lunes, 24 de diciembre de 2012

La Sosiega (Uvieu)

Fino l'añu con un chigre al qu'en principu nunca diria de manu, pero al que fuimos a celebrar la xinta de Navida de la empresa.

La Sosiega ye'l restaurante del hotel AC Forum d'Uvieu. Como tolos chigres de los nuevos hoteles carez d'encantu, salon funcional que val para desayunar, xintar, cenar.., friu con meses de maera escura. Ta bien la parte de les ventanes y les vistes. En branu de xuru que presta munchu mas dir ya que pue aprovechase la terracina sobre la Llosa y xintar fuera selemente.

Vamos a la xinta, que con esto de la crisis foi a escote pericote y usando los billetinos de monopoly.  Tolos presentes fuimos al menu asturianu, un menu de 21€ por cabeza con cafes incluidos, vinin, agua y panes (si, los que quixeres) y de varios tipos (baguette, cereales, normal...) lo que ye un detalle a agradecer siempre.

De primeru traxeronnos un arroz con oricios y afuegal'l pitu (vamos, un ristto d'esos). Perbonu, prestome munchu. Bien presentau, racion abundante, cremosu col arrocin nel so puntu y'l afuega'l pitu o yera con pimenton o charon-y un plizcu de pimienta al platu, el casu ye que taba nel puntu xustu de picor, tirando a sele pa nun desmerecer los tastos del platu. Na presentacion destacaben dos cruxentes de quesu. Ya vos digo que ricu.


De segundu pitu caleya con pataquinos. Un pitu de abonda calida, prietu, bien cocinau dexalu tienru y sele. Un racion contundente.


Para mi un pero, solo guisau falta-y dalgo al pitu, prefiero otres recetes tradicionales onde primero se sofrie un plizcu enantes de metelu al guisu, pero esto ye cuestion de gustos y nun quita pa que'l resultau fuera bonu.

De postre pedi un frixuelu, normalin, ademas a mi nun me da munchu mas polos postres y esti venia rellenu de compota de mazana y tuve que desrellenalu.

El vino del menu foi un Austum 2011 Ribera del Duero. Un vinu prestosu y que pa un menu de 21€ taba mas que bien puestu. En resumen, nun tuvo nada mal la xinta, sorprendente, pero yo volveria pol branu pa aprovechar la terracina.

Prestoses fiestes pa toos y que'l 2013 sea meyor qu'esti :-)

jueves, 15 de noviembre de 2012

El Palacio - El Palaciu (Xixon)

L'aventura de los tiques. Asina voy llamar a los caberos meses de chigre'n chigre porque ye lo qu'hai gracies a los recortes. Dicho esto, paso a falavos de la cenina que nos metimos nel Palaciu de Xixon. Nunca tuviere cenando (de copes si) y vilu nel llistau de los billetinos de Monopoly y paeciome una bona idea arimanos a cenar elli. Hai varios salones, el nuestru foi un piquiñin, con poques meses mirando pal Pelayo y solo una perafayaiza que nun nos toco porque hai que la pedir adrede al acutar y tener suertede que te llibre. En cualisquier casu, el salon yera afayaizu abondo como pa cenar agustu, magar de qu'al sitiu y-falta un pequeñu remocique. Tando ya en plena seronda apetecieronnos un salteau de setines a la plancha de temporada con güevu, fua y piñones.
La cuestion foi que llego con un güevu la plancha. ¿Que mio madre pinta equi un güevu a la plancha, si, a la plancha enriba les setes?. Si tuviere fritu, entovia, pero, ¿a la plancha?, ¿cola yemina pasao, nin pa moyar, nin pa mecer coles setes?. Inesplicable. Les setes correutes , ensin mas, salvoles el fua. Pasamos a los segundos, pela mio parte un xuleton d'angus. Ya se, ya lo se, son conxelaos, pero tengolos pillaos nel Makro y tan bien bonos. Pues a esti lo que y-paso nun fueron mas que los meses nel conxelador y una mala desconxelacion. Si los garra Chicote yos-desmonta la ñevera. Polo menos taba intentau facer colos tres colorinos tipicos y les pataques yeren de verda, menos mal.
Pel otru llau unos papos de xatu que llegaron al aprobau raspau.
Al final, esfrutemos de la compañia mutua y del terceru'n discordia, Mauro que dempues de tar dende'l 2009 zarrau tenia ganes de charra. Vamos, una cena mala, mala y cara, 42€persona que menos mal que la pagaron los tiques. Al final comentaronnos que van remociar el chigre (ya deben tar en ello) y que van facer un gastrobar. Nun se si acertaran, pero como nun camuden la calida y la cocina a mi nun me ven el pelu.

martes, 23 de octubre de 2012

Asador de La Miranda (La Miranda - Llanera)

