Equi, nel norte en xeneral y'n Asturies en particular, tenemos la suerte de qu'en plenu iviernu salgan dies d'escandalu. Eso ye lo que nos paso fai un par de selmanes un domingu de llibranza paterna. Asina y sobre la marcha fuimos pa Xixon a dar una vuelta per onde la Lloca y esfrutar un poco del vientu salau y'l solin d'iviernu.
Nel momentu de parar a xintar dionos pol Bellavista que, magar de tener bones referencies maternes del sitiu, foi una parada impuesta pol dia (semeya un) y non pola xinta, lo que quiciabes contribuyo a la bona esperiencia que tuvimos, ya que nun esperebemos nada en concretu.
Tuvimos como 2 minutos na terraza (a tope de xente) y como se suel dicir, mas val llegar a tiempu que rondar mil años, una mesa marcho de primera llinea y elli esfrutamos d'una mas que digna comida.
Dos platinos pa compartir, de primeru (semya dos) una ensaladina de centollu con cruxente de llangostinos que taba pa rellambese. Bona presentacion, trocinos de verda de centollu na ensalada y unos cruxentes perbonos con un toque dulce dau pol rebozu y por un plizcu de carambelu de vinagre de modena (plizcu, ya veis la semeya) que-y daba contraste al aliñu d'aceitin, sal y vinagrina del platu. Prestosu asgaya.
De segundu, una estrella, sorprendente (semay tres). Tataki d'atun colorao con crema de güeves d'oricios. Bua!! tremendo espectaculu. Cuatru bonos trozos d'atun perfeutos de preparacion ("crudinos" per dientru y mas fechos alrodiu) con una cremina sele que resaltaba el tastu de les güeves y combinaben de....col atun.
Alrodiu, lo verde de la semeya, yera dalgo dificil de comentar, a mi parecieronme como les güeves de les centolles, les que tan casi a vista que nun hai mas que llevanta-yos la tapina que tienen per baxo pa veles, llixeramente gratinaes con wasabi o dalgo asemeyao, pero que nun te mataben a picor, nin munchu menos.
A mi prestame'l vinin como'l que mas, pero estos dies son pa sidre. Dos botellines creo alcordame que de Trabancu, un par de cafes con xelu y un agua pequeña por 24€ cabeza que afrontaron los mio tickets restaurant ensin problemes. Lo mas prestoso, esfrutar del momentu.
7 comentarios:
Pues no se me hubiera ocurrido a mi nunca ir a comer al Bellavista. Aquí, consideramoslu comu un sitiu pa BBC o pa los turistas.
Pero despues de leer esti post voy reconsideralo.
En lo que non tien competencia ye en les vistes que son magnífiques.
Estoy con Manu. Por propia iniciativa nunca hubiera ido pero ya ves. En fin, si un día toca por esa zona...
Home yo tampoco,foi'l bon día que facia Lo que mis llevó a parar. Tando elli foi cuando y-comenté a la muyer que a mío ma gustaba-y munchu'l sitiu.to creo que ente'l día y la sorpresa de Xintar bien Onde nun te Lo esperes ye Lo fixo que prestara más
coño nin
si tien bona pinta, tien coyones l'asuntu
de dir tien que ser prontin porque pel branu ye mision imposible metese pela zona, yo polo menos
Bono Antonio, nel branu y nel iviernu. Nos tuvimos una suerte del quince. Ya te digo, los primeros esperando y d'arreu una mesa'n primera llinea y encima va y xintamos bien :-). Ya te digo que foi una gran sorpresa
el tataki comilu yo p'el branu y taba xenial, xustu nel so puntu,una maravilla meter esi bocau pal'l cuerpu que rico mamina jejeje
Una dubia que me entra, de bodega como véis el Bellavista ho? a mi paeciome curtia
Haiga Salú
Chela
Taba bono eh?. A mi prestome la de de Dios.
De la bodega nun se que dicite, nun mire pa ella, con esi dia solo m'entraba sidre :-)
Publicar un comentario