lunes, 31 de diciembre de 2007

Wagner (Franfur-Alemaña)

Nestes feches siempre m'alcuerdo de los viaxes ivernales a vuelos baratos. Asina, alcordeme d'esti chigre foriatu que si volais hasta elli (ya teo mas d'un amigu que fue, asina que nun ye tan raro) a pasar un finde llargu o la ponte la Constitucion o loque vos de la gana, ye una bona referencia. Nel centru Franfur (vien dientro'l plano del centru la ciuda) pero ta pa la otra vera del riu Main (el llau onde nun tan los rascacielos vamos), alloñau de lo que ye'l centru hestoricu. Bono, pos ye una sidreria alemana o "Apflewein" que ye como lo llamen ellos y por eso prestame bloguealu. Decoracion mui cuca, de maera, con meses corries colo que te pue tocar con dellos parroquianos na mesma mesa que te miraran con interes :-). Bono, pedii la carta n'ingles a nun ser que faleis aleman, claro, en Franfur nun hai problema col idioma esi de Saquespeare que pa eso ye la capital financiera d'Europa y onde nos joden tou'l dia col Euribor de Dios. A lo que voi, el chigre encantador, pidimos costielles de gochu y'l famosu tucu aleman, aparte de ricos y raciones grandes (si yos-quitais el puñeteru chucru esi que-y echen de compaña a tolos platos) sorprendentemente barato. De sidre punximonos ciegos, porque nun coloca (asemeyase muncho a la sidre ducle nuestra, cuando se t'escaez ensin tomar una selmana y fervio un pucuñin, pues esi tastiu, mas o menos) y nun ye caro, sirventela nuna xarrina y vas chando nos vasos. Total de la xinta...27€ los dos...delles coses rares pasen na hosteleria d'equi colos precios que tan peles ñubes :-). Feliz añu!!

domingo, 30 de diciembre de 2007

Casa Ricardo (Sellañu-Ponga)

Esti ye un de los clasicos de la zona, un sitiu d'esos pa farturase xintando caz, sobre too gochu xabaz o venau, que ye lo mas tipico del chigre. Por ciertu, como munchos de los sitios de los pueblinos, yo nomelu casa Ricardo pero creo que tien otru nome "oficial", pal casu, que lu alcontrais ensin problemes. El chigre ye bastante grande cola tipica parte de bar y dempues el comedor. Nun llega a restaurante, pero ta un escalon perriba de lo que ye un chigre. Lo dicho, xintase caza asgaya, ye mas, nun se vos ocurra finar el platu si tais fartucos que son capaces de ponete mas. La vegada que fuimos comimos varies raciones de gochu xabaz y venau, cocinao de forma tipica (guisaino con unes pataquines y unos pimientinos), too perbono y carne verdaderemante bono y bien tratao, amas d'unes ensalaes. Vinin de la casa, que coño, nun necesitamos casera, vamos, que podia bebese, en xarres de cristal. Invitaronme a cenar asina que nun vos se dicir el preciu, pero baratin pa lo que xintamos. Por ciertu, en Sellañu hai un hotel a la entra viniendo dende Cangues d'Onis, que nun se como se xinta, pero ya que tais perlli, nun dexeis de tomar sidre porque mayenla ellos y ta de muerte.
Por ciertu, esti añu nun m'arime perlli, pero dixome un collaciu que Casa Ricardo perdio un poco, yo solo pueo poner que cuando fui taba bien. Como siempre, teneis que prebar vosotros mesmos. Feliz añu!!!

