El Espacio - L'Espaciu (Lluces - Colunga)

/>


Tranco, una pena. Marcharon pa Madrid

Pa los que nun tenemos la oportunida de dir al profundu (un suañu dende guah.e) quedanos un mas cercanu que tamien tien una facilida especial pa facer viaxar, anque n'esti casu son les papiles gustatives.
Tenia-y ganes a esti chigrin de Lluces y la verda que nun me defraudo. Al pie de la caleya que va pa Llastres y xustu enfrenti del Palaciu de Lluces hai un sitiu nel que podeis esfrutar de tastos mariñanos y de una bona y variada carta de vinos y porque non, tamien ye sidreria y tiren de los palos de Foncueva pa satisfacer al mas sidreru.
La tardi-nuechi acompañaba asina que decidimosnos por un vinin en la terraza del Palaciu enantes de dir a cenar. Esfrutar de les vistes y l'atencion del Palaciu tien un coste pero merez munchu la pena. Ya con entovia mas predisposicion a pasalo bien pasemos a l'acera d'enfrenti y alcontramosnos con un bar chiquitin nel qu'hai que pa pasar al comedor de detras hai que xugar al xuegu d'abrir les puertes...esta nun tien pinta, esta ye'l bañu, esta ye privao...cagüen mio mantu onde se cena que teo fame. Por fin, Dios que sustu! apaez el comedor, abondo afayaizu y sobre too perbien distribuido na distancia de les meses que permite nun tener que sentir les charres de los demas anque seya ensin querer.
Teniendo claro que queriemos un par de ventrisquines (semeya 2), entrugamos por cuantos y qu'entamos podien venir primeru, que la ventrisca farta munchu. Aconseyonos Javier el tomar la ensalada templada de cogorotes de pixin (semeya un). Un timabalin piquiñin de llechuga, tomatin, cebolla pochadina y trozos de cogorote a la plancha con un bon aliñu que facia un conxuntu fresquin y prestosu pa abrir boca enantes del platu estrella. Quede esta vegada con ganes de los famosos garbanzos con bugre del sitiu, pero nun me paecia plan.
Llegaron les ventrisques y que dicir, bon tamañu, bon tastu, bon platu cola compaña d'unos pimientinos y cebolla pochadinos. Golpe de plancha que dexo un platu impresionante y mui xugosina y que dexo una capina cruxente de sal y carne perriba que taba pa rellambese. Nun pudimos coles dos del too, pero casi nun quedo na, doi fe y prestaronnos pola vida.
De compaña un belondrade y Lurton de 2007 que ya conocia, que cumplio como un campeon y morrio como un heroe (ye que la botella vacia cayome a la cubitera y chisco un pucuñin). Quede con ganes de prebar un Ribeira Sacra blanco, pero al mentar la DO casi me maten y nun yera plan. Una pena el dicilo al final de la cena a Javier, el dueñu, porque ofreciose a danos un preba primeru, pala siguienti.
De vino de postre (que yo tomo como si fuera'l postre en si mesmu) solo tenien un PX, eso si, Ximenez-Spinola que taba coyonudu.
La facturina foi adecuada (49,5€ por cabeza) pal tratu y la cena recibido aunque, curiosamente, la ensalada yera lo que descompensaba un poco (pal tamañu, que non la calida, resultome algo cara).
Charra tranquilina con Javier y la muyer a la salida y sitiu a repetir, ensin dulda, esos grabancinos prometen.

Les Marines (Gava Platja-Barcelona)

Agora que llega'l branu nun ye mal momentu de postear esti tipo de sitios playeros. N'esti casu nun se trata d'un chigre de playa sinon d'un bon restaurante que ta n'una playa. Les Marines ta a pocos minutos de Barcelona capital n'un pinar en meta de la playa de Gava. Tien una terracina perprestosa, que foi na que xintamos, colos pinos alrodiu y les vistes a la playina.
La xinta magar de ser de trabayu foi tranquila y prestosa polo que pude prestar dellos detalles a la mesma, tantos como pa poder postealu.
Al calorin de xunu comimos varios platinos pa picar y un platu principal pa ca un. El xamon ibericu nun ye na recomendable nel sitiu, pero'l pan con tomate que diba con el taba pa rellambese. D'estos entamos destacaben pa mi los chopinos a la plancha con un tastu perbonu y especialmente los cruxentes de morciella (semeya de baxo cola meta d'una ya nel butiellu). Un cruxente finu endolcando una morciella de bona calida (tipu matachana) que daba como resultau un conxuntu perfeutu de tastos.

