martes, 8 de marzo de 2011

Annua (San Vicente de la Barquera - Cantabria)



Na antigua Merinda de Les Asturies de Santiyana ta esti pueblin perfeutamente conociu por toos, primeru porque ye perguapu y segundu polos magnificos atascos que nos ofrecia de camin a Santander cuando la Nacional yera la unica forma de llegar elli.

Agora mesmo ye una delicia desviase a San Vicente, dase una vuelta peles cais estreches, los famosos soportales, ver el castiellu, la ilesia...o aprovechar un bon dia pa sentase a tomar un vinin (o una sidre) mirando pa la ria (semeya de riba).

A partir de agora pa mi tamien hai un motivu mas de visita y ye dir al Annua ca vegada que camuden la carta. Facia munchu, pero munchu tiempu que nun esfrutaba asina d'un sitiu de cocina moderna (ya veis que nun faigo mas que dir a lo clasico) pa ser esactos, dende la cabera vegada que fui al Corral en Les Arriondes.



Pa entamar teo de falar del chigre. Situau na boca la ria a la altura del faru dominando San Vicente y cola playa Meron enfrente tenemos un sitiu espectacular, de los que ya solo por tar merez la pena pagar. Terracina esterior con sitiu "chill-out" encima de la mar nel que n'una nuechi fria d'iviernu (dempues d'un dia de sol perguapu) pues tar tomando un vinin sentau bien agusutu n'un sofa. Mentantu, pues esperar pa entrar cenar gracies a la tipica estufina de butanu (Podeis ver semeyes mas guapes na so paxina güeb y de dia).



Pasemos al comedor, piquiñin (unes 8-9 meses) y modernu, tamien con vistes a la mar, pa'l que tien suerte de ponese n'esi sentiu (como soi un cabelleru :-), punxeme mirando pa la puerta de la cocina) anque una vegada entamen a servite lo que quies ye mirar pa los platinos. Atencion profesional que nun t'agobia y que t'esplica cada platu (hai tres persones nel comedor, mas que suficiente y eso que'l chigre taba llenu).

Solo dos menus degustacion, el "Gastronomicu" y'l "Experience". Un d'una duracion d'hora y media y l'otru d'unes dos hores. Los dos colos mesmos vinos a escoyer, anque tienen mas opciones na carta y na bodega por si dengun te convez. Como la diferencia del primeru al segundu yeren el numberu de platos (el primeru tien mas cantida y'l segundu mas varieda) xintemos el segundu. Yo escoyeria'l cava, pero como la mio muyer nun-y presten munchu tiremos del blancu Verdejo de Oter de Cillas (bien, pa tola xinta), un Verdejo frescu y afayaizu'n boca.





Ya sabeis que yo nun soi de los que pon notes de tastu a los platos, soi un tipu cenciellu, asina qu'escontra los nomes llargos de les coses yo voi ser curtiu nes descripciones y usare de les mio pallabres pa esplicalos.

Los tres primeros "platos" (mas bien bocaos), lleguen del tiron enantes de decidite pol menu y a mou d'entamu. Pa ellos traenti una cervecina Estrella Damm Inedit servida en copes de vinin blancu. Una rubia del tipu de caña (Lager) rica, de burbuxa fina y prestosa'n boca, pero ye que yo soi de cerveces mas fuertes y preferiblemente de cebada 100%, claro que les mies nun maridarien colos platos que fueron(agora voi colos nomes curtios) "chupa-chups de frambuesa y fua-gras (2011)", "piedres de quesu pasiegu y polvu de setes (2011)" y "oreos de coliflor y trompetes de la muerte (2010)". Los chupa-chups perbonos, esi amestu ente un plizcu de dulzor de la frambues y un bon fua-gras qu'apetecia xintar mas. Otru tastu intensu y ricu el de les piedres de quesu pasiegu, cremosu per dientro y un plizcu duru perfuera, el polvu de setes dexaba un regustu na boca. Estes dos caxigalines realmente riques. Les oreos, reconociendo que debe ser fastidiao faceles (lo prieto yeren les setes y lo de la meta, la coliflor) fueron menos bones (que nun males). Tenien testura de galleta y tastu a setes, pero la coliflor nun la apreciemos. Prestoses pola noveda.



Digamos que namas entamar queries seguir, prestarente mas o menos los platos nun apaetecia mas que seguir esfrutando de les novedaes en boca, amas que'l 98% de los platos taben coyonudos. Seguimos con mas caxigalines y agora, ya si, cola compaña del vinin. "Espuma de pataca, trufa blanca y llangostinu (2008)". Buf, rico, prestosa espumina de pataca qu'endolcaba un llangostin frescu, amas de cruxentes de llangostin per riba. Prestome asgaya. Una vegada mas el nuestru tastu nun llego a la trufa mas alla de golifala y ciertu regustu (igual yera la idea).