Casa Toño (Veigas-Somieu)

Bon descubrimientu el d'esti chigre, de casualida, como munches coses, un dia tando pela Pola guetando onde xintar alcontramos a una conocida que ye d'elli y mandonos a Veigas. El pueblin ye'l primeru qu'atopes cuando tires pa los llagos de Saliencia y elli mesmo, al pie de la caleya ta Casa Toño. Podemos definilu como un sitiu autenticu. Namas entrar alcontraivos cola parte de chigre, un barin de los de pueblu de tola vida, la sorpresa fue cuando entrugamos a ver si podiemos comer y nos pasaron pal comedor...pasando pela cocina!!. El comedor ye piquiñucu y la cocina nin vos cuento, casi tropiezo col sarten de picadiellu al pasar. El casu ye que, ya que pases perlli pues cuques un poco lo que la paisana ta faciendo y la pinta que tien. El comedor tien 4 mesuques y anque nun ta puestu mui alla, el que tuvieren los cazadores de la zona xintando elli daba bona espina. El chigre, de los que queden pocos, xintes lo que te pongan, con dos opciones de primeru y dos de segundu, nel nuestru casu habia ensala o pote y picadiellu o filete de xata de segundu, prebamos los 4, el pote perbono y el picadiellu esquisitu, la materia prima ye fundamental. Lo que nun nos ofrecieron fue caza, pero entiendo que nun tendrien porque dame na ñariz que tienen de cocinala perbien. Vino de la casa, postre (como siempre, yo suelo pasar del postre asina que los llambiones conmigo llevenlo crudo pa que-yos prebe coses), pan agua caserina y unos 8€ persona. Ya teneis otru qu'apuntar.

viernes, 28 de diciembre de 2007

O Farta Brutos (Llisboa-Portugal)


Ya puestos a tar escribayando sobre restaurantes y estes coses, apetezme abrir con esti l'apartau de foriatos. Nun ye que tea munchos que meter equi, porque normalmente cuando viaxo de placer (lo d'empresa nun lo cuento porque nun siempre presta por guapu y rico que se xinte nel llocal) tampoco ye que vaya a "esi sitiu que ta perbien" porque nun los conozco. De toes formes, con esto de los vuelos baratos, que yo aprovecho lo que pueo, pue que a dalgun de vosotros vos apetezca daros dellos viaxinos perhi, asina que prometo meter delles entraes nesti blog si alcuentro sitios que me presten, y nun teo meyor referencia que esti restaurante llisboeta. La primera vegada que m'arime por Llisboa prestome tanto que cuando voi perlli voi a esti Restaurante. Ta nel Barriu Alto (pa los que conozcais Llisboa creo que la cai ya la "Travesa da Espera"). El sitiu ye piquiñin, afayiazu y la entra tienenla decora con munches semeyes de xente mas o menos conocia que paez que cena elli. Alcontramoslu de casualida porque tenia bona pinta y dende llueu acertamos, por cierto que ta de preciu en la llinea de "Chigres y restaurantes". Aviso que les raciones en Portugal son grandes y a pesar del nome, les d'esti chigre son como les de munchos de perlli, pero munchu mas riques. Ya vos digo, llocal piquiñin, pero ensin que les meses ten tan xuntes que-y pueas meter mano a la comida del vecin (eso nel Barriu altu de Llisboa ye de lo mas normal). L'aperitivu que vos ponen los portuguesos siempre son, relacion calida/preciu, lo mas caro de la comida, pero nun ye obligatorio comelos, nesti casu, si vos ponen el pate que nos punxieron de bonitu caserin, yo prebarialo. Dempues d'eso tiramonos por dos "douradas a la portugesa" que con eso xintase perfectamente. Tienen una tastiu a mar que se funde'l misteriu, y una preparacion que nun ye la tradicional nuestra colo que camudes de tastiu, amas, ponente la dorada entera. Lo de los postres, guah.es, esti ye'l paraisu los llambiones, tolos postres tan incluios nel preciu!! tamien, si nun vais llambiotear munchu, nun entameis, que vos lo cobren somo si lo xintaseis too. Con un bon Dao o un Douro de la carta, saldreis a unos 25€ persona. Bon viagem per Llisboa!

jueves, 27 de diciembre de 2007

Ca Yoly (Deva-Xixon)


