miércoles, 8 de enero de 2014

El Castillo (Santiyana del Mar - Cantabria)


Santiyana ye un pueblu enllenu de chigres de los que nun toos dan la talla, ye lo que tien vivir del turismu, o a nivel de preciu o de calidá. De momentu tenemos cuatru (dempués de varies visites) y nun creo qu'haiga más (porque por más ya paremos y ná).  Del cuartu nin semeyes, nin na, asina que pa otra vegada. Por facer un resumen rápidu y si tais perhí, Parador, El Gran Duque, L'altamira y esti.

 Vamos centranos n'esti, que dientro de lo que ye Santiyana tien una bona RCP (anque nun tien tiques como l'amigu del Altamira que taba pesllao)

Entamemos con unes Anchoes de Santoña masuñaes con AOVE, tomatin frescu y pimientos asaos de gran calidá. Bonísmia y clasica composición que siempre resulta. Nun mos alcordamos d'entrugar la marca de les anchoes, pero vamos, coyonudes.


Dos segundos, pela mio parte un sollombín poco fechu de xata con pataquines de verdá que tenía'l puntu perfeutu y carne de primera (la nuechi anterir antoxóseme un n'otru sitiu y esta tenía que quitame l'afoguín, porque l'otru nun había Dios a xintalu). Quitáu l'afoguín, sentime paisanu :-)

Pel otru llau una furagañina con verdures a la parrilla (vaines, pimientos verdes, calabacín y berenxena) a la plancha con ayu. El sólo pero de que taba un plizcu sosa y hubo que pedir sal, yo taba a lo mio y esta vegada, nin la prebé, pero fíome de la opinión, claramente :-).


Dos cafés con xelu, dos copes de Beronia crianza y 4 copes de Rueda enantes d'entrar a cenar (al final una botella si lo mires bien) por 28 €/persona, lo que pa Santiyana ye salir perbien de preciu.

4 comentarios:

Toni dijo...

No sé, pero por les semeyes los platos tienen una pinta algo triste...

David Castañón dijo...

Apuntau queda'l chigre los Tickets p'acercanos un día por Cantabronia.

Fartones dijo...

Toni
Munchu platu qu'enllenar, pero xíntemos bien con una bona RCP

David
Esi ye'l Hotel Altamira. Xinté unos cascoxos que nun taben mal, ye que ye dificil alcontralos perhí y mira, teniénlos na carta. L'otru día taba trancau, entiendo que pa folgar

Fartones dijo...

Eso sí....nun toméis Somarroza, por Dios!!!! :-)