sábado, 24 de noviembre de 2007

Casa Telva (Valdesoto-Siero)

Otra entrega mas d'onde xintar de forma agradable. Ensin dulda alguna, Casa Telva ye un sitiu perprestosu, de los de 30 € persona mas o menos. Tamien podeis traer a los nenos porque tien comedor de non fumadores y si ye branu o'l tiempu ta bien, puen xugar pel prau que tienen mentantu los mayores disfrutias d'una comida prestosa. El llugar sorprendete pola decoracion que nun esperes nun sitiu como Valdesoto y menos d'un sitiu que ye familiar (atiendenten los pas y la fia mayor). Si vais con priesa, nun ye'l sitiu, en fin de selmana son llentos hasta pa cobrar. Ente selmana vais tar mas bien solos y disfrutando del sitiu y la comida. ¿Que vos aconseyo? facil, entrais con una ensalada templa y dempues de segundu podeis disfrutar de los callos (relamente ricos, del tipu sele), de los fritos de pixin, de les almondigues con tallarines, el pitu caleya nun ta mal, pero fain un cabritu esquisitu. El bacallau nun vos lu recomiendo, nun-y dan el toque. En resumen, sitiu que ta perbien con raciones abondo grandes. De vino aconseyovos un Cepas Viejas tintu del Bierzu, nun lu hai en munchos sitios y ye la cuenta pa les carnes mas seles de tastiu y los pescaos. Pa los que ya prebasteis el Bar Antuña ye totalmente diferente...por ciertu, agora lu posteo, ya que toi en Valdesoto, nun salgo.

jueves, 22 de noviembre de 2007

Ca Lin (Uvieu)

Como güei toi llanzau colos chigres, voi ponevos otru que me presta asgaya. Ca Lin, pa los que tengais neños piquiñinos ya nun val porque fumase en tou'l llocal, pero si vais solos sigue siendo un sitiu estupendu onde tomar un vinin en barra y pasar a cenar. El tratu ye peramistosu, la carta vinos bona y bien escoyida, los de chateo cambienlos toles selmanes y la comida mui prestosa. Por pone-y un pero ye un poco ruidosu el comedor, pero'l sitiu merez la pena pa los que vos guste comer coses guapes y a bon preciu. Al cocineru notase-y la mano pa los guisos mas que pa los fritos. Los callos de los meyores prebaos nunca (son seles), los papos de gochu esquisitos y el rabu toro con pataquines de llamber los deos. Lo dicho, eso acompañaislo con un Artadi Viñas de Gain que nun vos dexara mal recuerdu. Ye raro pasar de los 25 € persona (eso amas de too) Hala!! a pasalo bien

Hotel Les Viñes (Puertu-Uvieu)


Bono, dalgun dia habia qu'entamar a conocer los chigres y restaurantes normales, vamos los que los mortales hipotecaos poemos permitinos. Asina que decidi entamar con esti Restaurante situa n'un pueblin de les afueres d'Uvieu, Puertu. El sitiu ye mui afayaizu y tien unes vistes perguapes a la xenra l'Aramu. Ye mui recomendable dir na primavera o na seronda o culisquier dia que tea con sol, pero nun mui caldiu, como pue ser en branu. Si vos entrugais porque ye facil la respuesta: el sitiu mas prestosu pa xintar ye la terracina acristala que tienen fuera, y claro, con munchu calor pues afogate. Ya vos conte como ye'l sitiu, aparte de ser un hotelin perguapu, xintase perbien. Mui rico'l pitu caleya de los de verda, prietin, prietin, pero tienru y xugosu preparau con unes pataquines y una salsa con cebollina de les de toa la vida (semeya) o los sollombos de gochu, perbono. El calamar na so salsa tamien ta pa rellambese (un solo calamar grande (nun xigante, eh?) preparau cola so tinta). La carta de vinos ye curtia, pero nun ta na mal, les ultimes vegaes tomamos un Azpilicueta crianza, enenates tamien habia dalgun blanco avieyau en pipa, que ya nun vi na carta. Entamos, segundos, cafes, postres (on de por ciertu, a pesar de nun ser llambion, tienen un arroz con llechi con requemadin per riba que ta coyonudu) y un bon vinu, rondareis los 30 € persona, calida / preciu perbona. Dir cuando querais que nun vais a arrepentivos. Escaeciaseme comentar que'l serviciu ye rapidu, atentu y eficiente, joder!! nin que me pagaren por ello h.a h.a

lunes, 19 de noviembre de 2007

Gallery Art&Food (Xixon)

