martes, 25 de junio de 2013

Japonice (Palma - Mallorca - Illes Balears)

Segunda nucehi en Mallorca y tocaba prebar dalgo más sele y, como nos presta asgaya a los dos, la comida xaponesa, fuimos parar al Japonice (qu'amás almitíen tiques, asina que nun se podía pedir más)

Sitiu afayaízu nel que pa sentase chábase de menos delles meses a lo tatami (yo polo menos nun vi denguna), tratu profesional y ambiente relaxáu, nel que xintemos perbien.

Voi pedivos disculpes, pero el mío "****"móvil nun tien flash (y nun me digáis porqué) asina que n'un ambiente de poca lluz y relax, les semeyes salieron como salieron. Si les ponéis más grandes vense meyor los platos :-). Nun lu voi camudar, que vos veo venir, porque ye'l d'empresa y nun me corresponde a mí :-).

Pedimos un tres cosines pa compartir, un sashimi de gamba, atún colorao y salmón, xunto con un Goki d'atún colorao. Taba todo perbono y non, nun nos salió l'atún peles oreyes. Como ya sabéis el sashimi nun ye más que coses crudes perfresques porque si non nun habría quien les comer y el Goki ye como un sushi (arroz y atún endolcaos en alga nori), sólo que con munchu más atún, menos arroz y más grande.



Sorpresa perbnona la del segundu platu a compartir, wok de xata con sesamo, cebolla, brocoli,  zanahoria y arroz. Tremendamente xugoso, prestosu, too nel so puntu cocinao con soya. La carne cortao en trozos piquiñinos y too al wok. Realmente bono


De compaña esi famosu vino de CyL que ponen en tolos xaponeses d'España, Oroya 2012 que failo bien con esti tipu de comides.

Como tolos xaponeses de baratu tien lo xusto, o sea, ná porque fueron 36,5€ por cabeza, pero los tiques del puntu coloráu (como l'atún) fixeronse cargu de la comanda pa bientar de les cuentes del personal

5 comentarios:

Toni dijo...

A mi los japoneses, ni fu ni fa.

Toni dijo...

Los restaurantes japoneses quería decir. ;-)

Fartones dijo...

Entendierate, pero ta bien que lo recalques, asina nun tengo que eliminar el primer comentariu por racismu :-)

Pues a mi, prestenme, non pa tolos dies, pero sí que me presten. La presentación, el corte, el productu perfrescu pa poder xintalu crudu y dempues hailos con bona "cocina", esi wok taba ricu.

Anónimo dijo...

Japoneses verdaderos en España la verdad que muy pocos......
Ahora bien,el japo de verdad es una maravilla.

Fartones dijo...

Esti nun ta na mal, too cuenta pa valora, como la compaña, pero na mal :-)