lunes, 5 de enero de 2015

El Marinero (Suances - Cantabria)


L'avión de vuelta de Bruseles llegó xustu pa la hora de xintar y anque los mexillones taben ricos, la verdá ye qu'apetecía tirar de otru tipu de cocina, asina que tiremos de la apps de los tiques restaurant y miremos si de camín a casa y cerquina del aeropuertu habría dellos sitios con nome apetecible onde gastalos. Apaeció el nome "El Marinero", n'un pueblu como Suances y la apuesta taba fecha, la verdá, qu'acertememos.

Local situau en primera llínea de la playa de Suances,  afayaízu col comedor separáu de la barra, atendieronnos perbien y peramablesy hai que tener en cuenta que lleguemos alrodiu de les 15:20 la tarde, de domingu, eso sí. Con esi nome y la decoración mariñana solo entren los pexes, menos a una personina.

Doña Crocreta seguía folgando, y los pás tamién cola mano llevantada pola mesma razón, decidió que pa qué camudar y seguir prebando les crocretes del mundiu que de seguir esta tendencia voi tener que naugurar los premios crocretiles nel blog. Crocretes caseres de xamón con una presentación orixinal. Una ración curiosa que nun vió delantre, asina que deduzco que taben bones (nel primer términu de la semeya ta una salsa vinagreta que nun tien que ver coles crocretes :-) ).




Don calamar y asemeyaos (otru premiu que voi tener que dar), pidió una ración (tamién curiosa) de calamarinos fritos na so vinagreta, que con bon criteriu traxeron a parte por ser pa un neñu, nun fuera ser, pero que de normal van xuntos.

Otra ración curiosa y que nos prestó munchu (tuvo que la compartir, que yera pergrande). Nada aceitosa, y bonos calamarinos. La vinagreta taba perbona, pero sí que puede que mui forte pa un neñu.

Sólo quedaba una ración de llubina xabaz, asina que nun la xinté yo, taba claro, y paseme al pixín plancha. Mui bon puntu, bon tastu. Prestome. Nun hai munchu más que dicir, preparación cenciella pero qu'hai que dar col toque pa nun pasase, nin quedase cortu col pixín.




La llubina xabaz vino preparada al llombu. Perbona de puntu, de tastu a mar, unes pataquines a la panadera al fornu y a correr, lo meyor de la xintá ensin dulda. L'únicu pero, que traía ayu, nun munchu, pero ye meyor quita-ylu. 


Con dos copes de Rueda, una cerveza ensin alcohol alemana (escaecióseme'l nome) que taba bona pa ser "sin", 1 agua grande, dos cafés con xelu y un total de 71,5 € del "Monopoly".

Bon sitiu, bona comida, bona atención, raciones curioses y bona relación calidá/preciu qu'amás paguen los tiques. De volver pela zona, ya se onde voi cayer otra vegada.