Pues ya veis!! dende qu'entame col blogue yel tercer sitiu que tranca (El Saleru, El Noceu y agora El Gallery) que-y vamos facer. Ya nun vais poder dir, pero podeis lleer esti post.

Teo de dir actualizando coses, asina que pocuñin a pocuñin voi poniendo sitios nos que tuve enantes de que se m'escaezcan les coses (d'esti escaecieronsme delles coses, pero bono)
Güei toca falar del Gallery. Un sitiu de los de "ocasiones" y vaya que si, porque baratu nun ye. Esti sitiu ye dificil de definir anque teo clara una cosa, indiferente nun te dexa, asina que o te gusta o non, nel mio casu, gustome. La comida podemos metela n'eso de "Nouvelle Coucine" o como se ponga en frances, el casu, que nun ye solo la cocina lo que nun te dexa indiferente. El llocal, por mas que lu mires siempre tien delles coses a les que un nun ta acostumau. Paez mas un sitiu de lo mas "in" del Nueva York pijo, enllenu d'obres d'arte, qu'un "chigre" en Xixon. En definitiva, d'esos sitios a los que-y pides mas que comer bien, pides, cola pasta que dexes, que too seya perfecto o cerca d'ello polo menos. Pues bien, cumple coles dos coses. Per un llau l'atencion ye perbona ensin agobiate, per otru tienen munchos detalles. Como vos ponen un aperitivu alcoholicu, yo vos aconseyo prebar la sidra de xelu Canadiense, un placer que cuando vas al "club del gourmet" a mercala quitensete les ganes de facelo, asina que ya que tas equi, palantre!!. Muy diferente de la nuesa, na que ver, bien por ellos por tener algo asina de diferente. Segumos colos entrantes yequi decepciononos un poco la parrilla de verdures, pero'l pate de fua casru taba que, como vos diria, dificil de igualar. De segundu cochinillo desgüesao, esquisitu, nun teo palabre pa el tampoco. Tienen una carta de vinos pa aburrite buscando, y mui especial que lu escoyes tu nuna especie de PDA que te dan...pa perdese, bono el escoyiu pa nun perdem munchu, fue un Pago de Capellanes 2004 crianza Tinto de Ribera'l Duero. Postres y cafes (con unes caxigalines pa tomar con el y la "xestina de los azucarillo mui prestosos), unos 60€ eur per capita, nun ye baratu, pero a mi prestome asgaya- Por cierto, marches pa casa con un bote grande imitando la famosa sopa de tomate. Ye tolo que teo de contar. Aconseyable, a toes lluces pal que-y preste disfrutar de sabores nuevos y sitios especiales.

sábado, 17 de noviembre de 2007

Hosteria de Torazu (Torazu-Cabranes)


Hola. Nesta segunda entra tocan entamar colos sitios de "ocasiones especiales". O sea, aquellos sitios guapos a los que'l preciu nun te dexa dir tantes vegaes como querries.
Nesti casu, falo de la Hosteria de Torazu, en Cabranes. Colocau nun sitiu perguapu, mirando pal valle, ye un hotel de luxo con SPA y helipuertu (home yo entovia nun pude estrenalu, pero creo qu'aterrizase abondo bien). Al casu, l'otru dia celebraben per eses tierres de Cabranes les primeres xornaes gastronomiques del bosque y como taben tolos sitios pol mesmu preciu, mas o menos decidimos arimanos a la Hosteria. Dicen que la carta ye cara, nun se, porque nun tenien carta'l dia que fuimos, pero'l menu solo vos pueo dicir que tuvo perbien y dos o tres euros mas caru por persona qu'en les sidreries onde tamien se podia dir y una relacion calida/preciu estupenda. Pues bien, salon de non fumadores con tres mesines mirando pela terracina, y como nos toco una d'elles, pues munchu meyor qu'en mediu'l salon. D'entamu la casa, mouse de fua con espumante de pataquines y cruxiente de cebolla. De primeru ensalada de frutos del bosque con fua,de segundu pote de castañes col compangu fritu, hummm, de terceru cachopu de Venau y de postre tartina de mouse d'arroz con llechi. Too regao col vinu escoyiu perellos, Solar Viejo Reserva 2001, mui rico. Cafes, chupitos, 32 € por cabeza, la verda, qu'estupendo. Pa recomendar :-)
Hala!! hasta otra entrega, habra que seguir colos "normales", los de fartase, y rellenar mas d'estos, buff!! tengo pa escribayar y nun aburrime, tantos años de fartuqueo ye lo que tien.

