jueves, 17 de noviembre de 2011

La Calleja Real - La Caleya Real (Aviles)



Hasta Aviles llevonos el ver y sofitar al Niemeyer n'un domingu perguapu de Seronda. Pena qu'al nuevu conseyeru de Cultura y-guste mas velu quemau "como'l Liceo y mirai lo guapu que ta agora". Toi seguru de que nun y-gusto la pelicula de Woddy porque foi confundiu a vela creyendo que yera la de Toy Story 3, ye mas, nun y-gusto Ricardo III (nun y-paecio cultura) porque Kevin Spacey falaba raro, pero esto ye d'otru blogue.

Volviendo a lo que nos ocupa, que ye'l xintar, y teniendo'n cuenta la epoca de contencion de gastos actual y preocupandome por que los mercaos nun me punxieran la prima de riesgu de la hipoteca peles ñubes, fuimos a la Caleya Real onde nos llevaron los tiquets restaurant y una paxina güeb con bona pinta.

Alcontremonos con un chigre bien cuidau, con musiquina sele de fondu, con perbona pinta. Una entrada con un toque mas de "chigre" pero, na que ver, y un comedor puestu con gustu y con munchu espaciu ente les meses. Espaciu que s'agradeceria si hubiera dalguien pa xintar al meudia d'un domingu...naide...solos. La Primera entruga que se te vien a la tiesta ye esa de, ¿onde nos metimos, ne?. La segunda esa, ¿sedra la crisis o la comida? y lo mas optimista lo de "debe ser que los d'Aviles nun tienen costume de salir los domingos a xintar". Teniemos que ver los platos y la cuenta pa tener mas claru'l tema.




De primeru pa compartir un abundante platu de cecina de Llion con quesu de cabra. Aceitin d'oliva virxen y base de tomatin frescu. Esti platu nun lleva una llabor de cocina de la llechi precisamente, pero hai qu'escoyer bien los materiales. N'esti casu, cecina rico, tomatin bien, quesu ricu y aceite del bonu con un bon resultau final pa entamar.



Pa mi pedi un sollombu de xata con pataquines que cumplio perfeutmaente les espectatives. Carne bono, bien preparao (pa mi un plizcu mas fecha de la cuenta, pero ye qu'a mi ponennme la xata pastiando'n platu y comola). Prestome, nun buscaba nada con munchu llabor y cumplio.



La mio muyer tirose pel pixin amariscau. Mui ricu. Una salsina sele, un bon corte de pixin con unes amasules fresquines, unes gambines (que nun prebe) y unes pataquines panadera cocies (a mi gustenme mas fritines). Tou perconxuntau y de bon tastu. A esti puntu yo sentia'l ruiu d'unes cuyares movese a lo lloñe y pense que polo menos tenien otra mesa.

De compaña tomemos un Gran Bazan Ambar 2009, agua y unos cafetinos con xelu pa finar. Como nun miremos el preciu de dengun platu (¡¡benditos tiquets!!) taba yo esperando, nun se, un hostion. Nun foi baratu, 41€/cabeza. La mesma calida pues alcontrala n'otru sitiu por menos perres, pero claro, 6 persones contaes trabayando, una atencion perbona, un sitiu afayaizu y cuidau tamien se paguen. Por ciertu quela otra mesa al salir yeren ellos comiendo por turnos. Esta crisis va matanos.

9 comentarios:

Jorge Díez dijo...

Como los dejemos estos van a quemar bastante más que el Niemeyer. Curiosa transformación de un equipo -el de la Consejería de Cultura- que tenía un currículum con varios méritos dignos. Hasta ahora.
En fin, habrá que refugiarse de vez en cuando en placeres sencillos como estos... si podemos.

Fartones dijo...

Como los dexen, como los dexen, que ya tan equi y agora ye turnu de que los otros 29 diputaos yos-paren los pies. A mi sorprendieronme la primera vegada, dempues sientes a la de bienestar social, Fomentu y restu de peronaxes y lo que quedes nun ye sorprendiu...ye asustau, polo menos yo.
Voi dedicame a esfrutar de los pequeños placeres porque si non, sufro!

Toni dijo...

Home, yo tampoco voy xintar nunca un domingu...

Fartones dijo...

Toni, por eso lo dicia. Uvieu los domingos (el centru polo menos) ta muertu. Xixon tien vidilla, La Pola, Llugones, ye facil ver xente fuera los domingos xintando. Aviles...yo que se!!!, por eso yera una de les entrugues que me facia!! :-)

David Castañón dijo...

Apúntolo a la llista, anque cada vegada más fuxo d'estes "pijoteques" que van d'espertes en vinos del mundiu y abluquen y güeyente con estrañeza cuando-yos pides un vinu de Cangas.

Que, barrunto yo, aparte d'amosar un cosmopaletismu bayurosu (lo meyor ye siempres lo de fuera), paezme una mala estratexa empresarial agora qu'Avilés ta enllena turistes que quieren consumir asturiano por mor del famosu Niemeyer.

Y equi ye onde nun comparto la vuesa opinión sobre'l edificiu y la so xestión ensín tampoco defender al partíu d'un fartón facista con aires de virrei asturianu. Lo del Niemeyer suena más a abellugu de fartones que quedaron ensín puestín qu'ataque del gobiernu asturianu. Nun creo que naidie quiera que pieslle l'edificiu pero tampoco, o yo polo menos, que tea abiertu a cualesquier preciu.

Y como nun quiero molestar col comentariu nin esviame de l'oxetu l'afayaiza entrada d'esta vegada, xintaré mios prexuicios con pataques y visitaré'l "chigre/pijoteca".

Salú

Pd: "Lo más relevante del hecho es que este Pésico blanco se convierte en el vino de toda España que mejor nota tiene para «Peñín» de cuantos pertenecen a las zonas consideradas como Vinos de Calidad."
http://www.lne.es/occidente/2011/11/03/vino-cangas-triunfa-guia-penin/1151431.html

Jorge Díez dijo...

Muy bueno ese Pésico, en mi opinión.

Fartones dijo...

David, Jorge
Tengo de prebar esi Pesico!!
David
De como te traten nes vinateries pijes, pues nun ye plan. Lo que nun se ye que dicite, porque yo tuve nel restaurante, non nel chigre, asina que nun se nin lo que tienen pa chateu.
De politica...buf, veolo mal. Lo que yo digo ye que'l estau, independientemente de si dempues les xestiones son bones o males como na privada, tien que tar pal abellugu de los ciudadanos cuando les coses vienen mal. Eso, pa mi, nun se consigue solo con recortes, sinon xenerando emplegu publicu, manteniendo la educacion, la cultura y la sanidad y mas coses que se me ocurren. Tal y como vamos, polo que nun paso ye por recortar emplegos, mandar xente a la cai por parte de quie te tien que defender.Si nun hai perres circulando d'esta nun salimos y si hai paru (que l'estau tien que pagar) duldo munchu de les politiques de recorte...

David Castañón dijo...

Completamente d'alcuerdu.

Zuhur dijo...

¡¡Jueeé!!, como sus ponéis... (Mutis por el foro...) - ê_ê