miércoles, 2 de octubre de 2013

El Cafetín (Llastres - Colunga)


¡Tuvieron que ser unos amigos nuesos de Madrí los que nos enseñaren esti sitiu!. Tengome castigáu dende entós :-). La verdá que tien trampa la cosa, porque él anque marchó de neñu tien familia'n Llastres y vien tolos branos, eso ye lo que me digo pa llevantame el castigu, nun creáis.

Al casu, teníen ganes de convidanos dende facía munchu tiempu y de pasu, si podía ser a un sitiu que nun conociere yo, meyor. El Cafetín llevenlo dos moces, la cocinera de Bilbao y la xefa de sala que ye...¡¡oh sorpresa!! d'al pie de Villabona (Robléu), ¡qué piquiñina ye esta Asturies!.
Ta situáu na parte baxa de Llastres, cerquina del Eutimio. El llocal per dientro ta cenciellu y parez abondo afayáizu, pero cola nuechi que facía quedemos na terracina. La terraza ta puesta abondo normaluca con meses de piedra de merenderu y silles de plásticu, claro que, si nos llamó foi poles vistes, ya que al tar altu esfrútense unes vistes de la mar que nun tienen preciu. Amás, colos mantelucos que te ponen ye más que suficiente pa "tapar" eses silles (que danme igual, por ciertu).

Detalle de la casa, una crema de pexe con pan tostadín. Rica, calentina, porque la nuechi taba bono, pero nun dexaba de ser setiembre n'Asturies y a lláu de la mar con esi nordés sele que...¡pa que sigo!. Taba bona y cumplió colo que prometía, templanos un plizcu.



Al centru de la mesa pa compartir, una bona ensalada templada de bacalláu al pil-pil con vinagreta. Estupenda ensalada y ración con un pil-pil sele perriba del bacallaú y que dio pa repartir bien ente los 4. Ya yeren 2 de 2 aqiertos.


Enantes de llegar a los platos principales tuvieron el detalle de traenos otru regalu de la casa, nesti casu unos raviolis de pasta casero enllenos de calamar encebolláu y prietos de la tinta de los mesmos. Realmente bonos, cola pasta nel so puntu y el rellenu increible


Pasemos a los platos principales. Tal y como nos comentaron, lo d'elles ye facer los pexes a la brasa, pa dexalos con esi puntu de tastu a mar y bon productu.

Pela mesa pasaron bacalláu (hubo dellos que dempues de la ensalada todavía yos quedó ganes de siguir col bacalláu), pixín y calamar de potera.


Raciones como véis importantes, el pixín enteru, un bon llombu de bacalláu y un par de calamares. Lo mio yeren los calamares y debo dicir que taben coyonudos, un plizcu duros como ye normal nel calamar frescu y esi tastu mediu dulce, mediu a la brasa. Mui ricos. sobre todo los tentaculinos, ya sabéis.

Del bacalláu y del pixín solo prebe un tenedorazu de ca ún. Bon puntu de los pexes, pasáos los xusto.pa dexa-yos toa la intensidá de la mar. Bona compañía y a esfrutar d'una bona cena.

De postre y dempués d'insitir que ya nun podía más y qu'amás nun soi na llambión, convencieronnos pa trayenos una crema de quesos asturianos, con xeláu de quesu y galleta intermedia de cacagüeses. bua!! que rico. Claro está, que dulce nun tenía más qu'un toque. Postre adictivu pa aquellos como yo que nun llambionamos ná de ná.


Cartes curties (vinu y comida), pero bien medíes y precios que me parecieron conteníos (ye que veníemos de Bilbao y too parecía más barato y convidaronnos asina que tampoco me fixé na cuenta). Tamíen porque venía cola zuna bilbaina, el vino que nos plantamos foi un Itsasmendi BizkaiakoTxakoli 2011, perbonu.
Como vos dixe un sitiu a apuntar n'Asturies. Que sigan asina!

12 comentarios:

Toni dijo...

Viendo les semeyes no apetez mucho precisamente...

Fartones dijo...

Entós ye que cada día saco peores semeyes!! :-) Porque xintar, xinté bien jeje

Morgenstern dijo...

He probado la mayoría de los platos y les puedo asegurar que las fotos no hacen justicia. Si vieran trabajar a Isabel sacando de aquella pequeña parrilla una docena de pescados a la vez todos en su punto exacto comprenderían que no se dedique mucho tiempo a adornar la presentación.

Desde que lo descubrí ha pasado sin duda al Top 3 asturiano, no quiero volver a saber nada de pescados al horno con patatas panadera y demás, el sabor del pescado salvaje a la brasa bien hecho no tiene comparación.

Súmenle unos menús de fin de semana inmejorables (los pueden consultar en su FB), una política de precios razonables, un servicio atento y un respeto absoluto por la materia prima autóctona y de temporada y concluyan que, efectivamente, me confieso profesionalmente enamorado de Isabel y Vanessa. Por muchos años.

Toni dijo...

No lo dudo ni por un momento, pero solo por la pinta de la semeya, el pixín no apetez mucho...

Fartones dijo...

Gracies Morgestern por describir tan bien el punto que-y dan al pexe cola brasa. Ye dificil d'esplicar el tastu a mar y brasa que tienen amás de productu de primera, claro ta.

jajaja Toni, ye que a un pixín ye dificil sacalu guapu n'una semeya, son como Paquirrín, nin posando los cabrones son capaces de salir bien!!!. Ay!! has de prebar el sitiu y lleva tu una bona cámara anda :-)

Unknown dijo...

Le tengo mucho cariño al Cafetín, me gusta, aunque no sea un ejemplo de local cómodo precisamente. Pero se come bien, sin complicaciones, a buen precio y un poco al margen del bullicio de la zona.
Fartones, parece mentira que no lo conocieras; habérle preguntado a mi amigo Xurde, el corresponsal en la zona :-)))

Fartones dijo...

Dígotelo yo, Xurde!!. Esto pasa por nun informase primero!! :-)

Unknown dijo...

Yo, pa llevar la contraria; viendo les semeyes... apetezme!
Hay que dir probalo!

Fartones dijo...

Pues a prebalo Menú, animote a ello...y es oque'l pixin sigue siendo feu :-)

Sibaritastur dijo...

Es verdad que por las fotos no me apetece mucho pero me fío de vuestros comentarios. Taría bien saber el coste de la "operación" o el rango de precios en el que se mueven por una comida así para acabar de hacerme una idea.

Fartones dijo...

El Cafetin.
A ver si furrula l'enllaz. Como ves, una cartina piquiñina como se merez un sitiu d'estos pa nun fallar. Los raviolis fueron detalle de la casa, asina que quita 9,50 de la cuenta :-)

Anónimo dijo...

La cartina está bien, pero suelen tener producto de temporada fuera de carta y sobre todo el el menú degustación con seis o siete golosinas por unos 25 euros -inmejorable rcp- que que podéis consultar en su Facebook. Que lo enlace quien sepa :P