Ya que nun toca nin un duru, pa dalgo deben valir les peñes quinielistiques,¿o non?. Pues valen pa esto, pa tar tou'l añu metiendo cuatro duros en premios y pagando un pucuñin mas toles selmanes y facer un xintaona al finar l'añu. Esti añu toconos un que, mira que lu tengo cerca d'onde creci y vivi, pero al que nunca fui xintar lo que toca equi (llechazu y gochin). Pues esti añu si, la fartura de la peña foi nel Asador de La Miranda. Los entamos fueron unes tables d'embutidos que nun taben mal, poco a poner enriba la mesa porque a lo que dibemos yera a los principales....tres gochinos a la segoviana pa 9-10, porque los 2-3 restantes prefirieron el llechal. los gochinos vinieron cola compaña de unes ensalades cencielles, unos pimientinos asaos y les pataquines al fornu correspondientes. ¿Que quereis que vos diga?, munchu casu a la compaña nun fiximos.
Porque teniemos gochu pa fartanos.
Bona pinta y bon gochu, quiciabes un plizcu salau, pero bona materia prima, pasau lo xusto pel fornu pa que'l pelleyu tuviere cruxente y la carne fecha nel so puntu. Los mas fartones dieron tolo que pudieron y mas y entovia sobronos como la meta d'un, que llevemos en tapers pa casa. Vamos, que foi una fartura importante. Creo que los corderinos tamien taben perbonos, eso si, nun tuve butiellu pa poneme a prebalos. Pela mesa pasaron unes cuantes botelles de La Montesa Cr 2009 que cumplio perfeutamente col cometiu de: "tar bono pa pasar la carne". Fuera coñes, ta prestosu esti vinin. Esta vegada nun pueo davos datos de les perres, de xuru que la nuesa tesorera me los daba, pero paso. Yo solo se que nos sobraron mas de 50€, asina que pal bote pal añu que vien. En resumen, un sitiu mas que valoratible pa dir xintar como en Castiella ensin tener que pasar el Negron (o'l Payares porque al preciu que se ta poniendo too, entovia vamos tener que volver xubir les cuestes del nuestru puertin)

domingo, 14 de octubre de 2012

Ambrosia e Nectar (Olhos d'Agua - Algarve -Portugal)

Fotos de Ambrosia & Nectar, Olhos de Agua
Esta foto de Ambrosia & Nectar es cortesía de TripAdvisor">

Olhos d'Agua ye un pueblin pesqueru de la zona del Algarve onde tuvieron los mio pas hospedaos. Lo curioso ye que nosotros tebemos como 30Km pal oeste asina que'n la selmana que coincidimos pela zona fuimos velos un par de vegaes. El pueblu ye abondo mas turisticu que'l nuesu (Ferragudo) pero nun nos paecio masificau y mantienen una componenete pesquera importante. De los chigres creo qu'hai que destacar dos, el caru de coy.., que ta na playa y l'ambrosia y nectar que ta na cai que baxa pa ella. Del primeru nun teo na que dicir, nun tuve, tuvieron los mio pas y comentaron que de calida asemeyao, pero claro, que les vistes na que ver. Asina que vamos centranos nel que tuvimos les dos vegaes. L'Ambrosia ye un chigre cuidadin, magar que los cartelos de neon son de los 70 polo menos. Tienen un terracina protexida del vientu de maera y cristal perafayaiza con un techu movil que dependiendo de como sople zarren o dexen abiertu. Pa dientro tien sitiu asgaya, ye abondo grande, pero lo nueso yera la terraza coles sos meses corrides de maera. Chigre de cocina cenciella colos tipicos pexes de la zona fresquinos y preparaos a la brasa. Robalos (furagañes) y douradas (dorades) xabaces de tamañu tirando a mediu que valien pa dos raciones. Brasa, un plizcu aceite y a esfrutalos. El primer dia pidimos bacallau al llagareru pa los neños, pero punxeronse les botes a furagaña, asina que'l segundu nun cometimos el mesmu error. De los entamos portuguesos tipicos destacar el pate de sardines, perbonu. La carta de vinos, curtia, pero con delles entrades riques, d'albariños Casal Garcia cumplio el primer dia y'l segundu fuimos a un Duas Quintas de Douro que taba bien bonu. Vamos falar de la cuenta "cara", la del tintu, que yeren 2 furagañaes pa 4 y una pa dos piquiñina, los entamos, un rua das quintas, chupitos y una cafetin, todo bien bono que salio a 30€ por cabeza si solo ties en cuenta a los 4 adultos, pero que onde xintaben bien 5, asina que falamos de 24€/persona reales. Tou esto, n'un sitiu turisticu, cada dia me presta mas viaxar al pias vecin.

martes, 2 de octubre de 2012

Feria de San Mateo (Viseu - Beira Alta - Portugal)

