Kasko (Bilbao-Bizkaia)

Bien señores, llego la cruda realida dempues de folgar unos dies cola familia, equi onde vivo llego'n forma ñeve ya qu'hai una capina curiosa d'unos 10cm nel prau, perfeuto pa llegar pingando a casa dempues d'unos bolazos colos vecinos y los nenos. Agora, ya mas calmadin de tantu trasiegu pa riba y pa baxo, voi siguir colos chigres de Bilbao. Como ya dixe, voi n'orden cronoloxicu, asina qu'agora toca Kasko, el chigre al que fuimos convidaos por una amiga bilbaina de la mio muyer.
Dempues de pasar el primer dia de pateo pela ciuda, comiendo a base de pinchos d'equi pa elli, tomando vinos y "zuritos" (cortos de cerveza), ver el centru y l'ensanche, cambiar cromos na plaza mayor y inclusu danos el luxu de dir al cine (los que nun tenies nenos piquiñinos nun entendeis estes coses) y ver "la qu'haiga", el Kasko venienos que nin pintau ya que mos pillaba nel centru de camin al hotel (que taba na parte esa de Bilbao na qu'hai qu'usar el piolet pa llegar y que llamen Begoña).
El Kasko ye un piano-bar bien puestu con una pare entera de piedrina, una barra llarga que domina la mandrecha y dellos pexes colgantes que decoren el llocal. Nel fondu la parte de piano. Una pena que siendo domingu y abondo tarde pal horariu europeu que manexen n'Euskadi (como les 22:30) nun habia naide tocando, eso si, musiquina sele pa que los pocos que tabemos elli tuvieremos bien agustin.
El chigre solo servia un menu de fin de selmana con varies opciones ente entrantes y segundos. Pola nuesa parte pidimos una ensala de gambes, con salmon afumau, vinagreta y quesu frescu (semeya un). Mui prestosa, colos ingredientes de bona calida, bon aliñu y tolos platos (esti y los siguientes) de bon tamañu. Entamemos bien, mas cuando esi dia nun tabemos a la gueta d'un mega restaurante sinon d'una bona posada onde descansar un pucuñin.
Siguimos con bacallau al pil pil pa mi (semeya dos) y rodaballu de racion pel otru llau de la mesa (semeya 3). Como podeis ver, bones raciones con bona presentacion y bona cocina. El mio bacallau taba persele, bien desalau y cola salsina a la que solo y-eche de menos un poco mas de guindillina (pero ese soi yo, que xinto la fabada con guindilla).
El rodaballu de racion taba bien llograu a la plancha, y yera un rodaballu ensin casi grasa (xeneralmente tolos pexes de granxa tienen grasa abondo), bien preparadin y nel so puntu que venia cola compaña d'unes gules.
Anque los postres venien col menu, notase que nun somos mui llambiones y comartimos una tarta de chocolate que nun taba na mal.
La carta de vinos ye piquiñina (lo esperado) y pa col menu escoyimos un Aura de Rueda 2008 que agunato'l tipu tola cena.
Serviciu agradable y atentu (tamien yeremos pocos, cosa normal en domingu), prestonos el chigre, la verda que los pasemos bien en Bilbo. El preciu del menu ye d'unos 28€/persona, lo que ta bien. Dientro de poco, pongomo col Etxanobe y fino cola aventura vasca.