domingo, 24 de febrero de 2008

La Rula (Llastres-Colunga)

Esti chigre, que ta nel puertín de Llastres, ye un sitiu prestosín pa xintar un domingu, por exemplu, con bon productu de la mar. Pa situalu, ta ente chigre y restaurante, vamos, ye más que chigre porque tien manteles de verdá, pero nun dexa de ser un chigrín (que non nel preciu) poles meses, lo cerca que tas del vecín, el ruidu, eses coses que tienen los chigres, vamos. En cualisquier casu, el sitiu tien de non fumadores y siempre presta comer a la vera'l mar, polo menos a mí.

Los productos son fresquinos y les raciones nu tan mal de tamañu (nin mui grande, nin mui piquiñuques). Eso sí, como vayáis en fin de selmana, acutar, que ta enlleno xente siempre. Polo que prebé güei ye de suponer que los pexes tienen de tar rico, pero como que aptecia mas picar oye. La ensaladina ye lo mas grande de les raciones (normal, la llechuga ye barato). Les amasueles a la mariñana tan perbones, los calamares fresquinos fritos, mui ricos, ye complicao que los calamares frescos nun ten mui duros y mira equi llogren que ten mas blandinos de lo que normalmente alcontraréis perhí, ombrinos a la vinagre y a l'ayu, relamente ricos (quedeme con ganes de prebalos fritos) y too eso a la vera'l puertu y la playina Llastres. Nun ta mal.

Dos botellines de sidre (J.Tomas..francamente, la primera vegada qu'alcontraba yo esta sidre de La Villa. Nun ta mal, por ciertu, pero hailes mas bones). Saldreis a unos 23 € persona, lo cual ta abondo bien pal productu serviu. Asina qu'otru mas pala axenda.

La Viña (Cenera-Mieres)



Dellos de vosotros alcordareisvos de la peli "Carne de Pita". Pues bien, esti ye'l chigre onde se rodo la parte la boda, pa que vos orienteis, mas que na. El chigre en si nun ye de los que llamen l'atencion, nin munchu menos, vamos, yo si lu viera por primera vegada nun comeria dientro, bono, tampoco como dientro nunca :-). ¿Porque lu pongo? porque comese bien y pol so merenderin, que ye lo que mas presta. Vamos, cuando'l dia ta bien soleyeru ye un de los sitios a los que mas presta dir de pela zona. Anque dame na ñariz que los dueños son un poco faches (y eso dame tamien que ye raro pola zona), tar fuera xintando unos calamarinos de los ricos que fain, una ensaladina mista o un poco de pitu a l'ayu, merez la pena. Si, amas teneis suerte y yos-queda sidre de la d'ellos (que dantela metia en botelles de vinu), pues munchu meyor. Nun ye que yo tea na escontra la sidre de Panizales, pero home, hailes mas riques, asina que si tienen de "La Viña" a por ella. Pues eso, un par de botellines, unos bonos calamares, una ensaladina mista, un par de cafetinos, rondareis los 12€ persona. Por ciertu, les raciones nun son pequeñes. Hala!!! pa los que teis folgando per Mieres.

martes, 12 de febrero de 2008

El Blancu (Cangas de Narcea)

Impresionante chigre en meta de Cangas. Sedria una sorpresa si nun fuera porque lleva tantos años que la xente conozlu de sobra. En cualisquier casu, si ye la primer vegada que vais a Cangas nun duldeis de dir al Blancu, eso si, nesi casu vos sorprendera. El chigre ye d'ocasiones especiales pola comida, pero si naide te lo diz y lu veis por fuera, nunca entrarieis a xintar, en forma paez un chigre de tola vida, dafechu la entrada ye la de un barucu y'l comedor tien cuatro mesines y ta too como de los años 50. En fin, llega la xinta y entama la sorpresa, cruxiente de gambes con salsa de carabineros (claro, n'un sitiu asina flipes en colores), impresionantes, lo dicho, con otro poco de cruxiente de cebolla per riba de segundu sollombu de xata poco fechu, claro, con pataquines, pimientin y setes a la plancha, perbono. En fin, la comida pue tar perbona, pero n'esti chigre los platos tienen presentacion de restaurante y el chigre en sin nun fai compaña cola comida, por eso a lo meyor sigui teniendo'l mesmu esitu, que quereis que vos diga. Cafetinos, agua y una copina de Ribera'l Duero crianza (que la DXT ye como Dios, pero amas quita puntos). 26€ persona, preciu mediu. Faltame la semeya, pero hai vegaes que nun ta bien visto sacales home!!! :-)

lunes, 11 de febrero de 2008

El Babu (Carrales-Caravia)

