piquiñina valen 12,5€ persona. Nun ta mal. Yo seguire diendo a descansar el butiellu, ente comilles.

jueves, 29 de julio de 2010

El Espacio - L'Espaciu (Lluces - Colunga)

/>


Tranco, una pena. Marcharon pa Madrid

Pa los que nun tenemos la oportunida de dir al profundu (un suañu dende guah.e) quedanos un mas cercanu que tamien tien una facilida especial pa facer viaxar, anque n'esti casu son les papiles gustatives.
Tenia-y ganes a esti chigrin de Lluces y la verda que nun me defraudo. Al pie de la caleya que va pa Llastres y xustu enfrenti del Palaciu de Lluces hai un sitiu nel que podeis esfrutar de tastos mariñanos y de una bona y variada carta de vinos y porque non, tamien ye sidreria y tiren de los palos de Foncueva pa satisfacer al mas sidreru.
La tardi-nuechi acompañaba asina que decidimosnos por un vinin en la terraza del Palaciu enantes de dir a cenar. Esfrutar de les vistes y l'atencion del Palaciu tien un coste pero merez munchu la pena. Ya con entovia mas predisposicion a pasalo bien pasemos a l'acera d'enfrenti y alcontramosnos con un bar chiquitin nel qu'hai que pa pasar al comedor de detras hai que xugar al xuegu d'abrir les puertes...esta nun tien pinta, esta ye'l bañu, esta ye privao...cagüen mio mantu onde se cena que teo fame. Por fin, Dios que sustu! apaez el comedor, abondo afayaizu y sobre too perbien distribuido na distancia de les meses que permite nun tener que sentir les charres de los demas anque seya ensin querer.
Teniendo claro que queriemos un par de ventrisquines (semeya 2), entrugamos por cuantos y qu'entamos podien venir primeru, que la ventrisca farta munchu. Aconseyonos Javier el tomar la ensalada templada de cogorotes de pixin (semeya un). Un timabalin piquiñin de llechuga, tomatin, cebolla pochadina y trozos de cogorote a la plancha con un bon aliñu que facia un conxuntu fresquin y prestosu pa abrir boca enantes del platu estrella. Quede esta vegada con ganes de los famosos garbanzos con bugre del sitiu, pero nun me paecia plan.
Llegaron les ventrisques y que dicir, bon tamañu, bon tastu, bon platu cola compaña d'unos pimientinos y cebolla pochadinos. Golpe de plancha que dexo un platu impresionante y mui xugosina y que dexo una capina cruxente de sal y carne perriba que taba pa rellambese. Nun pudimos coles dos del too, pero casi nun quedo na, doi fe y prestaronnos pola vida.
De compaña un belondrade y Lurton de 2007 que ya conocia, que cumplio como un campeon y morrio como un heroe (ye que la botella vacia cayome a la cubitera y chisco un pucuñin). Quede con ganes de prebar un Ribeira Sacra blanco, pero al mentar la DO casi me maten y nun yera plan. Una pena el dicilo al final de la cena a Javier, el dueñu, porque ofreciose a danos un preba primeru, pala siguienti.
De vino de postre (que yo tomo como si fuera'l postre en si mesmu) solo tenien un PX, eso si, Ximenez-Spinola que taba coyonudu.
La facturina foi adecuada (49,5€ por cabeza) pal tratu y la cena recibido aunque, curiosamente, la ensalada yera lo que descompensaba un poco (pal tamañu, que non la calida, resultome algo cara).
Charra tranquilina con Javier y la muyer a la salida y sitiu a repetir, ensin dulda, esos grabancinos prometen.

miércoles, 21 de julio de 2010

Les Marines (Gava Platja-Barcelona)

Agora que llega'l branu nun ye mal momentu de postear esti tipo de sitios playeros. N'esti casu nun se trata d'un chigre de playa sinon d'un bon restaurante que ta n'una playa. Les Marines ta a pocos minutos de Barcelona capital n'un pinar en meta de la playa de Gava. Tien una terracina perprestosa, que foi na que xintamos, colos pinos alrodiu y les vistes a la playina.
La xinta magar de ser de trabayu foi tranquila y prestosa polo que pude prestar dellos detalles a la mesma, tantos como pa poder postealu.
Al calorin de xunu comimos varios platinos pa picar y un platu principal pa ca un. El xamon ibericu nun ye na recomendable nel sitiu, pero'l pan con tomate que diba con el taba pa rellambese. D'estos entamos destacaben pa mi los chopinos a la plancha con un tastu perbonu y especialmente los cruxentes de morciella (semeya de baxo cola meta d'una ya nel butiellu). Un cruxente finu endolcando una morciella de bona calida (tipu matachana) que daba como resultau un conxuntu perfeutu de tastos.