Fuente la Lloba (H.uentes-Piloña)



Entamando col Blogue, diome por poner esti descubrimientu el primeru, quiciabes por que ye un de los caberos restaurantes a los que fui.
Na caleya que xunta L'Infiestu con Colunga hai un pueblin, H.uentes y dientru d'el podeis alcontrar una casa de Turismu Rural llamada Fuente la Lloba. Hasta equi na raro, lo raro ye que la casa ta dirixida por dos foriatos, un de Barcelona y otru del Xapon. Asina que la casa tien los toques de la tipica quintana Asturiana, puesta con bon gustu y los toques xaponeses, a mi el que mas me prestaba yera el de sentir el ruyir del agua de delles fontes artificales que instalaron na casa. Dientro ta perguapa y fuera tien un xardin perbien cuidau con unes vistes que son pa quedase elli (hasta que llegue l'iviernu y entos apeteceravos volver, claro).
Dientru del comedor hai dos mesines, una nun cuartin mas apartau y fuera, nel corredor acritalau, tienen otres dos, una mas grande y otra pa sentase a lo xapones, ya sabeis, sobre coxines. L'atencion perbona, pa los que tengais fios piquiñinos, como ye'l mio casu, prohibieron fumar, esi dia polo menos, dientro de la casa pa que la nuestra neña tuviera agustu. Pa los que los tengan un poco mayorinos puen xugar nel prau, ensin problemes. Yendo a la xinta, solo hai un menu degustacion y los toques del cocineru xapones tan per bien, d'entrante la casa punxieronnos una ensaladina d'algues que taba perbona. De primeru tofu endorcau na tempura que taba esquisitu, de segundu, unos trocinos de bonitu a la brasa con salsina de llimon que pa que contavos, de terceru sushi, alga endorcando arroz rellenu de gambes y tofu, dependiendo. Sigo...!! de cuartu tempura de verduras con llangostin (esta faila el catalan, de postre nos decidimos pol xelau de te verde y pol bizcochu de xenxibre, claramente el te ye la meyor opcion. Un sake, una botella de vinin blancu de la tierra de Castiella y Llion especial pa Sushi (podeis alcontralu en Makro)rico abondo y 4 tes que tomamos fuera de la casa. Todo por unos 62€ dos personas. Por ciertu, el sushi y la tempura siempre tan nel menu, el restu camudenlo dependiendo de la temporada (a nos toconos costera y habia bonitu)
En resumen, sitiu perguapu que piesllen payares y avientu, pa llevar a la parexina a la hora de comer pa aprovechar les vistes, a los guah.es pa que xueguen y a disfrutar, ensin priesa (ye too mui calmo, pero ye a lo que se va)de platos y tastios diferentes. Na que ver col Sam d'Uvieu o Xixon. Si tais pela zona o vivis cerquina, ye un llugar pa dir. Pa los que solo yos-preste fartase, esti nun ye'l llugar, la cocina xaponesa nun tien fabes pa ello :-)
Por ciertu, na semeya ye pitu en brocheta que taba pa rellambese. Pero ye d'otra visita que fice, por eso nun ta nel menu de riba.
Hala, a ver si sigo con mas capitulos y amplio el blogue.