jueves, 25 de abril de 2013

La Cabaña de Conce (Santuyanu - Les Regueres)



Dionos l'otru día por dir al mercáu de la Flor en Gráu y, como nun podía ser d'otra manera, más que llover nun fixo. Too enlleno de xente y colos neños poco pudimos patear, una pena. El problema llegó a la hora de xintar, día de folixa y tiempu malu, ¿onde van tar los asturianos?, pues xintando, ¿u van tar?, asina qu'en Gráu y alrodios nun se podia dir a dengún llau. Alcordándome de contínuo de les pites roxes del pueblu (famoses en toa Asturies) paeciome una bona solución tirar pal conceyu vecin de Les Regueres, ta a tiru de llanxa del Nalón, y ellí paremos en un d'eso de tola vida de la zona (acordaivos que soi de Llanera).

Sitiu afayaízu de comida asturiana, con culumpios fuera (dempués de xintar nun llovía, pero tenéis que imaxinavos como quedaron les culeres de los guah.es) nel que los fines de selmana sólo trabayen menú.

Pa los neños mediu menú consistente en escalopines con pataques, perseles y tienros. Yo, nel menú de los mayores tireme pol pote y'l cabritu guisao con pataquines. Hai que perdonar al autor de les semeyes, yo mesmu, por nun tener la decencia de sacales colos platos enllenos :-), pero ye que tar a la gueta d'un sitiu onde xintar, tarde, colos guah.es y los mayores esfamiaos, casi nin m'alcorde de sacales. Prestome mas el cabritu que'l pote. El pote nun taba mal, bon compangu (gustome munchu la morciella) pero a mi gustame mas compactu. Esto nun quita pa que nun tuviere bonu. El cabritu prestome muchu porque taba nel puntu xustu de cocina, sele, tienrin y tenía un toque, un plizquín de na de picante que-y daba muncha identidá.

Per otros llaos de la mesa pidieron el llinguau rellenu (nun m'alcuerdo de qué) y'l bacallau con salsina que recibió aplausos.

Bon sitiu u dir cola xente a xintar y nun quedar con fame, eso sí, la prósima con sidre, porque nel menú venía incluíu un Jumilla que yera ideal pa los amantes del Aloyón, Mangas y/o asemeyaos, la madre que me...qu'entrba porque taba frescu y porque un paisanu, ye un paisanu y si hai que lo beber, bébese.

Nun nos cobraron los cafés y'l menú salió por 15€ los nuestros y 8€ los peques. Raciones abondo grandes y xinta prestosa.


10 comentarios:

compangu dijo...

Pues mira tú, que llevo yendo dos fines de semana a tomar un algo por allí...

Lo que pasa es que el "cachopín" de La Manduca era el objetivo.

Pero el sitio tiene pinta de tener buenos fogones, y con buen tiempo, esos columpios son un elemento fundamental para nosotros, los sufridos padres.

Fartones dijo...

Ye lo que tien ser padre, siempre a la gueta dalgo que permita tomar el cafetin tranquilos n'una terracina dempues de comer :-)

Jorge Díez dijo...

Voy a llamar a las autoridades sanitarias, al SEPRONA, al Instituto Nacional de Toxicología y probablemente a algún servicio secreto extranjero. Todo a la vista de lo que dices del vino, ya me entiendes. Si el "Protocolo de cata Pachu" da ese resultado estamos en DefCon 2.

Jorge Díez dijo...

Y por supuesto, has dado con la solución. La próxima, con sidra :-))

Fartones dijo...

Defcon 2 quedase curtiu. De 4 adultos tres con casera y'l paisanu qu'escribaya estes lletres a palu secu. La prosima sidre o la carta vinos, que nun la pidimos, igual hailo bono :-)

Toni dijo...

Voy ser muy malu, pero mucho.

Im-presionante (Jezulín dixit) lo que pone en la web del restaurante:

"Somos Restaurante La Cabaña de Conce, uno de los mejores restaurantes de Santullano, Las Regueras".

;-)

Fartones dijo...

jajaja...!!! pero, ¿hai mas? :-)

Toni dijo...

Home, algunu habrá, ¿no?. ;-)

David López Castañón dijo...

Perbaratu, non?
Otru más pa la llista...

Fartones dijo...

Ta bien, ye afayaizu, tien un par de comedorinos piquiñinos y'l preciu ye bonu.
Lo que vi na so "impresionante" web :-), ye que los cachopos parecen se lo d'ellos tamien.