sábado, 12 de junio de 2010

Fifteen (Londres-Reinu Xuniu)


Londres, que gran sitiu!! en tolos sentios, a mi, que llevaba casi 4 años ensin dir, paezme una de les ciudaes mas afayaices d'Europa, grande, pergrande diria yo, pero a mi que nun me presten les ciudaes asina esta paezme diferente, ta tan dixebra en distintos conceyos que, nel fondu, nun dexa de ser una ciuda fecha de munchos barrios nos que unos son afayaizos y otros menos. Eso si, sigue siendo'l Reinu Xuniu, mas bien Inglaterra, polo que tienen la so idiosincrasia, conducen al reves, tienen un llinea de metro que llamen Circular y nun lu ye, beben cerveza tibia (cada vegada menos polo que vi) y gusta-yos echar muncha pacion a les comides. Entovia asina, a mi prestame.

Esta vegada nun foi una visita de placer, sinon de trabayu asina que n'un par de dies lliaos tuve tiempu pa facer un poco turismu, mercar un par de caxigalines pa los neños y, ya que llevaba regalinos, ¿porque non dame un a mi mesmu?. Nun pude dir al Coriu Gordu (que yera'l mio oxetivu inicial) por dos razones, la primera que nun ta'n Londres centru, ta un poco lloñe y amas nun tenien sitiu ya, asina que tireme por dir al chigre del supermediaticu (pa si quixera Argiñano) Jamie Oliver. Esti home franquicia que ya dispon de nun se cuantos chigres, revistes, programes de TV, fundaciones pa sofitar a los neños probes (semeya d'abaxu) y, digo yo, munches mas coses.

Si, ya se, lo de querer dir al Coriu Gordu y acabar nel Fifteen ye como querer cenar nel Arzak y finar en casa l'Argiñano, bono, menos mal que termine nel Fifteen porque los precios de Londres son pa asustar a un y si llego dir al primeru pue que tuviese que facer el pagu a plazos.
El "Quince" (semeya un) ta cerquina de la para de metro de "Old Street", pue que a un par de minutos como munchu (podeis dir y volver nel "Tube" ensin problemes porque tranca tarde, sobre les 00:00) y tien una politica perrestricta d'acutes, yo fixe la mia por Internet y solo quedabenme (pa un miercoles cualisquiera) les 20:30 o les 21:30 (ultima hora pa entrar) y si nun vas carguente 20 llibres na Visa.
Teneis dos opciones pa xintar, nel chigre na parte de riba o nel comedor, na de baxu, yo cene nel comedor (pa ver semeyes del sitiuwww.fifteen.net)
Tocome un bon sitiu, xustu a la salida de la cocina, que ye abierta a la vista, colo que diba entreteniendome viendo pasar platos mentantu me tocaba a mi.
El comedor, que paeciome abondo orixinal nun solo pol tema la cocina sinon pola decoracion tamien, yera eso si, un tantu ruidosu, ruidu que foi baxando a media que la xente foi marchando (les 20:30 nun ye una hora punta pa cenar equi de miercoles polo menos :-) ).
Nun hai mas qu'una opcion pa comer, menu degustacion que tien pa escoyer cuatru ensalades, cuatru primeros, cuatru segundos y cuatru postres. Si visteis delles vegaes el so programa ya vos imaxenareis que'l Quince ye un Italiano ensin pizza :-).
Enantes d'entamar a pedir traente'l detallin de la casa (semeya 3).

Bon salchichon, aceitunes riques, pan de molde casero y aceitin d'oliva pa moyar. Esto apuntaba bien mentantu diba escoyiendo'l vino. Por ciertu, esto nun debe sorprendevos y menos mal que primero y-di a un par de Guiness n'un chigre. Tuve que cenar con cerveza, siempre me pasa lo mesmo, pero apeteciome vino, una clavada por una copa de vino malo portuguesu (Armanzor) que saliome a 6,5 L, unos 8 €, la copa. Ye lo qu'hai de Paris pa riba, fios.
Dempues de pedir y enantes de llegar la ensalada traxeronme la tipica cuyarina con coses pa abrir boca (Semeya de baxu). Crei entender que tenia frutes y aceite d'oliva pero nun pude tastiar denguna de les coses porque tenia mas xenxibre de la cuenta pal mio gustu. Vamos, que solo tastie'l xenxibre. Esto, nun me presto, a otru igual si, lo mio y esa planta nun ye amor, precisamente.

