martes, 15 de julio de 2014

Arbidel (Ribeseya)

Un plizcu adelantáu (namás unos díes) pero por razones de feches (esto de cordinase colos güelos ye lo que tien) fuimos a celebrar el mio cumpleaños y, como tou cumpleaños que se tenga a bien una vez metíu nos 40 y más (sic), hai que tirar la casa pela ventana (falar por falar, porque cola crisis esto lo que quier dicir ye qu'un día páseste del gastu normal) asina que fuimos a Ribeseya a sentanos nel Arbidel, chigre qu'esti añu consiguió una estrella Michelín, a esfrutar un poco.

La nuechi nun taba mui allá asina que sentémonos dientro a cenar. Chigre piquiñucu y afayaízu con piedra n'una paré y un mural d'una playa pintáu na otra.

Nun hai ná meyor pa conocer un sitiu de comides que pedir el menú de preba, si ye que lu tienen, n'esti casu a un preciu perbonu (30€ persona col IVA, claro que dempués vienen los estres). Tamién que vas prebando tastos y testures diferentes y novedoses y eso ye una de les coses que más presta.

Pidimos un par de cavines mentantu esperábemos pela cena y con ellos traxeronnos un entamu de la casa, unes llonxines de xamón ibéricu (coyonudu) con unes tostaes con cereales y unos chips de morciella (mercaos, non fechos ellí).




Entovía taba col cava y ya me salió la semeya como pa una priesa. Nun tengo remediu y lo peor ye que son toes d'una calidá tremenda.

Traxeronnos el vinín (un Emilio Moro cr 2009 casi al mesmu preciu d'un menú, equí'l primer estra) un plizcu caldiu asina qu'a la fresquerina 5 minutos, nun más, y pa dientro. Col vinín los dos primeros platos del menú una Ensalada llíquida de maizos y guacamole per un lláu (el platu grande de la semeya) y Tartar de salmón y ocle pel otru.
Perbona la ensalda llíquida, l'amestu de maizos dulces y'l guacamole taba perllograu anque lo más valoratible yera'l la testura del platu ente llíquidu y sólidu ensin ser espuma.
el tartar de salmón afumáu con ocle, normal, nin frío, nin calor, un salmón curiosucu y una bona presentación.


Pasemos a los platos siguientes que yeren tipu vasu; una Brandada de bacalláu con tofi de tomate y almendres que tamién taba perbono (drecha na semeya). L'amestu del tomate dulce col bacalláu taba bono pero'l puntín de les almendres como tostaes y en trocinos piquiñinos yera'l puntu diferencial del vasín esti.

L'otru yera una crema de pataques, coliflor, cúcuma y un berberechu al natural perriba. El berberechu perbono y'l restu nun puedo ser neutral, la coliflor y yo tenemos una relación complicada, dificil, vamos, que nun nos llevamos nada bien, asina que según la mio muyer taba rico; yo comilu que soi un paisanu bien educáu, punxeronmelo delantre y nun diba dexalo ellí, pero hasta ehí puedo lleer.



El primer de los platos principales foi un gazpachu de mazana verde (como non, el color verde nun se nota na semeya), con una parrochina marinada y unos trocinos de xamón crixente perriba y quesu de Pría. Amás d'eso nel platu teníes unes vaines, una faba y dellos trocinos más de verdures.
Francamente, nun entendimos el platu, debemos ser mui burros. El gazpachu ricu, pero les vaines y demás nun pintaben nada ellí, nun aportaben nada, el quesu de Pría perbonu, pero lo mesmo, y la parrochina marinada igual de bona o más, pero nun podíes comela a la mesma vegada que'l restu porque entós el gazpachu nun sabía a nada. Resumen, dempués d'un bocáu del tipu "too xuntu", xintemos el quesu primero, el gazpachu coles caxigalines dempués y la parrocha al final, asina que nun entendimos nada, tendremos que dir a dellos cursos de reciclaxe gastronómicu :-)





El siguiente platu, tomate raff en ensalada con anchoes afumáes y quesu de varé que sí que taba pa rellambese, pena de tamañu.





El cuscús trufau con güevu, setes y repollu foi otru platu que merecía una repetición. Perbon amestu d'ingredientes, tastu impecable y prestosu. Bien.



Nel siguienti casi nin paro. Bacalláu colo que fuera.Porqué nun paro?, facil, a pesar de la estupenda pinta que tenía, la pallabra pa definilu yera incomestible, nun taba bien essaláu y yera fuéu en boca.


Onde sí voi para ye nos detalles, detalle númbero un, el serviciu profesional y atentu durante tola nuechi, llevaronnos el bacalláu disculpándose por ello, más si tenéis en cuenta que a la mesma vegada la mesa con un par de franceses de tras nuestru tamién devolvía el platu. Perbien, pero en La Pola en El Pumarin si yos-pasa esto coles molleh.es a la paisana (la cocinera) da-y un mal. Equí tamos esperando pol cocineru a ver si se-y ocurría camudar el platu o dalgo, más si tienes una estrella Michelín, eso ye namás qu'un detalle de cuidar el negociu, pero na. En fin, él sabrá.

Seguimos col caberu platu fuerte el Papu tostau, puré d'apiu y nabu y remolacha  n'ensalada que taba impresionante, nel so puntu de coción de salsa, de too. A repetir.