Nel segundu platu tiremosnos la mayoria pol conseyu de la metre, asina que menos una paletilla de corderu con perbona pinta (semeya siguiente) tiremosnos toos pol

gochin (semeya tres)

Les raciones, como suel ser habitual en Barcelona nun son mui grandes, pero'l gochin taba conseguiu, tostadin por fuera, tienru per dientro y xugosu, bon productu y prestosa comida a la vera'l mar.
Llegaron los postres y, ya sabeis que nun soi nada llambion, pero n'esti casu insistieron tanto col carru "del pais" de postres (semeya cuatru) que nun tuve mas remediu que da-y al bizcochu de chocolate y salsina de frambuesa (semeya cincu) que taba perprestosu.



Agora vais matame col vinin, n'un primer momentu quedeme y too col nome, pero ya nun m'alcuerdo, se que prestome mas de lo esperado pa ser un Costers del Segre (tintu crianza pa mas señes) y que na etiqueta predominaba mas el numberu de la collecha (por dicir, 2007) que'l nome del vinu. Espero que los mui entendios adivinen cual yera porque a mi esti melicu aleman amenza ya con dexame palos restos.
Convidaronnos pero crei ver unos 270€ al pasar la cuenta, unos 54€/persona, que pal sitiu en si, la comida y tar en Barcelona paeciome un gran preciu.
Ya sabeis, si un dia nun vos apetez comer na playa el bocata de bonitu con mayonesa de casa o'l de calamares del chiringuitu, igual podeis acercavos a esti, eso si, cuidadin, nun se si almiten la entrada con bañador moyau, chancles y ensin camiseta, nun vos paseis :-)

La Ciudadela (Xixon)

Esto del mundial tienme realmente entreteniu. Normalmente escribo de nuechi, pero claro, tolos dies teo un partidin col qu'entreteneme y toi folgando munchu y dexando pasar munchu los tiempos, que dempues nun m'alcuerdo de lo que cene. Pongome agora porque el Brasil 3-Chile 0 nel 83' dexa claro quien pasa a los cuartos.
La Ciudadela va ser un de los pocos, por nun dicir l'unicu, sitios nos que encamiento que acuteis na parte de fumadores. ¿por que?, bono porque ye la parte de baxo, xustu la qu'asemeya una cuevina, afayaiza y pa parexes, mui italiano. La parte de nun fumadores ye mas normal. Amas, el fechu de que'l reaprtu de les meses na zona la cueva ye como de "reservaos" con dos o tres meses como munchu, fai que tengas poques posibilidades de que na mesa de la vera t'afumen. Nel mio casu, como que nun fumo naide.
Lo dicho, abaxo ta pa parexes y pa miminos cola lluz poco mas qu'encesa.
Enantes de la cena traxeronnos un pate de la casa que nos presto munchu. Val, val, si, tantos dies de mundial nun entrugueis munchu de que yera, creo alcordame que de centollu, presto y como veis na semeya de riba nun yera poca cantida y llego colos sos biscotes.
D'entamu nuesu tiremosnos pol carpachu de gacela. Debio ser el nome, si veo carpachu de güe o de xatu igual nun vamos por ello, el casu ye que'l de gacela si y eso que nun se si de Thomson o de corzu que nun corrio abondo pel so cotu (semeya de baxo)