Lo que voi contavos agora nun ye un chigre en concretu, ye una esperiencia en xeneral, un puntu de partida por si vos coincide dir a Viseu durante les fiestes de San Mateo. Convien esplicar que San Mateo en Viseu podria ser la pesadilla de cualisquier conceyal de festexos del mundiu mundial. Pa que vos faigais una idega ye como si tolos chiringos d'Uvieu y los caballitos que n'Uvieu nun hai, los punxeran toos xuntos n'un sitiu abiertu y, amas, tuvieran un pabellon piquiñin onde facer una mini-feria de muestres de Xixon y tou esto ¿durante cuantu tiempu?. Los mas conservadores dirieis qu'una selmana, 10 dies como munchu; los mas optimites pues qu'un mes, pero a naide se-y ocurrio, de xuru, dicir que del 10 d'agostu al 23 de setiembre, ¿a qu'eso, a que non?. Estes son feries y lo demas tonteries. Con esta duracion, si vais a Viseu en branu ye casi normal alcontrase cola Feria. Esta coloquenla n'una esplanada del centru la ciuda a la que dende la parte hestorica podeis llegar en funicular (esto de los portuguesos de poner les ciudades con tantes altures, nun termino de velo) magar que'l mesmu de nuechi pa xubir ya nun furrula, alvertios quedais. Menos el dia de la nauguracion nel que s'entra de baldre, el restu los dies hai que pagar (nun m'alcuerdo cuanto). La feria ta abierta dende la mañana a la nuechi. Dientro de la feria, el pabellon con les empreses (piquiñin) y munchos cachibaches pa montar los guah.es y los non tan guah.es :-) y, por supuestu, la zona los chiringos. Hailos de toes claes y algo pertipicu en dellos ye'l gochin asau. De tola zona de chiringos yo quedome coles barraques tradicionales que ponen peñes y pequeños comerciantes onde pue vese un Portugal d'esi que se paez a la España de los 70 y qu'a mi, prestame asgaya. sitios perpequeños con 4 meses dientru y cuatro mas fuera.
La nuestra barraca taba atendida por dos paisanos mayores con una cocinera. Xintemos fuera y pidimos lo que la paisana nos encamento, anque foi'l paisanu el que dempues tuvo con nosotros pa servinos (yera un ex-emigrante en Francia y como la muyer fala frances, taba encantau de prauticar). A la xinta, lo tipico de la feria de San Mateo a lo que baexen tolos paisanos de los pueblos, la "espetada de enguias", o seya, el pinchu de anguiles, que venien cola compaña d'una ensaladina de llechuga, tomate y pepinu, cenciella pero perbona porque too venia de la güerta del paisanu y notabase la de Dios (el pepinu taba pa rellambese). Les anguiles vienen en escabeche y salen d'una conservera (o varies) que les venden por barriles abondo piquiñinos. Les de la semeya son grandes, normalmente son mas pequeñes y xintense ensin quitar la espina. A estes hubo que mete-yos un poco mas de manu. Un esperimentu que nun ta mal, la verda, anque meyores coses prebe na vida, esto presta asgaya n'esti entornu.

Ye qu'equi, son de interior, lo d'ellos ye la carnona. L'otru platu una xuletina de gochu tienra frita con unes pataquines fritines y un güevu de casa que taba pa rellambese (¡ay, que faciles somos cuando tamos agustu!). Estes coses o unos güevos de verda con pataques y chorizu hai vegaes que nun se paguen con dineru, ¡ho!
Si'n delles semeyes veis unos sobres de quechup o mayonesa ye porque la neña tamien queria una salchicha que fuimos mercala al macro-chiringu d'enfrente y que nun nos punxeron dengun problema por xintala nel nuestru chigrin. De compaña una xarra de vinho branco de la zona (que ye Dao) y toi seguru de que nun llego a los 25€....too. En fin, si tais per Viseu en branu, pasai pela feria :-)

jueves, 20 de septiembre de 2012

Kome (Viseu - Beira alta - Portugal)

N'estes caberes vacaciones (¡onde tan ya, madre mio!) fiximos la nuesa paradina obligada de Viseu enantes de continuar camin pal Algarve. Ente los dies que tuvimos elli l'añu pasau y esti dionos tiempu a prebar dellos chigres magar que colos peques ye abondo dificil alcontrar un nel que podamos xintar bien y toos agustu (los neños pequeños tienen que movese, la cosa ye asina). Teo de dicir que los dos meyores chigres de viseu (el Muralla da Se y O cortiÇo) nun tan preparaos pa neños, anque l'añu pasau llevaronnos al segundu y coincidio que tuvieron tranquilos. Dempues de prebar dellos tipicos portugueses con terraza malos, malos, atopamosnos con el Kome, que ye un chigre de Tapes y Sushi con una terracina n'una cai peatonal na zona vieya de Viseu. Esto significa que nun solo pues xintar sushi y inventos xaponeses sino que tamien ties cuatro cosines tipiques de bacallau y delles coses portugueses con precios populares. Pido disculpes poles semeyes de mano, porque la nuechi y la camara de los moviles nun se lleven na bien. Pa los 4 pidimos 2 Hot Boxes de Gambes. Nun son mas que los tipicos makimonos xaponese, pero el alga esterior ta cruxente debido a un empanau perbonu. Na semeya podeis ver hot y mediu, porque los neños ya y-metieren mano.
A la mesma vegada tomemos un Temaki d'atun. Otra manera de preparar atun con salsa teriyaki dientro d'un alga nori y una especie de pan dulce-galleta (dificil de diferenciar) mecio con too ello (la semeya esta da pena del too)
Pa beber, 2 zumos de naranxa naturales (en Portugal hailo per casi tolos chigres, hasta los de playa), 4 vihos brancos (de xenerosa proporcion), 4 cañes de 20cl y un cafe con xelu y nun llego a los 28€. Pa que digan de los precios equi, viendo que'n Portugal tienen un 23% de IVA y tan a la par de mal que nosotros. Sitiu prestosu cola ventaza de la terraza ensin coches pa llevar guah.es y xintar bien. Si pasais por Viseu teneis otra referencia.

jueves, 2 de agosto de 2012

La Cabaña (La Providencia - Xixon)

