sábado, 28 de abril de 2012

Amalur (Xixon)

Bono, equi toi con una nueva entrada nel blogue. Como vos dixe l'otru dia, toi en plan "Low Cost" a base de tickets, asina que los que tengais los papelinos azules col puntu colorao na meta, tais de norabona :-) Tabemos per Xixon y apetecionos prebar coses nueves, decidimosnos pol Amalur (que ye'l chigre del Abba Playa) porqu nun lu conociemos y dabanos bona pinta. Lo primero dicir, qu'afayaizu, lo que se diz afayizu, el sitiu nun ye. Menos mal que tenien la meta o mas de les lluces apagaes, colo que daba una sensacion de mas intimida. Aun asina, tratase del tipicu restaurante funcional de hotel onde, a pesar de ser la hora de la cena, dabente mas ganes de ponete col desayunu bufe qu'a cenar, nun se si me esplico. Eso si, mantelinos individuales y cristaleria adecuada pa la cena. Atencion perbona (nun habia muncha xente, pero'l camareru yera un frances perprofesional y, a la mesma vegada, cercanu). Comentavos que nos camudo la botellina de reserva por otra, porque nun y-golia bien el corchu y yo punxe cara raro al bebelo (dificl saber si yera malu o de si y-faltaba respirar un poco). Asina que sin mas y por si acasu, pa los toriles y a por otra. El detalle de la casa consisitio n'unes tartaletes de fua (toi a la gueta d'el entovia, porque nun lu alcontre per dengun llau), guacamole y anchoa. Taben riques, col detalle del fua, ya digo que debia ser testimonial.
De compartir pedimos una ensalada de bocartinos con yele de vermu y salsa de wasabi. Mui rica, interesante el yele de vermu (que ye lo blanco que veis na semeya) y la salsa de wasabi que taba persele (nada de picor) y asemeyabase mas a una mostaza. Ensalada fresquina y bien presentada. Mui prestosa.
De segundos yo tireme pol corderin llechal esgüesau con milfueyes de pataques y cebolles. Perfeutu de puntu, prestome munchu el corderin esti. Bien preparau, presentau y una racion d'interesante tamañu, con una salsa prestosa. Ya podeis matame, porque nun m'alcuerdo de que yera, solo que y-pegaba estupendamente.
Pel otru llau de la mesa, una merlucina del pinchu endolcada n'alga Nori y con trigueros. Quitando que taba algo sosa (eso ye de facil arreglu) un pescadin bien preparau y perfrescu. Prestosa combinacion pa'l que-y guste la merluza (ye qu'a mi, nun ye un pexe que me de mas)
Esta vez, si, un postre pa compartir (mira que nun somos llambiones, pero convencionos el camareru) un "tiramisu". Voi entrecomillalo, porque parecia fechu cola Thermomix deconstructora. A ver, bien ricu con tolos ingredientes, pero como veis pola semeya de tiramisu, poco. Eso si, taba rico, pero podien llamalo d'otra manera.
Un cafetin con xelu y una infusion d'eses. Llamome l'atencion el detalle del cafe con xelu, onde'l xelu tamien yera cafe (anda, nun me mireis raro y comprobailo na semeya)
De compaña tuvo perlli un Contino reserva 2005 (el segundu que pasaba pela mesa, anque solo bebimos un). Vinin clasicu que llamonos l'atencion dientro d'una carta sorprendentmente escasa y poco dada a sorpreses, miento, sorpresa lo escasina que yera jeje.
Aprox, 43€/cabeza de monopoli, quiciabes un plizcu caro pagalo un, pero colos papelinos azules nin lo notemos. Prestosa cena que ameyoro la primera impresion del sitiu (lo poco afayaizu que yera, vamos)

7 comentarios:

Anónimo dijo...

Oi, ¿qué ye eso de los tiques? ¿qué papelinos azules?

Fartones dijo...

Mira, na entra de la Terraza de la Casona, nel segundu comentariu ta puesto. Amas, qu'hai un enllaz a la paxina. Basicamente, tien que datelos la to empresa como complementu al sueldu.

Manu dijo...

Cada día me presta más leéte.

Fartones dijo...

Home Manu, pues munches gracies, faise lo que se puede :-)

David López Castañón dijo...

Esti desechelu polo mesmu que fales al entamu ... nun atopo un correu pa compartite'l documento colos restaurantes ...

Dexote el mio:
davidlopezcastanon@gmail.com

Salu collaciu!

Toni dijo...

Pues la verdá ye que nun tien mala pinta.

Fartones dijo...

Non, non, xintemos bien. La cuestion ye que'l sitiu nun ye perafayaizu. Vamos, que pa una cena romantica nun pega munchu :-), pero xintase bien, polo menos acertemos cola comida :-)