sábado, 23 de mayo de 2009

La Bolera'l Peque (La Villa-Villaviciosa)





El fin de selmana pasau fueron les xornaes de la floracion de los mazanos y esti añu mas xustificaes que nunca, nun teo mas que echar un güeyu a los pumares de la vera casa pa dame cuenta de que tamos nel paraisu, como nel valle del H.erte. Asina que del monton de chigres que ponien menu especial, decidimonos a prebar esti, mas que na, porque yera de los pocos que nun tenien merluza a la sidre y porque y-teniamos ganes. El sitiu ye perguapu y afayaizu. Ta faciendo esquina y tal paez qu'enantes de tar zarrau y ser un chigre, yera un sitiu al aire llibre. Zarrau'n piedra y vigues de maera con musica sele de fondu, puestu con detalles moderninos, n'entrando ya te sientes agustu. Fumase, pero ta tan bien aireau que nun hai problema de fumos pa los neños, amas, tien un entoldau y un patiu pa qu'en branu puedan xugar y espardese mentantu tu xintes y yos-eches un güeyu. Nun yera'l dia pa tar fuera, llovia y facia abondo cutu, pero la mayor pudo espardese pel bar. Vi que habia munchos vermus pela barra y les meses que nun xintaben, colo que diome la sensacion de que debien ponelos ricos, pero fuimos güei a tomar un y ye un vermu de lo mas normal, habra que siguir diendo a Ca Suarez a tomalu. Entrando'n materia, el menu de la Bolera consistia n'un milfueyes de mazana caramelizao rellena de xamon ibericu y fua (semeya 1) sobre una base de vinagre, tamien caramelizao, de Modena. Platu llograu, anque yo y-pondria mas fua (pate de fua, pa ser precisos) y lu serviria caliente. Esti sirvieronlu frio, que ye una opcion, pero creo que y-quedaria meyor un golpucu de calor, en cualisquier casu, mui ricu. De segundu pidimos un y un, vamos, qu'habia dos opciones y xintamos una de ca. Per un llau furagaña sobre mermelada de tomate. Gran preparacion d'un llombu de furagaña (de pisci, claro) n'una salsina agridulce de mermelada de tomate, pimientos y perrexil natural con unes pataquines a la panadera (semeya dos). El magret de coriu, a pesar de tar poco fechu y presentau'n trocinos (semeya tres) y con unes pataquines paya y una especie de tartar de mazana y mangu, nun daba la talla, secu, insipidu, mala eleicion, claro que pudo ser qu'otres meses tuvieren meyor suerte col coriu que yos-toco, porque tamos falando d'un menu unicu. De postre, mus de quesu los Beyos con compota de mazana y polvu menta, mui rico (semeya 4), lo del polvu menta debia ser mui polvu (yo nun lu note), pero taba rico. Dicir que la impresion del sitiu foi bona, un fallu n'un platu nun quier dicir que non nos dieremos cuenta de que na cocina hai mano. Llugar afayaizu y prestosu onde los bancos de fuera imiten al Parque Güell de Barcelona y que ye nenos "friendly" . Atencion amable y mas que correuta, pidimos pa la peque una tortillina francesa de xamon que nos la punxieron con pataquines paya y nun nos la cobraron (y taba rica)

amas de tener varios detalles como traenosla lo primero pa que la nena nun tuviera esperando intranquila na trona. Les raciones nun yeren mui grandes, pero tratabase d'un menu conteniu, postre y vino decente incluidu, asina que pue ser que les raciones de carta seyen un plizcu mas grandes. Pagariemos 22€ mas cafes si hubieremos xintao col vino del menu (un Abadia Petrus collecheru 2007), pero camudamos el vino por un Murua Reserva 2001 (mas que na porque tenia otres dos botellines en casa y nun diba camudar el palu pa la cena, ¿non?) y salionos too por menos de 34€/persona. La carta vinos ye dalgo curtia pero tien entraes mas que decentes (Murua, Les Terrases, Flor de Pingus pal que lo pueda pagar...). Bon sitiu, prestosu pa volver en branu :-)

18 comentarios:

Fartones dijo...

Por dexalo claro, el coriu taba bien fechu, colos sos tres colorinos de la carne y too, la compaña yera orixinal, pero'l bichu, como que nun daba pa munchu el probe.

compangu dijo...