Nel segundu platu tiremosnos la mayoria pol conseyu de la metre, asina que menos una paletilla de corderu con perbona pinta (semeya siguiente) tiremosnos toos pol

gochin (semeya tres)

Les raciones, como suel ser habitual en Barcelona nun son mui grandes, pero'l gochin taba conseguiu, tostadin por fuera, tienru per dientro y xugosu, bon productu y prestosa comida a la vera'l mar.
Llegaron los postres y, ya sabeis que nun soi nada llambion, pero n'esti casu insistieron tanto col carru "del pais" de postres (semeya cuatru) que nun tuve mas remediu que da-y al bizcochu de chocolate y salsina de frambuesa (semeya cincu) que taba perprestosu.



Agora vais matame col vinin, n'un primer momentu quedeme y too col nome, pero ya nun m'alcuerdo, se que prestome mas de lo esperado pa ser un Costers del Segre (tintu crianza pa mas señes) y que na etiqueta predominaba mas el numberu de la collecha (por dicir, 2007) que'l nome del vinu. Espero que los mui entendios adivinen cual yera porque a mi esti melicu aleman amenza ya con dexame palos restos.
Convidaronnos pero crei ver unos 270€ al pasar la cuenta, unos 54€/persona, que pal sitiu en si, la comida y tar en Barcelona paeciome un gran preciu.
Ya sabeis, si un dia nun vos apetez comer na playa el bocata de bonitu con mayonesa de casa o'l de calamares del chiringuitu, igual podeis acercavos a esti, eso si, cuidadin, nun se si almiten la entrada con bañador moyau, chancles y ensin camiseta, nun vos paseis :-)

lunes, 28 de junio de 2010

La Ciudadela (Xixon)


Esto del mundial tienme realmente entreteniu. Normalmente escribo de nuechi, pero claro, tolos dies teo un partidin col qu'entreteneme y toi folgando munchu y dexando pasar munchu los tiempos, que dempues nun m'alcuerdo de lo que cene. Pongome agora porque el Brasil 3-Chile 0 nel 83' dexa claro quien pasa a los cuartos.
La Ciudadela va ser un de los pocos, por nun dicir l'unicu, sitios nos que encamiento que acuteis na parte de fumadores. ¿por que?, bono porque ye la parte de baxo, xustu la qu'asemeya una cuevina, afayaiza y pa parexes, mui italiano. La parte de nun fumadores ye mas normal. Amas, el fechu de que'l reaprtu de les meses na zona la cueva ye como de "reservaos" con dos o tres meses como munchu, fai que tengas poques posibilidades de que na mesa de la vera t'afumen. Nel mio casu, como que nun fumo naide.
Lo dicho, abaxo ta pa parexes y pa miminos cola lluz poco mas qu'encesa.
Enantes de la cena traxeronnos un pate de la casa que nos presto munchu. Val, val, si, tantos dies de mundial nun entrugueis munchu de que yera, creo alcordame que de centollu, presto y como veis na semeya de riba nun yera poca cantida y llego colos sos biscotes.
D'entamu nuesu tiremosnos pol carpachu de gacela. Debio ser el nome, si veo carpachu de güe o de xatu igual nun vamos por ello, el casu ye que'l de gacela si y eso que nun se si de Thomson o de corzu que nun corrio abondo pel so cotu (semeya de baxo)

Apetecianos dalgo fresquin pa entamar y eso foi. Bon carpachu anque pal mio gustu con munches frutes de la viesca, porque nun solo les tenia de compaña, sinon que yeren parte del carpachu, como los trozos d'aceituna na mortadela de los bocates que tomabemos de guah.es.
Pa ca un dimos-y a los pexes. Per un llau de la mesa el meru. Solo llegue a tastialu (tenia una fartura col mio atun del 15) pero taba perbono. Una salsina perrica y un mero nel so puntu y fresquin. La salsina cenciella con un toque amariscau nun ocultaba pa na el tastu del meru. Vais perndoname pola semeya (la de baxu) pero nun se que-y paso al movil a estes altures de la vida, pero'l flash nun flasheaba munchu :-)

Pela mio parte una cosina que taba pa rellambese, atun colorao nel so puntu, vamos, como si fuera un chuleton de güe, tres colorinos a la plancha de la carne. Buff. Ya vos digo que farteme pero bien. Curiosa compaña la de los distintos tipos de sal, maldon, volcanica y otres dos de cuyo nome ya nin m'alcuerdo, ca una (a mi que me presta'l sal pola vida) yera totalmente diferente. Quedome cola mas fina de color blanco (tibetana podra ser?) realmente fuerte, habia que poner poco, pero que bien poco pa nun pasase. Esti platu prestome, nun tien cocina, solo productu bien mercau y salio bien la cosa.


Una vegada mas les mio disculpes pola semeya del atun. En fin, coses de la tecnoloxia.
De compaña tuvo perlli un Belondrade & Lurton de 2007. Un verdejo con crianza qu'aguanto meyor que bien el tipo col atun. A mi prestome munchu. Menos mal que pa too esto taben los tickets restaurante, salimos a 55€ por cabeza, teniendo'n cuenta que unos 17 por cabeza fueron de vinu, como que perbien. Por ciertu, como dicen los especialistes de cine, nun intentes facer esto ensin tickets de comida, que sal mas caro :-)