lunes, 25 de abril de 2011

Puerta del Carmen (Granada - Andalucia)





Salir per Granada ye como facelo per Lleon o per Xixon. Vamos, que tomes tres cañes y tas fartu pinchos. Dau l'estau "cañeru" dempues de pasar pela plaza de Santu Domingu y otros llugares de Granada en plan cerveceru solitariu, al final de la tarde solo me quedaben fuercies pa dir picar dalgo. Un gran sitiu pa facer esto, o xintar mas en seriu, ye'l Puerta del Carmen, en plenu centru de la ciuda. Esti sitiu, que ya tenia controlau de visites anteriores gracies a los anfitriones, llamome de pasu al hotel con unes mesines fuera y una temperatura estupenda pa tar en meta de marzu.

Per dientru, una barra grande y un decorau mas asemeyau a una cervercia del sieglu XIX pero coles cañes de Cruzcampu a la temperatura perfeuta de serviciu. Paradina obligada, ensin dulda pa finar la tarde-nueche tranquilu. Xinte fuera, onde tienen unes meses cuidaes de maera y unes sombrilles qu'a les 22:00 ya nun facien falta. Serviciu impecable y profesional qu'entruga primeru si quies cenar o solo "cañear". sin contestes "la uno" (como nos tests) van traete unos entamos d'aceitunes y pataquines de bolsa con una varieda de panes que diba dende'l pan normal a los picos con tastos diversos y la obligada caña (pa nun camudar el palu, nun fuera que nun garrase el avion del dia siguiente).

Media cañuca dempues de pedir llega'l primeru. Media racion de mojama d'atun (por eso del sur) que vien acompañau d'unes almendrines y moyau n'un plizcu d'aceite d'oliva virxen (semeya un). Estupenda "media racion" de tamañu con una mojama abondo rico de tastu y lo xusto de salada (hai vegaes que paez que tomes sal con atun). Prestome, asina que a la otra cañina y a pol segundu.

Calor y sur, toca ensalada d'atun colorao (semeya dos). Bona racion con abundantes cachos d'atun semi-crudu que deben tener en dalgun tipu de conserva, pero que taba realmente bono. Llechuga y demas verdes salteaos con piñones y grandina (nun podia ser menos, digo yo) y un aliñu perbono que tiraba a dulce (nun se que yera).

Un pica-pica tirando a cena que salio por 38€ y que merecio la pena. Un bon sitiu en meta de Granada pa facer una paradina.

8 comentarios:

compangu dijo...

Ya sé que siempre estoy con lo de los precios, y tal y tal... pero casi 40 € por dos cañas, una ensalada y media de mojama (platos ambos dos que tampoco requieren un esfuerzo en cocina titánico), me parece un clavel en toda regla... y más siendo en Graná, que algo la conozco.

Fartones dijo...

Compangu
Si ya dixe que baratu nun ye. Pagues el sitiu, l'atencion y'l centru Granada, que quies!. Polo menos pa una cerveza merez que pares la prosima.

Zuhur dijo...

D. Compangu, no es para tanto, ya que las cervezas eran las belgas Westvleteren 12 ;-))).

D. Fartón, ¿las tapas de acompañamiento con las cervezas eran los cuencos de aceitunas rellenas y patatas fritas? For God's sake!!!

Fartones dijo...

Siiiii. Ye que'n Granada da-yos per ehi coles tapes y les cerveces.
Compasion!! con eses dos creo que llevaba como 6 a tapes y claro..Pero da igual, nun comais elli (les dietes fainlo posible :-) ) pero nun dexeis de tomar una cervecina jeje

Fartones dijo...

Toi aparrillando unes costielles, pero ta faciendoseme tarde...igual ceno a les 00:00 cagüen les pites roxes de Grau!!
;-)

Dixebra dijo...

Y pa cuando una entrada con eses costielles? jeje

Fartones dijo...

Dixebra!! eso nel Facebook, ho!! :-)

Anónimo dijo...

pa blog bueno el nuestro:
www.losfartucones.blogspot.com