Ya que'l caberu comentariu ficelu pela zona oriental, pues sigo perlli, alcordeme del Babu que ta'n Caravia Baxa, creo. Digo creo porque'l cartelu de la entra del pueblu pon eso, pero teniendo'n cuenta que'n dengun mapa vien bien y lo unico que vien ye Prau, vamos, que nun se si ye un barriu de Prau o la Caravia Baxa, al casu, que nun tien perdida. Ye un hotelin rural que tien un restaurante perprestosu y nel que solo tienen menu y siempre m'endegueyo mentalmente colos horarios d'apertura asina que siempre teo de llamar primero, nun vaya ser. Paezme que solo abren los fines de selmana al meudia. Bono, al casu, el sitiu ye perguapu, puestu en plan modernin y lo que mas presta ye xintar fuera mirando pala xenra'l Sueve na terracina que tienen, escoyei un bon dia claro, que presta un monton. El menu cambienlu de vegada'n vegada pero suel ser mui prestosu e incluye un bon vinu. Lo que yo tome fue una ensaldina de fua, un bonitin en salsa. De la llambiota nun m'alcuerdo. El preciu, d'ocasion especial, rondando los 35 € persona. Ya podeis disfrutar si vais un dia peles playes de Caravia.

domingo, 10 de febrero de 2008

El Corral del Indianu (Les Arriondes-Parres)


Siempre hai coses que celebrar y cuando les coses son pa celebralo munchu, pues na meyor que tirar la casa pola ventana y intentalo n'otra estrella Michelin. Pues bien, intentu sobresaliente, El Corral del Indianu tien una estrella con tou merecimientu. Restaurante bien puestu, per un llau guarda la piedra de la casa na que ta y per otru decora les paredes con cuadros moderninos y pintura azul. A mi, personalmente, gustenme los sitios asina y amas que tengan musica de fondu selemente puesta, dan-y a tola cena un aire mas que prestosu. L'atencion estupenda y la comida impresionante (delles estrelles michelin tendrien de dar clase con Xose Antonio o con Xandru el del Gallery enantes de merecela y nun miro a naide). Como n'estos sitios tas pa que te sorprendan, pues na meyor qu'entrugar les recomendaciones, que fueron 4 platos a compartir (por supuestu emplatos de forma independiente). Lo de compartir equi ye un truquin guapu, mira per onde, resulta que les raciones son abundantes, y acabe con una bona fartura. Pa entamar la casa punxonos un cremina andariques con pataquines y una pataquina rellena de carne guisao (amas del aceitin y el panin, vaya aceite, por ciertu). Ya escoyio por nosotros, güevu a mediu cocer con salasa de boletus y trufa prieto (que rico la salsa, madre mio), siguimos con pulpu del pedreru a la parrilla con tocin (perbono), el pulpu en su puntu y col tocin y-daba'l toque sal. Mas, otru amestamientu interesante, Rubiel con molleyes acramelizaes (impresionantes les molleyines. Los pexes gustenme mas cocinaos como siempre, prestense menos que la carne a les combinaciones d'autor, pero eso nun quita pa que tuviera mui bono). Pa finar ciervu con ñoqui d'afuega'l pitu (si, ñoqui son eses bolines de pasta rellenes) esto taba pa mexar y nun char gota. A les llambiotaes ya nin llegamos. De compaña l'amigu Pago de Capellanes Crianza (hailos que nun lu trabayen home, que pena) vinin sele, perrico que te permite facer compaña de carne y pescau y pal postre Pedro Ximenez. En fin, gran nuechi y teniendo'n cuenta la preparacion y el tastiu de los platos, el preciu, anque altu (por eso camude estos a la categoria de Estrella Michelin, que ta perriba de "Ocasiones especiales") nun quita que vayais, un dia ye un dia y yo nun pienso ser el mas ricu'l cimiteriu, 68€/persona. Na semeya el pexe. D'estos de les Estrelles Michelin, esti ye'l segundu que mas me presta, el Gallery ye'l primeru, de momentu. Hala bones nuechis

viernes, 8 de febrero de 2008

El Mariñan (La Campa-Villaviciosa/Sariegu)