Nun podia pasame el meter esti clasicu de los chigres nel blog, paezme que lu conoceis la mayoria, pero nunca se sabe. Realmente debio entamar como merenderu, pero la verda ye que furrula mas como un chigre que como tal. Na parte baxa alcontrais la zona mas afayaiza fecha de piedra y cola chimeneina prendia nel iviernu, la parte de riba ye un pocuñin menos afayaiza, mas amplia y de maera. Fuera tienen el merenderin, hailu al aire llibre y cubiertu. Que xintar? lo tipico, pero tienen una cosa que debe ser polo que mas vien la xente, la tortiella de pataquines ta como a mi mas me presta, poco cuayadina, vamos, pa xintala con cul.lar. Otres coses que tan perbones son el llacon, los calamares, el chorizu a la sidre y, en resumen, los tapeos habituales nestos sitios. La verda que ye un de los rincones mas prestosos de los alredores Xixon onde dir xintar. El palu de sidre ye de Piñera, anque esti añu nun ye malu (nun ye puxarra nin de lloñe) tampoco ta del mio gustu, pillo munchu tastiu a pipa, pero bebese y ta rico. Los precios, baratino, ensalada, tortiella pa dos, calamares (semeya) y dos botellines de sidra, por poner un exemplu, 12€ persona.
Nel 2009 pueo decivos que la sidre de Piñera ta bona.

miércoles, 26 de diciembre de 2007

Ca Nino (Tueru-Villaviciosa)



Munchos de vosotros conoceis esti sitiu y por eso me pidisteis qu'haber si lu metia nel blog. Pues bien, equi va pa los que nun lu conozcais. El Chigre ta pa Argüeru, pero casi que ya metiu na parte d'Oles, mas o menos podeis llegar siguiendo la "copa cava", esa que se ve cuando vos meteis pa Argüeru (que nun ye mas que'l depositu de l'agua). Entrugais perlli si nun lu alcontrais a la primera. El sitiu tien dos partes, la de chigre de tola vida y la de restaurante pa la parte d'atras que ye bastante afayaizu. Tien tamien una terracina con dos meses que da pal xardin, pal branu ta perbien. Esto ye familiar familiar, collacios, ensin priesa, que como vayas con ella mal vais. Atiendevos el paisanu y cocina la muyer. Los pexes tan perbonos, munchos pescalos el, cocinaos de forma tradicional. Yo personalmente vos recomiendo les llampares (que les preparen perbien) y'l bonitu'n tomate, anque preparen tamien mui bones furagañes al llombu. Les raciones son abundantes y los precios irrisorios (la cabera vegada por una botella de sidre, una ensala y una racion de bonitu'n tomate que comimos dos sobraos, nun llego a 20€...los dos). Vamos, por aclamacion popular lu xubo a la paxina nun se como se me puo escaecer esti. Por ciertu, se qu'agora tien dalgo de turismu rural, espero que nun tea que xubir munchu los precios pa pagalo!!.



08/06/08 Pues siguiendo con esti post, volvi güei dempues de un tiempu ensin venir y sigui siendo un gran sitiu. Como xintamos!! les llampares como siempre, y dempues yo xinte un tiñosu en salsina de tomate y pimientos que taba pa rellambese y pola otra banda un soyu a la parrilla (les semeyes) impresionante la calida y'l preciu sigui siendo'l mesmu, alredor de los 28€ persona con un Palaciu de Bornos 2007 de compaña. Sobresaliente pa Ca Nino, que teo que dicir que ta'n Tueru y nun n'Argüeru (ye que los llindes perqui son complicaos!!).

sábado, 22 de diciembre de 2007

El Palaciu la Madalena (Sotu'l Barcu)