Apetecianos dalgo fresquin pa entamar y eso foi. Bon carpachu anque pal mio gustu con munches frutes de la viesca, porque nun solo les tenia de compaña, sinon que yeren parte del carpachu, como los trozos d'aceituna na mortadela de los bocates que tomabemos de guah.es.
Pa ca un dimos-y a los pexes. Per un llau de la mesa el meru. Solo llegue a tastialu (tenia una fartura col mio atun del 15) pero taba perbono. Una salsina perrica y un mero nel so puntu y fresquin. La salsina cenciella con un toque amariscau nun ocultaba pa na el tastu del meru. Vais perndoname pola semeya (la de baxu) pero nun se que-y paso al movil a estes altures de la vida, pero'l flash nun flasheaba munchu :-)

Pela mio parte una cosina que taba pa rellambese, atun colorao nel so puntu, vamos, como si fuera un chuleton de güe, tres colorinos a la plancha de la carne. Buff. Ya vos digo que farteme pero bien. Curiosa compaña la de los distintos tipos de sal, maldon, volcanica y otres dos de cuyo nome ya nin m'alcuerdo, ca una (a mi que me presta'l sal pola vida) yera totalmente diferente. Quedome cola mas fina de color blanco (tibetana podra ser?) realmente fuerte, habia que poner poco, pero que bien poco pa nun pasase. Esti platu prestome, nun tien cocina, solo productu bien mercau y salio bien la cosa.


Una vegada mas les mio disculpes pola semeya del atun. En fin, coses de la tecnoloxia.
De compaña tuvo perlli un Belondrade & Lurton de 2007. Un verdejo con crianza qu'aguanto meyor que bien el tipo col atun. A mi prestome munchu. Menos mal que pa too esto taben los tickets restaurante, salimos a 55€ por cabeza, teniendo'n cuenta que unos 17 por cabeza fueron de vinu, como que perbien. Por ciertu, como dicen los especialistes de cine, nun intentes facer esto ensin tickets de comida, que sal mas caro :-)

Fifteen (Londres-Reinu Xuniu)

Londres, que gran sitiu!! en tolos sentios, a mi, que llevaba casi 4 años ensin dir, paezme una de les ciudaes mas afayaices d'Europa, grande, pergrande diria yo, pero a mi que nun me presten les ciudaes asina esta paezme diferente, ta tan dixebra en distintos conceyos que, nel fondu, nun dexa de ser una ciuda fecha de munchos barrios nos que unos son afayaizos y otros menos. Eso si, sigue siendo'l Reinu Xuniu, mas bien Inglaterra, polo que tienen la so idiosincrasia, conducen al reves, tienen un llinea de metro que llamen Circular y nun lu ye, beben cerveza tibia (cada vegada menos polo que vi) y gusta-yos echar muncha pacion a les comides. Entovia asina, a mi prestame.

Esta vegada nun foi una visita de placer, sinon de trabayu asina que n'un par de dies lliaos tuve tiempu pa facer un poco turismu, mercar un par de caxigalines pa los neños y, ya que llevaba regalinos, ¿porque non dame un a mi mesmu?. Nun pude dir al Coriu Gordu (que yera'l mio oxetivu inicial) por dos razones, la primera que nun ta'n Londres centru, ta un poco lloñe y amas nun tenien sitiu ya, asina que tireme por dir al chigre del supermediaticu (pa si quixera Argiñano) Jamie Oliver. Esti home franquicia que ya dispon de nun se cuantos chigres, revistes, programes de TV, fundaciones pa sofitar a los neños probes (semeya d'abaxu) y, digo yo, munches mas coses.

