jueves, 17 de diciembre de 2009

Zortziko (Bilbao-Bizkaia)






Ya yera hora de poneme cola escursion a Bilbao, pero paez que non, pero nun tien tiempu un pa na. El casu ye que ya toi equi y creo que la meyor manera d'entamar ye pol orden cronoloxicu del asuntu, vamos, del primer al caberu chigre nos que tuvimos.
Entamo col Zortziko, un Estrella Michelin situau cerquina de la ria. Un de les coses que me llamen l'atencion ye que'n Asturies les estrellines nun tan nes ciudades (si quitamos la que tenia'l Gallery de Xixon) y equi, polo menos, hai un par.
Enantes de dir a esti paremos na cai Ledesma a tomar unos vininos y entamar a esfrutar del ambiente de pinchos y vinos (solo del ambiente, qu'esa mesma tardi tuvieremos xintando en Ribedeva y teniemos una fartura que nun sabiemos como diba dir la cena).
El Zortziko tien dos zones, una d'estilu "Luis XV" y la que nos toco a nosotros que yera mas modernina, pero que nun tien ventanes a l'esterior. Nun ye que'l sitiu emocione, pero nun ta mal y la mesa na que nos punxieron tenia su Fen-Sui (o como s'escriba). Amas, el serviciu atentu, profesional y con sentiu del humor del restaurante facialu mas afayaizu. Hai vegaes como esta na que daste cuenta de lo importante que ye un bon serviciu, sobre too si dempues fais comparances, ensin prieses, pero ensin pauses, atentos pero ensin presionate y sobre too dedicaos a que te relaxes y esfrutes de lo importante, la comida.
Na carta habia dos menus degustacion y decidimosnos nun miramos la carta y decidimosnos por prebar el menu d'amaridar.
El menu entamaba con tres mini-platos que'l chef aconseyaba xintar d'izquierda a drecha que n'esi orden yera un tacu de salmon afumau con salsa de mangu, un curiosu amestu que nunca se me ocurriria facer en casa, mui prestosu. El segundu tacu, una hamburguesina de pitu caleya tamien rica que foi, digamos, lo menos rico de les tres coses que nos punxieron. Lo que mas me gusto llego al final con un fritu de champan (una especie de crocreta semi-lliquida persele) con "sable de llimon" curiosa compaña que creyeremos ralladura de llimon deseca con dalgo dulce y resulto ser migaya de pan fritu con zumu de llimon too desecao. Podeis velo too na semeya un. Como foi la primera esperiencia con esto d'amaridar vino y comida intentare facer les notes de preba a lo "fartonin" de lo que nos diba cayendo pela mesa. Pa too esto fixo compaña un champan Andre Clouet Rose Grand Cru. Nunca prebara un champan rosau tan rico, poco carbonatau, burbuxa fina y dexe de maera (notabes como se te xuntaba al finar los tragos la llingua col cielu la boca. Ella solina diba pa elli, ensin mandala). Casaba perbien col primer platu y nosotros ya tabemos esfrutando con too, comida, presentacion, vino, en fin esto diba bien.
De segundu llangostinu en tres testures (semeya 2) y direis y ¿esto que ye?, pues un llangostin (o mas d'un) que presentabentelu'n taquinos cocios n'un puntu percomplicau (minimamente cociu, casi crudu) sobre'l lliquidin de cocelu y un sufle frio (si, frio, sorprendente) n'un cuenquin aparte fechu con les cabeces y les cascares de varios (supongo). Realmente rico, tabemos emocionaos, sobre too col sufle, pa rellambese. La compaña d'esto fixeronosla con una mazanieya esencia de la Andana. N'esti puntu direvos que nun soi dengun amigu de la mazanieya en denguna de les sos variantes (nin la caliente, nin l'alcoholica) teo dicir qu'esta, entrome bien, perseca, y si que pegaba bien col llangostin.
El tercer platu (semeya tres) consistio nel pexe'l dia con un puntu de fornu. Equi fallame la memoria (¿creieis que taba alcordandome de too, eh?. Pues non lo que fixe foi sacar una semeya a la carta pa alcordame) y agora mesmo, nun m'alcuerdu de que pexe yera. La carta ponia "pexe'l dia". Un bon trozu, d'un pexe con munchu tastu nel que pasaron un plizcu'l pelleyu pa poder xintalo del mesmu golpe de tenedor que la carne. Pal mio puntu un plizcu mas fechu, mira que suelo quexame de lo contrario n'esti tipu de chigres pero equi, ensin pasase munchu, dexaronmelu un plizcu mas alla, seguru que foi por da-y esi toque de plancha al pelleyu. De compaña una sorpresa, un riesling basicu, pero con munchu resultau'n boca. Un plizcu dulce ensin pasase y col carbonicu sele. Prestome munchu y a ver si lo escribo bien: Dönnhoff 2008 riesling trocken. Tamien diba perbien col bichu
De cuartu (ya reventando, porque de poquitin a poquitin esto farta) palomba flambeada col so consome (semeya 4). Solo teo dos pallabres, esto quedo im-presionante, un tastu tremendu y tan sele que paecia pichon en vez de palomba. Una salsina un plizcu dulce y un plizcu acida, perprestosa. Teo que dicir qu'en esti platu y'l del pexe venien unes verdures cocies que me prestaron munchu porque cruxien, dificil de conseguir en casa, cocio pero cruxente...uhmmmm (estes pequeñes coses que presten). Nel pltau venia tamien un ravioli de fua que taba pa rellambese. De compaña otra sorpresa, un vino del que yo nun sedria capaz de beber una botella, pero que pa una copa y con esti platu diba estupendamente. Munchu cuerpu, munchu olor a frutes que nun se correspondie pa na col nivel de tastu a elles (sabia, pero nun tanto como olia) y con un sorprendente amargor que yo nunca taste n'un vino. Mui rico, pero, lo dicho, una botella entera emplagariame, asina que la copina tuvo perbien. "La Huella de Andaras 2006". D.O Almansa, raro, esa ye la mio nota de preba.
Pa finar y pa estallar, la llambiota consistio n'una corcreta lliquida de castañes con xelao de yogur. Lo de crocreta ye por definilo, porque nun tien que ver coles crcretes lliquides "de salao". El rellenu yera de castañes n'un lliquidu abondo espesu, dulzon y perbono endolcau por una ralladura de pan. El yogur de yogurtera caseru, mui rico tamien. El vino que mos toco esta vegada un Olite moscatel. Curioso vino dulce de Nafarroa que mos presto tanto que tuvimos que repetir. Digo lo de curioso porque nun yera un PX del que tenemos mas costume prebar, yera dulce y afrutau, pero frescu, y na cansin.
En resumen, prestonos, esfrutamos, munchu, pero nmunchu. Cocina tradicional, pero con toques modernos, amesto de tastos y vinos, primera nuechi en Bilbao...en fin, de los dos estrelles que visitamos foi'l que gano'n conxuntu. Amas, los 180€ fueron a cargu de los caberos tickets con caducuda 2009. Si en vez de tar nel centru ta a l'altura de Gaztelugatxe (nun se si acerte al escribilo) sedria la bomba!.