Ente platu y platu tomenselo con tranqulida, la xusta si vas con xente, ensin prieses, pero ensin pauses, diendo solu debieron creyer que taba aburriendome asina qu'ente la cuyarina y la ensalada la camarera traxome'l caberu numberu de la revista del Jamie (a quien por ciertu nun vi perlli en dengun momentu, claro ta).
LLego la ensalada, perprestosa, ralladura de calabacinos y otra verdura que nun cace, nel puntu de cocion (tirando a crudo) con carne de cangrexu, un plizcu d'oreganu, tomate natural y un ali-oli caserin persele (semeya siguiente)

Ya pela meta de la revista llegome'l segundu platu, el risotto. El nivel de los platos diba xubiendo, esti risotto taba francamente rico, fechu con quesu (como Dios manda), probablemente parmesanu pol tastu tirando a fuerte que dexaba, y non como muchos de los que nos avecen peles Asturies fechos con nata. Unes fabes de mayu al puntu de cocion, otra vegada un plizcu d'oreganu y calabacinos (la verdura de moda, debe ser) y, como nun podia ser d'otra manera, esi tastu a pacion que yos-meten los ingleses en la comida. Vamos, que llevaba mas herbes aromatiques. En cualisquier casu, un arroz redondu de puntu con un tastu perbono. Prestome muchu.

El caberu platu, el que mas me presto, paletilla de corderu esgüesada, de nun se que valle, asao con pimientos del piquillo y calabacinos (si lo de la verdura de moda ye por algo). Impresionante. Tastu, puntu, salsina y'l platu menos especiau de toos, mui poca pacion extra na salsa. Claramente acerte con esti.

Llegue al postre cola ultima paxina de Jamie pelos mundios de Dios y les sos recetes. Mousse de chocolate sobre galleta con frambueses. Rico, mui rico. Postre cenciellu pero llograu. Pa finar como un campeon, porque paez que non, pero a esteas altures ya taba fartu. De compaña col postre ofrecieronme, y acepte, un vinin dulce, un Valpantena Recioto. Nunca lu prebara, un vini tipu Oporto. Prestome ensin mas.

Agora bien la gran entruga....¿cuanto?. Pues una pasta, 60L pol menu, 6,5L pol vinu portuguesu, 9L!! pol dulce italianu, 1L pa la fundacion de los neños del Jamie y 9,44L del 12,5% de propina cargao a la cuenta, fixeron un total de 85,94L...casi 105€ pa una cena ensin "vino" d'una persona. Ta claro, ye Londres, ye caro. Dir al Coriu Gordu igual me dexaba 300L ensin dame cuenta. La cuestion ye saber si te merez la pena venir si tas folgando perqui o non. A mi prestome, pero foi mui caro. Creo que la prosima vegada seguire coles Guiness previes

O meyor, coles Guiness y una super hamburguesa de verdad con pataquines y ensalada que con dos pintes xubieron a 16,95L en un pub cualisquiera de Kensinghton, eso si, que me quiten lo baillao, bono, y a Jamie, un autenticu crack con pasta (h.e h.e)

9 comentarios:

ayalgueru dijo...

memories memories ,,, yo trbayaba xusto al llau d'old street, tomo nota de lo que dices ,,, hau Jamies italianu d'estos en canary wharf cerca xusto al llau de la mi ofi ...

Yo tuvi un dia que vino un xefe de la nuesa oficina de chicago y sacaronos a cenar , yo 'entrante embutiu que nun se dexaba comer pero cobrau a preciu de "joselito" que ya yos val ,,, y de segundu tome fish in the bag una llobina al fornu cocina dientro una bola papel de fornu de'estes con unos vexetales , taba bien pero nada que ver coles tremendes llobines que puedes tomar por exemplu nun sitiu pijo de xixon mas o menos equivalente tipu "el candil".

Mira yo comu residente en Londres pa mi una de les coses mas meyores que tenemos son los restaurantes asiaticos ( thai ,indiu, vietnamese, .. etc)y de bon preciu ,,, pa la proxima que vengas mandame un correu primeru y doy-te puedo date unu o dos insider tips pa comer ...
saludu

Fartones dijo...

Ayalgueru
espero que pases mas vegaes perqui home, si te presta'l sitiu claro :-)
A lo que vamos, enantes de dir ya vi que'n Canary Wharf abriera un italianu, diferente al Fifteen polo que llei. Ya sabes, apeteciome dir al bar orixen a prebar.
Pexe nun cene, preferi tirame pela carne, mas que nada, ye que n'Irlanda y equi esto de los pexes como que nun los traten bien y mira que tienen mar pa deprender. Entovia m'alcuerdu d'un platu que vi n'un pueblu pesqueru del norte d'Irlanda "Furagaña con salsa tartara"...madre mio pense que la probe taba deseando que la pescaren n'Asturies pa nun sufrir cola salsa :-)
Munches gracies pol conseyu, a mi prestame munchu tirar de pub pa xintar comida de la zona, pero la prosima doi a lo asiatico ;-)

Toni dijo...

Tien razón ayalgueru. Cuando tuve en Londres yo dediqueme a xintar en toos los étnicos y bastante bien principálmente los asiáticos.

Fartones dijo...

Toni
Tendre de prebalos. A mi gustneme. Ye mas, tenia un Thai a la vera'l hotel con perbonos precios. Pero, pa tres dies que diba un echaba de menos unes bones pintes de cerveza y la comida de Pub. Al final, les ganes de dir equi o al Coriu famosu. La prosima doime al viciu de los asiaticos!

