sábado, 20 de diciembre de 2008

La Corrada L'Obispu (Uvieu)





Facia tiempu que nun pasaba perqui, mas porque nun coincidio bien que por ganes, pero mira tu, la xinta de Ñavida d'esti añu cayo equi. Vais disculpame por delles semeyes, pero ye que'l movil que saca les bones ta pal chatarreru, asina que les de movil son mui males. La Corrada L'Obispu paezme un sitiu afayaizu, quiciabes pol amestu ente maera, piedrina, el que seya una casa vieya en meta d'Uvieu, nun se, ye un sitiu nel que toi agustu y eso que llegamos y nun habia naide, anque poco a poco fue enllenandose'l chigre. D'entamu la casa punxieronnos una "copa" de garbanzos, digo copa porque yera lliquida, nin mouse, nin crema, nin na, el chinu pol que los pasaron debe tar mayau porque dexar eso asina debes ser trabayoso hasta pala Termomix. Nos pidimos pa compartir xamon, rico ensin mas, crocretes de xamon y quesu cabrales, correutes, mas bones les de cabrales que les de xamon, pal mio gustu. El problema que teo coles crocretes ye que dempues de xintar les de Casa Marcial, les demas nun son lo mesmo, pero bien, rebozu finu y sele col rellenu de calida. Anchoes del Cantabricu con una base de pimientinos y quesu, pa dai color, porque lo importante yeren les anchoes que taben perbones, nel so puntu de sal, ensin les fastidioses espines, perbones. Anque pa mi lo meyor de los entamos fueron les molleyes de corderu (semeya un). Fai tiempu preparabenles con un pelin de rebozu y pataques a lo "paya", pero esta vegada taben pasadines pela plancha con un plizcu de xamon, unes pataquines a la panadera y un poco d'una salsina con reduccion de vinagre que-y daba a too un puntu perbono. De segundu podemos dicir que habia varieda, nel mio casu un besuguin al llombu (semeya dos), mui frescu y nel so puntu de cocina, con una salsina tipica de "al llombu", aceitin, sal, un pelin d'ayu y llimon. Solo un problema, les salines de Torrevieya quedaron vacies dempues de los tres besugos de la mesa, afortunadamente solo yera la parte de la costrina de riba (y nun tanto como pa vaciar salines), pero obligonos a toos a furar per baxu pa tastiar bien el besugu y pillar lo menos de riba posible en cada "tenedorazu", lo que nun quita pa que'l besugu tuviera perbono, solo que yera dificil de xintar :-). Polo que vi na mesa, y lo que me dixeron, el sollombu al fua taba pa rellambese (y la experta en ellos diz que taba too perfeutu de puntu y que daba gustu xintar esi platu-semeya tres). Los entrecots nun me dieron bona pinta, grandes y venien col puntu que ca un pidio, pero paeciome que yeren demasiau ñerviudos (falar por falar, porque nun los prebe). Los pil-pil de bacallau nin me dio tiempu a velos na mesa, colo que deduzco que malos nun taben. El mio postre ya sabeis, un PX, pero pela mesa circularon frixuelos rellenos de mazana con caramelu de regaliz (polo visto dulzayos, pa llambiones mui llambiones, qu'ensin el caramelu de regaliz tarien perfeutos), cuaya(tenia bona pinta) y mas coses que como nun me llamen l'atencion, pues nun me quedo con elles. La compaña ficimosla colos catalanes de Les Terrases 2004/2005, nun falla. Lo de 2005/2004 ye'l toque al camareru, qu'andaba cambiandonos la collecha'l vino y amas taba emperrau en rellenar les copes de vino de la botella anterior cola botella qu'acababa d'abrir, a ver, que tamos n'un sitiu de nivel, eso ye pasable en dellos chigres, equi ye pa da-yos un toque, piquiñin, nun nos pasemos, porque too lo que yo tome taba perbono. Chupitos, cafes y'l preciu que se mantien colos años, debe ser la crisis, unos 56€/persona y eso que'l vino taba pasau de preciu. Lo dicho, un sitiu que me presta pa estes ocasiones especiales, nel que se xinten raciones abundantes y y riques n'un sitiu perencontradizu.

12 comentarios:

Toni dijo...

Yo fae tiempu que nun voy. Les 3 últimes visites fueron penoses.
Habrá que vover pero dame una pereza...

Fartones dijo...

yo diba con mieu, porque Compangu tamien me dixera que mal, la verda que lo mio taba rico. Tamien digo que los entrecots nun tenien bona pinta...:-). Esto ye lo qu'entamaste col penultimo post, podemos ponelu o resulta qu'agora na Corrada xueguen al "As de Oros" y a mi tocome bien y vas tu y tocate de pena?...En fin, ye lo qu'hai :-)

Manu dijo...

Yo fui unes cuantes veces, fai años, y habíame gustao munchu: sitiu espectacular, comida buena, servicio amable.
Tenía ganes de volver, lo que pasa ye que no me coincidió, pero de pues de leevos a ti y a Toni, nun sé si no lo seguiré dejando enfriar.

¡Felices fiestes, pa ti, pa María, pal Fartonín y pa lo que vien pol camín!

Manu dijo...

Mil perdones, dónde puse María, quiere decir Marta.

Fartones dijo...

Hola Manu, a mi sigui prestandome asgaya la Corrada, lo que pasa ye que Toni y Compangu metieronme duldes de si tornaria a ser el tipicu sitiu de güei bien y mañana non. Ya te digo que yo volvi a salir contentu otra vegada, asina que de momentu nun teo duldes, ye un sitiu que me presta.
Munches gracies y Felices Fiestes pa vosotros dos tamien!!! :-)

compangu dijo...

Pues despues de esti post, y una recien visita de un primu, xuntao a mis experiencies ellí, me paez que ye un sitiu onde ties que tener muchu güeyu a la hora de pedir, las entraes son perbuenes en xeneral, y meyor el pescau que la carne.

Fartones dijo...

Pues mira, los posta valen pa munches coses, si a dalguien y-apetez dir a La Corrada, ya tien un criteriu pa escoyer lo que xinta :-). Paezme que'l sollombu debia escapase a esa diferencia.

Antonio Lopez dijo...

güei xintamos un menu nel poligonu d'asipu, cafeteria el valle 3, 7,40 €, salpicon de mariscu (pulpu y llangostinos) perbono, y corderin de casa, meyor tovia, flanin de quesu y 15 eur pa dos, todo percaserin y prestosu, si andais perelli ye un sitiu nel que puede xintar. ah, y nun hai fumones jeje

Fartones dijo...

Antonio
pues na empresa d'unos collacios mios tuvieron l'añu pasau la xinta del "dia de la empresa" ehi y nun salieron contentos, precisamente. Si me coincide preabarelu, fadrete casu :-)

Antonio Lopez dijo...

nun se nin, igual foi porque yera navida, pero yo xinte como un paisanin por 4 perres.
cuando tea zangano pa cocinar volvere dir y a ve que ye lo qe pasa jeje

Tony dijo...

Yo a la corrada hace tiempo que no voy, pero las veces que fuí muy bien.

Tendré que pegarme una escapadita y volver a ver que tal siguen.

Fartones dijo...

Espero que tan bien como me fue a mi, yo quede contentu.