Si, si, ya se que nun tenemos un branu como Dios manda pero de vegada'n vegada sal un dia guapu y habra qu'aprovechalo, ¿o non?. Eso foi lo que fiximos el fin de selmana pasau. Salimos de casa con un orpin cansinu cola esperanza de que na costa nun lloviera polo menos y alcontramosnos con un dia de 25º y sol en Caravia, Asturies nun tien entendedera col tiempu. El casu ye que ya que tabemos per Caravia baxamos pal Arenal de Moris y ocurrioseme que si'l branu ameyora y podemos dir a la playa, ¿por que non espublizar los chiringos decentes qu'haiga?. L'Arenal son dos playes perguapes que tienen un chigre que vos permitira escaeceros del bocata, xintar na terracina mirando'l mar y non solo nun tener que preocuparos por pillar una cagalera, si non xintar abondo bien. Nosotros pidimos una ensalada mista (tipica de llechuga, zanahoria, aceitunes, güevu, bonitu...) grandina y prestosa pa un dia de calor. De segundos de tapeo, unos chipis plancha (semeya un) que taben bien bonos, 12 chipis llimpinos y prestosos colos tentaculos dixebraos del restu'l bichu, ricos. La sorpresa vino poles llampares, racion abundante bien prepara con salsina de sidre, perbones (semeya dos). Paez ser que la cocinera tien carne de maricu y suel salir a lo que toque, n'esti casu llampares del pedreru de rodiles, pero otres vegaes suelen tener pulpu de pedreru, tamien. Vamos, una sorpresa. Dos botellines de sidre Vigon (bon palu), un xelau pa la enana, 2 cafes y 47 €. Sorprende la calida y'l preciu n'un chigre de playa, teniendo'n cuentu que metios de llenu na temporada de turismu lo normal ye salir de xintar de pena y alcordandote de too pol clavu que te metieron. Ah! sorprendiome otra cosa mas, el cafe con xelu traxeronmelu preparau, normalmente nun me gusta que me lu faigan porque la xente nun sabe, pero mira tu, cafe'n vasu grandi con espuma y puntu perfeutu d'azucar, mui bien fechu, ya quixeren cafeteries de postin facelos asina. Ya sabeis, si vais pel Arenal ensin bocata, nun hai problema. A ver si entama'l branu por Dios!!
13 comentarios:
Al verano déjalo como está, que va de sobra (Todavía tengo restos de piel carbonizada de la parrillada en Sariegu)
Buena idea esta de comentar los sitios más humildes que resultan bien. ¿Quién lo diría de un chiringuito de playa? Y además en una zona de Asturias que me encanta. Tomo nota.
Tovia tas asina?. Del chigre, lo que digo, chigre playa sorprendente, pero chigre playa, nun espereis otra cosa. Amas de la comida lo meyor ye xintar fuera mirando'l mar!
Tenian algo de variedad de vino pa escoger?. Si tenemos en cuenta una botlla de vino normalita en vez de la sidra serian unos 13 € mas, osease unos 30 € por cabeza, no esta mal para comer bien mirando al mar.
Una pregunta, si hubierais pedido algo "mas consistente" de comer (tipo un pescado o carne) como saldrían los números?.
Sibarita
con chigre playa refierome a un chiringuitu de tola vida, qu'abre na mas qu'en branu. Vamos, que nin mire pala carta a ver si tenien vinos. De xuru que como munchu alcuentres dellos Rueda o Albariño normalucos. De los pexes lo que vi fueron los tipicos de tapes, parroches, ombrinos (bocartes), ofrecieronme muergos y llampares de mariscu y quedamosnos coles ultimes qu'a mi prestenme munchu y mas cuando me dixo que les marisco la cocinera. Si vas a la playa pues xintar agustu, agora dir solo a xintar, pues nun se, hai mas sitios pa ello :-)
sitiu prestosu pa dir, pero yo nun soy nada playero, voi pegar un calon rapidin y arranco, de todes formes si les llampares tan bonas puede dise anque seya solo per ellas :-)
Les llampares taben bones, damos fe. Lo malo d'estos sitios ye qu'al ser playeros si sal un dia como'l de güei tan enllenos de xente, vamos que pa dir solo por elles tien que compensar munchu'l viaxe :-)
calla por dios, toi de xente y sol...
vengo de la selmana prietu y toi de xente pa una bona temporada, vaya pasada, eso si, llampares non habia ;-), agora, costielles, llambionades y demas abondo
Pero Lolo!! tu yes nuevu n'esto? la selmana prieto ye de nivel complementariu pa aguantar xente!! eso y la FIDMA de Xixon. Vamos, qu'enantes de metete nel barullu tenies de tar entrenau h.e, h.e :-)
Una de mis playas favoritas de Asturias sin duda. Además como ye bastante grande y hay que conducir un cacho para llegar allí nunca está demasiado petada.
El año pasado intentaron convertir el chiringuito en un Lounge Bar de estos tan de moda ¿sigue así este año o volvieron a normalizarse?
Si, la verda ye que la playa anque ye munchu coche y poco sitiu pa aparcar, nun tien xente pa agobiase.
Del chiringuitu, home, lounxe bar d'eso non, dientro ponen los 40 na TV...otra cosa :-)
Estupendo sitio para tomar un vermouth mirando al mar en buena compañía...
Uno de mi sitos favoritos sin duda.
Estupendo sitio para tomar un vermouth mirando al mar en buena compañía...
Uno de mi sitios favoritos sin duda.
Pues agora amas del vermu, ties llampares :-)
Publicar un comentario