La Posada de Somio (Somio-Xixon)

Pa dellos de vosotros que dalguna vegada fuisteis xovenes la referencia pa saber u ta La Posada de Somio ye'l Xardin, el botanicu non, l'otru, el de la musica. La Posada ta pegando con el. Nun me doi cuenta d'esta Quintana, quiciabes porque de guah.e diba al Xardin pensando n'otres coses que non lo guapes que yeren les cases. La cuestion ye que n'una facienda abondo grande arreglaron esta quintana o corte (vete saber lo que yera) pa dexala n'un restaurante grande, pero bien dispuestu. Rusticu per tolos llaos onde abunda la piedra y les vigues de maera. Fuera tienen un corredor abiertu que permite xintar con esi amestu de fuera y dientru. Vamos, que'l chigre tien rincones afayaizos anque'l comedor principal (de non fumadores) nun ye que lo cumpla, mas que na porque ye tan grande que hai munchu ruidu, pero nun ta mal. Pa los de los neños, na mayor parte nun se fuma y amas ta preparao pa ellos, tienen trones y notase que les camareres tan avezaes de tratar con ellos, hasta salimos d'elli con un par de piruletes :-) (polo menos les que nos tocaron a nos taben d'ello).
De la xinta, entamamos con una ensalada de xamon ibericu (semeya un). La verda que mui rica, el xamon yera bono y eso notose. El contrapuntu col tomatin y la llechuguina, fresquinos daben-y al platu un toque prestosu. De segundos yo tireme pol sollombu de xata a la parrilla (semeya tres) cola compaña de unes setines, y una pataquina asada con mantega. Sollombu de calida, preparau como a mi me presta, vuelta y vuelta. Bona pieza que prebe a cortar col enves del cuchiellu y corto sola de sele que taba. Prestome munchu. Pel otru llau de la mesa pidiose un bacallau braseau. Los bacallaos suponense una especialida de la casa, pero esti polo menos nun fue'l casu. Bona pieza y bien de puntu, acompañau con unes pataquines a la panadera, entovia asina, el bichu dexonos indiferentes, insipidu magar que taba abondo salau. En fin, que nin bonu, nin malu, desabase xintar y ya ta.
Tola comida ficimosla con un Quinta de Tarsus crianza 2006, que taba rico, pero recordabalu mas bono. Hai que dicir que tenia un gran preciu pa ser un chigre, unos 15€ la botella.
Como siempre nun llegamos a los postres y mas porque a la peque a eses altures ya nun hai quien la tea sentada h.e, h.e asina que los cafetinos tomamoslos na terracina de fuera.
Bon sitiu, de raciones grandes pero con calida, nel que les carnes siguen siendo la estrella. La cuenta nun llego a 35€ persona, polo que podemos falar d'un bon preciu. Si nun lu conoceis, que vos preste!