viernes, 7 de junio de 2013

17º (Palma - Mallorca - Illes Balears)


 Fin de selmana solos, solinos, solitarios ensin neños, ¡qué relax!, que gracies a los vuelos baratos qu'hai en Santander pudo ser en Mallorca. Había sol, sí, esa cosa mariella que'n dellos sitios hasta da calor y nun teníemos otru plan que pasear per Palma, esin más.


La muyer llevaba ya unos díes de trabayu perllí, asina que la primer zona pa xintar teníala claro, la cai de La Fábrica (que ye peatonal) onde'l día antes esfrutó d'un bona xintá con los collacios. N'esti casu camudemos de chigre, guiaos por el programa xeolocalizador pa teléfonos llistos que tienen agora los de los tiques, y caímos na terracina del 17º (sí, eses coses que ponen fuera de los chigres y restaurantes onde pues xintar al aire llibre..¿alcordaivos?)

Acertemos nel sitiu 100%, magar que nun yera un sitiu de comida más tradicional como nel que tuviera ella enantes. Sorpresa prestosa para una xintá informal. Atención agradable (entovía nun tabemos en temporada alta) y profesional, mantelinos individuales, bon día y más prestosa compañia, que vos voi dicir :-). Traxeronnos unes aceitunines perriques mentantu esperábemos por el primer platu pa compartir que foi un "salmón afumaúa enllenu de ensalada de bugre".

Ración estupenda, fresquina, bona marca de salmón y un conxuntu llográu con una salsa rosa sele d'aliñu para la ensalda que venía endolcada con salmón. Bon aniciu


El siguiente platu, foi redondu, "dados d'alcachofa con gambes y aceite de guindilla". Pese a lo que pudiere parecer, nun picaba, un llixeru tastiu al fondu, como debe ser. Riques les gambines acompañaben perbien a unes alcachofes en tempura que si nun yeren fresques (que lo parecíen) tienen que dame'l nome de la conserva.



La compaña de la comida tenía que ser mallorquina asina que carremos con un Margalida 2012 furmientáu en pipa que prestome asgaya. Ciertu amargor final resultón.

Dos cafetinos con Xelu y 27,5€ por cabeza de los que los tiques dieron bona cuenta





3 comentarios:

Toni dijo...

Por esa zona de Palma nun tuve el añu pasau.

Fartones dijo...

Ye paralela al paseu maritimu y per onde'l castiellu. Recomendaro-yla a la mío muyer. La verdá que se sentía falar catalán abondo asina que tamien deben dir los de elli.

Unknown dijo...

Oye, a ver si con tanto sol se te atrofian las branquias y luego no puedes sobrevivir en Asturies, que aquí el primaverano creo que terminó el jueves pasado, tenemos que nadar otra vez :-))