Si, ya se, lo de querer dir al Coriu Gordu y acabar nel Fifteen ye como querer cenar nel Arzak y finar en casa l'Argiñano, bono, menos mal que termine nel Fifteen porque los precios de Londres son pa asustar a un y si llego dir al primeru pue que tuviese que facer el pagu a plazos.
El "Quince" (semeya un) ta cerquina de la para de metro de "Old Street", pue que a un par de minutos como munchu (podeis dir y volver nel "Tube" ensin problemes porque tranca tarde, sobre les 00:00) y tien una politica perrestricta d'acutes, yo fixe la mia por Internet y solo quedabenme (pa un miercoles cualisquiera) les 20:30 o les 21:30 (ultima hora pa entrar) y si nun vas carguente 20 llibres na Visa.
Teneis dos opciones pa xintar, nel chigre na parte de riba o nel comedor, na de baxu, yo cene nel comedor (pa ver semeyes del sitiuwww.fifteen.net)
Tocome un bon sitiu, xustu a la salida de la cocina, que ye abierta a la vista, colo que diba entreteniendome viendo pasar platos mentantu me tocaba a mi.
El comedor, que paeciome abondo orixinal nun solo pol tema la cocina sinon pola decoracion tamien, yera eso si, un tantu ruidosu, ruidu que foi baxando a media que la xente foi marchando (les 20:30 nun ye una hora punta pa cenar equi de miercoles polo menos :-) ).
Nun hai mas qu'una opcion pa comer, menu degustacion que tien pa escoyer cuatru ensalades, cuatru primeros, cuatru segundos y cuatru postres. Si visteis delles vegaes el so programa ya vos imaxenareis que'l Quince ye un Italiano ensin pizza :-).
Enantes d'entamar a pedir traente'l detallin de la casa (semeya 3).

Bon salchichon, aceitunes riques, pan de molde casero y aceitin d'oliva pa moyar. Esto apuntaba bien mentantu diba escoyiendo'l vino. Por ciertu, esto nun debe sorprendevos y menos mal que primero y-di a un par de Guiness n'un chigre. Tuve que cenar con cerveza, siempre me pasa lo mesmo, pero apeteciome vino, una clavada por una copa de vino malo portuguesu (Armanzor) que saliome a 6,5 L, unos 8 €, la copa. Ye lo qu'hai de Paris pa riba, fios.
Dempues de pedir y enantes de llegar la ensalada traxeronme la tipica cuyarina con coses pa abrir boca (Semeya de baxu). Crei entender que tenia frutes y aceite d'oliva pero nun pude tastiar denguna de les coses porque tenia mas xenxibre de la cuenta pal mio gustu. Vamos, que solo tastie'l xenxibre. Esto, nun me presto, a otru igual si, lo mio y esa planta nun ye amor, precisamente.

Ente platu y platu tomenselo con tranqulida, la xusta si vas con xente, ensin prieses, pero ensin pauses, diendo solu debieron creyer que taba aburriendome asina qu'ente la cuyarina y la ensalada la camarera traxome'l caberu numberu de la revista del Jamie (a quien por ciertu nun vi perlli en dengun momentu, claro ta).
LLego la ensalada, perprestosa, ralladura de calabacinos y otra verdura que nun cace, nel puntu de cocion (tirando a crudo) con carne de cangrexu, un plizcu d'oreganu, tomate natural y un ali-oli caserin persele (semeya siguiente)

Ya pela meta de la revista llegome'l segundu platu, el risotto. El nivel de los platos diba xubiendo, esti risotto taba francamente rico, fechu con quesu (como Dios manda), probablemente parmesanu pol tastu tirando a fuerte que dexaba, y non como muchos de los que nos avecen peles Asturies fechos con nata. Unes fabes de mayu al puntu de cocion, otra vegada un plizcu d'oreganu y calabacinos (la verdura de moda, debe ser) y, como nun podia ser d'otra manera, esi tastu a pacion que yos-meten los ingleses en la comida. Vamos, que llevaba mas herbes aromatiques. En cualisquier casu, un arroz redondu de puntu con un tastu perbono. Prestome muchu.

El caberu platu, el que mas me presto, paletilla de corderu esgüesada, de nun se que valle, asao con pimientos del piquillo y calabacinos (si lo de la verdura de moda ye por algo). Impresionante. Tastu, puntu, salsina y'l platu menos especiau de toos, mui poca pacion extra na salsa. Claramente acerte con esti.

Llegue al postre cola ultima paxina de Jamie pelos mundios de Dios y les sos recetes. Mousse de chocolate sobre galleta con frambueses. Rico, mui rico. Postre cenciellu pero llograu. Pa finar como un campeon, porque paez que non, pero a esteas altures ya taba fartu. De compaña col postre ofrecieronme, y acepte, un vinin dulce, un Valpantena Recioto. Nunca lu prebara, un vini tipu Oporto. Prestome ensin mas.