SIBARITASTUR dijo...

Madre mia como estan las cosas por ahí arriba

Fartones dijo...

Por eso digo que vos tireis a la cerveza. Dependiendo de la zona y de la cerveza la pinta ta ente 2,75L y 4L, asina que mas o menos eso ye ente 3,3 y 4,8€. Nun me doi cuenta de a lo que taba nel chigre esti, pero de xuru mas barato que'l vinin

Chela dijo...

Cómo ye que tuvi tous estos años n'esti rollu del blog ensín conocevos? vaya allegría más grande acabo de llevar nun me queda otra que felicitavos y confesame "fans" jejejjee

Tuvi lleendo los posts y gustaronme muncho dexevos un comentariu nel del Villaronta porque tuviemos ellí en Decembre pasáu, tamién en día de auga y nubones pero pasemoslo como los indios y descubriemos un par de chigres de meter miéu que ya vos cuento jejeje

Haiga Salú y fuercies pa seguir con esti blog tan bonu y amenu, enllazovos pero yaaaa

Chela dijo...

Bono de Llondres quçé cuntavos... per elli tuviemos fae pocu, pero yo soy más de pintes de Real Ale y de pubs onde comer Pies y fish and chips curiosos, aunque hay que dar vueltes porque la mayoría vendienlo tan conxelao como nos Whetherspoons, ye lo que tien la Gran Urbe jejejeje

Na mio llista personal destaco siempre
el Newman's Arms, un min´suculu pub en Rathbone Street, que ta en la zona de Totenham Court Road. un pub pequeñu pequeñu onde sólo faen Pies caseros, pero una pila d'ellos de la virgen, y que se puede tomar con pintes de real ale encima.El de Corderu y Guinness ye espectacular y la so versión del Sheperd Pie tamién. Además xusto enfrente, saliendo hacia la drecha ta un pub emblemáticu nomáu The Marquis of Granby, una pasada tomar una pinta de TT taylor ellí...

Y como la cerveza ye algo que me pierde nun puedo dexar de recomendar la excursión a Greenwich Village. A parte que la zona ye preciosa, como un pueblu dientro Llondres, con una vida de la ostia, un mercáu central muy vivu, calles con vida, pubs y luego el riu y el observatoriu hay que contar con tienen una de les microcerveceríes artesanes más exitoses y de meyor calidá del mundo. Trátase la Meantime y en Greenwich puedes atopar el so pub, nomau the Union, onde tastiar toes les sos cerveces( además sonmuy amables y dexente probales enantes de pedir una cerveza entera por si acasu, dante un vasín , un taster, y tu vas probando la que te gusta o no). Por si eso fora pocu, tienen menú del día y comer ellí, na terraza que tien, bien la esterior o bien el patio interior,ye una pasada, woth the trip que diríen ellos, merez la pena el viaxe hasta ellí( ye una hora en DRL que ye la extensión de tren que va por el puerto y Canary Wharf y demás y pal que vale el billete del día que saques del metro)

Tamién como diz Ayalgueru, hay restoranes étnics que te dexen ablucau.Yo comí hasta n'un Mongol, pero ta en les afueres, y foi fae años, non agora, ta en Ravencourt, na llinea de metru que va al aeropuerto de Heathrow, acoyonante si tovía sigue ellí porque ye una comida única, yelo bono de LLondres. Nel centru ta Yai Ka lok ye un thai en plenu Soho y la calidá ye muy bona muy bona y el preciu aún tando nel Soho tampoco me pareció tan caru, ye Llondres ostia! decía yo jejejeje... otru qu me prestó abondu ye un turcu Anatoliu nomau Tas Pide, tien varios por LLondres, nos fuimos al que ta en New Globe Walk, cercea del riu y del teatru The Globe con fornu de piedra, y parrilla, acoyonante.

Jaime Oliver ye un crack, Blumenthal tamién, por supuesto, pero tan en planos destintos, la comparación Arguiñano/Adriá ye acertada pero yo personalmente igual me quedo con Jaime y Karlos jejejje( ye que ya son de casa de tanto como los veo y yos copio recetes)
Haiga Salú, vaya fame y vaya recuerdos jejejeje

Fartones dijo...

home Chela, pues munches gracies por too, espero que te preste muncho venir perqui. Esti blogue voi enllenandolu de contenios colos mios posts y les colaboraciones de tolos collacio que tan ehi siempre pa meter dellos posts (Pululante, Pululanta, Caleyeru, Antonio Lopez y la mio hermana, creo que nun dexo a naide por nomar). Asina que siempre pues alcontrar dellos posts nuevos casi tolos meses.
LLevamos pa tres años con esto y teote enllazau dende hai munchu tiempu pa ver les tos aventures cerveceres.
Gracies polos comentarios equi y nel Villaronta, teo de apuntar los chigres y chigres y chigres que la xente vais dexando polos posts a ver si puen prebase dalguna vegada h.e h.e.
Bono collaciu, afayate perqui cuando quieras y dexa tolos comentarios que quieras!!