lunes, 23 de marzo de 2009

El Castiellu la Zorea (La Manxoya-Uvieu)



Bieennn, bieeen, una salida gastronomica anque seya a una boda, que ya tenia ganes de bloguear dalgo y que fora bono. Pues si, señores con esti capitulo esteno les etiquetes BBC porque si son bonos, ¿porque non?. Amas, creo que nel Castiellu pue comese ensin tener que ser nestes condiciones. Sorprende'l sitiu ya que nun se piensa, yo polo menos, qu'ente Uvieu y La Ribera, sobre too tan cerquina de Sotu y la so termica perguapa, queden sitios maxicos, como una viesca. Desconocialo y hasta tien ruta pa caleyala y too. Pues bien, en meta d'esa viesca hai un castiellu, si, un castiellu tal cual, cola so torre y too, la nuechi y les lluces apuntando pa el quiciabes ayudaron a velu mas guapu. Alreores increibles, con un parking cuidadin e integrau (munchu verde y poco asfaltu) nel ambiente. La sala de BBC ta fuera del castiellu, pero apegadina a el. Cuidau y'n maera, pa que paezca mas afayaizu de lo que ye (por grande, vamos), hai un salon de bodes. Pero vamos a lo nueso, los cocineros d'esti sitiu paecen querer dicinos que non por ser munchos hai que tirar la calida del productu o descuidar la preparacion poniendolo de cualisquier forma. Platos cenciellos, de facil preparacion, pero con muncha complicacion pa que tou'l mundiu (yeremos unos cuantos, ye dicir, una boda de xente) saliese encantau colos puntos de la comida. Los entamos d'enantes d'entrar tamien paecen querer dicir "si nun vienes de boda pue que sepamos amestate tastios y complicar los platos". El que mas me presto, ensin dulda, un trocin de quesu cabra con un cachin de ñuez perriba, vinagre de modena y endolcau n'una tirina de mazana, probablemente asada. De platos principales la tan habitual crema d'andariques pero mui llograda, munchu tastu a marisquin, de les prestoses, y toes nel so puntu de calientes. De segundu (semeya 1) bugre a la plancha, tolos bugres nel so puntu de plancha, enlleninos y ricos...sigo diciendo qu'un o dos nun ye dificil (faigolos en casa de morrer), pero toos a la mesma vegada y toos bien...diz munchu del sitiu. L'ultimu platu patina de corderu (semeya 2). Los malos del llugar, yo, pa que voi mentir, dixe que mui rico pero que de llechal nun tenia na, que daquello yera corderu, pues bien, eso pasome por nun lleer la carta. Tan acostumau a ver "llechal" onde nun lo ye, pa ya que crei que pasare lo mesmo y, non, ponia corderu con toles lletres, asina que perfeutu, nel so puntu de preparacion, rico, tienro y pa repetir. El fallu vino nos postres, home, de tastu rico, pero claro, culant pa toos con tres chocolates ye pretencioso...vamos, que coulans debieron salir 3 o 4, el restu yera'l bizcochu amestau nel platu col chocolate derretiu, pero'n 2 dimensiones, nun en 3, quiero dicir que'l culant taba achaplau nel platin elli, el probe. Pa beber Agnusdei 2007, un albariño correutu que compensaba'l tinto de Marques d'Arienzo crianza 2004, que na de na. El cava, mui rico, Raventos i Blanc brut. En fin, como chaba de menos estes coses y mira, una boda que nos saco de ca, pa bien...sorpresa!!.

16 comentarios:

Antonio Lopez dijo...

ta bien conocer dalgun BBC prestosu, que nunca se sabe jeje
anque esta vegada nun te teo'n cuenta, tabas lloco per surdir a xintar per ehi jeje y con "famona" too presta mas ;-)

Anónimo dijo...

¿Pero a les bodes nun va un a enfilase? ¡Y tovía pides que tea bono! ¿Fízote la boca un fraile, ho?
Vamos dexalo en que naguabes por salir a xintar, que si non...
:-)))

Toni dijo...

Pa ser una boda tien buena pinta.

¿Tá abiertu el restaurante normal?.

Fartones dijo...

Antonio, Jorge
Mangau como'l que mas, eso si, a base d'Albariñu. Los primeros tragos fueron pa tastiar los vinos, dempues acabaose!! :-)

Toni
Pues nun se, la paxina web entovia nun furrula, pero ellos anunciense como hotel-restaurante y si tas elli agospiau tendran que date de comer asina que'l restaurante tien de tar abiertu polo menos pa güespedes :-)

huanho dijo...

Collacio!! Que bono ye vete de nueu n'acción.

Sobre el lugar, van dos veces que voy a cena empresa / boda. En ambos casos he de decir que me sorprendió la calidad de los platos. Es casi imposible lograr un solomillo en su punto con el foie para 300 y pico personas y aquí lo lograron. El servicio también muy atento y el sitio realmente impresiona.

Habrá que probar el hotel, con ese torreón que se divisa. Y si, tienen restaurante en la planta baja del palacio pero no he tenido el gusto todavía.

Finalmente, ¿Como en este siglo se puede tener, para un sitio como este, una página de este calibre? ¿Quien es el responsable?

Fartones dijo...

Huanho cabroncete!!1
diba llamate pa ver cuando nos veiemos :-). Mira, ya sabia de la to opinion del sitiu y cola boda apoyote. La paxina? menos mal qu'hai corresponsalies, porque de boda'n boda cada 2 meses, nun se sostien :-)

Fartones dijo...

Toni
Por ciertu, mira, tas contestau, hai restaurante, ya nos diras que tal se xinta fuera d'una boda, nun vaya ser que'l cocineru nun seya'l mesmu!! :-)

Sibaritastur dijo...

alegrome muchu (buff, mi asturiano..) de leete, pero ties que explicame que ye eso de BBC q non capisco...

Sibaritastur dijo...
Este comentario ha sido eliminado por el autor.
Fartones dijo...

Sibarita
pues ye un acronimu de Bodes Banquetes y Comuniones :-)

Sibaritastur dijo...

jajajajaja, pero q tonto soy....

Fartones dijo...

Non home non!! ye culpa mio que nun punxe lo que yera, crei que tou'l mundio sabia de que diba la babayada!! :-)

Sibaritastur dijo...

no me discutas si soy tonto hombre, jejejejejeje. Es quem lo sabía pero no caí, a veces la memoria y la rapidez mental no es como cabía esperarse...

Fartones dijo...

La culpa tienla el melicu aleman esi que fai que se t'escaezca too...como yera que se llamaba? :-)

Carmen dijo...

Mu prestosu, yo ya fui varias veces.

Fartones dijo...

Carmen
ye dicir, ¿tas sacandonos de duldes y pue xintase ensin ser un eventu? o ¿ye que fuisti varies vegaes a bodes y demas elli?
Por ciertu, espero que t'afayes nesti blogue :-)