lunes, 15 de febrero de 2010

La Casa'l Parque (Xixon)



Nun ye dengun secretu que la Casa'l Parque ye un de los mio chigres preferios pa dir xintar bon productu a bon preciu, pero yos-debia un post y eso lleva tiempu sobre too porque hai que dir y eso ye mas complicao.
La Cas'l Parque ta n'un sitiu tranquilu de Xixon, casi a l'altura del Molin Vieyu (el Parador) y enfrente del Parque d'Isabel la Catolica onde aparcar ye facil si nun ties mieu a que te caiga'l Molinon sobre'l coche, anque di tu que si los domingos metese la xente dientro ye que nun debe ser pa tanto, eso si, "a sustu", como diz la mio neña.
A lo que nos interesa, La Casina pa mi ye un llugar perprestosu nel que solo vamos a esfrutar del bon productu xustamente tratau, nin mas, nin menos. Pa nos dir ye complicao porque nun ye un sitiu pa neños, piquiñin y siempre enllenu xente, nun tien sitiu pa esparder, asina que, parexines con nenos piquiñinos...nun vayais a nun ser que seyen tranquilos...bono, o vosotros.
Puestos en situacion, el que lu conozca sabra que ponen manteles de verda y que ye necesario acutar. Dicho esto, vas alcontrar un restaurante con veceros fieles y atendiu famialiarmente, el pa, la ma, el fiu y la nuera encarguense d'atender al tou'l mundiu rapido y ensin agobiate.
Muncha xente tirase a coses como fabada, arroz y incluso carne (y poles cares nun debe tar malo na), pero lo nueso ye llegar y entrugar pol pexe'l dia, del que normalmente ye Marco (el fiu) el que s'encarga de rulalo.
Como la nuechi foi dura (falta entrenamientu), entamamos con una racion de cecina (por eso del sal pal cuerpu, que ye bono). Na semeya un podeis ver el tamañu de les raciones. Cecina de bona calida, bon corte, con un plizcu quesu y aceitin d'oliva del que dexen una botellina na mesa por si quies char mas. Punximonos moraos, ente lo bona que taba y les necesidades salines, tabemos pala mano.
De segundu, lo dicho: "¿que teneis güei?". Esto nun facia falta porque'l Pa ya nos cantara "rei al fornu" de la que mos dexaba la carta y eso foi lo que callo. El rei, frescu a nun poder mas que llega como tolos pexes equi, na propia bandexa'l fornu de la qu'ellos mesmos t'emplaten y desespinen na to mesa (yos-costo emplatalu porque nun habia manera de movelu ensin que se desfixera pel camin). Lo dicho, que rei, pa xintalu dos vegaes, una detras d'otra y eso que'l butiellu seguia ensin furrular al ritmu normal. Unes pataquines a la panadera, unes cebollines pochaes col fornu, un plizcu d'ayu, aceite, otro plizquin de llimon y eso colorao de la semeya ye un misteriu, pero nin tomate, nin pimientu asina que solo y-quedaba ser zanahoria puesta na mas que pa dar color ya que tastiu nun dexo (meyor). Na semeya veis el mio platu dempues de partilo. Tan entrandome unes ganes de tomar un pexe frequin agora mesmu..... Bono, too esto regao con Abadia San Campio 2008 (nun espereis la "mega carta" de vinos, pero hailos abondo pa esfrutar de la xinta), un par de cafes con xelo y un par de moscateles D.O Alicante (pa asentar, bobos) de Enrique Mendoza por 37,5€ cabeza.
Estes coses son les que te fain escaecete del sitiu piquiñin, les meses xuntes y la cantida de xente. Ah! fumase, pero nun habia naide, pero naide, fumando y nun ye la primer vegada que lo veo equi. En fin, pa gustos colores y a mi esti gustame. Ah! y almiten tickets.