lunes, 23 de diciembre de 2013

Casa Basilio (Ribeseya)

¿Qué se pue dicir de Ca Basilio?, pues que ye un clásicu en Ribeseya, el típicu de tola vida pa dir xintar pescau fresco y nun-y guetes tres pies al gatu.

Día d'avientu espectacular polo que decidimos quedanos  na terracina a xintar con visteas al Seya y a la mar. Eso sí, enantes de colocanos el mantelu (de los de verdá por ciertu) el camareru avisonos, "tengo tres meses delantre pa servir asina que igual tardo un poco". Lo curioso foi que yo esperaba que tardaren la de mio madre, conociendo el percal del dueñu (vamos, que ye un poco repunante pa esto de que lu entaínen coles coses) y nun tardaron nada en tomanos nota y trayenos de xintar. Eso sín enantes de ver la comida entré y nin vi a Basilio controlar, nin vi a un de los fios que conozco, entrome la dulda de si se xubilaría el paisanu y trespasare'l negociu, dulda básica porque ser, sedría un repunante pero los pexes teníalos de primera y claro, un cambiu dueñu, vete saber per onde te sal.

Entamemos con un ensalada mista d'eses que Chicote tiraría abaxu en Top Chef al vela, pero que cumplió colo que tenía que cumplir, dalgo fresquino pa enantes del pexe y tengo dicir que voi destacar el bonitu en conserva que punxeron. Nun sé de que conserva, pero taba bono. Ensalada que valía pa cuatru, eso sí.



Y vamos a lo que vamos, que nosotros equí paremos de vuelta a casa y queríemos ver el Seya y xintar un bon pexe. Asina que pidimos un xáragu a la plancha. Perbonu. Puntín esactu de plancha, un plizcu aceite y un plizcu ayu (que pa mi sobra siempre) pero que nun tapaba el tastu del xáragu, que , por ciertu yera una bona pieza. El casu, que perbon resultáu. Prestonos asgaya.


Dos botellines de sidre Roza que nun taba nada mal, nada mal, mira que nun apuntar el lote!!!. Imperdonable. Anque claro, dempués de llevar dos díes tomando sidre cantabro, dasme una de puxarra y sábeme a gloria.

Dos cafetinos con xelu y una cuenta de 44,5€. Claro, el bichu costaba sus bonos 23€, pero si date por facer una comparanza coles mini-raciones de furgaña a esi preciu que te meten munches vegaes, tampoco yera caru. Al menos a mí, un sitiu nun me parez caru si sales d'ellí sin alcordate de la cuenta y sí de la xintá, que ye xustu lo contrario a lo que nos pasó fai dos díes nel Tonel de Cuayoto. Menos mal que pagué con tiques, que si non vamos pa casa con una sensación de tomadura de pelu y de tirar 40€ a la basoria que pa qué y mira, pagues col Monopoly y ye otra cosa :-).

8 comentarios:

Toni dijo...

El xáragu por la semeya tien pinta de estár pasadín, pasadín...

Fartones dijo...

Pues non. Xustu, xustu la capina esterior.per dientru taba perfeutu.

Jorge Díez dijo...

¡Ay, qué fallo! El lote, eso es, el lote. Recuerda, el nuevo deber "trendy", de ahora en adelante, es debatir sobre los lotes de la sidra :-)))

Fartones dijo...

Jaja....Oye agora yo toi col 16 del amigu y teo dicir, que tando bono ta un plizcu per baxu del 11 que yera'l col que'andaba yo per casa. A ver si m'arimo perlli y dame un 18 pa finar cola discusión :-))))

Anónimo dijo...

Basilio ya no esta por desgracia...
Pero el hijo sigue al frente del negocio.
Un saludo.
Mickelson 1975

Fartones dijo...

Pareciamelo a mi Mickelson. De toes formes al fiu que taba nun lu conocía :-)

David López Castañón dijo...

Agora falamos del llote la sidra? jajajajaja.
Tovía tuvi'n Candas esti día y entrugué nuna sidrería polos palos que tenien y espetome un: pa palu, el batón; nós tenemos Sidra Peñón!

Fartones dijo...

Jaja!!! Que bono!!!