Agora llegamos al platu "estrella"de la casa que, curiosamente, foi'l que menos nos gusto, la "Ostra Coco (2011)". Esti platu nun te lu espliquen de la que llega, sinon dempues de xintalu (y fain bien). Les ostres cultivenles en San Vicente y depurenles nel propiu restaurante. Ostra como la d'Arcachon (palos qu'entiendan). Al casu, cola esplicacion posterior, fusion de tres "paisos" en un, y claro ya se sabe lo que pue pasar. Nel nuestru casu que perdimos dos pel camin. Llegues, rasques la ostra, das-y a morrer y....Dios!!! Mexicu, ¡¡cagon nel mio mantu!!. Perdimos el tastu de la ostra cantabra y la espuma de coco "tailandesa". Solo nos quedo el tastu a mar, un plizcu cebolla y'l h.alapeñu de Dios. Nun ye que picara munchu (y'l picante gustame), pero perdi'l platu. Como abrieron esti mesmu fin de selmana y'l platu ye d'esti añu, da-yos tiempu a camudalu por un que te permita esfrutar de la ostra. El picante elimino les referencies.



Llega otru platu espectacular, el "salmon xabaz afumau in-situ y roques de cebolla y tinta (2011)". Ya nun solo la dificulta de les roques (que tastiaben a cebolla y tinta de calamar, que yo nun se como se fain pa que queden asina y esponxoses a la mesma vegada) el productu de primera categoria y, nun sal na semeya, traentelu metiu n'una mini-campana con fumu que te quiten al servir el platu. Esti fumu dexa un toque a herbes nel platu y golor a inciensu sele nel aire. Trocinos de quesu frescu per baxu. Gustonos muchu.



Mas sorpreses (esto yera un divertimentu acoyonante) "Desiertu de fua-gras con roques d'ablana y Armagnac (2008)". Otra vegada al mesma teunica pa les roques, pero feches con otru material y otra vegada un resultau interesante. Pero'l desiertu de fua-grass de color mariellu y esmigayau col toque del Armagnac taba impresionante. Entraba sele y dexaba toul tastu na boca, pa xintar col tenedor. Cantida xusta pa nun empalagate con tantu fua-gras. Pa ayudar a nun empalagate tamien te ponien unos trocinos de pan mariellu cortau perfinu pa camudar el tastu'n boca y que nun tirases del pan tuyu (por ciertu una seleicion de panes del quince, de zanahoria, de cereales, de puerros...nun se cuantos xintemos durante'l menu). Escaeciaseme comentalo, dende'l primer momentu ties na mesa un AOVE 100% Arbequina y sal de Hawaii pa facer barquinos ente platu y platu.





Ya coles cares eses de "joder, como me ta prestando la tonteria", llega otra mirada a Mexicu (esti neñu debio de pasar perlli delles temporades, digo yo) llega'l "Tacu de llangostin, con fabes prietes y Chipotle con Agave 100% reposau (2010)". Vamos, ver, mini fah.ita coles fabes mexicanes enriba, el llangostin nel so puntu (tirando a crudu pa dar el tastu a mar) y el chipotle esi per riba que-ya daba un toque picante. Agora si, solo un toque de picante que te permitia esfrutar de tolos tastos y la curiosa mezcla bien llograda. Lo del Agave, ya veis, mini chupito de tequila reposao pa rematar el platu y eliminar el picor. otru platu estupendu y sorprendente.



Menos sorprendente por mas vistu, pero igualmente increible de tastu llego la "Hamburguesina d'atun colorao, salsa d'ostres y burbuxes de xenxibre (2010)". Ta visto lo de facer esto col atun, pero non asina. La salsa d'otres perdiola el mio cielu la boca, pero el xenxibre y la calida y preparacion del atun ehi taben. Rico, rico.



Seeeguimos!!!!. "Bacallau confitao en caldu de cocidu Llebaniegu, migayes de borono y ciervu (2011)". Pues eso, bacallau desalao (adrede entiendo pa que faiga de compangu al cocidu) qu'habia que esmigayar pel caldu, que tenia un tastu a garbancinos impresionante, y amestar con tolos ingredientes. Perbones les migayines y sorprendentemente ricu el borono (una especie de embutidu fechu con boroña y sangre de gochu). Gustonos, anque un plizcu mas baxu de nivel que'l restu de platos, pero claro, el nivel ye peraltu.



