miércoles, 1 de julio de 2009

Palermo (Tapia de Casariego)





Como bien nos indico Tony la selmana pasada fueron les xornaes del bonitu en Tapia de Casariego, de xueves a domingu. El casu ye que'andaba currando pela zona y arimamosnos al Palermo, chigre al que-y tenia, y sigo teniendo, ganes de prebar. Al casu qu'elli nos plantamos. Restaurante que transmite'l nivel que se-y presupon na cocina, con muncha maera (mas de la que yo pondria), impecable y coles meses suficientemente alloñaes ente si como pa nun sentir les charres d'alrodiu, a nun ser que lo faigas glayiando, claro. Fallu, pa mi, que se permita fumar, pero ye espaciosu y nun hai fumos. Tamien tien una mesa aparte con puertina y too pa formar una zona intima.
Nun lleyeremos el menu y'n llegando sorprendionos que nun tuvieren una preparacion de bonitu, bonitu, vamos, productu con un poco mas, si non que toos los restaurantes participantes tenien diversos preparaos fechos con el, col monu d'entamar la costera con un bon trozu de bonitu o de ventrisca que teniemos, pero, pa otra sedra.
El menu entamo con una ensaladilla de bonitu, oricios y mazana (semeya un), la verda que mui normal, nada especial, güevares d'oricios testimoniales perriba de la ensalada, mayonesa casera y bonitu de bona conserva, na como pa llamar l'atencion.
Siguimos con una empanada de bonitu, pases, berberechos, con pimientos verdes y coloraos. Un rellenu ricu, el pan de la empanada tenia un tastu un plizcu dulce mui prestosu, pero taba duru. Nun habia manera de xintalo too xuntu a nun ser que garrases el trozu d'empanada cola mano y lu xintares en plan bocata o empanada normal, lo que yera dificil porque'n vez de ser la tipica empanada qu'endolca'l rellenu, yeren dos llamines una perriba y otra per baxo que complicaba hasta la maniobra manual (semeya dos). Igual que la ensalada, nada como pa alcordase d'ello n'un futuru.
Ya un plizcu baxu de moral (esperaba mas, nun que los platos fuese simplemente normales) llegaron les verdines con bonitu (semeya tres). Un tastu a mar intensu, impresionante, trozos interesantes de bonitu nel so puntu y too un plizquin picante. Como nun yera'l dia pa da-yos un 10, les verdines taben dures, nun como pa meteles nun garbanceru y dedicase a facer la guerra, pero podiemos camudar el nome del platu por "durines con bonitu. Una pena porque de tastu taben increibles.
Pa finar enantes del postre, rollu bonitu con pataquines paya (semeya cuatro). Rico, abondo rico, pero sin llegar a entusiasmar, dalgo secu que se correxia cola salsina que tenia de compaña.
Llego'l postre y anque nun soi llambion prebelu, ensin dulda, quitando'l tastu de les verdines, lo meyor de la xinta. Tarta de mazana xugosina con xelau de sidre. De compaña vino K-Naia 2008. El canalla d'el ye mas futosu que'l so hermanu Naia, feesquin, prestosu, anque prefiero el que nun lleva K.
En resumen, nun me dexo mal, evidentemente meyor que munchisimos chigres y restaurantes, pero yo esperaba mas. La cocina tuvo fallinos, fue plana y tamien cuenta la idega del sitiu que llevaba na tiesta, claro. Lo que de xuru influye son les xornaes. Cada vegada que pasa y cuanto mas voi de xornaes, menos me convencen, platos pre-preparos en masa, golpes de calor nel ultimu momentu, nun se. Repetire ensin dulda, pero pa tirar de carta y dicir que prestome abondo, porque notase que na cocina tienen mas que dicir y'l chigre ye afayaizu. Por ciertu, bona RCP, 30€/cabeza por unes raciones bien de tamañu, con bona bodega.

7 comentarios:

Jorge Díez dijo...

Me tenéis en vilo. Siempre tuve el Palermo como una de las mejores referencias del occidente de Asturias y ya hubo unos cuantos comentarios de pequeñas decepciones como esta tuya. Es verdad que algunas coincidieron con jornadas de ese estilo y ahí estoy de acuerdo contigo: mejor probar su carta para conocerlo de verdad; lo otro, según el interés del producto y la temporada.

De todo esto se deduce:
A) Que tengo que revisitar el Palermo en un momento tranquilo.

B) Que tengo que buscar más asideros gastronómicos por occidente.

Antonio Lopez dijo...

durines con bonitu????? jajajajjaja
que lu camuden, que lu camuden, que lu camudennnnnnnnnnnnn :-D
por lo menos nun foi tan caru.
y falando de xornaes, ya tan ehi los exconxuraos y la cena medieval pa entafarrase hasta les orelles jeje, eses xornaes si que merecen la pena ;-)

Fartones dijo...

Jorge
ya te digo que m'apetez prebalo de carta porque yo tamien lu teo como un de les referencies del occidente y esta xinta nun debe face-y xusticia

Lolo
cuidadin colos esconxuraos que pue un ponese malu de tanto xintar carnona h.e h.e. Lleva la infusion pa detras

Antonio Lopez dijo...

naide morrio d'eso h.e h.e y yo nun voi ser el primeru ;-)
la carnona ya infusionara con la sidre na barrigona :-D

Manu dijo...

Pues vaya decepción. Yo también lo tenía como una referencia en el occidente.
De todas formas, yo suelo huir de todo este tipo de jornadas. Creo que no fui nunca a ninguna.

Fartones dijo...

Manu
Yo voi da-y mas oportunidades, tienen que lo facer meyor, de xuru.

Lolo
tamien tienen un menu de exconxuraos en dellos chigres de Llanera por si quies intentar españar del too. Nel to pueblu capitalino :-) solu lu tienen la Corri y la Llera (esti nun lu conozco...pero hai vida mas alla de Posada, La Miranda, Michem, La Mundina...clica l'enllaz

Antonio Lopez dijo...

na llera xinte una vegada fae tiempu ya, unes costielles con una botelline de sidre y un criollin, taba bono, prestosu.
vame mas el menu medieval nel prau ;-)