martes, 17 de septiembre de 2013

La Cigala (Olhos d'Agua - Algarve - Portugal)

 Nos caberos dos años que pasemos per l'Algarve coincidimos dellos díes n'esa rexón colos mio pas, asina que ye una visita "obligada" dir pasar un día hasta Olhos d'Agua, esta vegada a unos 30 Km d'onde tábemos nosotros.

Equí los chigres tienlos controlaos el mío pá, asina que onde el nos lleve. Esti añu, tres de quitalu de la guía fartona por baxada de calidá del Ambrosía e Néctar, llevonos a un, que'l añu pasau y-gustara munchu tamién, y qu'esti convirtió en sitiu de referencia del pueblu. La Cigala ta puestu enriba la playa, primera llínea y dende la terraza pues baxar al sable (ideal si los guah.es, que cansen enseguida de xintar, quieren esparder un plizcu y dexar a los mayores un pucuñín de sobremesa). Sólo poles vistes y'l relax merez la pena acercase, si sumes a eso el productu fresco y la bona preparación del mesmu, normal que los mío pas repitan.


Como vos-dicía, si amás de lo que veis nes semeyes, tenemos bona xintá, la cena tien que dir bien.
Pidimos tres d'amasueles a la mariñana, piquiñines, pero persabroses, eso sí, si la salsa mariñana ye'l secretu meyor guardáu del mundiu (dígolo porque nun hai dos chigres que te la pongan igual) y amás camudes el país, alcuentreste una salsina perbona, pero con coses como l'apiu n'ella, que yos-daba esi toque de tastu que yos-gusta tanto perquí (esi que se paez al xenxibre xabonosu). Afortunadamente, nel puntu xustu pa que nos gustare a nosotros. Pidimos tres raciones, porque los neños serán neños, pero fatos non, y ¡¡anda que nun yos-gusten les amasueles y los pexes!!


De segundos, furagañes, creo qu'un par d'elles, a la brasa (grelhadas) nel puntu xustu pa que la carne tuviere tienro y'l pelleyu turriadín pa xintalu tamién. Mui riques. Tengo de destacar que na más llegar al chigre el dueñu disculpose por nun tener una furagaña grande pa los 4 adultos y los dos neños, como y-pidieron al acutar, pero y-foi imposible conseguila esi día, asina que tenía dos más piquiñines que nos fixeron rellambenos y como siempre, cola compaña de ensalada ensin coste extra.

3 botelles de Viho verde (Quinta de Aveleda), cafés, chupitos, zumos de naranxa natural y nun vos se dicir la cuenta que mos convidaron, pero la relación calidá/preciu dicen que ye perbona.
Bono, vais teniendo más sitios qu'apuntar nel país vecín.

6 comentarios:

Toni dijo...

¡Qué casualidad! En Olhos de'Agua tuvimos nostros en 2002 y vamos dar una vuelta pasao mañana. :-)

Toni dijo...

Lo que no comparto ye la opinión sobre los pescaos en Portugal. Pásanlos una burrada. La furagaña de la semeya taría bona pero la pinta nun ye muy allá...

Fartones dijo...

Home, lo de los pexes depende, cuando y-garren el puntu son la hostia :-)
La furagañina taba perbona, ye que presentaronla ya desespinada y partida.
Si pases perqui, ye'l sitiu de la playa, al final de la zona peatonal, a ver si contigo nun la caguen!! :-)

Fartones dijo...

Hostia!! hai opiniones pa tolos gustos del chigre!! jaja, esto del xintar ye como los colores!!!, bono a ver cuala ye la to esperiencia Toni y si ye mala, pues hala a ponela!!! :-)

Toni dijo...

Ayer al final tuvimos xintando en el restaurante Casanova de Albufeira. Y acertamos. Estupendo el atún a la algarvia y cojonudes les costielles de corderu.

Fartones dijo...

Esi voi apuntalu pal mio pa, que de xuru volverá l'añu que vien a la zona jeje