Lo que mas presta d'estos sitios, particularmente a mi, ye tener la sensacion de qu'esto nun lu pues facer en casa y el descubrir tastos y amestos estraños, dificiles de describir y amas que ca un pue sacar les sos propies conclusiones y ser el memsu platu perdiferente pa un y otru.

Vamos con algo mas "clasicu" de remate "Bosque cantabru de corzu y setes de primavera (2010)". Un trozu de llombu de corzu con un toque dulce perriba (nun se, della mermelada, persele) rodeau, como Kevin Costner en Baillando con Llobos, d'unes setes fresques y la migaya de les "oreo" de trompeta de los muertos. Un conxuntu espectacular cola carne poco fecha (como a mi me presta) y tastos diversos ente dulce, salao y galleta. Tamien perbono.



Por fin lleguemos a los postres, primero un "Sweet d'espagueti carbonara(2011)" que palos llambiones tien que ser la bomba pero a mi que nun soi llambion nun me dio munchu mas, pero non porque tuviera malo, yo soi asina col dulce. Curioso lo de adulzar unos espaguetis. Pa que vos faigais una idea yera como xintar arroz con llechi pero'n vez d'arroz, espaguetis. Ya vos digo, de xuru de diez pa un bon llambion. Otra cosa fueron pa nosotros los "Ñeros d'ablana con güevos de chocolate y llechi merengao (2010)". Platu que nun yera tan llambion como podia suponese pel nome y que realmente foi una gran y agradable sorpresa. Deliciosos estos ñeros que se desfacien na boca dexandote una gran alcordanza del platu.




Pa finar, llegaron los cafes (con xelu los dos) y los dos bocaos que los acompañaben, "trufa de chocolate y tofee" que taba perbona anque seya poco orixinal y los mas orixinales y quiciabes por eso mas prestosos "Macarones de fresa y pasion" lo de la pasion debe ser polo apasionante del bocau de fresa. Ideal pal cafetin.



En resumen, gran sitiu, gran nuechi y un preciu que pa mi ta mas que bien de 78€/cabeza teniendo'n cuenta too (atencion, comida y sitiu). Ta claro que nun ye pa tolos dies nin por perres, nin por carta, que camuda ca temporada polo que dir pa repetir platos nun tien tantu interes. Pero un caprichu ye un caprichu y yo nun quiero ser el mas ricu del cementeriu...otros gasten mas perres tuneando coches. Merecio la pena. Por ciertu, agora que me doi cuenta nun me cobraron los dos vinos del Chill-Out :-)

35 comentarios:

Toni dijo...

Entérome agora de esti sitiu. Tien bona pinta pero con esta manía de los menús sin carta y viendo lo que comiste yo hubiérame quedao sin comer, ya que na menos que 5 platos son con marisco o derivaos. Desiquilibrao.

Fartones dijo...

Toni

De mariscu cuento 3...de 10+5 "bocaos". Si por derivaos va el pexe ya nun te digo que non, pero entos yo contaria 4, porque'l platu con bacallau yo no lo contaria como pexe, ye cocidu. entovia asina si fueren 5 de 10 yo diria equilibrau al 50% ;-)

Carta nun ties, agora too con IVA na de sropreses :-). Polo menos si vas a San vicente pasate a tomar un vinin a la terraza.

Toni dijo...

Pues yo cuento 5 platos con marisco o derivados: la espuma... con llangostino, ostra coco, salmón... con tinta de calamar, tacu de llangostino..., hamburguesina... con salsa d'ostres. Total 5.
Un menú desequilibrau en mi opinión por tener un 50% de una misma categoría de ingredientes.
Y lo mismo diría si fuera el menú con un 50% de casquería por ejemplo.

Toni dijo...

Cuento la tinta del calamar porque ye un molusco y si hay algo que aborrezco ye la tinta del calamar. ;-)

Fartones dijo...

jejeje. bono home, si vas a la semeya del salmon, la tinta ye la roca esa prieta que ta n'un estremu...podies descontala que nun impedia xintar el salmon pa na!! ;-)
Agora, el vinin de fuera tomalu, que nun lleva mariscu :-)

Fartones dijo...

Tamien ye verda que si te por mi falten-y platos de mariscu, eso teo dicilo que soi un fan de los bichos esos!! ;-)

Antonio Lopez dijo...

coño nin, a mi paezme to un escubrimientu
tantu que na mas que xunte 4 perres empobino p'alla
y'l preciu que pones ye con el vinin y to, non?

Fartones dijo...

