lunes, 6 de febrero de 2012

El Rinconin de Les Campes ( La Pola - Siero)

El Rinconin de Les Campes ye un restaurante que ta na plaza del mesmu nome en La Pola. Ta dixebrau en tres plantes onde la baxa ye'l chigre onde podeis tomar unos vininos o unes botellines y les otres dos son del restaurante.

La parte de chigre ye estrechuca y poco afayaiza pa tar y pa mi qu'esa ye un de las razones poles que la terracina de la plaza ta abierta tou'l añu. Esa y qu'a los polesos lo mesmo yos-da que llueva o ñeve, que pa tomar una botella sidre fuera nun hai mal tiempu. Les coses como son.

Los pisos de restaurante son mas afayaizos y prestosos pa tar tranquilamente. Amas, ye una de les poques propuestes de La Pola que s'escapa a la sidreria de siempre pa xintar y hai vegaes que s'agradez camudar el palu de la cena :-).

Mantelinos de verda nes meses, cocina ensin complicaciones, bones vistes a la Plaza Les Campes (si ye que te toca pales ventanes) y bona atencion. En resumen un sitiu prestosu pa xintar abondo bien.

De primeru escoyimos unes zamburiñes a la plancha. Nos caberos tiempos estes zamburiñes al vaciu que venden en munchos sitios tan dando munchu xuegu a los chigres. Ye bon productu, ta'l vaciu colo que'l manexu y almacen nun ye complicao y a poco que les prepares con mimu (plancha, aceitin, sal, y un plizu llimon) dan un resultau estupendo pal xintador.



Una docenina prestosa pa abrir boca.

De segundu y tamien pa compartir, unes mollejes tipiques de La Pola. La verda que na Pola toi viendo que puede gustate mas o menos la manera de preparales (nun tienen na que ver les del Pumarin, coles del Rinconin o les la Ferrada) pero tienen-yos bien garrau al puntu de preparacion.

N'esti casu un estilu guisau, con un plizcu de cebolla, tomatin y guindilla. Mollejes tienres y tastu perbonu. Venien con unes pataquines de verda de compaña n'otru platin. Les mollejines venien "contentines" de guindilla, pero si quies un plizcu mas siempre pues pedir un aceitin o guindillina picao pa da-yos mas vida.



Un pero, de facil arreglu nos dos platos y que depende de la xente, ye'l usu del sal. Normalmente nos chiges tiren de llargu, pero equi dalgun cocineru tien un familiar hipertensu porque el sal yera inapreciable nos dos platos (tres si cuentes les pataquines de compaña), pero garres el saleru mientres tan calientes los platos y arregleslo.

De compaña un Campillo Crianza 2006 que respondio perfeutamente. La carta de vinos ye curtia, pero dalgo puedes rescatar (como esti Campillo) pa facer una bona cenina.
Dos cafetinos y 26€ por persona. D'esti estilu, esin dulda L'Abrelates tien la meyor calida preciu, pero esti ta abondo bien.

8 comentarios:

Jorge Díez dijo...

¡Qué "tristes" estamos últimamente, collaciu! Yo estoy bastante desconectado por motivos laborales pero por lo menos encontré un ratín pa pasar a saludar.
Buena pinta el sitio este, aunque yo la Pola casi no la piso.

Fartones dijo...

Digotelo yo, nin. Tamos en baxu. Yo tamien ando perocupau, no personal y lo profesional. Tengo un "salchichen" que postear Aleman(la selmana pasada tuve que dir elli) y mira que ya paso una selmana y nun tuve tiempu pa poneme. Polo menos saludamosnos.
El Rinconin ta prestosu, ye'l tipicu sitiu nel que igual nun vas dicir que ye la hostia, pero tampoco va decepcionate, vas xintar bien y agustu.

Jorge Díez dijo...

Oye, tú que eres de perderte por esos interiores de Asturies, ¿qué me recomiendas cerca de Espinaréu (Piloña)? Es para unos amigos, presupuesto bajo y poco desplazamiento, lo mismo para comer que para visitar.
Lo puse en Los Diletantes pero no sé si lo habrás leído, y eres una de mis "esperanzas" como fuente informativa ;-)

Fartones dijo...

Hostia nin!!, nun lo llei. Esa zona teola un poco perdia, curiosamente, pero tando en Piloña se d'un al que-y tengo ganes que parez un imprescindimble que ta en La Marea. (La carretera que va de L'Infiestu al Campu) llamase Casa Maruja. N'Espinareu nun hai mas q'una parrilla creo y nun se como se xinta :-)

Jorge Díez dijo...

Tomo nota y se lo paso a mi amigo. Si van ya procuraré que me cuente para dejar información por aquí. Muchas gracias.

Fartones dijo...

Pues perguapo!! dexaime mas info pa ver si voi ya d'una vegada!

AsturTaninos dijo...

Mmm...las mollejas tiene muy buena pinta...nosotros queriamos ir a degustar las mollejas del meson sancho ¿son distintas no?

Fartones dijo...

Ay nin!!. Nun tengo nin idea. Les del Sanchu nun les prebe nunca. Estes taben bones. Na Pola preparenles perbien nel Pumarin y nun taben nada mal les de Los Robles nel Llugarin.
Has de prebar les del Sanchu y ya mos diras.
Prestame ver cares nueves perqui