Los platos son pequeños, pero son munchos asina que ya fartinos entovía nos quedaben les llambiotaes. Perconseguidu el cremosu de plátanu con piña confitada (unos trocinos piquiñinos que y-daben un gran tastu), cáscara de llímón xelada y mazana.
Llambiotada llixera pa finar la cena y baxar un poco la fartura, eso sí, yo igual daba primeru esti de de final y non el siguiente, por que lo que baxes con esti, xúbeslu col otru :-)
Nun hai nada más que dicir que taba perbonu.

Y pa fina les migayes de chocolate con crema de calabaza, naranxa y xelau de yogur, más contundente, prestome menos, pero taba bono

Pa finar, finar, non, que la parexa finó con un cavina mentantu yo apuraba un GT de Hendricks, asina que esa semeya ya salió borrosa del too :-) y amás, viendo que me daben un regalín, los camareros (impecables tola nuechi) tuvieron el detalle de trayenos una tartina con una vela ensín dicir nosotros nada. Casi nin la prebé, pero taba bona y yera de mazana :-)


Por facer un resumen, la puntuación ye bona, a pesar de lluces y solombres y un mal detalle, el regustu final tuvo bien con una  dolorosa de 57,3 € persona (ya vos dixe que los estres veníen depués)






17 comentarios:

pululante dijo...

Téngole ganas, aunque todavía no me cuadró para ir.
Por cierto vaya pulso que tienes... no te dediques a robar panderetas :-D

Jorge Díez dijo...

¡Ay, los cumpleaños! ;-)
Lamento que haya habido algún lunar en esa comida, porque me parece que el sitio trabaja bien y por lo que celebrabais. Pero es cierto que va un poco al límite a veces, que arriesga y no siempre el resultado es el desado. Quizá aún están asentando ese crecimiento (estrella, fama...) y falte estabilizar su sitio, sus puntos fuertes.
Aún así, qué bueno que Ribadesella siga acumulando buenos fogones.

Toni dijo...

Otru que me falta...

Fartones dijo...

Lo de les semeyes nun ye tola culpa del pulsu, tien xq al tener el HDR activu ensin lluz nun salen bien pero eso fue culpa mio Tamién.
Xurde, llunar el bacallau y más pol detalle que la cocina que pue pasar eso en tolos llanos. El gazpachu, mas que llunar igual foi riesgu. En cualisquier casu ye un bon sitiu

Anónimo dijo...

Por eso somos tan distintos.

Para mi un platazo ese gazpacho, junto con brandada de bacalao y el bocarte relleno de cabrales, muy sutil el sabor de este último.

Saludos

Ovetum

Fartones dijo...

Ovetum, préstame que lu entendieres, el gazpachu digo porque rico taba too, pero cada cosa pel so llau, pero para gustos!! :-)
El bacalláu, nun duldo que salga biem nun foi'l casu del otru día, eses coses pasen, intragable, pero entovía toi esperando al cocineru proponer un cambiu de platu..:-)

SIBARITASTUR dijo...
Este comentario ha sido eliminado por el autor.
Toni dijo...

¿40 años? Son ustedes unos imberbes comparados con Jorge Díez. :-))))))

SIBARITASTUR dijo...

Si tengo que ir al local por esas fotos, me quedo en casa ;). Pon remedio a eso hombre, que uno no se fae una idea.
Con respecto al vino, si tenemos en cuenta que cuesta en tienda unos 16 €, su precio (bueno en restauración) estaría por los 24, no se que os costó.Y me parece un vino muy potente y con madera para ese menú, cómo lo visteis?.
Lo del detalle de no cambiar el plato "fallido" muy mal para el local y suficiente para no volver pero que quieres que te diga?,por 30 € me parece muy competitivo
ahhh y felicidades vieyu, bienvenido a los 40 jajajaja

Fartones dijo...

Jaja!! Toni schhhh!! va oyite don Xurde!!! jaja
Sibarita, 41 ya son 41!! y la prosima tengo que m'alcordar de quitar el HDR que con poca lluz pasan estes coses :-)
Per otru llau, el vinu 28 € y'l menu percompetitivu a arreglar esos detalles d'atención porque un estrella Michelín nun se los pue permitir :-)

Fartones dijo...

El vinu entró bien una vegada más friu de lo que vino. Diba tirame al Pesicu Blanco pero a Marta la cabera vegada que lu tomó nun-y dio munchu más y a mi prestabame da-y al tintu d'esta. Tuvo bien, nun desentonó.

Jorge Díez dijo...

Toni, podría decirte aquello de "habló de putas La Tacones", pero no es elegante ensañarse con gente de cierta (avanzada) edad :-)))

Fartones dijo...

eh!! eh!! tranquilos que esto nun ye Foro coches!! jajaja

David López Castañón dijo...

Voi matate poles semeyes, ne!!

A ver si me lleven en unes selmanes.

Fartones dijo...

Nin!!! Cagón ros!! Nin, nun ne!!! Jaja

pululante dijo...

Ya visitamos el Arbidel. Buena impresión en general pero le faltó un "algo" para que saliésemos encantados.

En este enlace van fotos de lo que comimos (íbamos con otra pareja) y una puntuación de cada uno.

https://www.evernote.com/shard/s27/l/ABsqZIKKjZpDnbdAzCXQ6BwNDh4HqBCUsngA
/

Fartones dijo...

A mi también faltome dalgo y sobrome'l bacallau. Pero bien :-)