Pues si Lolo, son 70€ IVA incluidu ensin vinu (l'agua ye gratis) y 78 con el dientru siempre que seya de les tres opciones que pues ver na semeya numberu 6 (creo). Si tires del vinu de la carta nun se, supongo que te cobraran los 70 + preciu/comensales por botella...digo yo :-). A mi paezme un preciu esupendu.

Jorge Díez dijo...

Quieres subir la apuesta hacia oriente, ¿eh? Pues acepto, que la zona me gusta y es conocida. Muy buena pinta, sí señor.
Me llama la atención una cosa menor. Te refieres a la Inedit como "rubia de caña". No sabía que había Inedit de barril.
Yo con los platos no tengo ningún problema, veo propuestas interesantes.
Eso sí, me saldrá más caro; lo que sí voy a cambiar es el vino ;-))

Fartones dijo...

Xurde!!!ehi ,ehi a les coses menores!. acepto lo de la Inedit que ye una mala descricpion mia. Dame que nun l'hai de caña. A ver, queria dicir Rubia tipo Lager por graduacion baxa (unos 5º me paez), vamos "como les de caña". Solo yera pa facese una idega. Piensolo un poco y camudolo nel testu :-)

Fartones dijo...

Camudao Xurde!! a ver si te gusta mas asina...creo que meyor.

Jorge Díez dijo...

Je, je. Ya sabes lo peligroso que soy yo con esas cosas ;-)
Claro, que me las podía aplicar. ¿La zona me gusta y es conocida? No, si lo grave sería que me gustase pero no la conociera.
Te doy la razón, un paseo por San Vicente es una delicia, sobre todo sin mucha gente.

Fartones dijo...

jaja, mui bono :-)
Pues agora mesmo San Vicente ta pertranquilu, ya sabes, iviernu y cola nacional vacia, pues pasear en paz casi ensin xente.

pululante dijo...

Yo el último recuerdo que tengo de San Vicente son dos martinis (vaso de tubo casi hasta arriba) con sendos calditos calientes de marisco (era invierno) por 1,80€... ¡¡los dos!!

Antonio Lopez dijo...

yo'l ultimu que tengo ye'l bisbal del pijo esi :-DD
asina que mira lo que controlo yo de san vicente h.e h.e

Fartones dijo...

Pulu
La verda que salir de vinos ye barato, nun se si un par de Ruedes salente por 2,40 o 2,80. Lo que nun ye barata ye la sidre, la botella ronda los 3€.

Lolo
Joder que si andes despistau...Ye Bustamante!!!jajaja

Jorge Díez dijo...

Pero bueno, hombre, ¿cómo se te ocurre tomar sidra ahí? A todos los efectos la jurisdicción sidrera termina unos cuantos kilómetros antes (tomála ehí ye pecáu). Unos sesenta, siendo generoso ;-)

Fartones dijo...

A ver ho!! col dia que taba y habiendo dos sidreries polo menos (El Mozucu y Abel) ente Rueda y Albariño cayo una sidre, qu'amas yera de Xixon :-).
Por ciertu que tienen un llagar en Cantabria (les botelles viles peles tiendes...Somarroza creo que ye). Pero si, ties razon, el llimite oriental ye Ribeseya :-)

Jorge Díez dijo...

Je, je, veo que nos entendemos. Alguien que valoraba la Sidra Pachu no podía fallar ;-)
Lo de la sidra cántabra sólo lo conozco de oídas pero habrá que profundizar.

Antonio Lopez dijo...

pero bisbal y bustamanti non yeren ximielguinos???
un rizosucu y l'otru non

coño, lo que se deprendi equi, yo de la sidre d'alli alantron ni d'oyides nin, tara bona y todo!!!!

Fartones dijo...

Polo que yo vi, botelles iguales a les nueses y descripcion de sidre natural del estilu de la nuesa. Crei que la tenien en San Vicente, pero punxeronme una de Xixon qu'amas ye la que teben poniendo a toos (igual tamien el dicir "ponme una botellina, nin" en vez de "ponme una botelluca, nenu" tuvo dalgo que ver pa que m'identificara como de la "Ria pa alla" y por eso el palu de "Cagüeñes" ;-)

Lolo
Clavaos nin, son clavaos!! jaja

ovetum dijo...

Sin duda es el restaurante cántabro que más está pegando,estaba cmo escondido, pero hace un año tenia carta también y ya apuntaba manera, también por el sitio donde está ubicado.

saludos.

Fartones dijo...