Agora bien la gran entruga....¿cuanto?. Pues una pasta, 60L pol menu, 6,5L pol vinu portuguesu, 9L!! pol dulce italianu, 1L pa la fundacion de los neños del Jamie y 9,44L del 12,5% de propina cargao a la cuenta, fixeron un total de 85,94L...casi 105€ pa una cena ensin "vino" d'una persona. Ta claro, ye Londres, ye caro. Dir al Coriu Gordu igual me dexaba 300L ensin dame cuenta. La cuestion ye saber si te merez la pena venir si tas folgando perqui o non. A mi prestome, pero foi mui caro. Creo que la prosima vegada seguire coles Guiness previes

O meyor, coles Guiness y una super hamburguesa de verdad con pataquines y ensalada que con dos pintes xubieron a 16,95L en un pub cualisquiera de Kensinghton, eso si, que me quiten lo baillao, bono, y a Jamie, un autenticu crack con pasta (h.e h.e)

El Rompeolas-El Rompefoles (Tazones-Villaviciosa)

¿U la felicida?. Hai xente que ye feliz tou'l dia y nun se sabe porque, hai xente que nun ye feliz nunca porque necesiten munchu y hailos, como yo, que d'arreu sorrien, miren alrodiu y piensen "esto ye vida" y sientense felices un ratiquin. Nun ye una cosa solo lo que lleva a esi estau, mas bien la conxura universal que fai que pequeños fechos arrexuntense nel momentu precisu, la compañia, el dia, el solin, la xinta, la mar...nun se, depende'l momentu. Estes, otres o toes xuntes, eso foi lo que mos paso'n Tazones un domingu caulisquier d'esti mes de mayu.
Nun hai munches mas razones qu'espliquen lo bien que tuvimos. Unes gambines a la plancha (la mesma plancha na qu'a mi siempre se me pasen un plizcu mas) col puntu perfeutu, xugosines, xustes de sal, un tamañu guapu, una racion suficiente y un tastu mariñan que daba gustu (semeya un). Un rubiel pa dos persones, al fornu, que nun entraba nel platu, con una salsina con un plizcu de tomate y otru de pimientu, un detalle raru pa un chigre de zona turistica como'l de emplatanulu sobre la marcha quitando-y les espines y, por supuestu, un bichu que taba de muerte (semeya dos).
Sol, tres botellines de sidre seleicionao d'Orizon (Novalin), el nuesu Cantabricu como un platu, otra vegada'l sol, dos cafes con xelu y un "güei puen da-y pol...a la crisis". Los 35€ por cabeza fueron pa la Mastercard, el restu, impagable.

Casa Genio (Mieres del Camin - Mieres)

Casa Genio ye un chigrucu de Mieres con ganes de facer coses diferentes pero na mesma vegada manteniendo el calter de chigre y los sos menus del dia. Aire modernu pal chigre de siempre y con mantelos de verda.
Tres de acutar a una hora prudente ente selmana (esto ye broma, yeren mas de les 15:00) seguia tando enllenu xente y con munchu trasiegu.
Decidimosnos pol menu del dia (15€) pero con un chateo de Ribera del Duero (varies copes) y finando con unos cafes con xelu que dexaron la cuenta n'unos 17€ por cabeza.
De primer platu decidime por una ensalda de xarda escabechao onde se notaba la mano de la cocina planteando una ensaladina con cherry, güevu cocio, vinagreta, mazana y delles fueyes de llechuga y dientes de lleon, amas de la xarda que taba escabechao en casa. Un conxuntu afayaizu y de bon resultau pa entamar.
De segundo decidime polos callinos. Del tipu sele de tastu tenien de too con una salsina un plizcu picante y de poca grasa. Bon amestu de salsa y callos (hai vegaes que xintes callos y paez que xueguen n'un campu distintu al de la salsa).
En resumen, un sitiu interesante nel que tamien hai carta y que ye recomendable si tais per Mieres, que por otra parte ta enllenandose de sitios interesantes (L'Albar, el Cenador del Azul, esti...).
Por ciertu, escaeciaseme comentar que ye un de los pocos chigres que conozco onde enantes de xintar ponente primero unes aceitunines y dempues un detalle de la casa. L'ultimu dia una bisisuas :-) d'eses.
Guei nun toi de munchu animu pa escribir nada, pero esto polo menos relaxa :-)

