martes, 6 de octubre de 2015

Las Cuadras (Ponferrada - El Bierzu)

Las Cuadras ye un chigre afayaizu situau al pie del castiellu de los Templarios, n'unes antigües bodegues. Piedra, maera, meses con banquinos y amplies. Sólo faltaba que se picase bien para tar agusutu y, efeutivamente, asina foi, y, amás, de raciones contundentes.

Tiremos de un par de coses para compartir y les dos fuera de carta. Primero llegaronnos unos pimientinos de Padrón perbonos, carnosos, de bon tamañu y gran tastu. Eso sí, ente toos nun me picó dengunu y eso, que prestame asgaya que dellos piquen, en fin, para la prósima.



De segundu vinieron los papos de xata con pataquines a la panadera. Papos guisaos, ye más, fechos al estilu "carne guisao", con trocinos piquiñinos y guisu con pimientos. Estupendes, tienres, riques, contundentes. Un bon platu para finar con una bona fartura.



De compaña tuvimos a un Godello de la zona, cumplidor y prestosu, Viñalia (apuntelo, apuntelo, aleluya).

Dos cafés con xelu y 23 € por cabeza que nos resultó bien de RCP.

Hai que dicir, que pegáu al chigre hai un Pub, el bombardier qu'usa les mismes bodegues de entornu y que complementa perfutamente la cena ;-)



6 comentarios:

David López Castañón dijo...

Tuvi p'allá p'Avientu y saqué un par de bonos sitios onde fartar, sobremanera Casa Noval (http://www.lesfartures.com/2015/03/casa-noval.html). Esti siempre lo pillé llenu xente

Fartones dijo...

Vímoslu tarde y acutemos en Las Cuadras, que nos lu encamentaren. Perbona pinta Noval.
De toes maneres, tábemos más para picar que para sentanos "en seriu" a cenar, asina que Las Cuadras cumplió perbien :-)

compangu dijo...

Osti tu. 46 €urakos por una de pimientos y una de carne, sin postre... uf. Ya podían ser hermosas las raciones, porque no me salen las cuentas...

Fartones dijo...

Más menos, sí. Baratu nun ye, pero al valoralo too xunto (comida, sitiu, etcc..), quedes con bona sensación (nun d'atracu o reguán como al día siguiente n'otru sitiu). Dicir caro, los pimientos sí me paecieron caros, pero la ración de papos yera abundante y nun me paeció fuera d'otru mundo el preciu.


Toni dijo...

Estoy con Compangu. ¡Vaya rejonazo! Ya podía tar buena la carne...

Fartones dijo...

O díbemos mui mamaos o nun nos paeció sobre la marcha, h.e, h.e. Baratu non, pero los papos yeren como pa dos y taben perbonos :-). Lo malo ye dir a un sitiu, que te cobren una pasta y nun salgas agustu. Doivos la razón pero tuve pensando, 11 de vinu, 16 de papos, 10 de pimientos, agua, pan, cafés y chupitos..Ah!! sí, los cafés sí que fueron caros, ehí sí que flipé...2 € o una burrada asina