lunes, 21 de abril de 2014

HR Amada Carlota (La Cotariella - Cabranes)


Nun soi de blogar más d'una vegada un sitiu, pero n'esti casu ye esencial facelo. ¿Por qué?, porque nel Amada Carlota suelen trabayar con menús y agora mesmu tienen un menú xaponés colo que les esperiencies nun tienen na que ver d'un momentu a otru, eso sí, el hotel sigue tando nel mesmu sitiu perguapu de Cabranes, amás de que presta xintar n'un sitiu onde cuiden los detalles de la cena como fain ellos.


Obligao ye poner la semeya de la xintá porque col xaponés entovía nun m'aclaro :-). Como ye típicu que te pongan, variedá de platos y tamién cantidá, porque acabemos con una fartura de les que fain época, pa que dempués digamos que l'arroz y l'ocle nun llenen, buf. De primeru sopa de misu coloráu. Esto lo que llevaba yera tofu, xampiñones y un ocle que debía ser el wakame de la ensalada siguiente. Mui rica, pa dir entamando cuerpu.


Ensalda de wakame con gamba d'agua dulce y pulpu en salsa de soya. Pues eso, un verde con mariscu crudo con unos toques d'aceite de sésamu que la dexaben perprestosa.


Entamando ya colos platos fuertes, brocheta de pitu al teriyaki. Pues llográu, sí, nun sabría esplicar bien el tastu, pitu tipu guisao endolcáu n'una salsina de teriyaki (otra variedá de salsa con soya) que y-daba nun sólo un tastu diferente a lo que tamos avezaos, si non que amás tenía una testura diferente diendo a lo xelatinoso. A mi foi un platu que me prestó munchu, por diferente.



Sashimi de salmón y atún. Llixeramente marcaos pa aquellos que crudo, crudo nun son, unes fueyes y una salsina de naranxa al rodiu. Perprestoso el marcau, la memoria ye lo que tien, pero nun yera sólo plancha, llevaba un mini rebozu con un tastu perbono (tuve que lo apuntar...esti mélicu alemán va finar conmigo).

Seguimos cola cena y ya reventando llega la tempura. Hala!! otru platu piquiñín con gambes y verdures en tempura (calabacinos, pimientos..)  perfeutu de puntu de tempura y verdures cruxentes.

Pero nun contentos con reventanos, llegó'l platu fuerte, los diferentes sushis. Platazu pa dexanos en sitiu. Too productos frescos, como nun pue ser otra (gambes, gambes d'agua dulce, salmón, atún, aguacate, sepia...) nes diferentes formes de amestar l'arroz col ocle y los productos.

 Al postre lleguemos porque taba nel menú, pero ya ensin semeya, que nun me daben les fuercies pa calcar la pantalla del movil, a mi que nun me dan más prestome porque nun yera una llambionada del copón.


El vinín que tuvo con nos foi un cabronazu de Zamora, dígolo porque llamábase Malandrín 2012, vino blancu de la tierra zamorana 100% verdejo. Nin idea hasta nun tomalu equí, frescu, ácidín pero nun muncho. A mi prestome.

37,5 € por cabeza ye un preciu perrazonable (Carlos a ver si pones tiques :-), ho!! ) que con otres dos copes de ribeiro enantes de cenar quedó'n 39 € cabeza

En fin, cena románticona n'un sitiu prestosu :-)

10 comentarios:

pululante dijo...

Localización espectacular. Menús degustación buenísimos, con calidad, de presentación muy cuidada, y de precio más que apañado. Y el trato siempre muy majos.

El menú japonés no es el mejor de los que he comido ahí, pero es algo diferente. Es que los menús degustación "normales" se salen :-)

Fartones dijo...

lo sé, pero'l xaponés ye diferente. Tolo bono tengo que te lo enseñar, queríu padawan!! :-)

David Castañón dijo...

Pintaza. Vas arreglame'l regalu de cumpleaños jeje

Fartones dijo...

A mi ya m'arregló más d'un. Pues falar con ellos d'un bonu de nuechi + cena + desayunu, por exemplu. Amás de tar pegadín a Torazu que tien bon ambiente de vininos y Santolaya que los domingos ta petao col vermú :-)

Toni dijo...

Interesante, pero la comida japonesa no ye de la que más me fae naguar.

Fartones dijo...

Toni. Tamién tienen menús normales como Diz pululante y como pues ver na mío primer visita.

Fartones dijo...

Toni. Tamién tienen menús normales como Diz pululante y como pues ver na mío primer visita.

pululante dijo...

Sí, los menús "normales" están muy muy bien. Recomendados. Ya hemos ido varias veces y repetiremos.

Anónimo dijo...

Son una mala copia de fuente la lloba por dos o tres detalles ponen exactamente el mismo menu incluso unas brochetas de pollo precocinadas cojonudas pero pones que son de pitu.......santos cojones, nosotros fuimos una vez a comer el menu gastronomico y sin mas un sitio no precisamente barato y que el IVA va aparte sin previo aviso

Fartones dijo...

Home, a ca un gusta-y lo que y-gusta. A mi prestneme los dos y son collacios de los de Fuente la lloba, asina que deprenderíen d'ellos. Nel xaponés tienen más trucu los de H.uentes, pero eso nun quita pa qu'equí xintese bien y prestoso.
Del preciu, dicite que yo pagué lo que'l ticket pon, asina que na que dicir a ello.
Del pitu, ratificome, punxe PITU...¿ves el de caleya per dengún llau?..qise dicir "pollo" y non "pollo campero".
Prestame qu'haig mas xente perquí, prefiero, eso si, que se identifiquen, si nun te da más porque poner..queríu anónimu, suena mal!! :-)