Esta ye una entra de avisu, siguiendo la costume de facer esto cuando un sitiu caru nun cumple les espectatives que tien creades. L'hotel, acaben d'abrilu onde taba'l orfanatu, ta nun altu de Sotu'l Barcu y tien unes vistes impresionante sobre la ria. Dientro impon un poco, y anque la decoracion ye valoratible el sitiu ye de postin. L'atencion impecable y amable, con bonos detalles, pero, equi vien el pero, la comida nun acompaña. Como yeremos unos cuantos pa comer pidimos el menu del dia especial de fin de selmana. Con un bon vinu blancu de compaña, el primer platu, el salpico de mariscu, como que non, la verda, y la otra opcion, pataquines rellenes de mariscu, como que tampoco (taben dures como cuernos y el rellenu nun taba mui alla), de segundu Rau de toro y bacallau, el bacallau nin fu, nin fa, el rau nun lo prebe, pero de xuru que nun taba como'n Ca Lin. El postre, yo nun soi llambion, asina qu'ente que nun tenia muncha pinta y nun m'apetecia, nun pueo valoralu. Lo mas...35€ cabeza por un menu, como que ye mui caro. Mañana mas!!

viernes, 21 de diciembre de 2007

La Goleta (Uvieu)

Con esa entra delles persones van rise, mas que na por vela tan pronto nel blog. Ayeri, con motivu de les fartures d'empresa d'estos dies tan afayaizos, fuimos pa La Goleta, digo yo porque el numberu escasu de emplegaos acompaña pa estirase un pucuñin con permisu de les collacies d'alministracion jeje. Ye un clasicu d'Uvieu, quiciabes perclasicu, pero sigue teniendo una cocina perbona, cenciella con produtos frescos que ye la base de toa bona cocina. Los entamos dexaron en falta dalgo pal mio paecer, eso si, les gambes de Güelva tabes esquisites, pero al xamon, tando rico, faltaba-y un poco de tastiu pa encumalu, quiciabes y-faltaba un plizquin de grasa, lo mas floxo los tortos de gambes, regulares. Los segundos fueron onde se destapo la cocina clasica, los pexes (les furagañes y'l rei) preparaos al llombu con un poco d'ayu y otro poco aceite, taben mui ricos con material de primera, un pelin menos de fervor(va'n gustos) hubiere-yos meyorau'l tastiu (paro va'n gustos). La cola de pixin taba perfecta y'l magre de coriu a la naranxa(si, yo aconseyobos pexe equi, pero..) taba nel so puntu. Un par de botelles de Terras Gauda 2006, postres (yo les llambionaes nun les prebe, pero'l postre 25 cabudañu tenia una pinta), convidaronnos a los chupitos y'l cava. Calculo que unos 65€ persona. La calida merez que-y faigais una visita si podeis.

jueves, 20 de diciembre de 2007

L'Horriu (Antromeru-Gozon)

Si quereis quedar como campeones con la parexa o con unos collacios, esti ye un de los sitios a los que debis dir, eso si, tien un peligru que ya vos contare. El sitiu ye, claramente, de pescau y mariscu. Esti ye'l tipicu sitio que ya vos digo que nin se vos ocurra dir por carne, avisaos quedais. El sitiu ye como un chigre bien puestu, tien una parte de sidreria y otra de comedor, mui asturianu, pero en plan "VIP".
Tolos produtos son de primer nivel, mas frescos creo que nun podrien tar, pa entamar teneis varieda, too perbono, percebinos, bugre a la plancha, amasueles a la marinera (el tamañu les amasueles y los percebes ye pa contar), fritos de pixin...too impresinonante (por supuestu entrugai-yos a ver que tienen mas fresquino). Col pescau, digo vos lo mesmo, entrugar, pero una apuesta segura ye la furagaña'l llombu, prepara de forma tradicional, un pucuñin de ayu, aceite, llimon y'l toque y secretu de la cocinera dan-y un puntu espectacular. la carta de vinos ta bien, normalmente escoyemos Terras Gauda o Gran Bazar Ambar. Tienen un surtiu de postres (si llegais a ellos) que debe tar bien y normalemente dexente la botella de los chupitos enriba la mesa y conviden. El peligru (si vais con enchufe, como ye'l mio casu, salte regalao pa la calida que te dan) si vas ensin enchufe o ensin la persona qu'enchufa (como fui yo una vegada) pue paecer que rompistis tolos platos del chigre...vamos, que'l dueñu (perconociu pela zona) ta como les maraques de machin y la cuenta pue ser d'escandalu o non, depende como se llevante de la siesta. Suerte!!