Ya que parez que vamos entrando en branu n'Asturies, voi espublizar un sitiu ideal pa dir colos guah.es y que, sobre too, val pa completar un dia de playa o pa esos dies nos que de playa nun ta munchu, pero que tan bonos pa dar una vueltiquina. La Cabaña ye un chigre prestosu que ta nel Camin de La Ñora, asina que de pasu que vas pa elli, eches-y una güeyadina. Tien varies zones, tipu bar chill-out, pero a lo asturianu. La zona chigre de tola vida, la zona de comedor pa tras, la zona de la terraza (semeya un) y la zona de merenderu (dende yo fixe la semeya). Nel merenderu nun t'atienden asina que ties que pedir en barra y tar atentu a la voz (Ivaaaaaaan, la comanda!!!) y ponete tu el mantel y los cubiertos, nel restu serviciu atendiu como'n delles gasolineres. Amas de too esto, pues xintar y dexar a los neños xugar, refocicase y demas coses que fain ellos porque tienen una zona de culumpios y toboganes nel prau, na de mariconaes (con perdon) de suelos d'esos de goma que valen que ponen agora, ¡que deprendan a ser paisanos y muyeres de pro!. Por ciertu, nel merenderu ta enllenu d'arbolinos frutales y depende como seyan los guah.es nun van parar de xubise a les meses a pañar nisos (y danse-yos bien, tan hasta riba d'ellos).
Pero'l chigre nun taria n'esti blogue si non fuera porque amas xintase bien y permitete esfrutar (nun ye un gran cucine d'esos, pero val) d'una bona xinta familiar a bon preciu (dependiendo de lo que pidas entre 15 y 18€ por cabeza) A destacar, les zamburiñes que les preparen perbien con una salsina xusta d'aceitin y sal (semaya tres) y la sorpresa de la cazuela de pulpu amariscau con pataquines panadera perbaxu, que ye abundante pa 2 y que yo diria que val pa 4 ensin forzar. Pulpu y gambines cocinaes en cazuela de barru. Un platu contundente.
De palu sidre tienen Trabanco, nun ye que m'emocione pero tienenlu rico. Espero que lu esfruteis, yo tranco pa folgar un mesucu, que ya tocaba!

jueves, 26 de julio de 2012

Plaza (Nava)

La crisis ye la crisis y'l nun salise de los tiques restauant ye lo que fai que lleve parau mas d'un mes esti blogue. Al casu, qu'un dia ye un dia y'l dia de la fiesta la sidre de Nava saltemosnos (porque sinon tendriemos que salinos de la folixa) la nuestra propuesta de xintar colos billetinos de monopoli. El llugar escoyiu foi'l centru del maraballu, na sidreria Plaza (vamos, na plaza de la Casa'l Conceyu). La terraza taba a tope y dientro decidimos quedar na barra con unes botellines de Foncueva (nun munches, un par d'elles) y pedir de picar. Anque tuvieremos varies vegaes tomando sidre nunca tuvieremos cenando, asina que la primera sorpresina foi una carta cuidada con entraes curioses como la que escoyimos primeru. Tostes de quesu de cabra con cebolla carambelizao per riba y un toque de carambelu de vinagre.
Mui riques, pegaben-yos mas unes tostes mas fines, pero ye que tamos en zona de buen xintar, ho!. De lo que si nos dimos cuenta foi de que'l tamañu de les raciones yera perimportante, asina qu'entamamos a pensar que'l segundu (que ya lu teniemos pediu) igual diba ser un poco munchu. Y asina foi, a falta de calamares a la plancha pedimos unos potarrinos na so tinta. Impresionantes, la receta de tola vida cola tinta y la cebollina. Too bien guisao pa da-yos esi tastu inconfundible de siempre. Tamien tenien el puntu de duru xustos y yera una pedazu de racion. ¡Vaya fartura pa dos que nun tenien fame enantes de sentase!, pero claro ¡nun diben quedar elli!.
Como vos conte, un par de botellines de Foncueva, un cafe con xelu unos 15€ por cabeza, preciu que pa tar en meta de les fiestes grandes y magar de tar en barra (sentaos, eso si), nun nos paecio caru. Sitiu prestosu al que tendremos que dir, cuando pongan tiques, a cenar en una mesa como tou'l mundiu :-)

lunes, 7 de mayo de 2012

Avant-Garde (Xixon)

