martes, 2 de octubre de 2012

Feria de San Mateo (Viseu - Beira Alta - Portugal)

Lo que voi contavos agora nun ye un chigre en concretu, ye una esperiencia en xeneral, un puntu de partida por si vos coincide dir a Viseu durante les fiestes de San Mateo. Convien esplicar que San Mateo en Viseu podria ser la pesadilla de cualisquier conceyal de festexos del mundiu mundial. Pa que vos faigais una idega ye como si tolos chiringos d'Uvieu y los caballitos que n'Uvieu nun hai, los punxeran toos xuntos n'un sitiu abiertu y, amas, tuvieran un pabellon piquiñin onde facer una mini-feria de muestres de Xixon y tou esto ¿durante cuantu tiempu?. Los mas conservadores dirieis qu'una selmana, 10 dies como munchu; los mas optimites pues qu'un mes, pero a naide se-y ocurrio, de xuru, dicir que del 10 d'agostu al 23 de setiembre, ¿a qu'eso, a que non?. Estes son feries y lo demas tonteries. Con esta duracion, si vais a Viseu en branu ye casi normal alcontrase cola Feria. Esta coloquenla n'una esplanada del centru la ciuda a la que dende la parte hestorica podeis llegar en funicular (esto de los portuguesos de poner les ciudades con tantes altures, nun termino de velo) magar que'l mesmu de nuechi pa xubir ya nun furrula, alvertios quedais. Menos el dia de la nauguracion nel que s'entra de baldre, el restu los dies hai que pagar (nun m'alcuerdo cuanto). La feria ta abierta dende la mañana a la nuechi. Dientro de la feria, el pabellon con les empreses (piquiñin) y munchos cachibaches pa montar los guah.es y los non tan guah.es :-) y, por supuestu, la zona los chiringos. Hailos de toes claes y algo pertipicu en dellos ye'l gochin asau. De tola zona de chiringos yo quedome coles barraques tradicionales que ponen peñes y pequeños comerciantes onde pue vese un Portugal d'esi que se paez a la España de los 70 y qu'a mi, prestame asgaya. sitios perpequeños con 4 meses dientru y cuatro mas fuera.
La nuestra barraca taba atendida por dos paisanos mayores con una cocinera. Xintemos fuera y pidimos lo que la paisana nos encamento, anque foi'l paisanu el que dempues tuvo con nosotros pa servinos (yera un ex-emigrante en Francia y como la muyer fala frances, taba encantau de prauticar). A la xinta, lo tipico de la feria de San Mateo a lo que baexen tolos paisanos de los pueblos, la "espetada de enguias", o seya, el pinchu de anguiles, que venien cola compaña d'una ensaladina de llechuga, tomate y pepinu, cenciella pero perbona porque too venia de la güerta del paisanu y notabase la de Dios (el pepinu taba pa rellambese). Les anguiles vienen en escabeche y salen d'una conservera (o varies) que les venden por barriles abondo piquiñinos. Les de la semeya son grandes, normalmente son mas pequeñes y xintense ensin quitar la espina. A estes hubo que mete-yos un poco mas de manu. Un esperimentu que nun ta mal, la verda, anque meyores coses prebe na vida, esto presta asgaya n'esti entornu.

Ye qu'equi, son de interior, lo d'ellos ye la carnona. L'otru platu una xuletina de gochu tienra frita con unes pataquines fritines y un güevu de casa que taba pa rellambese (¡ay, que faciles somos cuando tamos agustu!). Estes coses o unos güevos de verda con pataques y chorizu hai vegaes que nun se paguen con dineru, ¡ho!
Si'n delles semeyes veis unos sobres de quechup o mayonesa ye porque la neña tamien queria una salchicha que fuimos mercala al macro-chiringu d'enfrente y que nun nos punxeron dengun problema por xintala nel nuestru chigrin. De compaña una xarra de vinho branco de la zona (que ye Dao) y toi seguru de que nun llego a los 25€....too. En fin, si tais per Viseu en branu, pasai pela feria :-)

8 comentarios:

Toni dijo...

Home, como esperimentu sociolóxicu ta bien pero pa dir xintar, paezme que non. ;-)

compangu dijo...

¡¡Qué gran oportunidad de meterse de lleno en la cultura popular de una zona!!
Una fiesta de este tipo te enseña muchos aspectos del día a día y del carácter de la gente.

Y si encima comiste rico y, sobre todo, HONESTO ¿qué más se puede pedir?

Fartones dijo...

Home Toni, si lo posteo ye porque creo que ta bien pa ello. Quiero dicir, un too ye comer en restaurantes elegantes. Toi dando una opcion mas pa xintar tradicional y baratu (ensin llegar a un McDonals) si ye que te coincide tar per ehi n'esa fecha. Ya te digo que nun ye como na Feria Muestres y los sos bocates de calamare, tampoco los chigres de San Mateo d'Uvieu. Esto son de cuchiellu y mantel (eso si, del de plasticu de tola vida aquel de los 80!!) y prestosos. A mi prestome

Fartones dijo...

Compangu
A mi prestome, home, lo dicho, a mi traxome alcordances de cuando de guah.e tando de vacaciones los mis pas llevabennos a la Feria de la güerta de Murcia...Casetes onde xintar con mantelos y cubiertos prodcutos de la zona.

Toni dijo...

A ver. Nun ye la primer feria o mercao en Portugal de la que salgo comíu a mediudía.

Lo que quería dicir yera que si tas pellí y te pilla la hora de comer, pos ta bien, pero que nun se me ocurriría dir ellí arremente pa comer al igual que nel casu que tuviera aquí en San Mateo, nun se me pasa pela cabeza dir comer unos bocatas a un chiringu.

Van ser coses de la edá. ;-)

José Antonio Fernández dijo...

Dalguna vegada, hai que comer en sitios asina. Hai que probar de too, que sinón van llamanos refalfiaos ho!
Y el paisanín del chigre taría contentu!

Fartones dijo...

Home, pues nosotros fuimos con tola intencion a cenar mentantu esprabemos qu'arrancasen les atracciones :-)

Fartones dijo...

D'equi pa tras llibraron del fallu del borrar comentarios...o eso creo