La Nozana (Viella-Siero)


Otra entrega mas y van 18!!toi que me salgo con esti blogue. Nunca crei que me diba a poner tan en seriu col tema. Hala sigo!. Esti restaurante ye una parrillina qu'alcontereis na AS-17 a l'altura Viella. Siempre ta petao, debe ser porque nun ye na cara y nun se come mal, pero tampoco tien na destacable como pa dicir eso de "veni pa equi que ye la bomba". Ta bien decorao y ye grande lo que permite espaciu pa non fumadores. El serviciu ye amable y correctu, y dexente comer cola pinta vino en vez de tener que pidir una botellina (pa los que conducimos ta perbien). Pues eso parrilla rico y nun teo munchu mas que dicir, ye una entra prestosa nel blogue, bones raciones, comida rico ye barato y nun ye un chigre cutre o nel que te cobren mas de lo que deben. En fin, que ye lo que los dueños busquen y dende llueu consiguen (lo dicho nun hai mas que ver l'aparcamientu). Preferiblemente nun dir en fin de selmana porque saquen les coses con demasia priesa y pue que nun ten nel so puntu. Ente selmana les costielles de gochu taben meyor. Menu tipo, ensala mista y costielles de gochu, dos botellines de sidre de Trabanco con cafes unos 12€ persona.
Tamine puen xintase unes bones amasueles a la mariñana (semeya un) y un coneyin a la parrilla bien ricu

miércoles, 19 de diciembre de 2007

El Llagar de Titi (Granda-Siero)




Nun confundir col de Nava. Esti ta na caleya vieya que xune La Pola Siero con Uvieu. Sitiu prestosu pa los que tenemos guah.es porque nu se fuma, ye grande y amas tien fuera sitiu pa qu'espardan los mas mayorucos (culumpios y delles coses varies). Por dientro ta bien decorau y, anque seya grandon, nun ye friu, tase agustu. A lo que diba, comese bien si, jeje, la xinta d'esti añu de ñavida colos collacios foi equi. Mui prestosu. Unos entremeses calientes (calamares, fritos de pixin, crocretes), ensalaes de bacallau templaes con salmon afumau, varies parrilles de carne con pitu, costielles de gochu y xata, criollos...con pataquines, too parrillao perbien, el carne xugoso y turriadino per fuera y roxino per dientro. Vamos, el mayestru parrilleru tuvo'l dia polo menos. Los postres solo prebe un pucuñin d'arroz con llechi (nun taba mal, comilos meyores) y'l mio foi una cosa raro, xelau de chocolate fritu, llamome l'atencion y por eso lu pedi. Por describilu un poco meyor, yeren dos boles de chocolate con una tempura d'eses tipo xapones o chinu, taba rico pero tien un defectu gordu..nun hai Diox quien lu coma fiu!, eso ye dificil de facer, nel momentu qu'abres el rebozu..zass tool xelau espardiu pel platu. Bono, que yo lo fadria en boles mas piquiñuques pa poer xintales d'una senta ensin tener que tirar de chuchiellu. Vinu de la casa y chupitos el que quiso, polos 23€ persona.En resumen, bon sitiu, aconseyau pola guia personal de fartones y como vos digo siempre, nesta categoria solo pongo los que me presten. Añadiendo, dempues d'unes cuantes visites aconseyase que se xinten coses de parrilla, la caza, tando la salasa rico, la carne yos-queda seco. D'entamu podeis pidir cualesquiera de les ensalaes, a nos prestanos munchu la de Cecina con quesu cabra a la parrilla (una "florette" con cecina de Llion y un trozu quesu cabra parrillau, perbien aliñada) o la de la semeya que solo la tienen pola seronda, ensalada templada de caza, una "Florette" con carne corzu, piñones y mazana un pelin cocidina, rico. Tamien aconseyable compartir un poco de pulpu'n parrilla (semeya 2). Hala, ya teneis mas menu onde escoyer equi.