Siguiendo col procesu low-cost tiqueteru, anque'n version pih.a, al dia siguiente de dir al Amalur, fuimos al que ta'l pie, l'Avant-Garde que ye'l chigre del hotel NH. Si, si, la vegada que fuimos los collacios a xintar el menu degustacion foi una de les peores cenes de la mio vida a nivel gastronomicu, eso si, descoyonemonos de risa. Tenia-y puestu una "X" como la d'Afonsu X, pero les muyeres son convincentes y la mio pareya nun lu conocia. Si volvia salir mal pagaben los monopolis azules, un consuelu. El menu degustacion tenialu prohibidu mentalmente, asina que repase los platos que me prestaren mas d'aquella fatidica cena y foi lo que xintemos (mas un par d'estres) y teo dicir, qu'esta vegada resulto bien, pero entamemos coles sensaciones de too. En primer llugar, daquel tenia que yos-esplicar a estos de los hoteles lo que ye'l "Fen-Shui" y voi invetar la pallabra "afayazaimientu" que ye lo que necesiten. Magar de que'l sitiu ta meyor puestu que'l del Amalur, que ye un espaciu de bar con meses y que nun t'entren ganes de pedir un zumu de naranxa (lo que ya ye un puntazu), sigue siendo estremadamente funcional y friu como pa llamalu afayaizu. Ye tanto asina que camudemos de la mesa que nos tenien preparada a otra que taba mas escondiduca pa que'l sitiu tresmitiera un poco mas de calorin. L'Avant-Garde nun ye un sitiu de primeros o segundos, ye un sitiu de tapes piquiñines o mas grandes, too pa compartir. Entamemos por dos mini-tapes, la hamburguesina d'atun colorao y la ensalada de cruxentes de bugre.
L'hamburguesina venia cola compaña de tuberculos variaos fritos (yuca, pataca, pataca de colores...). Esti platu ye un de los mas famosos del llugar y nun defrauda (tampoco lo fixo la primer nuechi que vinimos). Bon atun, vuelta y vuelta ente pan d'hamburguesa. Rico.
La ensalada de cruxentes tamien cumple y ta bona. Citricos, verde y cruxentes que fain un platu ricu. Agora, vamos ver tamien lo de los nomes de les coses, un poco de criteriu, podien llamala de cruxentes de andarica, centollu, esguila o lo que yos-diere la gana, ¿bugre?, home, creestelo. Son trocinos minimos que fain "crunch-crunch" na boca al mordelos. La ensalada ta rico, pero coño, por Dios, criteriu colos nomes (y esto va por munchos sitios, nun solo esti).
Pasemos a les tapes mas grandes, tataki d'atun colorao. Atun crudu de coyones (a mi prestame, pero aviso) con unes güeves sucedanees per riba, cebollinu y wasabi nes esquines por si apetecia mecelo too cola salsa de soya. Palinos y too a lo xaponoes pa completar el cuadru. De cocina tenia poco, pero'l platu tab ricu. Bon atun, imprescindible.
La otra tapina mas grande fue la xata roxa a la pequinesa. Otra cosa pa xintar colos palinos chinos esos. Esta vegada un platu chinu, que nun prebare anteriormente y que foi lo meyo de la xinta pa'l mio gustu. Salsina de soya adecuada, setines y xata de gran calida colos tres colorinos tipicos de cuando ta como Dios pa xintar. Prestosu final.
Como llevabemos dos dies que lo tirbaemos, dionos por pedir un postre pa compartir, (ohhhh, dos seguidos!!! esto ye recor mundial pa nosotros). Postre fresquin y llograu, una macedonia de frutes con xelau de mangu. Rica. De compaña tuvo perlli un Jose Pariente 2010, que acompaño bien los platos. Total, colos cafetinos de rigor un preciu de 43€/cabeza, pa pensalo dos vegaes si nun ties tiques, anque agora si, la xinta presto.

sábado, 28 de abril de 2012

Amalur (Xixon)

Bono, equi toi con una nueva entrada nel blogue. Como vos dixe l'otru dia, toi en plan "Low Cost" a base de tickets, asina que los que tengais los papelinos azules col puntu colorao na meta, tais de norabona :-) Tabemos per Xixon y apetecionos prebar coses nueves, decidimosnos pol Amalur (que ye'l chigre del Abba Playa) porqu nun lu conociemos y dabanos bona pinta. Lo primero dicir, qu'afayaizu, lo que se diz afayizu, el sitiu nun ye. Menos mal que tenien la meta o mas de les lluces apagaes, colo que daba una sensacion de mas intimida. Aun asina, tratase del tipicu restaurante funcional de hotel onde, a pesar de ser la hora de la cena, dabente mas ganes de ponete col desayunu bufe qu'a cenar, nun se si me esplico. Eso si, mantelinos individuales y cristaleria adecuada pa la cena. Atencion perbona (nun habia muncha xente, pero'l camareru yera un frances perprofesional y, a la mesma vegada, cercanu). Comentavos que nos camudo la botellina de reserva por otra, porque nun y-golia bien el corchu y yo punxe cara raro al bebelo (dificl saber si yera malu o de si y-faltaba respirar un poco). Asina que sin mas y por si acasu, pa los toriles y a por otra. El detalle de la casa consisitio n'unes tartaletes de fua (toi a la gueta d'el entovia, porque nun lu alcontre per dengun llau), guacamole y anchoa. Taben riques, col detalle del fua, ya digo que debia ser testimonial.
De compartir pedimos una ensalada de bocartinos con yele de vermu y salsa de wasabi. Mui rica, interesante el yele de vermu (que ye lo blanco que veis na semeya) y la salsa de wasabi que taba persele (nada de picor) y asemeyabase mas a una mostaza. Ensalada fresquina y bien presentada. Mui prestosa.
De segundos yo tireme pol corderin llechal esgüesau con milfueyes de pataques y cebolles. Perfeutu de puntu, prestome munchu el corderin esti. Bien preparau, presentau y una racion d'interesante tamañu, con una salsa prestosa. Ya podeis matame, porque nun m'alcuerdo de que yera, solo que y-pegaba estupendamente.
Pel otru llau de la mesa, una merlucina del pinchu endolcada n'alga Nori y con trigueros. Quitando que taba algo sosa (eso ye de facil arreglu) un pescadin bien preparau y perfrescu. Prestosa combinacion pa'l que-y guste la merluza (ye qu'a mi, nun ye un pexe que me de mas)
Esta vez, si, un postre pa compartir (mira que nun somos llambiones, pero convencionos el camareru) un "tiramisu". Voi entrecomillalo, porque parecia fechu cola Thermomix deconstructora. A ver, bien ricu con tolos ingredientes, pero como veis pola semeya de tiramisu, poco. Eso si, taba rico, pero podien llamalo d'otra manera.
Un cafetin con xelu y una infusion d'eses. Llamome l'atencion el detalle del cafe con xelu, onde'l xelu tamien yera cafe (anda, nun me mireis raro y comprobailo na semeya)
De compaña tuvo perlli un Contino reserva 2005 (el segundu que pasaba pela mesa, anque solo bebimos un). Vinin clasicu que llamonos l'atencion dientro d'una carta sorprendentmente escasa y poco dada a sorpreses, miento, sorpresa lo escasina que yera jeje.
Aprox, 43€/cabeza de monopoli, quiciabes un plizcu caro pagalo un, pero colos papelinos azules nin lo notemos. Prestosa cena que ameyoro la primera impresion del sitiu (lo poco afayaizu que yera, vamos)

miércoles, 18 de abril de 2012

Pululeando per Viena por Pululanta (Viena-Austria)

