Casa Tino (Entrialgu - Llaviana)

El fin de selmana pasau tuvimos pela zona de Llaviana, aprovechemos un vale d'hotel pa escapanos ensin neños y coincidionos un fin de selmana con muncha ñeve, perprestosu pa dar paseinos pel monte y relaxar, que falta fai. Con esi cutu, una de les meyores coses que se puen facer ye xintar tranquilamente y ensin prieses. La nuechi del sabadu fuimos a un de los chigres mas conocios de la zona, Casa Tino-La Chalana, una parrilla restaurante que ta a la vera del famosu puenti La Chalana dende onde salen los llocos esos que se tiren al agua nel descensu folcloricu del Nalon. Chigre grande, enorme, onde los comedores tan aparte de la zona de sidreria. Siendo tan grande ye verda que nun ye mui afayaizu, pero como enseguida enllenose de xente, nun tuvimos mal. Mantelos de verda, cosa que s'agradez n'un chigre, y atencion profesional que nos dexo plasmaos como furrulaben, dempues vos digo. Dabanos que per esta zona xintar debien xintar como campeones, asina que pidimos un platu pa ca un y...nun nos equivoquemos. La mio muyer pidio un pitin de caleya guisao. Perbono, el peru de que taba un poco soso, pero eso tien arreglu. Guisao nun ye como mas nos gusta, pero taba mui ricu, perbien preparau, sele, bona pieza de bona calida, prietin y venia de compaña con unes pataquines a la panadera. Racion de paisanu cola que cometi l'error de sofitar xintando y claro, dempues nun tuve sitiu pa tola mio comida.

Pela mio parte llamome l'atencion el gochu a la estaca. Y a ello me tire y, tres de la disculpa de que tardaba un poco mas porque taben partiendo'l gochu entovia, llega una bandexa con la de mio madre de trozos de gochu dende costillines con muncha carne hasta llombin, con una salsina perbona. La bandexa taba calentandose perbaxo, colo que la carne siempre mantuvo el calorin. Nun pude con ella, fios, toi en baxo claramente. Prestome asgaya.

De compaña, dos botelles de sidre de L'Argayon y dempues un par de cafetinos con xelu. Almiten tiques y too salio por 28,5€, sí, oyisteis bien, 14,25€ por cabeza. Nun queria dexar la entrada ensin comentar la plasmadura que nos dexaron los camareros (en plan bien, digo). Entremos a cenar y a la par entraben n'un acutau unes 40 persones, amas habria otres 30-40 persones nel comedor nuestru. Bono, pues too eso servio, con una tranquilida, ensin perder la sorisa, ensin nervios atendiendo toles meses nos sos tiempos adecuaos por tres persones que facien eso del "visteme despaciiu que tengo priesa" la masima a siguir.