miércoles, 12 de diciembre de 2007

Casa Jamino (Somio-Xixon)

Un de los mios sitios preferios pa xintar como un paisanu nun ambiente familiar y prestosu. El chigre ta a la vera de la Plaza de Villamanin, en plenu "centru" Somio, si ye que se pue definir un centru equi. La mayoria ya sabeis onde ta, ¡que coño!. Tien cuatro meses y si venis un dia de ente selmana a la hora comer, como nun acuteis llevaislo crudo porque ta petao comiendo'l menu del dia. En cualisquier casu, chigre perafayizu nel que comer ye barato y que tien los meyores tortos con picadiello, pataquines y güevos del mundiu mundial. Vamos, una xinta tipic equi ye ensala de gula con canonigos y dempues los tortos. Podeis compartir tortos, que vos los emplaten, si ye que nun sois paisanos. Otres coses que suelen tener d'entra son los cascoxos que a mi prestenme munchu. Sidra Choro asgaya y nun creo que paseis de los 18€ por cabeza :-)
Voi tener qu'entamar la llista por conceyos, porque si non pierdome colos sitios.
Ta llueu

viernes, 7 de diciembre de 2007

El Fondin (Brañes-Uvieu)


Un clasicu de toles xintaes que facemos por Ñavida, eh collacios?. Bono, ya sabeis de que va, asina que nun me voi entretener munchu. El pueblin de Brañes ta na parte sur del Monte Naranco, na raya con Llanera, d'a fechu casi que pa allegavos vais meyor por San Cucao que por Ules (la caleya ye de les guapes). A lo que vamos, el sitiu, anque crecio munchu en comedores, sigue manteniendo esi puntin de chigre de tola via, pero afayaizu, y bien colocau, sobre too el comedor de siempre, el que ta a la vera de la barra'l bar y del llar, coles mesines en piedra y demas. De tantes vegaes que fuimos, na qu'añadir al pote, la fabada, los arbeyos con xamon, los platos de pitu caleya, carne guisao, coneyu guisao y pa los que comen cachopos, tamien un bon llugar. En definitiva, el tipicu sitiu bien puesto, de raciones abundantes, vamos, de los de dir a fartase, por 4 duros (nun creo que pagasemos nunca mas de 25 €por cabeza y eso que hai vegaes que les moces piden pescaos y delles coses), eso si, col vinu la casa, menos mal que la carta tien dellos meyores qu'eso, anque lo del vinu nun ye lo d'ellos, tienen Lan polo menos. creieis que se me escaecia eh? pues non!! fain el meyor arroz con llechi de la zona, col so requemadin d'azucar...y eso que nun soi llambion.
Güei creo que ya tuvo bien d'entraes.

Koldo Miranda (La Cruz d'Illas-Castrillon)