En Viena te bombardean con tres alimentos como los más típicos: las salchichas, el Schnitzel y la tarta Sacher. Otros platos de la cocina típica son el Tafelspitz y los estofados de carne.

Lo más típico es comer las salchichas en los puestos callejeros. Son como kioskos que tienen una zona anexa y unas mesitas altas para comer de pie. Están abiertos a casi cualquier hora, eso es una ventaja tremenda para nosotros , que a cenar antes de las 9 se nos hace muy cuesta arriba y muchas veces las pasamos canutas para encontrar un sitio con la cocina abierta a "esas horas". Hay unas cuantas variedades de salchichas: la "vienesa" o "frankfurter" es la cocida y nuestra experiencia en Munich con ella no fue muy buena, así que esta vez pasamos :-). Más ricas están la kasekraner, salchicha normal, o la grillwurst con un poco de queso, ambas hechas a la plancha. Una grillwurst recién hecha, acompañada de una buena jarra de cerveza y con la Catedral de San Esteban o la Opera como escenario... no se puede pedir más! Era muy gracioso comer una de estas salchichas a la salida de la Opera compartiendo mesa con las señoras requetevestidas y pintadas que acababan de salir de ver la representación de ese día.

El lugar de referencia para el Schnitzel es el restaurante Figlmüller, situado cerca de la Catedral. Tiene dos locales muy próximos. Nosotros estuvimos en el nuevo, más amplio. En el otro, más autentico, lo intentamos un par de veces pero fue imposible... siempre hasta arriba!

El Schnitzel fue una de nuestras mayores decepciones culinarias de Viena, no es más que un filete empanado (a la milanesa). En este restaurante presumen de que su Schnitzel es más fino y más grande que los demás. Efectivamente lo es. Sin embargo no deja de ser un filete empanado y por lo tanto en sí mismo no tiene apenas gracia, de hecho mejoraba bastante rociándolo bien con limón. Acompañando al Schnitzel venía una ensalada de patatas muy bien aliñada, que estaba tan rica que me la acabé, cosa bien rara ya que suelo devorar la carne y despreciar el "verde".



La tarta Sacher es ni más ni menos que un bizcocho de chocolate recubierto de chocolate. El nombre le viene del Hotel Sacher, lugar donde se inventó la receta. El lujoso hotel está justo detrás de la Ópera y tiene una cafetería donde puedes tomar un café y probar la tarta. La cafetería no tiene apenas ningún encanto, sobre todo si la comparamos con otras muchas que hay en Viena como el café Central, el Leopold Hawelka o el Sperl. Además en el Sacher los camareros son muy bordes, te sablean y la tarta es bastante sosilla. En resumen: trampa para turistas. Mejor ir a cualquier otro café.

El tafelspitz es una especie de carne cocida en caldo con verduras. El lugar de referencia es el restaurante Plachutta, es un sitio elegante aunque tiene muchas mesas lo que le resta intimidad, aunque sin llegar al extremo de los restaurantes de "Paris", aquí al menos podías pasar a tu mesa sin meter el trasero en el plato a los de la mesa de al lado. Está habitualmente abarrotado, y tenía una ventaja importante con respecto a otros: ¡¡abrían hasta las 11!! Los camareros están super bien vestidos y el trato es el que corresponde a un lugar selecto.

En la carta presumen de elegir muy bien la carne que sirven, solo de los mejores ganaderos austríacos. Para comprobarlo pedimos un Tartar de buey. La carne estaba muy buena y se notaba que era de altísima calidad, aunque le faltaba un puntín de maceración. El tartar venía acompañado de salsa Worcester que combinaba bien y finalmente le dimos un toque de pimienta molida que redondeó perfectamente el plato. ¡Delicioso!



El famosísimo tafelspitz viene presentado en olla de cobre, lo que le da un toque muy elegante. Primero te recomiendan comer el caldo como si fuese una sopa con verduras. Hay que decir que el caldo estaba absolutamente delicioso. Luego se va comiendo el generoso trozo de carne que continúa cociendo en la olla. A pesar de ser carne cocida que lógicamente tiene un sabor más soso, estaba tan bien hecho que se apreciaba bien la suavidad y ternura de la misma.



