jueves, 20 de septiembre de 2012

Kome (Viseu - Beira alta - Portugal)

N'estes caberes vacaciones (¡onde tan ya, madre mio!) fiximos la nuesa paradina obligada de Viseu enantes de continuar camin pal Algarve. Ente los dies que tuvimos elli l'añu pasau y esti dionos tiempu a prebar dellos chigres magar que colos peques ye abondo dificil alcontrar un nel que podamos xintar bien y toos agustu (los neños pequeños tienen que movese, la cosa ye asina). Teo de dicir que los dos meyores chigres de viseu (el Muralla da Se y O cortiÇo) nun tan preparaos pa neños, anque l'añu pasau llevaronnos al segundu y coincidio que tuvieron tranquilos. Dempues de prebar dellos tipicos portugueses con terraza malos, malos, atopamosnos con el Kome, que ye un chigre de Tapes y Sushi con una terracina n'una cai peatonal na zona vieya de Viseu. Esto significa que nun solo pues xintar sushi y inventos xaponeses sino que tamien ties cuatro cosines tipiques de bacallau y delles coses portugueses con precios populares. Pido disculpes poles semeyes de mano, porque la nuechi y la camara de los moviles nun se lleven na bien. Pa los 4 pidimos 2 Hot Boxes de Gambes. Nun son mas que los tipicos makimonos xaponese, pero el alga esterior ta cruxente debido a un empanau perbonu. Na semeya podeis ver hot y mediu, porque los neños ya y-metieren mano.
A la mesma vegada tomemos un Temaki d'atun. Otra manera de preparar atun con salsa teriyaki dientro d'un alga nori y una especie de pan dulce-galleta (dificil de diferenciar) mecio con too ello (la semeya esta da pena del too)
Pa beber, 2 zumos de naranxa naturales (en Portugal hailo per casi tolos chigres, hasta los de playa), 4 vihos brancos (de xenerosa proporcion), 4 cañes de 20cl y un cafe con xelu y nun llego a los 28€. Pa que digan de los precios equi, viendo que'n Portugal tienen un 23% de IVA y tan a la par de mal que nosotros. Sitiu prestosu cola ventaza de la terraza ensin coches pa llevar guah.es y xintar bien. Si pasais por Viseu teneis otra referencia.

6 comentarios:

Toni dijo...

¿O Cortiço unu de los meyores chigres de Viseu?. ¡Joer! como tará el nivel, porque a mi pareciome cercano al espantu.

Fartones dijo...

Toni, tengolo claro (ya lo lleyera), pero a nos l'añu pasau prestonos asgaya
O cortiÇo .
Digote tamien, qu'a cualisquier sitiu que vaigas en Viseu y entrugues, sueltente "O CortiÇo y Muralla da Se". Estos dos son los de mas "nivel" lo que nun quier dicir que nun haiga mas que presten asgaya como esti de Kome, too depende del tipu de chigre del que tes a la gueta :-). Agora, malu, pero malu de apuntar ye'l Sport a la vera de la estatua de Viriato.

Fartones dijo...

Por cierto, na Pousada tienen unes ofertes de restallu pa agostu cuando nun va nin Dios a Viseu. Polo menos estos dos años aprovechemos los 4. Igual pal que vien ya nun se pue. Eso si, la Pousad tien una cocina normalina tirando a bona, pero ye qu'a un "parador" parez que-y pides mas :-). Eso si, na oferta (se que nun t'aplica) d'agostu los neños xinten de baldre siempre que xintes tu con ellos (vamos, que solos nun puen tar y puntu)

Toni dijo...

También ta bien el Palacio dos Melos onde tuvimos nosotros. Y el restaurante gustonos.

Unknown dijo...

Qué pena lo de les semeyes! De toes formes, el preciu ye bien bonu.
Saludos

Fartones dijo...

Apuntome el restaurante pal añu qu'estos dos ya ten pa tar elli sentadinos y tranquilos :-). L'hotel tien perbona pinta, pero nun tien piscina...un estra imprescindible n'agostu y con guah.es!!

Jose Antonio,
en terraza y ensin lluz, los moviles nun son maquines de retratar, nun hai manera. Si pones el flash salen como si fueren estrelles, si nun lu pones nun se ve na. Ye lo qu'hai!
Portugal, en xeneral ye un pais baratu, home, nel Algarve depende del pueblu y onde vayas, pero siempre hai sitios en zones turistiques que cumplen col preciu(siguiente entrada nel pueblin de Olhos d'agua)