martes, 17 de junio de 2008

Puntu y Coma (Uvieu)


Tenia-y ganes a esti sitiu, porque ye un de los que mas fama garro caberamente n'Uvieu (de unos años pa ca) y como diben munches intentones d'acutar sitiu pa cenar y siempre taba enlleno, coño, dabame rabia nun dir, asina que acute pa xintar. Pues bien, el sitiu da una perbona espina namas entrar (ya lu concia de dir tomar dellos vinos), en maera, bien puestu, nun se fuma y los camareros tan uniformaos como si fuera un restaurante d'altes prestaciones. Vamos, que ye afayaizu y tan bien puestu. Pero ay artilleru, entamen los fallos, los camareros nun son en demasia amables, mas bien tan acostumaos al chigre enllenu pa xintar y paez que-yos jode un poco servir (ensin dexar de ser correctos, nun se, son, nun se, secos). La mesa que nos toco taba del reves puesta (vamos que del rectangulu tuvimos que sentanos nes partes que queden mas lloñe un d'otru) colo que, de repente, daste cuenta de que les infules de gran restaurante queden ehi, porque resulta que les meses tan abondo pegaes una a otra y a lo que tas ye a la charra del de al llau, porque del tu compañeru de xintar, vamos, con trompetilla. Bono, llega la comida y nun se, quiciabes ye poles espectatives, pero ensin tar mal( nun pueo dicir eso) falta-y un puntu a too, el tipicu puntu del cocineru que fai a los sitios especiales. Ensalada de ventrisca de bonitu con tomates y guindilles vasques (d'eses verdes a la vinagre) que, nin fu, nin fa, nin siquiera un aliñu que-y diese mas calter. Pedimos de guisu, pitu guisao y rau de toru con pataquines. Son platos que te marquen la mano'l guisu del cocineru y la calida del producto, pues, nin el pitu, nin el rau son como pa recordar, vuelvo dicir, qu'ensin tar malos nin munchu menos, pero claro, si compares con Ca Lin que ta cerquina, echeslos de menos, na que ver. El rau tenia una salsina rica, pero nun taba en su puntu de guisu y tampoco yera la meyor pieza (semeya) y el pitu, secu, con una salsa que nun amesto col pitu, vamos, como si la salsa fora per un llau y'l pitu per otru. Raciones xustes, tirando a piquiñines un par de copes de vino de chateo (Viña Sastre) y dos cafes con xelo, coño, pues la cuenta nun foi de chigre, ensin beber una botella de vino, nin xintar postres (que ye lo que suel xubir les cuentes), 22 € persona. Nun ta mal, pero nun ta nin de lloñe bien, si lu blogueo ye porque tien fama y alla ca un si lu quier prebar. Otru dia, mas.

El Chaflan (Xixon)

Hola, tengo xunu un poco escaeciu, pero nun tolos meses pue tar un nel mesmu nivel, que quereis que vos diga. Güei voi soltame con dos entraes, una esta de Xixon, que ye un de los clasicos del grupu pa esos dies de "nunn se, vamos pal chaflan", pa los que nun lu conozcais ye'l tipicu chigre (home mas tipicu yel Pumarin de la Pola) nel que se pue salir bien agustu si sabes escoyer lo que xintes. Lo tipico d'esti son los calamares fritos (tienen una de les meyores tapes de calamares de Xixon) y el chuleton de güe a la piedra. Pa esto del chuleton a la pidra, ya sabeis lo que cuenta ye la calida (y estos tienen bien pillao el trucu de como tener la carne) y que ten pendientes de la piedra (que yo lo prefiero a la tipica piedra de mentira que las vas calentando tu) y cumple colos dos requisitos. Normalmente buen palu de sidre Canal y saldreis a unos 20 € persona (como ya se lo que bebeis...), un buen sitiu que nun tien nada que lu faiga mui especial, pero nel que vais quedar bien.

domingo, 8 de junio de 2008

La Pumara (Uvieu)

Toi riendome de velo, como ye que nun lu tenia blogueao? jeje. Pues esti chigre na meta de la movida de la sidre Uvieina (la cai Gascona), tien tres ambientes diferentes depende de lo que teis buscando. Si ye chigre, primer pisu, siempre enlleno xente onde ye comlicao hasta facese sitiu pa llegar a la barra. Si vamos un pisu pa baxo tenemos el restaurante que ta perbien puestu, y si tiramos unu mas, llegamos a la zona d'espiches piquiñines (dicen que hasta 50 pero pudo comprobase que entr mas xente!!). El casu, que pue xintase de picar tipico o unos bonos pescadinos al llombu (la furagaña'l llombu nun ta nada mal). Mui ricos los escalopinos de xata a la sidre, los llangostinos a la plancha, pola mio parte paselo tan bien que nun m'alcuerdo de que mas xintamos :-). En cualisquier casu, pa otres vegaes, ta perbono l'arroz con bugre. Un chigre recomendable, anque claro, acuta-y primero qu'esto siempre ta petao.