Comida prestosa de trabayu n'un sitiu del que sintiera falar munches vegaes pero que, reconozco que nunca tuviera y mira que y-tenia ganes. Sitiu bien prestosu, modernin, con grandes cristaleres pa poder esfrutar de les vistes al pradin y los horros del pueblu asturianu. La verdad que ye perafayaizu, sienteste agustu y eso que la crisis tien que notase y solo habia dos meses ocupades, si conoceis el sitiu, solo dos meses paez que sobra munchu espaciu, entovia asina, tase agustu. D'entamu la casa punxieronnos un mini platu de callos a l'asturiana, nun se dicir que ye "l'asturiana" porque yo siempre los xinte asina, trozos grandes pero sorprendentemente seles y llimpios, sensacion de que la cosa diba dir bien.
Pasamos al platu de compartir al centru, como non, unes crocretes "al estilu de Casa Marcial". Pal que nun lo sepa (debe quedar un nixerianu ensin tele que nun lo sabe), la dueña ye la hermana de Nacho el de Casa Marcial. Les crocretes perbones, pero pasa lo que pasa, la mesma receta, los mesmos ingredientes, pero nun llegaben a les que pon l'hermanu nel so chigre, o bien güei nun yos-dieron el toque de les que xinte elli y mañana tastien igual, quien sabe, el casu que perbones y la racion yera pa tres, abondo grande.
De segundu tireme pol cabritu, la comida yera de trabayu, pero habia confianza colos veceros asina qu'esta semeyina saquela. Perbonu, si señor, prestome munchu, temperatura adecuada, una carne sele, unos pataquinos piquiñinos pero sabrosos y una salsina que traxome alcordances de les salses barbacoa yanquis (les d'elli de verda que te dan coles costielles uhmm) mas delicada de les que te ponen equi nel "Ribs" y similares y col xustu toque de dulzor pa nun empalagar. Prestome munchu, la verda, el cabritin esti.
Tuvimos tola xinta con Campillo crianza 2004, un vinin prestosu del que teo un par de botellines perqui per casa. Nun pague la cuenta, pero barato nun debe ser, polo menos viendo que la comida taba rico, dalguna explicacion tien que tener lo de tar casi vaciu un meudia de xueves en Xixon ya casi'n plenu branu.
10 comentarios:
La vez que tuve yo les croquetes taben buenísimes, aunque no puedo comparales con les de Casa Marcial ¡no tuve nunca! ¡probe de mí! :-) Juraría que tamién xinté arroz con pitu caleya.
Recuerdo que sali muy muy contentu del sitiu. Sólo un detalle negativo: tardaron una eternidad en traer la cuenta, y eso que nos habíamos quedado solos (una de esas comidas con sobremesa larga).
otru al que nun foi delguna vegada y tengo-y ganes.
el cabritu de la semaya tien una pinta perbona, pa dir solo per el, y si sumes les cocretes y los callinos pa morrer
Bond
Les crocretes taben coyonudes eso ensin dulda y l'arroz con pitu nun lu prebe, pero foi l'otro qu'habia na mesa y tenia una pinta estupenda.
A nosotros nun tardaron na en danos la cuenta, la verda.
Antonio
Los callinos fueron l'entamu la casa, apenes dos trozos pa prebar, pero si la racion ta asina bona, nun ye mala opcion.
En xeneral prestome la cocina, perbona, a lo meyor tamien porque nun tenien munchu curro. Teniendo'n cuenta que tienen un camareru y la dueña pa tou esi llocal, nun se cuantos cocineros hai. Eso si, entiendo que los fines de selmana hai refuerzu :-)
A La Salgar he ido unas cuantas veces y me gusta. El arroz con pitu no suele faltar, ni las croquetas. El problema del sitio es la falta de regularidad y redondez, porque siempre o algo sale frío, o pasa lo de las croquetas, o una cosa está hecha de un par de días. Ya digo que he ido muchas veces, porque me gusta, pero nunca he tenido una comida memorable.
Una pregunta: ¿te ofrecieron salmón del Sella?
Ya falamos tamién en The Fartons d'esti prestosu sitiu, la verdá ye paga la pena namái que poles vistes que tien al Pueblu Asturianu.
Yo nun probara les croquetes, metime con un amestáu de verdures a la plancha y darréu con un pixín con migues y un xabalí con con compota de manzana.
Too perbono.
Dile
Yo quede bien, como tu y sali contentu, como pa repetir, agora "memorable" ye pa otres xintaes, nun se, en sitios como La Tabla, El Corral...esti ye un bon sitiu.
Y del salmon, na de na, o nun tenien o nun s'alcordaron. Ye verda que la cabera vegada que tuvimos en Casa Marcial si que lu xintamos (perbonu)
Dixebra
Como dixe, ye un sitiu prestosu, guapu y de bon xintar. La prosima habra que prebar les verdurines.
A mí este sitio, de entrada, me decepcionó un pelín.
Me metí en la güeb y parecía que iba a encontrarme con una mezcla de CASA MARCIAL y EL MOLÍN DE MINGO (por cierto ¿este último también es de la familia Manzano?), y tras leer la carta no encontré ninguna pincelada de "modelnidad".
Lo que pasa es que luego la comida está en un nivel bastante alto, llegando a cotas difícilmente superables como en el caso del arroz con pitu; y se te alegra el carácter.
Eso sí, emocionar no me emocionó. Como acabo de decir, contento, que pa lo que hay por ahí, ya ye bastante.
Otra cosa,
el 21 llevas a las fieras ¿no?
Habrá que introducirlas desde ya en el maravilloso mundo parrillero.
ompangu
El Molin ye de la compañera sentimental de Nacho (como nun se si ye moza, muyer o que, digolo en fino). La Salgar, pola carta nun emociona, pero cocinen perbien y ta n'un entornu guapu. Tamien tien otra ventaxa, ni ta nes Canaliegues, nin ta na Salgar, vamos, que ta cerquina, en Xixon.
Y si, el 21 taran les fieres, hai que yos-deprender que ye eso de les parrilles y la sidre dende piquiñinos.
Bond, Pululante, Pululanta
Como fieles corresponsales, avisavos de que'l 21 de xunu ta preparandose la primera parrillada bloguera
Publicar un comentario