viernes, 11 de diciembre de 2009

Bendia (La playa La Franca-Ribedeva)






El Bedia ye'l restaurante del Hotel Mirador de La Franca, en primer llinea de la playa del mesmu nome. Tan en primer llinea, qu'una de les coses que mas presten ye'l xintar namas que viendo'l sable y la mar, prestoso, pero que mui prestoso. N'esti fin de selmana pasau de ponte, el Bedia foi la nuesa parada a xintar pa dir y pa volver de Bilbo.
Como xintamos dos vegaes tan siguies comentare los platos que mas nos prestaron ente les dos visites.
Como vos dicia, el Bedia ta tan en primer llinea de playa que solo eso fai que la visita merezca la pena, amas que les dos vegaes xintamos en primera llinea de comedor, asina que nun habia naide ente nosotros y les foles.
El chigre, qu'almite tickets restaurante por ciertu, ye un chigre de platos cenciellos, ensin complicaciones, pero honestos (ye lo qu'hai y nun pretenden mas) y de raciones de paisanos, ensin duldes. Coincidio qu'esti fin de selmana nun tenien carta sinon un menu de tres platos (si, tres platos) a escoyer, n'una eleicion abondo amplia.
De lo prebao les dos vegaes lo que mas nos presto fueron el salteau de setes y boletus (como si nun fueren setes...) cola compaña del esparragu trigueru que se ve (semeya un). Platu abundante, rico, nel so puntu d'ayu y toles setes con gran tastu. Prestonos.
Otru primeru que nos presto foi la ensalada de quesos asturianos con comppota de mazana (semeya dos). Prebona, anque yo y-pondria menos frutos secos a la mesma. Lo de la compota en vez de la mazana foi un toque prestosu que pegaba perbien coles pases qu'habia. Un par de quesos seles asturianos (nun los distingui bien pero yeren del tipu Vidiagu o Taraundi, seles) y un resultau prestosu.
De segundos tiremos de los güevos gavioteros que nun se porque los llamen asina (semeya 3). Dos güevos fritos rodeaos como Caster por un monton de indios en forma de gula del norte con un poco de pimenton. Ricos.
A esti puntu ya nun puedes mas y a la ida teniemos pensao cenar nel Zortziko, asina que ya nun sabiemos como siguir faciendo sitiu pal tercer platu. Per un llau prestonos munchos la merluza (semeya 4) que preparen como quieras, n'esti casu a la plancha. Curioso, a la ida nun tenia amasueles y a la vuelta si, coses que pasen. Merluza fresca bien acompañada con un par de gambes y, amasueles si ye que les ponen. L'unico pero ye que la primer vegada tenia munchu ayu (innecesariu, que la merluza notabase fresca) y hubo qu'apartalo pa esfrutar mas.
Pela mio parte decidime polos calamares na so tinta (semeya 5), seles y ricos de tastu, poca cebolla y bona entrada na boca. Les pataques ya nin pude con elles. Por ciertu, que yo taba aguantando a nun beber mas qu'una copina del Marques de Riscal blanco 2008 qu'andaba perlli y a la salsa de los mios calamares nun-y dio tiempu a reposar y tastiaba munchu a vinin blancu (a mi nun me molesto). Vamos, que sillego dar vos xuro que nun foi pola copa!!.
A los postres nin lleguemos y tola cuenta salio (el vino cobrenlu fuera del menu) por 29€ persona (o gratis si pagues colos tickets h.e h.e). Sitiu prestosu pa dir de domingu cola familia y dar un pasein pela playa.
Agora quedenme tres "chigres" en Bilbo, ya teo trabayu pa unos dies :-)