Tien buena pinta casi todo lo que probaste.

Pero hoy, el nudo en el estómago que tengo no deja que entre la fame.

¡¡¡VAMOS!!!

Fartones dijo...

A la rica ensaimada!!!... y eso que ye pa lo que ye, cuando nos xuguemos la primera va ser la bomba :-)

pululante dijo...

"milfueyes"... vaya gracia que me hizo la palabra :-)

Fartones dijo...

bono, entiendo que sedria meyor "milfueya", pero a mi tamien me presto :-)

Jorge Díez dijo...

Muy bien descrito, amigo. Sin ser para tirar cohetes es bastante digno y es original, se sale del sota, caballo y rey de muchos sitios pequeños. Como perfectamente lo define el asturiano: afayaízu.
Y lo que comentas del sitio al aire libre es cierto; el nombre no es casual, era una antigua bolera de otra sidrería que está por la cara de la manzana que da a la plaza'l güevu (Ale, ya soy persona non grata para algunos en Villaviciosa por decir esto)

La operación ensaimada progresa adecuadamente, aunque para mi gusto costó demasiado meterle el diente. No sé yo lo que será el segundo plato el domingo próximo. Veremos.

Jorge Díez dijo...

Olvidaba comentar otra cosa: te doy la razón en que seguramente las raciones a la carta son mayores. Cuando estuve la cantidad era generosa. Salvo que hayan cambiado...

Fartones dijo...

Jorge
Pues si, ensin ser un "mega descubrimientu" ye un sitiu curiosu. Espero que nun cambien y otru dia cuentote si lo de carta ye mas xeneroso'n tamañu.
Polo del Güevu nun te preocupes son eses coses que..en fin, tou'l mundiu la llama asina, solo que diz la xente qu'una cosa ye llamala asina y otra ponelo nel papel oficial, yo nun lo comparto, pero nin me va, nin me vien que nun soi de La Villa.

La ensaimada va tar mas dura de la cuenta, pero creo que podremos finala y fartucanos pa nun tener que tomar postre :-)

compangu dijo...

A mí esta ensaimada va costame una úlcera sangrante.

Fartones dijo...

Lo peor ye la espera. Esto de les promociones a doble partiu ye fatal pal corazon. Entovia m'alcuerdo lo mal que lo pase escontra les Palmes que nun pude finar de ver el partiu de vuelta y eso que dibemos con un 3-0

Antonio Lopez dijo...

tien bona pinta'l menu
yo güey xinte uno na terraza da posada, n'aviles, a la vera la residencia, 10 eur y per prestosu, mui lograu, dalgo diferiente, recomiendolu como un de los meyores menus per esi preciu
esti habra que prebalu :-)

Fartones dijo...

Fai tiempu que nun paso pela Posada, tendre de volver. Esti de la Bolera va ser que va costate prebalu, les xornaes ya fueron asina qu'a ver que ponen pal añu que vien :-)

Fartones dijo...

Tony!!! Tony!!!
Tony!!!Tony !!
http://www.lne.es/secciones/noticia.jsp?pRef=2009052700_41_760814__Occidente-blog-gastronomico-tapiego-premiado-salon-Navarra-Gourmet

Almudena dijo...

Qué bien que hayais visitado Villaviciosa.Yo la verdad es que tengo curisidad por visitar este restaurante pero debe de quedar algo escondido...
Saludos desde la Villa

Fartones dijo...

OE, OE, OE, nun ye munchu, pero ye 2ªB!!!!!! Puxa Uvieu.
Almudena
Escondiu, un pelin, pero nun te creas, si mires nel mapa de la güeb veraslo bien, ta na paralela a la plaza'l Güevu, na parte de tras.

compangu dijo...

Cualquier día me da algo.
Lo digo totalmente en serio.

Es nuestro sino.

¡¡¡HALA OVIEDO, COÑO!!!

Fartones dijo...

Compangu
yo los penaltis nun los pude ver. Del campu nun saldria, pero na TV, pudiendo evitar l'infartu, evitase :-)

Anónimo dijo...

I really love your website.. Very nice colors & theme. Did you create this web site yourself?
Please reply back as I'm hoping to create my own site and would like to learn where you got this from or exactly what the theme is named. Thank you!

Look into my web blog :: pożyczki pozabankowe-jastrzębie zdrój