viernes, 10 de junio de 2011

El Titi de Nava ( Basoreu - Nava)

El Titi de Nava ye un hotel-restaurante situau mui cerquina de Peñamayor de cuyes vistes pues esfrutar xintando nel comedor grande del primer pisu. Comedor ampliu y de los que podiemos llamar poco afayizos precisamente pol tamañu, que sin embargu, si vas n'un dia nel que puedas xintar cerquina de les ventanes mirando pa Peñamayor escaeceste completamente del tamañu del llocal.
Comida cenciella, ensin complicaciones, caserina y con bon productu. Ya lu conociemos
pero esta ultima vegada fuimos siguiendó'l menu de la sidre de la zona de la Comarca.



Entamamos los dos con unes brochetes de pulpu y gambes con ensaladina. Un platu frescu con dos brochetes de pulpin a la brasa y gambes a la planchina. Mui riques. Una ensaladina fresca tipu Florette pa acompañar. Prestosu entamu.



De segundu yo tireme pola carne. Un de les coses que meyor preparen y que prestame abondo xintar equi ye'l cabritu guisadin con pataquines de verda. Como vos digo, nada de complicaciones, bonos trozos de bon cabritu cocinau con cariñu pa que quedare sele de testura. Un bon cabritin perprestosu.

Hasta equi nun habia mas sidre que la que tabemos tomando ente ambos. Curioso esto de llamar a algo menu de la sidre anque paez ser que les brochetes llevaben dalgo de xugu de sidre que yo nun m'alcuerdo de notar. En fin, da igual si ta bono. El segundu de la mio muyer si que ya llevaba. Merlucina a la sidre.



Merlucina fresca con una salsa prestosa de tomate y pimientos con un puntu acidu que-y daba la sidre. Perprestosa esa salsa, tenia un puntin mui bien llograu. Unes amasuelines pa acompañar el platu y un resultau ricu. Ye curioso esto de la merluza que yo recuerdo de piquiñucu como un pexe caru y qu'agora ta'n toles pescaderies mas qu'asequible de preciu. Escepto contaes ocasiones a mi nun ye un pexe que me de mas por el, pero ta perbien de preciu.

Pasemos de tomar los postres y tomemos un par de cafes con xelu, too ello por unos axustaos 25€/persona. Un sitiu a tener en cuenta si tas pela zona.

4 comentarios:

Pululanta dijo...

Vaya pinta que tiene el cabrito! Lo cierto es que lo de las jornadas de la sidra como tantas otras jornadas que hay por Asturias no deja de ser una excusa para atraer al personal, pero bienvenida sea si la comida resulta tan buena!

Fartones dijo...

Pues si, excusa ye, pero hai que promocionar el turismu. En cualisquier casu, si xintes bien lo mesmo da :-)

avello dijo...

pal que s'anime colos postres tienen un xeláu de turrón bien ricu...

Fartones dijo...

Menos mal qu'hai dalguien que toma les llambionaes porque sinon :-)
Afayate mas perqui Avello :-)