Lo primero que me vais dicir ye qu'haber si m'entero onde tal sitiu, pues ta elli, na Campa, lo que pasa que'l pueblu ta ente Villaviciosa y Sariegu y amas, la raya de los conceyos parte al chigre pola meta, que quereis!! si xintais nel comedor tais en Sariegu, si vos toca'l bar en Villaviciosa. Dempues de la llecion de xeografia toca contar lo qu'importa, la comida!. Pues el chigre ye de los de tola vida, dafechu, comes lo que haya, pa que les cartes?, pa na!. Llegues al bar, sienteste si ties sitiu, llega la señora y-diz de primeru x platos, de segundu, y platos y hala, toca callar. Pues bien, amas de por eso, ye de tola vida porque tien les meses de formica, los manteles de papel, en fin delles coses que paez que nun paso la modernida perlli. Pero, xintase bien y si tais pela zona pues mira, ya que tais, pues a ello. El chigre ye de "nouvelle Coucine" como podeis imaxinavos, asina que la fabada, que la preparen abondo bona, vien como mouse de fabada al finu compangu (vease la semeya) y'l cabritu con pataquines y pimientinos pues tamien, oyes, como de mouse (por cierto que ta bono). Les semeyes son de comida pa 5, nun vos asusteis. Vinin de la casa, llambiotaes (que yo nun prebe) 12€ persona. Que lo comais bien

lunes, 4 de febrero de 2008

El Palaciu de Riba (Cenera-Mieres)


Pa siguir con febreru, na meyor qu'esti sitiu de, mas o menos, nueva apertura. La verda ye que ye un chigre onde se pue comer perbien. El Palaciu ta n'un entornu privilexau en meta de Cenera, cola sidreria na parte de baxo y'l comedor de la parte de riba puestu colos techos de maera. La verda que'l sitiu ye mui guapu. Amas d'esto tareis entrugandovos como se come, claro, pues comese perbien, que ya lo dixe. Como tabemos ente selmana tiramonos toos al menu del dia. Pa entamar pote, yera caldosu y taba rico, pal mio gustu faltaben-y fabes, pero rico, mui rico. De segundu habia pixin o papos de xata, cualisquiera de les dos coses taben pa llamber el platu. Por ciertu, les raciones xeneroses. El vinu la casa yera dignu, demasiao afrutau pal mio gustu, pero dignu, vamos. Les llambiotaes nun desmerecien natilles con requemau per riba. Pa muestra de les raciones, la semeya del segundu (los papos con pataquines humm).Too por 12 € mas cafeses. Hala que vos preste!!

El Globu (Xixon)

esti chigre, perconociu por toos, merecia una entrada, anque solo seya pa alcordase de les farturones de oricios que mos pegamos equi. Tipicu chigre de Xixon, nel que pue xintase bona calida de productu. A mi prestabame mas el sitiu nel que taba ya fai años, que-y daba un ai un poco mas rusticu. El sitiu nel que ya lleva años, nun ta lloñe del d'antes y, anque mayor, quito-y un poco de gracia, ente otres coses porque como te toque na parte de ribna nun te dexen echar la sidre, cagüen les pites roxes, eso ye casi imperdonable ;-). Asina y too, ye una de les sidreries de Xixon, qu'hai munches y nes que se xinta perbien, que a mi siempre me presto. Como ya dixe enantes, les oriciades equi son mitiques, polo xeneral tienen bon productu y soliemos repetir hasta españar el butiellu, jeje. Amas de los oricios, destacaria la enslada de pimientos colos palinos estos de pescao y los chopitos que tan perbonos. Tienen bon palu de sidre y nun deberies de xubir de los 20-25€ por persona. Ya se que lu conoceis, pero prestabame ponelu. A ver que investigo estos dies pa blogalo.

sábado, 2 de febrero de 2008

La Cerca (Santalla d'Ozcos)

Llevo una selmana abondo lliau pa poneme a escribayar, par voi poneme con que me presta bastante. Un domingu cualisquiera tiramos a xintar un pucuñin peles antañes zones de trabayu de la muyer. Esti ye un chigre perconociu perlli y que nun debeis dexar de visitar si quereis fartucaros un ratin enantes de siguir con rutes de montaña a pie o otres tan cansaes como les de coche (a la par les mio preferides :-) ). El chigre ye perguapu y grande, una quintana asturiana de piedra col so horriu y too na entra. Diferentes comedores, toos de piedra bien puestos. Ta claro que n'un sitiu como Santalla la comida tien de ser carne (home nel riu tamien hai pexes, pero vamos, yo xintaria carne, ca un que faiga lo que quiera). Lo que xintamos l'otru dia fue'l chuleton de güe, grande xugosin y nel so puntu (bono, a mi prestame poco fechu, asina que'l puntu ye mui particular). De vinin anden bastante bin na carta, tomamos un riberita crianza, normalin, que teniemos que volver y asina nun bebiemos munchu (ye que entovia tan mui lloñe les bones comunicacione pelos Oscos). Alreor de los 25€ pòr cabeza, arroz con llechi de llambiota y hala!! camin de vuelta al ratu de charrar col dueñu un poco (yo hubiere quedao chando la partia, pero bono). Dempues mas!!!