domingo, 14 de noviembre de 2010

HR Amada Carlota (La Cotariella - Cabranes)


Ya somos unos asiduos a les xornaes de la güerta y la viesca de Cabranes dende que les nauguremos alla pol 2007. La verda que da gustu la oferta hotelera y de restaurcion d'esti conceyu vecin y piquiñin que dame muncha envidia si miro pal mio Sariegu.
Ya conocemos la mayor parte de los chigres de Cabranes, pero viendo los participantes llamome munchu l'atencion esti hotel rural que, igual toi equivocau, pero paezme que ye la primera vegada que s'apunta al tema. Mirando la paxina güeb llamonos munchu les vistes del sitiu, asina que decidimos prebar la cocina.
Comedor piquiñin (3 meses) con unes vistes impresionantes al valle, aunque'n dos de les tres meses hai un sitiu nel que pues quedar d'espalda. Ensin dulda la meyor mesa ye la de la semeya un onde naide queda ensin esfrutar del mesmu. Tamien ayudo'l dia de seronda que pola mañana tuvo ensin llover y con solin. Tratu esquisitu por parte'l dueñu y musiquina persele qu'ayudaba a relaxase.
De detallin traxeronnos un par de crocretes de morciella que daben a entender que dibemos xintar acorde'l sitiu.
Ya de primeru una sopina de castañes al Pedro Ximenez que taba perbona y na que lo unico que s'echaba de menos yera'l que'l tiempu nun tuviera peor pa esfrutar mas del calorin de la sopa. Tastu xustu a castañes, sele, ensin empalagar pero mostrando la contundencia delles nel platu. Gustome munchu (semeya de baxu).

De segundu tomate confitau de la güerta con cruxente de cecina (el papelin ponia virutes, pero non, yera un cruxente). Segundu estupendu, un tomatin con tastu de los de verda, llixeramente confitau, con un cachu de cecina en cruxente (perfeutamente llograu de testura) too ello con aceitin de perrexil que sirvio pa facer "barcos" col panin (por ciertu que foi lo unico que nun taba a la altura, el pan). Bien conseguidu'l tema del camudar el calor del primeru pol friu del segundu. Prestosu y ricu.

Pasemos entos al caberu platu del dia, sollombu de gochu en salsa de mazana, con cebolla acaramelizao y muselina de mangu. Munchu nome, a l'altura del platu. Un sollombu tienru, bien cocinau, poco fechu como me presta a mi, sobre una salsina de mazana un plizcu dulce que-y ponia esi contrate a la carnona. perbonu, gustome munchu. L'unicu que llego xustu de temperatura a la mesa y col pasu de los minutos termino un plizcu mas friu de la cuenta. Pero vamos, esto ye por poneme pih.u col tema porque taba coyonudu. La cebollina de compaña tamien taba perbona, mentantu que la muselina de mango yera l'adornu que s'esperaba n'una esquinina del platu.

Ya cola fartura completa llego'l postre, frixuelu rellenu de mermelada de frambueses. Ricu, ya sabeis qu'esto nun ye lo mio. Gustome munchu un cachu de dalgo que llevaba figos que vese a la manzorga de la semeya de color prietu.

Pa beber habia tres opciones, tintu Jumilla Juan Gil Monastrell 2008, Care Rosao de Cariñena o Sidre de mesa Villacubera (de Cortina n'Amandi). Escoyimos el tintu. Vinin curiosu d'alta graduacion alcoholica (15º) pero sele'n boca y afrutau. A mi gustome. Dos cafes con xelu y dos chupitinos de mazana verde de Los Serranos (pa mi los dos), tou ello por 29€ persona, que yera mas o menos como taben tolos menus na zona (variaben dende los 26€ hasta los 32,4€). Ensin dulda un sitiu especial pa repetir tirando de carta a ver que tal.

6 comentarios:

Fartones dijo...

prebando, prebando...

Fartones dijo...

Na, ye que taba mirando que nel blogue de Lolo nun me dexa meter comentarios güei y nun sabia si yera un error xeneralizau :-)

Jorge dijo...

Hola Fartones:
Muy bien el blog.
Siento no escribir en bable pero lo mio ye el asturiano y poco,la verdad es que me encanta pasar por aqui de vez en cuando y descubrir lugares nuevos y otros no tanto y asi comtrastar mis opiniones de ciertos sitios.
Lo se agradeceria es , que pusieses la direccion de los sitios que visitas y asi aprovecharnos nosotros tambien jajajaja.

Gracias
Un saludo y a seguir en la brecha

Fartones dijo...

Hola Jorge
Munches gracies. Polo del asturianu nun te preocupes que esti ye un blogue de fartures, ca un ye llibre d'escribir y comentar no que quiera, mentantu yo lo entienda pa contestar :-)
Tomo nota del apunte, la verda ye que munches vegaes nun lo pongo porque a los sitios a los que voi nun tien perdida. Vamos, que si llegues a La Cotariella llegues al chigre, o si vas a Torazu nun te vas perder si busques la Hosteria o'l Sena o...Nun suelen tener perdida una vez llegues al pueblu y eso si que lo pongo :-). Amas, nel mapa de la primera paxina teolos señalizaos col punterucu azul xustu nel sitiu nel que tan.
Afayate mas perqui, ho!

IRENE dijo...

Como no se cómo pueo poneme en contacto contigo, fágolo por aquí, jeje.
Me llamo Irene y quería recomendate un restaurante nuevu en El Entrego (pa'l monte más bien). Tovía abrieron pa esti fin de semana de les Cebolles y quería recomendátelu pa que ficieras una crítica de estes tuyes. La verdad ye que-y fay falta algo de publicidá, porque ta muy escondíu y ta de apertura reciente.
Y si... voy confesame... ye que ye de la mi hermana, curraron mucho muuuchísimo pa poder abrilu.... y si tu pues aportar un granín de arena en esti proyecto..... agradeceríatelo muncho.

Yo léote en silencio, que conste.
Un saludu,

Irene
Por ciertu, llámase La Bornaína d'Aller. Tien una carta riquísima y unos vinos que pa qué.
Si te apetez mándote un mail pa que sepas cómo llegar.

Muches gracies por leeme to esti rollu.

Fartones dijo...

Hola Irene.
Gracies pola propuesta, tien de coincidime y anotola porque la cabra siempre tira pal montiy esos sitios llamenme. Amas, L'Entregu y alrodiu teolo abondo escaecio.
Nun sabia yo que les mio critiques aporten y too, menos mal que nun cobro!! :-)
Tardere en dir, probablemente hasta la primavera, pero dire, dire. Nun tienen paxina güeb?.
Gracies