sábado, 22 de noviembre de 2014

Quince nudos (Ribeseya)


Una, sólo una semeya saliome d'esti chigre y dempués falo de los Pululantes, ¡qué desastre, fios!, polo menos salió bien.

A lo nueso, del Quince Nudos lleyeere delles bones crítiques y un día que tábemos per Ribeseya dando vueltes coles bicis y los patines pela oriella la playa apetecionos arimanos a xintar (apeteciome, porque nunca tengo quorum pal arroz y igual esi día sí) y porque resulta que tien tiques :-)

El chigre ta cerquina del paséu de la playa, pero metidu pa una cai un tanto fea. Tien una terraza que nun invita a na a quedase fuera pola cai na que está. Dientro ta decoráu con motivos mariñanos, pero per cenciellos, color claru y música sele, un chigre nel que te relaxes y nel que sienteste cómodu. Mantelinos pa de dos en dos persones y presentaciones de platos en pizarra, prestoses.

Traxéronnos unes crocretes de compangu de detallín de la casa, la esperta en crocretes (la mio fía, ta claro) dixo la frase correuta, "gústame lo de dientro" mentantu abría la crocreta y llambía el conteníu. Rico el companguín del enllenu, la crocreta tenía un rebozu percruxente qu'a mi prestome, pero a "crocreta girl", asina, asina. Taben riques en conxuntu y ye la única semeya, asina que mirai bien pa ella.


Pa compartir tomemos unes alcachofes con cruxentes de xamón (12€), una ración de 3 alcachofes partíes a la metá, presentaes con forma de "cuyar" (corazón más tallu) y unos cruxentinos de xamón perriba. Riques

De segundos, chipis planca con puerru, cebolletes cruxentes y tomate secu (10€). 4 unidades d'un tamañu mediu/grande de chipirones que taben espectaculares, francamente ricos.

Crocretes de pitu caleya caseres (9€). 6 crocretes grandes a les que la crocreta girl nun puso denguna pega y xintó una detrás d'otra rellambiéndose. Yo con eso, tengo abondo pa espublizar, porque nun les prebé.


Lleguemos al arroz, y con el quorum del nenu pequeñu, pues dos raciones que pidimos (fartura considerable si pensáis no que xinta l'enanu...poco). Había opciones prestoses y llamatives, pero hai que tener en cuenta que los peques tienen otru tastu entovía, así que nun yera cuestión de pidir coses con muncha fuercia, pa por si acasu, o arroz a banda. En resumen, arroz melosu (nin pa tí, nin pa mí) con chipirones y quesu afumáu de Pría (37 € les dos raciones).

Como ye perceptivu traxeronnos una paellera col arroz, el camareru meciolo delantre nuestru y aconseyonos esperar 2 minutinos pa que posare un plizcu. Dempués de posar (unos 30s, vamos, que teníemos fame) punxímonos a ello. El nenu púnxose vizcu a arroz, que tando bono, tengo un par de peros. El primeru, que tando el 95% perfeutu de puntu, dellos granos taben de garbanceru, esto ye pasable porque ye difícil conseguir un 100% d'armonía, agora, los chipirones tampoco son bugre pa dexar un tastu de la virxen nel arroz, pero faltaba-y dalgo de potencia, supongo que la que conseguiría col quesu de Pría, pero ye que, y mira que lo prebamos toos, el quesu o quedó en Pría o punxo-y una cantidá midía como los chupitos de los yanquis, vamos, que nin taba, nin se lu esperaba, asina que'l arroz quedó comprometíu en potencia. Aún asina queda pendiente una visita pa prebar otres modalidades, parez ser que fuimos los caberos de la temporada en xintar ellí, que piesllen y qu'abren con una nueva carte nel mes de Payares.

De compaña tomemos aguina (2€), un Quinta do Avelino, un Ribeiro acidín y prestosu (18€), pan para 4(5,2€) y 2 cafés con xelu (de papu).

En resumen, 93,4€ son unos 23€/cabeza (siendo xenerosos y contando 4 a xintar), lo que, sin nun llega ser polos tiques, igual quedaba la sensación de RCP carina. N'esti casu foi prestosu.

9 comentarios:

Unknown dijo...

¿Tú también tienes problemas para alcanzar quórum con el arroz? Vamos a tener que pactar arrozadas :-)
Siento que no estuviese todo lo bien que se desea ese que tomaste, porque en general los hacen bien buenos. Aun así se agradece que alguien se anime con variedad de arroces en Asturias, que no es frecuente.

Fartones dijo...

Que va nin!! nun hai manera de dir comer arroz, un desastre eso de "dos raciones mínimu"!!! :-). Bono, en creciendo el guaje pueda que pueda más a menudo ;-)
Camudaron la carta esti mes, asina qu'en teniendo tiques otra vegada animareme a prebar, tando bien lo que xintemos, faltaben-y delles coses...un "dalgo" y nun solo el Pría jeje, pero tuvo prestoso, nun ye normal n'Asturies tratar arroces de munchos tipos.

pululante dijo...

jajaja, te está bien empleado lo de las semeyas por quejarte :-D

Fartones dijo...

Dígotelo yo!!

Unknown dijo...

Por cierto, lo de esa catadora Croquetator que estás creando... :-))) Impagable ;-)

David Castañón dijo...

Tickets? Admite Tickets? No jodas! que tengo muncha gana d'él!!!

Fartones dijo...

Pues hala!! a gastalos!!!Creo que tien los tres tipos, nun sé, yo tengo el cerebru orientau a ver los de los puntos coloraos y pagué con ellos, asina que, verde con asa, calderu :-)

Sibaritastur dijo...

Yo discrepo con el punto del arroz. Lo prefiero al dente pero como todo, es cuestión de gustos. No probé el que comentas pero ayer en #EspirituGastro me gustaron mucho el de carrilleras y el de Zamburiñas (volanderas para ser mas preciso), el de setas y gambas quedó relegado.
David, mira que tener ganas de ir y haberte perdido lo de ayer..; Es para darte jajajaja. Una oportunidad de probar varios de la casa y saber su hacer. Desde luego yo lo recomiendo.
Y Fartones, precisamente ayer estuvimos hablando de eso de "dos raciones mínimo". Es una "putada", es cierto, pero muchas veces las cosas no son por capricho - que en muchos casos lo son- si no por infraestructura, como es este caso. De todas maneras yo no lo desecharía, lo mejor es siempre preguntar si se puede.

Fartones dijo...

A mi prestame mas al dente, d'eso nun me quexe,dixe q menos unos graninos, a mu prestome. Punxe'l pero en lo del quesu, na más. Pero prestonos munchu y volveremos.