Otru corresponsal de lluxu pa esti blogue. Otra opinion d'un sitiu prestosu. Afayaivos!
Vamos con un post que me presta un monton facer, por dos coses, porque’l sitiu prestome asgaya y porque faigolo n’un blogue que ye un lluxu, el meyor de toos.*
L’otru dia fuimos cenar a la Panoya, en Cenera, nunca fuera pero oyera abondo de vegaes falar d’el. **
Llegamos, y la primer cosa que me sorprendio foi’l pueblin, gustome muncho, tuve perafayau elli.
Entremos nel chigre y sentaronnos na parte de riba dempues d’entruganos si fumabemos o non, evidentemente sentamonos na parte de non fumadores, fue’l primer detalle guapu.
El comedor ye piquiñin y tremendamente clasicu, mas bien avieyau, vamos, como fai 30 años, h.e, h.e, pero afayaizu, les meses tienen el so mantel y too ta perfeutamente llimpio y correuto.
Taben en plenes xornaes del bacallau y, como nun podia ser d’otra forma, perhi tire.
D’entamu pidimos unes crocretines de xamon, racion grande como veis na semeya, y como les de la güela, crocretes de les de siempre, bon rebozu y bechamel clasica con abondo xamon y de media calida, prestaronme munchu (7,50 €).
Pedi conseyu al camreru, que per otru llau cayome como Dios y atendionos perbien, qu’aconseyome’l bacallau con manes de gochu y llangostinos, que ya me tentara, y eso foi lo que pidi. (13,5€)
Per l’otru llau de la mesa pidieron un panoyazu (güevos, tortu y picadiellu) de 9€. El mio bacallau taba perbono, clasicu, lixeramente rebozau enantes de friilu, con unes manes de gochu guisaes en vino blancu y con una salsina de compaña que nun m’atrevo a tratar d’intuir lo que llevaba pero que taba perbona, mas que correuta.
El platu tortos taba perbonu tamien, clasicu, tortos correutos (anque nun fueron los meyores que xintamos), güevos de casa cola yemina naranxa y de tastiu perricu y picadiellu caserin pa rellambese.
Los postres caseros y ensin destacar, dexabense xintar, h.e, h.e, el de chocolate yera pa valientes chocolateros, aggggg (4 y 3,50 €)
Copa de vinin, agua y cerveza 0,0 pa beber.
Al baxar a pagar el camareru regalonos una xugadina de 2 € al euromillones que nun toco, h.e h.e.
42 € por una cena que prestome munchu, cocina ensin complicaciones, casera y legal, volvere ensin duldes.
* Nota del farton: los corresponsales d’esti blogue nun ven un duru (nin anque yos-regalen un euromillones) asina que toi ablucau
8 comentarios:
Cenera ye un pueblin perguapu con delles propuestes pa xintar, ca una diferente, dende la de merenderu de tola vida con bona sidre casero, La Viña (que vos sonara de la peli Carne de Gallina), hasta l'Hotel del Palaciu de Riba, pasando pela Panoya. En toos xinte bien, ca un nel so estilu.
De los tortos Antonio, pasate d'arreu per Casa Jamino :-)
jajajjajaj
güeyo que nun te cutieron les dos ultimes semeyes, si quies intentolu otra vegada ;-)
a nos prestonos asgaya, de xuru que voi alluegu ;-)
tengu munches ganes dir ver a xamino.
nota 1 del lolo: veo los durus a kms ;-)
nota 2 del lolo: esti ye'l enllace del tu post
como quieras Antonio, nun se que-y pasa al ciberespaciu, xubi'l post por nun esperar mas, ye la bomba :-)
Por mas que pegue l'enllaz nel post nun salia na, venga insertar enllaz, venga velu en borrador ehi y venga espublizar el post ensin ver na y vas tu y lu pones...teo d'intentalo otra vegada :-)
Güei salimos los 4 a xintar nes xornaes dela floracion de los pumares, fuimos a la Bolera'l Peque na Villa y prestonos, por fin un post fechu por mi en breve!! :-)
Está bien este intercambio de post. Me gusta.
Por delante de La Panoya pasé alguna vez sin parar pero algo en el instinto tragaldabas me llamaba la atención. Ahora se entiende mejor.
Fartón, espero ese post de La Bolera del Peque. Además de que será un desahogo para la unidad familiar (paciencia) el sitio me gusta en su estilo y me interesa tu opinión.
Nos leemos.
Hola Jorge,
esto ye lo que pasa cuando se dal poco, hai que dar vidilla a los blogues con corresponsales :-)
La Bolera'l Peque nos presto, fallaron n'un segundu, pero pa repetir y, si, tamien nos presto munchu a los 4 tar güei perhi :-)
gustame eso de los corresponsales, felicidades por el fichaje del chef de cabecera.
Este sito siempre me llamó la atención y viendo esa rcp tan buena, ahora mas.
21 e por barba, que si hubiera una botella de vino serian 30, me parece cojonudo, anotado queda.
Tres veces tres fui a comer-cenar a LA PANOYA, y en todas salí contento como un niño con juguete nuevo (lo de los zapatos nunca lo entendí -a mí me dolían todos-)
Y salí contento por todo: el entorno, el sitio, la comida y el precio.
El plato que más recuerdo fueron las manitas de gochu con langostinos, y veo que a Lolo se las "completaron" con bacalao... supongo que sería por lo de las jornadas.
Aviso a navegantes: cuidadín a la salida de la cena, en el cruce de Mieres. Suele haber por allí unas "presencias verdes" que te pueden joder la digestión.
Sibarita
equi nun se "ficha" a naide, nun haio perres, tamos como l'Uvieu, hai que vender pixeles pa sacar duros...cagüen nel mio mantu. Pero el chef ye un bon "fichaxe" h.e, h.e
Compangu, Sibarita
Ensin dulda una de les meyores opciones pel conceyu Mieres pa quedar fartucu a bon preciu. Les cuatro o cinco vegaes que fui siempre quede bien. Los verdes deben ser los d'Uxo que tan aburrios de nun facer na :-)
Publicar un comentario