miércoles, 10 de noviembre de 2010

El Sena (Torazu - Cabranes)





Tres del desgraciau incidente gabachu, un nun podia quitase de la tiesta el restu de Paris y bono taba Torazu ehi a la vera. Torazu tien munches similitues con Paris, los dos tienen helipuertu, los dos tienen hoteles con SPA, viesques frondoses y los dos tienen un Sena. Hai munches diferencies, la mas importante ye que'n Paris yo nun alcontre un sitiu onde te dieran tortos con picadiellu y güevinos de casa lo que, per otru llau, y-resta munchos puntos.

Mira que paso munchu per Cabranes en xeneral, pero nunca entrara nel Sena (casualida) asina que decidime l'otru dia. El Sena ye un chigre de los de tola vida con mantelos de papel y sidre pa beber (nun mire si tenie carta de vinos, la verda) y una parrilla detras de la barra que domina la entra pel bar. Nun hai carta, polo menos en domingu, sinon dos paisanes cantandote les coses que tienen que n'un 90% de la parrilla que manexa l'amu.

Esti dia yera facil, daque verde, daque carne, un con fame y otra que non, asina que pa compartir una ensaladina de llechuga, tomate y cebolla bien rica (semeya un). Dempues la parienta decidiose por media de costielles de gochu, pasadines lo xustu, riques y xugosines. El chimichurri que tienen ta bono y nun pica munchu (semeya dos).

Pela mio parte llego un de les estrelles del chigre, el sollombu de gochu (semeya 3) a la parrilla. El gochu debia ser la "gran" estrella del cubil polo menos pol tamañu del sollombu, si bien taba como abiertu a la meta de xuru que pa poder dexalu xugosin na parrilla. Impresionante, pa que contar, tienru, xugosu, con esi llixeru afumau que dexa'l cocinar con maera, ensin dulda de lo meyor. De compaña venia con unes pataquines frites caseres y un poco de verde.

Taba abondo fartucu y nun soi llambion, pero claro, nun voi dexar la oportunida de pedir l'arroz con llechi de Cabranes, asina que pedilu....pa llevar a la mio güela esi mesmu dia. La so opinion en dulces ye valoratible na mio casa, nun porque los cocine, sinon porque nun conozco paisana mas llambiona, ye capaz de xintar una bandexa de pasteles ensin respirar. Puntuolu realmente altu, pal mio gustu (pude meter una cuyar al cuencu n'un despiste) taba un plizcu mas dulce de la cuenta pero claro, la mio opinion n'estos temes ye intrascendente, la verda que taba perbono.

Dos botelles de sidre del palu de Coro, cafes y pan por 16€/persona. Aprovechai a xintar el sollombu que dixome un paxarin con familia elli que'l paisanu xubilase o a finales d'esti añu o pa primeros del que vien. El negociu va tenr continuida, pero lo que importa ye'l parrilleru.

9 comentarios:

Jorge Díez dijo...

Tú como la oca: de puente a puente... En este caso puentes sobre el Sena. ¿Ves como a veces no hay que ir lejos para pillar algo bueno? Vamos, que está claro donde disfrutaste más en la mesa. Del resto no digo nada.

En otro orden de cosas: tu abuela queda nombrada miembro de honor del comité de cata de la Orden del Gran Llambión. ¡Parece mentira! Ella, que tendrá sus años, en plena forma para dar cuenta de una bandeja de pasteles, y a ti no se te ha pegado nada. Hay que ver...

Fartones dijo...

Home, nin champan del bono, nin bona pinta a lentrar, pero pa ser un chigrucu el paisanu tien mano na parrilla :-)
Y la mio güela...84!! collaciu, pero como y-da a les caxigalines!! ;-). Igual la so opinion tampoco ye valoratible porque y-pon munchos puntos al azucar... :-)

compangu dijo...

Ese solomillo juega en Champions Lí. Por lo que dices, no va a quedar otra que ir antes de final de año... joder qué pena.

¿Carta de vinos? ¿En El Sena?... amos no jodas. Un rioja que se llama "Señorío de Torazo" o "Marqués de Torazo" (que también tiene su cosa el nombre) y vas que patinas.

Y ye una pena que no seas llambión, porque, como ya dije en lo de Tony, es un sitio de obligada visita para cualquier miembro de la SAAL (Secta de Adoradores del Arroz con Leche).

Fartones dijo...

Compangu collaciu

Ya quixeremos tar nosotros en Champiosn Li, pero el sollombu ta y puntu. Nel arroz con llechi, nun lo duldo, nun lo duldo, la esperta dixo so de "nun traxiste mas, fiu? :-)

Lo del paisanu ye lo que me dixeron, lo dicho pa esti o pal que vien, pero pronto, asina que habra de repetise mas enantes que dempues.

Jorge Díez dijo...

Oye, nun veo un paisanu con pallabra yo equí, ¿eh?
¿Ónde ta'l videu d'Anabel Santiago? ;-)

Fartones dijo...

Cagüen nel mio mantu!!! escaecioseme, nun teo costume de xubir videos al blogue y pasa lo que pasa.
Ya lu ties, costome decidir ente esti y "ven a veme" :-)

Jorge Díez dijo...

Ahí, ahí, así me gusta. Eso en el otro Sena -el de la France- no lo escuchan.

Fartones dijo...

Non, esto de xuru que non :-)

Fartones dijo...

Bono, el paisanu xubilose. Ya nun ta. El llocal ta repintadin, hai un par de cocineros, dos o tre camreres y un parrilleru. Habra que prebalu. De momentu solo tome una botellina de sidre enantes de dir xintar a otru sitiu.