jueves, 23 de octubre de 2014

De Tapaencepa (Vigo - Galiza)



De tapaencepa ye lo que podíemos llamar un gastrobar con una carta de picoteo y una cocina con munches posibilidades (polo que pudimos ver na nuesa visita).

Pela mañana, de baxada del hotel a la gueta d'un sitiu pa desayunar llamonos l'atención; De tolos que fueron pasando pel móvil con tiques foi'l que nos llamó más y creo qu'acertemos. O seya, qu'en tocando la xubida pa'l hotel (en Vigo ye dificil nun falar de xubir y baxar, madre que me....) aparemos a xintar.

Too pa compartir, etamemos por un carpachu de renu, como nun venía con trineu, nun vos sé dicir si yera de renu o d'alce o de corzu, pero taba bono. Bien presentáu, per cenciellu, un poco quesu rallao, dalgo de carambelu de vinagre de módena (per riba del quesu, nun del renu) y AOVE. Un aciertu, que diba entrando mentantu charrábemos col camareru y tomábemos una copina d'albariño (Atrium).



Dempués d'eso, pasemos a unes zamburiñes plancha. Una docenina d'elles de bon tamañu, bien preparaesy aliñades con AOVE sal y acabose. Un plizcu soses, que tien fácil arreglu, pero que nun quita para que la tapina tuviera per prestosa.

Un sitiu, que si nun cambia, bien parez que merez la pena esplorar más en detalle la cocina o los platos más ellaboraos porque promete.

Al final, añadir a la cuenta un cafetín con xelu y 5 copes d'Atrium dexando 40€ en total en tiques restaurante.

3 comentarios:

Toni dijo...

Tuve esti veranu en Vigo y pareciome muy triste. Mucho más apagao que cuando yo vivía allí en los 80. Solamente la zona del naútico per la nuechi tenía vidilla.

Fartones dijo...

Pues nun te sé facer la comparanza colos 80, pero sí, esa ye la zona, xunto cola parte vieya de tras del centru comercial esi enorme qu'hai onde'l puertu con forma barcu.
Polo menos el 20th sigue abiertu pal caberu cacharru!! :-)

David López Castañón dijo...

Apuntao polo de los tickets!