En resúmen: lugar recomendado y plato que no puede uno irse de Viena sin probarlo aunque la próxima vez pediré la carne frita o mejor a la plancha, ya que promete ser muy buena.

sábado, 14 de abril de 2012

La Terraza de la Casona (Les Arriondes - Parres)

Ta la cosa mal, los sueldos baxen o nun xuben, el despidu abaratase y amas andamos de recortes. Nun se yo quien ye'l crack economicu que cree que si les persones normales nun accedemos a los creditos, pueden echanos cuando yos-de la gana por dos duros y amas cobramos menos, vamos tar tou'l dia gastando perres y movilizando negocios. En fin, yo por exemplu hai meses que ya entame colos destinos tipu "tickets restaurant" (que de momentu siguen llegando al mio bolsu). Esto tien una parte bona, munches vegaes salgo del circulo de los mas conocio pa visitar chigres con bona pinta y tickets...a ver que tal.

Un de les caberes visites foi a la Terraza de la Casona, amas de los tickets llamonos l'atencion en la paxina web lo que y-da nome, la terraza. Tratase d'una terraza zarrada con amplies ventanes mirando'l pa'l Seya y pa'l Piloña, que tamien se ve (la semeya ta sacada de la paxina del chigre).



Esta ya ye mio.



El dia yera malu, malu, pero tabemos los dos solinos y prestabanos dir xintar mirando a l'agua y'l sitiu tenia bona pinta. Una parte de la terraza ye de cafeteria y la otra ya ye'l chigre, pero nun hai una dixebra fisica de les dos partes, noteslo nel tipu de meses y de silles.

Atencion caldia y profesional anque taben un pocu afogaos, un domingu petao pa xintar y solo dos persones pa atender, notabase-yos a los probes l'apuron, anque fixeronlo perbien.

D'entamu detalle traxeronnos un sufle de pitu caleya. Taba mas qu'aceptable, un sufle fechu dempues de cocinar el pitu a mou tradicional (digo yo) porque tastiaba a pitin y a la cebollina y'l guisu. Ya vos digo que nun taba na mal.



Pa compartir una ensaladina con setes y "bri" d'eso.



Rica, prestosa mas bien. Unes setes, un poco de verde, trufa (un ciertu tastu fonderu) y la supuesta reducion de PX, que eso si que ye mas facil de percibir y nun note na de na. Una racionina abundante, que como digo, presto.

De segundos yo tireme pol entrecot de xata roxa.



Con setes y pataquines frites. Una carne de bona calida a la que-y fallaron dos coses, una que llego un plizcu frio (sin llegar al punto de tener que mandalo a calentar) y la otra, que a pesar de pedila muy poco fecha, llego al puntu. Vamos, que llego rosa y yo queriala colos tres colorinos prestosos :-). En cualisquier casu, bona racion, bona carne y'l pero del frio mas que'l del puntu (porque munchos lo preferis asina)

Pela otra parte de la mesa unos papos de gochu ibericu glaseaos que nun tuvieron munchu esitu. Llegaron frios y hubo que vover calentalos, pero l'esitu nun foi culpa de la cocina (dempues de calentinos a mi gustaronme) sinon culpa de la escoyedroa de platos a la que'l gochu nun y-da mas cuando y-tasta munchu a gochu y arriesgo innecesariamente :-).



Otra bona racion.

De compaña teo mieu equivocame, pero xuraria que tomemos un Campillo Cr 2009. Una carta de vinos con non munches entraes.

En resumen, un chigre prestosu con dos atractivos, la terraza y los tickets. Con una cocina afayaiza. Dos cafes con xelu mas y 37,5€ /persona pagaos con los billetes de monopoly.

sábado, 7 de abril de 2012

Fartuconbeer




L'ergullu caseru!!. Home, ye fecha del concentrao de la semeya siguiente. Pero hai que lo fabricar en casa y controlar l'azucar, como furmienta, tresegalo, controla-y la temperatura, la densida, embotellalo y bebelo!!



Pues eso, un procesu de 2 meses y ya ties una cervecina casero, con 6gr de azucar por llitru.

Color casi tostau, espuma impresionante, llixera, entra sele. Presotosa y fixela yo. Esta ye tipu pilsner. Ya teo mercao pa facer la siguiente una tipo Ale inglesa a ver que tal. Al final, salente unes 65 botelles por cada carvecina fabricada.
La verda que nun se si foi la suerte del principiante o que, pero foi facil de facer y salio rico. Agora ya teo con que cambiar coses nel pueblu, unos güevos caseros por un par de cerveces!!.

miércoles, 21 de marzo de 2012

La Gruta (Uvieu)




La Gruta ye un d'esos sitios d'Uvieu qu'agradecio un cambiu de rumbu. Un sitiu que diba tocar fondu foi recuperando nel par de caberos años gracies al nuevu propietariu, el dueñu de La Venta del Xamon, que volvio a recuperar una cocina que nos sos tiempos foi de les meyores d'Uvieu.

Hai vegaes nes que lo que menos t'apetez ye complicate la vida y mira, por circunstancies de la mesma, esi dia taba percerquina y arimeme a xintar colos mios pas y, como digo, ¿pa que complicase?, pa na, asina que dionos por dir a La Gruta en plan tradicional. Dos de fabada pa tres persones y puntu; y menos mal que pidimos dos porque la verda que daba pa cuatro.

Nunca me dio ma por xintar fabada fuera de casa magar que munches vegaes lo facia, por eso de la comparanza ente la de casa y la de fuera, que siempre ganaba la de la mio güela. Pero, como por desgracia fai mas d'un añu que la probe nun ta pa facemela los domingos, acabaronse les mariconaes. Si un dia m'apetez, pues fabada que te crio.