Anque me mosquee muncho...si creo que'l pueblu ye de Castrillon y nun d'Illas. Bono, a lo que vamos, con esti supuestu estrellina Michelin voi tener que falar llargo y tendio, el dia que lu alcuentre. Ocasion especial, llegues, flipes, porque la caseria ta perguapa (el llamalo caserio, supongo que sedra porque tamien llamase Koldo). Lo dicho nun vayais, teo que poner dellos asina nos d'ocasiones especiales, porque si non vais pola fama y con tola ilusion y vamos... En fin, nel restu de categories nun voi poner los malos, pero nesta categoria teo de ponelos, por si acasu vos suenen y vais de casualida.
Lo dicho, mira que paso'l tiempu, pero tien una "X" tan grande'l sitiu que nun la recupera nin si por un causalida ye'l primu de la guia y y-dan 20.000 estrelles. El sitiu, perguapo, eso si, entamamos bien, comer con abrigu anque seya plenu iviernu, habria que dexalo pal polo, que asin nun hai quien coma a gustu. L'entrante de parrillada de verdures paecia too menos eso, y bono, dempues, besugu...de besugos se nos quedo la cara al prebalo de lo malo que taba cocinao, ensin gracia, un pescau frescu destrozau y vamos...al ver la cuenta casi cayemos (23 €per capita uan racion de besugu que yera vergoñosa de tamañu y sabor), tan mal nos paecio too que l'unico rico debio ser el vinu, que nun lu fabriquen ellos. Hala nin se vos ocurra pisar esti chigre y..Koldo, si tu nun tas un dia na cocina, coño!! mira ver a quien pones joder que vaya critica que te teo que facer!!

L'Alezna (Caces-Uvieu)

Hola, güei teo tiempu y toi llanzau, ye que si nun faigo agora les coses nun se que va a pasar.
Esti sitiu pongovoslu como exemplu de lo que nun se pue facer nuna supuesta estrella Michelin. Como vos digo, el sitiu, decorau de forma minimalista, ye un sitiu al que fuimos un par de vegaes (claramente n'ocasiones especiales) y que nos presto munchu. Pero...y equi vien el pero, la cabera vega que fuimos, foi un pequeñu desastre. La comida rico, nun nos vamos a engañar, notase la mano del cocineru tipu Michelin y la de los tastios impactantes. Oricios a la sidra con manzana d'entrante, ye un preparau de que..estes coses hai que prebales, que les describa un criticu con eses pallabres rares que usen, lo nuestro ye un blog ente collacios. Pues eso, prestosu polo menos, dempues paletilla desgüesada y bacallau. Vinin blanco avieyao en pipa. Lo dicho, sedria prestoso, si nun fuera porque a un resturante d'esti tipu hai que pedi-y lo que pinta na estrella, qu'hai vegaes que paez que les regalen y el preciu nun ye de restaurante normal. Hai que pedi-yos que'l llocal nun te frio como un cuernu a pesar de tar en febreru, hai que pedi-yos que dende'l entrante de la casa al primer platu nun pasen 35 minutos!!!, hai que pedi-yos que dende'l primer platu al segundu nun vayamos a mas de un 1/4 d'hora por Dios!! y hai que pedi-yos que te sirvan el vinu, lo dicho, tola nueche poniendome yo'l vinu y amas, tou'l restaurante enllenu de mosquitos. Ta claro que yera enteselmana, pero les coses nun se puen descuidar asina. Al mio entender, pa ocasion especial de nouvelle coucine...al Gallery fios :-)

La Galana (Xixon)

Nun ye que seya un namorau de esti sitiu pola comida, pero ye un sitiu mui afayaizu, bien decorau en plena Plaza Mayor y que, l'otru dia foi una bona sorpresa, pa que vos voi mentir. Tenialu catalogau nesos chigres con pretensiones de bon restaurante que te la claven y que la comida nin fu, nin fa y enresultes que cai hai de casualida (porque nel comedor nun se fumaba por la nena) y mira, un dia que salio bien la cosa. Nun ye que vos lu recomiende especialmete, dame'l coral de que ye un sitiu intermitente y eso nun val porque los precios nun te los cambien si sal bien o mal la comida, agora, pueo decivos que lo que xinstamos l'otru dia taba bono y nun foi caro.....Oricios asgaya pa entamar la tempora!!ricos, perricos diria yo, enllenos, non mui grandes, pero mui sabrosos, cayeron como 3 docenes, salienme los oricios peles oreyes fiu!! amas d'eso, ensala templa, chopitos y sidre asgaya de l'Altu l'Infanzon. alredor de 24 € persona. Bono, hai vegaes nos que se tien suerte y hai que dicilo.