viernes, 5 de agosto de 2011

Sidreria Camás (Camás - Cabranes)

Un paisanu ye un paisanu anque y-pegue la muyer (¡teo suerte de que la mia nun me de!), asina que dempues de restaurantes finos tocaba chigre. Camás (nun suelo poner acentos por mania informatica, pero ye importante equi diferenciar el nome) ye un pueblin de Cabranes mas cercanu a Nava, en tiempu de viaxe, qu'a la capital del suyu. Si vais dende Nava, al final del pueblu alcontrareis una sidreria con perbona fama alrodiu a la que nunca fueremos y mira, solinos como tabemos (como chemos de menos a los neños en xunetu, menos mal que ya tamos con ellos, buff) tiremos pa elli, que ta abondo cerquina de casa tamien.

Tres meses pa cenar cola nuesa (na d'estrañar teniendo'n cuenta onde ta) n'un chigre llimpin y con un comedor abondo afayaizu.

Entamemos con una ensaladina mista pa abrir boca, porque equi tratabase de llegar bien la caza. ¡Toma ensalada!, nun se, pa 25, nun pa dos piquiñinos que yeremos. En fin, ye un chigrucu de pueblu, pero atiendente perbien y ponente un bon aceitin y una vinagrina decente pa aliñar.



Lo tipico, aceitunes, anchoes, güevos cocios, bonitin, esparragos, llechuga, cebolla y, sobre too, el tomate, que tenia tastu, igual yera dalgun paisanu de la zona. Enorme ensalada, ensin mas pa abrir la boca pal siguiente platu. El gochu xabaz guisao. Otra racion "piquiñina".



¿Que dicir?, bon xabali, perbien preparau (nel so puntu de tienru), con unos arbeyinos, unos pimientinos y unes pataquines de compaña y ¿la salsina? pues pa moyar el pan, con esi tastu que dexa'l xugu del guisu, uhmmm. Rico. La cabrona de la vida a veces ponte pequeños placeres delantre de la cara pa facete escaecer del mundiu.

Nun sabia si vinin o sidre, pero como nel comedor nun podiemos escanciar, dimos-y al vinu. La carta (ya que tienen) la esperable, pero oye un Coto cr 2007 col gochin xabaz yera de lo mas afayaizo.

Un par de cafetinos con xelu y nun m'alcuerdo de que llegara a los 18€ por cabeza. ¡Chigre's Power!

10 comentarios:

Jorge Díez dijo...

Sí que se cuidan bien en ese conceyu "adoptivo" tuyo, sí.

Fartones dijo...

Pues si, tienen varieda y cantida. Ye una pena que nel mío adoptivu de verda Nun tea igual!,pero teolo cerquina :-)

David Castañón dijo...

"Un paisanu ye un paisanu, anque-y pegue la muyer" debe ser lo más repetío n'Asturies dempués del "Por ti cuchaba en chancles".

Presta saber dalgún chigrín afayaizu entá por Asturies, con tanto "pijeríu" que gastamos nes ciudades.

Pa la saca. Gracies.

Fartones dijo...

Coño Dixebra!! tamien taba lo de "que ye, que'l mi dineru nun val?". Lo que pasa que con tanta crisis esta va convertise n'hestoria :-(
Chigre afayaizu, lo que pasa que ta a desmano de casi too, pa mi non, claro.

Toni dijo...

Quedaríais con fame ¿eh?. ;-)

Fartones dijo...

Yo como Obelix,nunca hai gochu xabaz suficiente!!

David Castañón dijo...

Bono, lo de que tea a deman ye perfeuta escusa pa facer una escursión un día.
Dempués, airease un pocu del vinu y facer turismu per Asturies que ye la gran escaecia dacuando vamos conocer sitios.

Fartones dijo...

Pues si, Dixebra, magar de la falt de lluz esti branu (ya toi naguando pa marchar a "secar") Asturies ye lo mas guapo! y xintar ye la escusa perfeuta pa caleyala :-), polo menos pa mi

Anónimo dijo...

Préstame asgaya'l to blog y escribiéndolo n'asturianu, más tovía. Fuimos nesta Semana Santa a esta sidrería de Camás y quedamos percontentos. El maríu míu xintó sollombu xabalí con patatinos y setes. Según él, taba de viciu y les raciones yeren xeneroses. El serviciu ye amable y atento. Gracies por compartir les tos opiniones con nós.
Un saludín dende Xixón.
Clari.

Fartones dijo...

Pues de na, Clari. Prestame asgaya ver xente nuevo perqui. Espero que alcontreis mas chigrucos nesta paxina que vos presten!!.