La de La Gruta ye una fabada que vien a plazos como les hipoteques, pero que da munchu mas gustu. Per un llau tienes les fabes y per otru, el compangu. A mi, personalmente, prestame munchu mas que te too xuntino de la que vien, pa que la grasona (si, esa que ye perbona pal colesterol y tan mala pa un) notese nel caldin, pero en cualisquier casu a esta fabada y sienta igual de bien lo de venir xuntina de mano o de si lo amestes tu nel platu.

Fabes tienres, grandes, mantegoses, sin desfacer, de les que entren soles, y un companguin de primera (sobre tou la morciella que me presto asgaya) fain un platu redondu.

De compaña el vinin de la casa, un Conde Real Agrado crianza 2007 que cumplio perfeutamente y que tien un puntu de la "Comarca la Sidre", porque o los mio informantes m'engañen o la bodega ye propiedad de Sidre'l Gaiteru.

Prestosa xinta, fabada pa repetir, y de la que nun conozco el preciu, un entovia tien pas a los que da-yos besinos :-)

domingo, 4 de marzo de 2012

Agustiner am Dom (München - Alemaña)



Anque los viaxes de trabayu nun te dexen tiempu pa munchu (ya sabeis, aeropuertu, hotel, eventu, hotel y poco mas), en dalgún sitiu hai que cenar. Munich ye a la cerveza n'Alemaña lo que Franfor a les salchiches, asina que la decision ye facil, a pesar de los bonos chigres qu'habra na ciuda, que meyor que facese'l guiri y dir cenar a delles cerveceries del centru. La primera foi la impronunciable Hofbrähaus que ye la mas grande de la ciudad y na que debe xintase bien, pero como equi foi de xintada concertao, pues nun taba mui alla el tucu que nos metimos.

Distinto foi la cena del dia siguiente nel "Agustiner de la Catedral". Un par de pintes de cerveza de la casa (al igual que nel HB). Cerveza rubia y llixera qu'entraba sola y un platu de salchiches de tres tipos diferentes. Les que mas me prestaron les clasiques coloraes que alcuentres en tolos llaos n'esti pais. Cama de pataques, choucrut y cuidadin col rabanu picante, que ye como'l wasabi!!

Un chupitin caseru (tamien fechu por ellos) y un resultau de 22€ por cabeza. Teniendo'n cuenta que tas nel centru de Munich, nun se pue dicir que los precios seyen escandalosos, ah!! y too presta mas si te conviden :-). Si vuelvo a folgar procurare dedica-y mas tiempu a la ciudad que tenia una pinta perbona, amas de un monton de cerveceries.

lunes, 6 de febrero de 2012

El Rinconin de Les Campes ( La Pola - Siero)

El Rinconin de Les Campes ye un restaurante que ta na plaza del mesmu nome en La Pola. Ta dixebrau en tres plantes onde la baxa ye'l chigre onde podeis tomar unos vininos o unes botellines y les otres dos son del restaurante.

La parte de chigre ye estrechuca y poco afayaiza pa tar y pa mi qu'esa ye un de las razones poles que la terracina de la plaza ta abierta tou'l añu. Esa y qu'a los polesos lo mesmo yos-da que llueva o ñeve, que pa tomar una botella sidre fuera nun hai mal tiempu. Les coses como son.

Los pisos de restaurante son mas afayaizos y prestosos pa tar tranquilamente. Amas, ye una de les poques propuestes de La Pola que s'escapa a la sidreria de siempre pa xintar y hai vegaes que s'agradez camudar el palu de la cena :-).

Mantelinos de verda nes meses, cocina ensin complicaciones, bones vistes a la Plaza Les Campes (si ye que te toca pales ventanes) y bona atencion. En resumen un sitiu prestosu pa xintar abondo bien.

De primeru escoyimos unes zamburiñes a la plancha. Nos caberos tiempos estes zamburiñes al vaciu que venden en munchos sitios tan dando munchu xuegu a los chigres. Ye bon productu, ta'l vaciu colo que'l manexu y almacen nun ye complicao y a poco que les prepares con mimu (plancha, aceitin, sal, y un plizu llimon) dan un resultau estupendo pal xintador.



Una docenina prestosa pa abrir boca.

De segundu y tamien pa compartir, unes mollejes tipiques de La Pola. La verda que na Pola toi viendo que puede gustate mas o menos la manera de preparales (nun tienen na que ver les del Pumarin, coles del Rinconin o les la Ferrada) pero tienen-yos bien garrau al puntu de preparacion.

N'esti casu un estilu guisau, con un plizcu de cebolla, tomatin y guindilla. Mollejes tienres y tastu perbonu. Venien con unes pataquines de verda de compaña n'otru platin. Les mollejines venien "contentines" de guindilla, pero si quies un plizcu mas siempre pues pedir un aceitin o guindillina picao pa da-yos mas vida.



Un pero, de facil arreglu nos dos platos y que depende de la xente, ye'l usu del sal. Normalmente nos chiges tiren de llargu, pero equi dalgun cocineru tien un familiar hipertensu porque el sal yera inapreciable nos dos platos (tres si cuentes les pataquines de compaña), pero garres el saleru mientres tan calientes los platos y arregleslo.

De compaña un Campillo Crianza 2006 que respondio perfeutamente. La carta de vinos ye curtia, pero dalgo puedes rescatar (como esti Campillo) pa facer una bona cenina.
Dos cafetinos y 26€ por persona. D'esti estilu, esin dulda L'Abrelates tien la meyor calida preciu, pero esti ta abondo bien.