Don Pedro (Monforte de Lemos-Lugo)

Dempues de la decepcion del O Grelo y dar unes vueltines per Monforte, apetecionos dir a cenar tranquilinos al Parador. Viendo lo rico que taba'l desayunu (eso si, baxai enantes de les 10:30 porque nun reponen gran cosa a partir d'ehi), mal nun podriemos cenar y l'atencion ya sabiemos que diba ser bona. El Parador ye un monasteriu empicorotau nel centru de Monforte a la vera de la torre de "Monte Forte". Como monumentos nacionales les dos coses puen visitase y'l Parador merez especialmente la pena (el patiu ye perguapu).

Nel restaurante, llamau Don Pedro, la mayor parte de les meses tan cerquina de les ventanes, anque esto ye mas d'afayu personal que nun d'esfrute de les vistes (un monasteriu nun va tener megaventanales, claro ta).

Como imaxinabemos, el desayunu nun dexa ser d'autoserviciu, l'atencion foi otra cosa, profesional y cercana, afayaiza y nada agobiante, lo que siempre presta pa poder cenar a la to bola.

De detalle la casa punxieronnos unes cigales plancha con vinagreta que nun taben na mal (semeya un). Cigales grandines que de tastu nun pasaran a la hestoria pero que como detalle agradecense pa entamar una bona cena.

Al centru tiremosnos pol pulpin a la brasa. "Ñam, ñam, hummm, ta bono!!". Perbono diria yo, amas de ser una racion xenerosa. Puntu perfeutu, nin blandu, nin duru, si acasu tirando a un plizcu duru que ye como mas me presta y esi tastu a pulpin bien defniu y mariñan (semeya dos).

Como tenia una zuna tremenda cola xata galega (semeya tres), nun m'entrugueis pero taba antoxau del too, y tres del expediente X de la nuechi antes, tenia que facelo, tuve que pidila. N'esto llego'l sollombu preparau como me presta, vuelta y vuelta, colos tres colorinos famosos, tienru, el tenedor temblabame na mano, pero metilo na boca y... ¡tenia tastu! sabia a xata!, de la bona!. Bien, bien la cena ya taba arreglao del too. Dicir que los pimientinos del padron taben perobonos y que les pataquines nun me prestaron na a pesar de la pinta (taben cocies y dempues frites y asina nun me gusten).

Pel otru llau de la mesa decidieronse poles vieires. Si yo taba d'antoxu cola xata que dicir de la muyer, zamburiñes el primer dia y vieires el segundu. Preparaes con un poco de tomate y un gratin de fornu taben bones, anque nun tan bones como les zamburiñes del O Grelo, si que dicir que foi un platu prestosu (Semeya cuatru).

Pa fina, cosa raro en nos, toco postre, el culant con xelau dalgo (nun m'alcuerdo del dalgo porque creo que nin lu prebe), dulce de naranxa arreglando'l fondo y frutes. Rico, vamos prestonos asgaya (semeya cincu).

Como taben en plena renovacion de la carta de vinos el metre cantonos los que tenia al entamu la cena y recomendonos un que gustonos munchu. Cillar de Silos Crianza 2006. Un Ribera del Duero abondo interesante con una gran calida/preciu que cumplio perfeutamente na cena. Un par de cafes con xelu y, colos vinos dulces paso lo mesmo que colos normales, tenien dos y decidimosnos por prebar un exxperimentu, creo que gallegu, llamau Maria Castaña, vinu macerau con castañes que nun taba mal anque prefiero los mio PX, claramente. La cuenta resulto ser de 44€ por cabeza, que visto lo xintao, teo de dicir que mos sorprendio'l preciu, pa bien, claro.

Con esto finen les nueses andances pela tierra del Mencia. La siguiente ya ye mas cerca, en Mieres del Camin.