Ovetum
Bienveniu, ho!. Espero que t'afayes perqui y participes mas vegaes.
Ensin dulda lo de escondiu ye una realida, menos mal que punxeron cartelos pa saber onde ta :-). Nun se si ye'l que mas pega o non, pero a nos prestonos un monton.

ovetum dijo...

Fartones necesito que me confirmes si sólo tienen menu degustación como ponen en su web o si también tienen carta.

Te lo pregunto porque ayer, tomando un pelotazo con una amiga, comentando lo del Annua, me dijo que también tenía carta como hace 1 año y yo se lo discutí ya que acababa de leer tu post esta semana.

¿me sacas de dudas?

Fartones dijo...

Ovetum
Mira, yo diba con dudes porque na paxina güeb solo aparecen los menus como tu dices, pero elli sacaronnos de dudes rapidamente, llego'l metre y ya nos dixo que solo trabayaben (esta temporada polo menos) los menus. Asina, a nun ser que dende'l 4 marzu a equi camudaren d'idea, a nosotro foi lo que nos comentaron. Amas, les 8 meses qu'habia tabemos con un u otru menu. Ye mas, la unica opcion de camudar ye la Ostra coco pola anchoa, anque digo yo que si hai dellos platos que nun te van pueden camudate dalgun.

Anónimo dijo...

Fabulosa entrada Iván, muy requetebién hecha. Enhorabuena.
Disfruté ..., hará dos años..., de las excelencias del Annua. En aquella ocasión fue almuerzo y a la carta, con detalle especial para las ostras. ¡¡wAw!!
Don Zuhur

compangu dijo...

Creo que estoy pasando por una "etapa cromañón" (será por la situación general), porque no me llama mucho la propuesta. No sé, demasiado barroquismo quizá...

Esperaré a que me vuelva el gusto por las florituras... y que vuelva también la amplitud al apartado "dispendios".

Fartones dijo...

Llevabemos una temporada mas clasica y de vegada', vegada presten los cambios. Esti tuvo perbien :-)

Zuhur dijo...

D. Fartón, me ha parecido correctísimo y oportuno el traslado de mi comentario desde fb hasta este prestigioso lugar.

En lo que no estoy muy conforme es con el tratamento en la firma.

Si por ventura volviera a repetirse una circunstancia similar, le ruego la amabilidad de apearme del tratamiento de don.

Simplemente podría poner..., por ejemplo..., su Excelencia...

Sí, eso creo que quedaría muuuy bieen ;-)))

Pululanta dijo...

Me ha encantado la crónica... ya estoy deseando ir otra vez por S Vicente a tomar el vermouth :-) y de paso dejarnos caer por este sitio que por lo que cuentas no parece estar muy lejos del Bulli (culinariamente hablando). Sólo de leer la crónica se me hace la boca agua ;-P

Fartones dijo...

"Su Reverenciada Majestad Gastonomica", ¿podria valir? :-)
Ye que Don Zuhur, el mio perfil de Facebook nun ye mui vistu y los comentarios hai que los trayer hasta equi pa que los llea la xente'n xeneral :-)), mas si vienen de Vd!!! jeje

Pululanta
Cagon tal!! nun se ne si esto ta cerca'l Bulli, nunca pude xintar elli :-)

Antonio Lopez dijo...

ye lo bueno de los babayos anonimos estos, que no yos da pa mas y piensen que son anonimos de verda, si supieren que cuesta menos que tirar un peo ver desde donde escribayen y si m'apures quien son.
con lo bien que tamos ca un ocupandonos de nuesas vidas, que tenemos de sobra.
que pena, que haya xente que tenga qu'entrenese asina

Zuhur dijo...

Es su blog, D. Fartón; puede y debe actuar como mejor le venga en gana, pero me temo que seguirle el rollo a semejante especimen no tiene mucho, ni buen recorrido.
Creo que con anularle su propaganda es suficiente; para intentar disuadirlo, necesitaría situarse a la altura de su indigencia moral y a su "insultador" no salamente le falta razón, sino también talla. No pierda su valioso tiempo. Simplemente..., anúlelo.

Fartones dijo...

Tien tola razon del mundiu, Don Zuhur, ye qu'hai vegaes que me caiento como un 600...coses mies. Lo que si voi dexar perqui ye esta direcicion IP:80.58.219.4...ye que como diz Antonio, ye tan facil...a si igual se yos-quiten les ganes.
Siento el mosque...equi el bon rollu tien qu'imperar, por eso faigo un blogue :-), sinon dexabalo.

Fartones dijo...

Norabona pola estrella recien ganada. Merezla, anque ye pa dir una vegada al añu o mas, pol tema de camudar los platos en la carta :-)