martes, 5 de febrero de 2013

Doble Q (Quintueles - Villaviciosa)

El Doble Q ye'l chigre del Bal Hotel SPA de Quintueles. Teniemos que gastar un par de vales que nos regalaren facia tiempu del SPA y que meyor que terminar cenando elli mesmo dempues del relax, sobre too en cuanto vi qu'almitien los famosos tiques "anti-crisis". El restaurante ye abondo afayaizu, a pesar de ser d'hotel y ser grande, tien una decoracion que nun tresmite la frialda d'otros sitios, a lo que contribuyo escoyer una bona mesa porque que teniemos el chigre enteru pa nos, o casi. Les coses entamaron perbien pa una nuechi relaxao ya qu'entamaron por traenos un Castiellu de Peralada rosao de convite y un gazpachu de remolacha que taba perbonu y frescu, que por ciertu trai na meta un trocin de quesu semi. La mio suegra fai un de remolacha y sandia que tamien ta coyonudu, pero nun tamos a eso.
La verda que todo diba perbien. Pa compartir pidimos unos llangostinos en tempura de llimon con quesu vidiagu. Una reacion xenerosa de llangostinos bien presentaos, bien tempurizaos (lo del llimon na tempura dexarelo pa los que tengan esos matices nes glandules salivales) con una salsina per baxu de quesu vidiagu (o un del estilu, que yo nun yos pedi'l llibru rexistru). Un conxuntu estupendu, que nos presto munchu. Un platu llograu.
Nos segundos foi onde vinieron los fallos, tanto'n detalles, como en xinta. Pela mio parte pidi un gochin confitau y esgüesau. Perbien presentau con cebollines y verde perriba y unos curiosos trozos de fruta seco que resulto ser piña. Curioso. Una salsa dulce y, bono, el gochin de tastu tiraba mas a gochu grande y tampoco ye que y-dieren el puntu al bichu. El resultau final, normalucu, xintelos abondo meyores y de meyores pieces.
Esto nun dexaria de ser un detallin, pero la furgaña al sal de la otra parte de la mesa, yera mas bien sal con furagaña. Nel mou "mega-tranquilos" que tebemos, diximos-ylo al camareru, pero nun quiximos devolvela a los toriles por: nun "romper" l'ambiente, tener qu'esperar, porque el pexe yera claramente frescu y porque paecia que podia xintase. Error, taba persalao, probablemente dellos poros nes escames de la furagaña fixeron qu'entrare el sal de la cubierta a sacu y podeis imaxinavos. Al casu, que dexemos un cahin piquiñin elli ensin tocar para que'l cocineru dierase cuenta y nun sacara mas esi pexe a naidie, tamien y lo camentamos al camareru... Entovia toi esperando unes "disculpes" o una copina de convite. Ya se, que si nun lu devuelvo y lu xinto, lu pago, pero...un detallin, unes pallabres, que menos!
Con tou esto, nun se pue dicir que seya un mal sitiu, tien munchos puntos a favor y dellos escontra. Amas, como vengas hasta equi a relaxate, equi quedes. De compaña pa tola cena tuvo con nos un Pesico 2010 blancu, tenia ganes de prebalu tantu sentir d'el. Cola mio sabiduria habitual nes notes de preba, dire que prestome, con un tastu diferente al que suel alcontrase nos blancos habituales, tirando como a verde y frutes, pero alcontrelu dalgo faltu de fuercia en boca, eso si, persistente. Un puntu mas escontra, ye'l preciu, menos mal que dibemos colos famosos tiques, tou esto por 96,10€ fain al sitiu tener una relacion calida/preciu un tantu dexaxustada en favor del preciu. Esos detalles hai que los ameyorar, porque na cuenta venia'l pan 4€ que ....en fin y dempues de la furagaña, polo menos los cafes nun los paguemos.

15 comentarios:

Toni dijo...

Esti chigre pue ponese como exemplu de la razón de qu'apenes salga a xintar fora n'Asturies.

Fartones dijo...

Home, dir hasta elli a ello, igual non, pero SPA+Cena romantica igual cai :-)

compangu dijo...

Menos mal que aceptaben lo de los vales, porque si no, menudu ostiazu, compañeru.

Fartones dijo...

Miraralo primero Compangu!! miraralo primero!!. Esos tiques "dannos la vida" a los fartones n'estos momentos delicaos :-)

Unknown dijo...

Vaya, me sorprende. Me da pereza desplazarme pero esa cocina la dirige Álex Sampedro (ex-Tres Caracoles), cuyo aire de familia reconozco en ese gazpacho ;-), y siempre fue un cocinero con fuste. Qué mal asunto :-(

Fartones dijo...

La furagaña pudimos devolvela,foi cosa nuestra aguantala.yera bon productu y taba nel puntu, pero paso-yos dalgo. El gochin, eso, ensin tar malu tampoco taba d'estrella.L'hotel abre 7 dies a la selmana,yera llunes, dalgun día descansara :-). Si caí otru spa vuelvo, ya te contaré

Morgenstern dijo...

Ya tenía entendido que de las cinco estrellas que tiene el hotel sobra cuando menos una, y que el SPA es más bien tirando a piquiñín y escasito de tiempo, pero si además en el restaurante se las gastan asina y encima te sacan la sangre, poco me van a ver por allí.

Por cierto, creía que esa cocina la gestionaba/asesoraba el señor V. Crespo.

Fartones dijo...

Pues el SPA ye tirando a piquiñin, pero ta bien, vamos, un SPA normal. Del tiempu sobraos, siendo llunes nun nos echaron, nin na pol estilu. Les estrelles del hotel, nin idea, el hall ta perbien y tien una salida al xardin que pal branu tien que tomase un vinin peragustu. Agora, el chigre ye caru, yo porque llevaba los tiques y dedicome a esfrutar de la xinta y nun me preocupo de les perres, pero como pagues tu, tien que mancar :-)

Unknown dijo...

Home, con esi nivel de preciu y esos fallos , non me van ver el pelu.

Fartones dijo...

Ta claro, si pagues tu, ye caro :-)

Unknown dijo...

Morgenstern, con los cambios que hay en ese tipo de cocinas me has hecho dudar, pero la información bastante actualizada de Álex Sampedro lo sigue situando ahí. Si alguien sabe otra cosa...

Morgenstern dijo...

Señor Díez, su información es más fiable y reciente que la mía, no lo dudaba pero lo he comprobado ;)

tinyurl.com/a2spx5l

Un saludo

Unknown dijo...

Confirmado pues, Morgenstern ;-)

Fartones dijo...

como siempre, gracies fonderes a mi mesmu por nun tener NPI de quien ta tres de que, pa poder siguir faciendo estos post neutrales :-)
Fuera de coña, gracies por aportar lluz

Unknown dijo...

La tupida red trabaja sin descanso, corresponsalías volantes unos de otros :-))